ဥရောပသမဂ္ဂနိုင်ငံများအတွင်း ဒေတာဝန်ဆောင်ကြေး ကောက်ခံမှု ၂၀၁၇ ခုနှစ်တွင်ဖျက်သိမ်းမည်

ဥရောပသမဂ္ဂ အသင်းဝင်နိုင်ငံများအတွင်း မိုဘိုင်းဖုန်းဒေတာဝန်ဆောင်ကြေးကောက်ခံမှု
(romaning charge)ကို ၂၀၁၇ ခုနှစ်တွင် ဖျက်သိမ်းရန် သဘောတူညီမှုရရှိထားပြီ ဖြစ်ကြောင်း
ဥရောပသမဂ္ဂ (အီးယူ)က ဇွန်လ ၃၀ ရက်နေ့တွင် ကြေညာခဲ့ရာ ဥရောပ တစ်လွှားတွင်
အလည်အပတ်နှင့် လုပ်ငန်း ကိစ္စအတွက် သွားလာနေကြသူသန်းပေါင်း များစွာက မနှစ်မြို့သည့်
ဝန်ဆောင်ခ ကောက်ခံမှု အဆုံးသတ်မည်ဖြစ်သည်။

ဥရောပနိုင်ငံသားများ ယင်းတို့နိုင်ငံ ပြင်ပရှိ အီးယူအသင်းဝင်နိုင်ငံများအတွင်း အလည်အပတ်၊
သို့မဟုတ် လုပ်ငန်းကိစ္စဖြင့် ရောက်ရှိနေသည့်အချိန်တွင် ဖုန်းခေါ်ဆိုမှု နှင့် အင်တာနက်အသုံးပြုမှု
တို့အတွက် ၀န်ဆောင်ခ ကြေးကြီးကြီးပေးနေရသည့်အတွက် စိတ်ပျက်နေကြရမှုများသည်
အဆိုပါသဘောတူညီမှုကြောင့် အဆုံးသတ် သွားစေမည်ဖြစ်သည်။

၂၀၁၇ ခုနှစ်၊ ဇွန်လ ၁၅ ရက်နေ့တွင် စတင်သက်ရောက်မည့် အဆိုပါသဘောတူညီမှုကြောင့်
"အီးယူအသင်းဝင်နိုင်ငံသား များသည် အသင်းဝင်နိုင်ငံများအတွင်း မည်သည့်နိုင်ငံတွင်ဖြစ်စေ
မိုဘိုင်းဖုန်းကို မိမိနိုင်ငံတွင် သတ်မှတ်ထားသည့်နှုန်းထား ဖြင့် အသုံးပြုနိုင်မည်"ဖြစ်ကြောင်း
ဥရောပ ကော်မရှင်က သတင်းထုတ်ပြန်ချက်တွင် ဖော်ပြထားသည်။

"ဖုန်းပြောဆိုမှု၊ မက်ဆေ့ခ်ျပေးပို့မှုနှင့် အင်တာနက်အသုံးပြုမှုတို့အတွက် နေထိုင်ရာနိုင်ငံအတွင်း
လစဉ်ကြေးပေးထားပါက အီးယူအသင်းဝင်နိုင်ငံအတွင်း မည်သည့်နိုင်ငံတွင်မဆို ပြုလုပ်သည့်
ဖုန်းခေါ်ဆိုမှု၊ မက်ဆေ့ခ်ျပေးပို့မှုနှင့် အင်တာနက်အသုံးပြုမှုတို့အတွက် ၀န်ဆောင်ခကို
နေထိုင်ရာနိုင်ငံတွင် ကောက်ခံသည့် နှုန်း ထားအတိုင်း လစဉ်ကြေးထဲမှ အပိုကြေးမယူဘဲ
နုတ်ယူသွားမည်ဖြစ်သည်" ဟု အဆိုပါ ထုတ်ပြန်ချက်တွင် ဖော်ပြထားသည်။

လတ်ဗီးယားနိုင်ငံက အလှည့်ကျ ဥရောပ သမဂ္ဂဥက္ကဋ္ဌအဖြစ် တာဝန်ယူထားစဉ် ဥရောပပါလီမန်နှင့်
၂၀၁၃ ခုနှစ်တွင် တစ်ညတာ ဆွေးနွေးခဲ့ပြီးသည့်နောက် အဆိုပါသဘောတူညီမှုကို ပြုလုပ်ခဲ့ခြင်း
ဖြစ်သည်။

