နေ့စဉ်သုံးအင်္ဂလိပ်သင်ခန်းစာအတွက် အူရီဒူးမှ စာတိုရယူခြင်းဖြင့် သင်ယူလေ့လာနိုင်ပြီ

နေ့စဉ်သုံး အင်္ဂလိပ်စာကို စာတို လက်ခံရရှိခြင်းဖြင့် သင်ယူလေ့လာနိုင်မည့် အစီအစဉ်ကို
အူရီဒူးမြန်မာက ဇွန်လ ၁၀ ရက်နေ့တွင် စတင်ခဲ့သည်။

အဆိုပါ အစီအစဉ်အရ ၀န်ဆောင်မှုကို လျှောက်ထားလိုသူသည် အူရီဒူးကွန်ယက်ကို အသုံးပြုသူ
ဖြစ်ရမည်ဖြစ်ကာ လျှောက်ထားရန်အတွက် 4545 သို့ ON ENGLISH ဟု ရိုက်ထည့်ကာ sms
တစ်စောင်ပို့ခြင်းဖြင့် ဖြစ်စေ၊ *404*62#သို့ ဖုန်းခေါ်ကာ ၀န်ဆောင်မှုကို လျှောက်ထားခြင်းဖြင့်
ဖြစ်စေ ရယူနိုင်မည်ဖြစ်ကြောင်း အူရီဒူးမြန်မာမှ သိရသည်။

လျှောက်ထားရန်အတွက် ပို့ရသော မက်ဆေ့ခ်ျအတွက် အခကြေးငွေပေးရန်မလိုအပ်ဘဲ ရက်ပေါင်း
၃၁ ရက်အတွင်း ငွေ ၈၉၀ ကျပ် ကျသင့်မည်ဖြစ်ပြီး၊ ၀န်ဆောင်မှုသည် ၃၁ ရက်ပြည့်ပြီးတိုင်း
သက်တမ်းတိုး သွားမည်ဖြစ်ကာ ၀န်ဆောင်မှုကို ရပ်တန့်မှု မလုပ်မခြင်း အသက်ဝင်နေမည်ဖြစ်သည်။
ဝန်ဆောင်မှု ရပ်တန့် ရန်အတွက် 4545 သို့ OFF ENGLISH ဟုရိုက်ထည့်ကာ မက်ဆေ့ခ်ျတစ်စောင်
ပေးပို့ခြင်းဖြင့် ရပ်တန့်နိုင်မည်ဖြစ်ကြောင်း သိရသည်။ဝန်ဆောင်မှုသည် ဇွန်လ ၁၀ ရက်နေ့မှ
စတင်ခဲ့ပြီး နေ့စဉ် နံနက် ၁၀ နာရီမှ နေ့လယ် ၁ နာရီအတွင်း အင်္ဂလိပ်စာ သင်ကြားရေး SMS
ကိုလက်ခံရရှိမည်ဖြစ်သည်။ "ပြောလေ့ပြောထရှိတဲ့ နေ့စဉ်သုံး အင်္ဂလိပ်စာဝါကျတိုလေးများကို
စကားစမြည်ပြောရင်းပဲဖြစ်ဖြစ်၊ ချက်တင်းထဲမှာပဲဖြစ်ဖြစ်၊ ပြောရင်းလေ့ကျင့်နိုင်တာပေါ့။
အချိန်မကုန်၊ လူမပန်းပဲ ငွေကုန်ကြေးကျ လည်းသက်သာပြီး၊ တတ်သိလေ့လာထိုက်တာတွေကို
အချိန်တိုတိုအတွင်းမှာ လေ့လာသင်ယူနိုင်ဖို့ ရည်ရွယ်ထားပါတယ်"ဟု အူရီဒူးမြန်မာ၏ လူမှုဆက်ဆံရေးနှင့် ပြန်ြ်ကားရေးအကြီးတန်းမန်နေဂျာ ဒေါ်သီရိကြာညိုက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း