ရန်ကုန်မြို့ပြအမွေအနှစ် ထိန်းသိမ်းရေး အရှိန်ရလာမည့်နှစ်

ရန်ကုန်မြို့၏ သမိုင်းဝင် ကိုလိုနီခေတ်လက်ရာ အမွေအနှစ်အဆောက်အဦးတစ်ခုဖြစ်သည့် ၀န်ကြီးများရုံးဟောင်းအဆောက်အဦးအား ပြီးခဲ့သည့် ရက်သတ္တပတ်ကတွေ့ရစဉ်။ ဓာတ်ပုံ - အောင်ဌေးလှိုင်ရန်ကုန်မြို့၏ သမိုင်းဝင် ကိုလိုနီခေတ်လက်ရာ အမွေအနှစ်အဆောက်အဦးတစ်ခုဖြစ်သည့် ၀န်ကြီးများရုံးဟောင်းအဆောက်အဦးအား ပြီးခဲ့သည့် ရက်သတ္တပတ်ကတွေ့ရစဉ်။ ဓာတ်ပုံ - အောင်ဌေးလှိုင်

မြို့တော်ရဲ့ ထူးခြားတဲ့ သင်္ကေတ လက္ခဏာတွေ ထိန်းသိမ်းဖို့ တွန်းအားတွေရှိလာပြီးတဲ့နောက်
ရန်ကုန်မြို့ရဲ့ ဗိသုကာ အမွေအနှစ်လက်ရာတွေ ထိန်းသိမ်းရေးရေစီးကြောင်း ပြောင်းလဲလာတာ
ကို တွေ့ရပါတယ်။

ပြီးခဲ့တဲ့ နှစ်နှစ်လောက်အတွင်း အခိုင်အမာရှိနေသေးတဲ့ ရာစုနှစ်သက်တမ်းရှိ အဆောက်အအုံတွေ
ဟာ အန္တရာယ်ရှိ အဆောက်အအုံတွေအဖြစ် ရန်ကုန်မြို့တော်စည်ပင်သာယာရေးကော်မတီရဲ့
ဆိုင်းဘုတ် အနီတွေ အချိတ်ခံရပြီးနောက်မှာ အရှိန်အဟုန်နဲ့ ဖြိုချဖျက်ဆီးခဲ့ရတဲ့ ဖြစ်ရပ်တွေက
လည်း ဒုနဲ့ဒေးပါ။

ဒါပေမဲ့လည်း ၂၀၁၃ ခုနှစ် နှောင်းပိုင်းကာလတွေမှာ ရန်ကုန်မြို့ ရဲ့သမိုင်းဝင်လက်ရာတွေကို
ထိန်းသိမ်း ရေးလုပ်ငန်းတွေဟာ အခြေခိုင်စပြုလာခဲ့ပါတယ်။ ဒေသဆိုင်ရာနဲ့ စည်ပင်တာဝန်ရှိသူ
တွေက ဖြိုချဖျက်ဆီးမှုတွေ ကို ၀င်ရောက်တားဆီးမှုတွေလုပ်လာကြသလို ထိန်းသိမ်းရေးဇုန်နယ်
မြေကိုလည်း သတ်မှတ်လာခဲ့ပါတယ်။

၂၀၁၄ ခုနှစ်မှာ ဒီသမိုင်းဝင်အမွေအနှစ် ထိန်းသိမ်းတဲ့ လုပ်ငန်းတွေ ပိုမို အရှိန်ရလာမယ်လို့ ရန်ကုန်
မြို့ပြအမွေ အနှစ်ထိန်းသိမ်းရေးအဖွဲ့ (Yangon Heritage Trust -YHT) ကို တည်ထောင် သူ
ဦးသန့်မြင့်ဦးက ပြောပါတယ်။

"ကျွန်တော့်အနေနဲ့ အဆိုးလည်း မြင်နိုင်ပါတယ်။ ဘာလို့လဲဆိုတော့ ဆုံး ဖြတ်ချက်တွေအားလုံး
ဟာ တန်းလန်းတွေပဲ ဖြစ်နေပြီးတော့ ဘာမဆို ဖြစ်သွား နိုင်လို့ပါ" လို့ ၎င်းက မြန်မာတိုင်း(မ်)ကို
ပြောပါတယ်။

"ဒါပေမဲ့ အစိုးရနဲ့ ရန်ကုန်မြို့တော် စည်ပင်က မြို့ပြထိန်းသိမ်းရေးလုပ်ငန်း အတွက် စစ်မှန်စွာနဲ့
ဆုံးဖြတ်ထားကြတယ်ဆိုတာ ပြီးခဲ့တဲ့ ရက်သတ္တပတ်တွေ မှာ အတော်ရှင်းရှင်းလင်းလင်း တွေ့
လာရပါတယ်။ မှန်ကန်တဲ့လမ်းကြောင်းကို သွားဖို့အတွက် ရဲရဲဝံ့ဝံ့လုပ်ကိုင်လာကြသလို ကျွန်တော်
တို့နဲ့ လည်း အနီးကပ်ပူးပေါင်း ဆောင်ရွက် လာကြပါတယ်။ ရှေးအမွေအနှစ်လက်ရာ အဆောက်
အအုံတွေဖြိုချမှာ ကို တားဆီးဖို့တင်မကဘဲ မြို့တော်ရဲ့သမိုင်းဝင်မြင်ကွင်းကို ထိန်းသိမ်းဖို့ အတွက်
လဲ သူတို့ အခိုင်အမာရပ်တည်လာကြပါတယ်" လို့ ဦးသန့်မြင့်ဦးက ပြောပါတယ်။ ရပ်တန့်ထားတဲ့
စီမံကိန်းတွေထဲမှာ ရန်ကုန်မြို့ ကုန်သည်လမ်း၊ အိန္ဒိယ သံရုံးဘေးမှာ တည်ဆောက်မမယ့် ၁၄ ထပ်
ရုံးအဆောက်အအုံ အပါအ၀င် မြစ်ကမ်းနံဘေး ကမ်းနားလမ်းပေါ်က အထပ်မြင့် အဆောက်အအုံ
စီမံကိန်းတွေလည်း ပါဝင်နေပါတယ်။

ကုန်သည်လမ်းနဲ့ ဗိုလ်အောင်ကျော်လမ်းထောင့်က ရာစုနှစ်သက်တမ်းရှိပြီဖြစ်တဲ့ ဂန္ဒီခန်းမကိုဖြိုချဖို့
ခန်းမ ဂေါပကအဖွဲ့က လျှောက်ထားမှုကိုလည်း ပယ်ချခဲ့ပါသေးတယ်။ ထိန်းသိမ်းရေးဇုန်နယ်မြေ
တစ်ခု အဆိုပြုဖို့အတွက် ဒီဇင်ဘာလ အစောပိုင်းက ရန်ကုန်မြို့တော်စည်ပင် က အများပြည်သူနဲ့
သက်ဆိုင်တဲ့ ဆွေးနွေးပွဲတစ်ခုကို ပြုလုပ်ခဲ့ပါတယ်။

သိမ်ဖြူ၊ လမ်းမတော်၊ ဗိုလ်ချုပ် အောင်ဆန်းလမ်းနဲ့ ရန်ကုန်မြစ် ၀န်းရံ ဘောင်ခတ်ထားတဲ့ ဇုန်နယ်
မြေအသစ် ထဲမှာ အဆောက်အအုံသစ် ဆောက် လုပ်ရေးလုပ်ငန်းတွေကို ကန့်သတ် သွားမှာ ဖြစ်
ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - အိမ်ခြံမြေကဏ္ဍ