အဆိုပါ သဘောတူညီမှုအတွက် ဥရောပပါလီမန်နှင့် အစိုးရအဖွဲ့ ၂၈ ဖွဲ့၏ တရားဝင်အတည်ပြုချက်
ရရှိရန် လိုအပ်နေပြီး လက်ရှိကာလတွင် ယင်းသဘော တူညီချက်ကို 'ယာယီ' ကိစ္စအဖြစ်
သတ်မှတ်ထားသည်။

"ဒါက ရှည်လျားတဲ့ လုပ်ငန်းစဉ်တစ်ခုရဲ့ နိဂုံးပိုင်းပါ။ ဈေးကွက်တစ်ခုအတွင်းက ပြည်သူတွေအတွက်
ခိုင်မာတဲ့ ကောင်းကျိုး ရလဒ်တစ်ခုဖြစ်တဲ့ အခြေအနေတစ်ခု ရလာအောင် ကျွန်တော်တို့
ဆောင်ရွက်နိုင်တဲ့အတွက် ကျေနပ်မိပါတယ်" ဟု ဥရောပကော်မရှင်မှ ပြောခွင့်ရပုဂ္ဂိုလ်
Margaritis Schinas ကဘရပ်ဆဲလ် တွင် ပြုလုပ်သည့် ရှင်းလင်းပွဲတစ်ရပ်တွင် သတင်းထောက်
များကို ပြောသည်။

ဥရောပသမဂ္ဂ အသင်းဝင်နိုင်ငံများ အတွင်း ဆန္ဒခံယူပွဲတစ်ရပ်မပြုလုပ်မှီ အီးယူပြုပြင်ပြောင်းလဲ
ရေးဆွေးနွေးညှိနှိုင်း မှု လုပ်ငန်းစဉ်တွင်ပါဝင်သည့် ဗြိတိန်ဝန်ကြီးချုပ် ဒေးဗစ်ကင်မရွန်က အဆိုပါ
သဘောတူညီချက်ကို 'သတင်းကောင်းတစ်ရပ်'ဟု ထုတ်ဖော်ပြောဆိုထားသည်။

သို့သော် နှစ်နှစ်အတွင်း ပြည်တွင်း မိုဘိုင်းဝန်ဆောင်မှုပြင်ပ ဒေတာဝန်ဆောင် ကြေးကောက်ခံမှုကို
မဖျက်သိမ်းမီ မိုဘိုင်း ဖုန်းဝန်ဆောင်မှုလုပ်ငန်းအတွင်း ဖွဲ့စည်းတည်ဆောက်ပုံဆိုင်ရာ အဓိက
အပြောင်း အလဲပြုလုပ်ရန် လိုအပ်ခြင်းရှိ၊ မရှိ လေ့လာသူအချို့က မေးခွန်းထုတ်ခဲ့သည်။

"၂၀၁၇ ခုနှစ်မှာ ဒီသဘောတူညီမှု သေချာပေါက်ဖြစ်လာလိမ့်မယ်လို့ ကျွန်တော်တော့
ထင်မထားပါဘူး" ဟု တယ်လီကောမ်၊ မီဒီယာနှင့် အိုင်တီဆိုင်ရာ သုတေသနကုမ္ပဏီ Ovum က
ဥရောပနိုင်ငံဆိုင်ရာ သုတေသီခေါင်းဆောင် Dario Talmesio  က ပြောသည်။

"တကယ့်အခက်အခဲက ဒါကို ဘယ်လို ဆက်လုပ်မယ်ဆိုတာကို မသိတာပါပဲ။ သေသေချာချာ
ရှင်းပြဖို့လိုနေတဲ့ အချက် တွေ အများကြီးရှိနေပါတယ်" ဟု ၎င်းက ပြောသည်။

ဒေတာဝန်ဆောင်ခနှုန်းထားများ မြင့်တက်လာနိုင်

အဆိုပါ သဘောတူညီမှုအပြည့်အ၀ သက်ရောက်မှုမရှိခင် ၂၀၁၆ ခုနှစ်၊ ဧပြီလ မှစပြီး
ပြည်ပဒေတာဝန်ဆောင်မှုကြေးကို တစ်မိနစ်ဖုန်းခေါ်ဆိုခ သုည ဒသမ သုည ၅ ယူရို၊
မက်ဆေ့ခ်ျတစ်စောင် သုည ဒသမသုည ၂ ယူရို နှင့် အင်တာနက်အသုံးပြု မှု တစ်မဂ္ဂါဘိုက်
သုည ဒသမ သုည ၅ ယူရိုအထိ သိသိသာသာလျှော့ချပေးမည် ဖြစ်သည်။

လက်ရှိ အီးယူစည်းမျဉ်းများအရ ၀န်ဆောင်ခသတ်မှတ်ချက်သည် တစ်မိနစ် ဖုန်းခေါ်ဆိုခ
သုည ဒသမ ၁၉ ယူရို၊ မက်ဆေ့ခ်ျတစ်စောင် သုည ဒသမ သုည၆ ယူရိုနှင့် အင်တာနက်
အသုံးပြုခ တစ်မဂ္ဂါ ဘိုက် သုည ဒသမ ၂၀ ယူရို ဖြစ်သည်။

မိုဘိုင်းဝန်ဆောင်မှုကုမ္ပဏီများသည် သုံးစွဲသူများ ပြည်ပတွင် မိုဘိုင်းဒေတာဝန်ဆောင်မှုများ
'တရကြမ်းအသုံးပြု'ခြင်း ကို ကာကွယ်ရန် 'သင့်တင့်မျှတစွာ အသုံးပြု ရေးမူဝါဒ' ကျင့်သုံးခြင်းကို
ထည့်တွက်ကြ လိမ့်မည်ဟု ဥရောပကောင်စီက ပြောသည်။

အဆိုပါမူဝါဒကို မည်သည့်အချိန် တွင် မည်ကဲ့သို့ ချမှတ်ရန်အတွက် ယင်း သဘောတူညီမှု၏
အသေးစိတ်အချက်အလက်များသည် အဓိကဖြစ်သည်ဟု  Talmesio  ကပြောသည်။

ဥရောပမူဝါဒရေးရာစင်တာ အကြံပေးအဖွဲ့က နိုင်ငံရေးဆိုင်ရာ ကျွမ်းကျင်သူ Bert Van
Roosebeke  က အဆိုပါသဘောတူညီချက်ကို ဆက်သွယ်ရေး ၀န်ဆောင်မှုကုမ္ပဏီများက
အလိုက်သင့်တုံ့ပြန်သည့်အနေဖြင့် " ပြည်တွင်းဒေတာဝန်ဆောင်ခ နှုန်းထားများ မြင့်တက်
လာနိုင်သည်" ဟု ပြောသည်။

အင်တာနက်ဝန်ဆောင်မှု ကုမ္ပဏီများ ၀န်ဆောင်မှုပေးရာတွင် ဒေတာစီးဆင်းမှု
လမ်းကြောင်းများအားလုံးကို တစ်ပြေးညီဆက်ဆံရန်နှင့် အင်တာနက်ဒေတာ စီးဆင်းမှုကို
နှေးကွေးစေရန် ဟန့်တားခြင်း သို့မဟုတ် ထိန်းချုပ်ခြင်းမရှိစေရန် စည်းမျဉ်းတစ်ရပ်ကိုလည်း
စတင်ကျင့်သုံး နေပြီဖြစ်သည်။

အဆိုပါစည်းမျဉ်းသည် ၀န်ဆောင်ခ ပေးထားသည့် ဒေတာစီးဆင်းမှု ဦးစားပေးခြင်းကို
ဖယ်ရှားရန် သတ်မှတ်ထားခြင်းဖြစ်ပြီး ယင်းစည်းမျဉ်းကြောင့် ဆိုက်ဘာ တိုက်ခိုက်မှု
ဆန့်ကျင်ရေးကဲ့သို့ ကိစ္စများတွင် အခွင့်ထူးရရှိရန် နည်းပါးသွား စေမည်ဖြစ်သည်။ အဆိုပါ
စည်းမျဉ်းများကို မလိုက်နာ သည့် ၀န်ဆောင်မှုကုမ္ပဏီများသည် "ငွေကြေးအရနှင့် စီမံခန့်ခွဲရေး
အရ သိသာထင်ရှား သည့် အရေးယူမှု" များ ရင်ဆိုင်ရမည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း