တစ်နိုင်ငံလုံးအတိုင်းအတာဖြင့် အိုင်စီတီ စစ်တမ်းကောက်ယူမှုများကို LIRNEasia နဲ့ MIDO တို့ ထုတ်ပြန်

အာရှပစိဖိတ်တစ်လွှား အိုင်စီတီရေးရာ မူဝါဒနှင့် ဥပဒေစည်းမျဉ်းစည်းကမ်းများဆိုင်ရာ
ထင်ရှားတက်ကြွသည့် ပညာရှင်အဖွဲ့ အစည်း တစ်ရပ်ဖြစ်သည် LIRNEasia နှင့် မြန်မာနိုင်ငံ
အခြေစိုက် အစိုးရမဟုတ်သော အဖွဲ့အစည်းတစ်ခု ဖြစ်သည့် MIDO တို့ပူးပေါင်း၍ မြန်မာတစ်နိုင်ငံ
လုံးအတိုင်းအတာဖြင့် ခြုံငုံကာ ကောက်ယူခဲ့သော အိုင်စီတီ စစ်တမ်းများကို ဇူလိုင်လ
၂၉ ရက်နေ့တွင် ထုတ်ပြန်ခဲ့သည်။ LIRNEasia အဖွဲ့မှ စီအီးအို Helani Galpaya ကရှင်းလင်းပြောကြားစဉ်၊ဓာတ်ပုံ-အောင်သူရ၊မြန်မာတိုင်းမ်LIRNEasia အဖွဲ့မှ စီအီးအို Helani Galpaya ကရှင်းလင်းပြောကြားစဉ်၊ဓာတ်ပုံ-အောင်သူရ၊မြန်မာတိုင်းမ်

"ကျွန်မတို့ ဒီနှစ် ဖေဖော်ဝါရီလမှာ မီဒိုနဲ့ ပူးပေါင်းပြီး လုပ်နိုင်ပါတယ်။ အိမ်ထောင်စုပေါင်း
ရှစ်ထောင်ကျော် လူဦးရေပေါင်း ၁၂၀၀၀ ကျော် ရှိပါတယ်။ အဲ့လိုလုပ်တဲ့နေရာမှာလည်း
မြို့ပြနဲ့ ကျေးလက် ဆင်းရဲချမ်းသာ ပုံစံမျိုးဖြင့် နှိုင်းယှဉ်ပြီး သုတေ သနလုပ်ရပါတယ်။
ဒီသုတေသနလုပ်ငန်းမှာ ကျွန်မတို့အနေနဲ့ မသွားနိုင်တဲ့ နေရာတွေလည်း အနည်းငယ်
ရှိခဲ့ပါတယ်။ အထူးသဖြင့်တော့ အနောက်ပိုင်းနဲ့ မြောက်ပိုင်းတွေကို မသွားနိုင်ခဲ့ပါဘူး။
အဲ့ဒါကလည်း လုံခြုံရေးနဲ့ ပတ်သက်ပြီးတော့မှ ကျွန်မတို့ မသွားနိုင်တာပါ။ မိုဘိုင်းအသုံးပြုမှု
အခြေအနေ၊ လိုအပ်ချက်၊ အမူအကျင့်တွေ၊ လူမှုစီးပွားရေးအခြေအနေနဲ့ အဲ့ဒီလူမှုစီးပွားရေး
အခြေအနေနဲ့ မိုဘိုင်းအသုံးပြုမှုတွေက် ဆက်စပ်ပုံကို သုတေသနလုပ်ခဲ့ပါတယ်။ ကျွန်မတို့ဘက်က
ဒီလိုသုတေသနရလဒ်တွေလုပ်ပေးခြင်းဖြင့် အိုင်စီတီကိုအခြေခံပြီး အပြောင်းအလဲတွေမူဝါဒတွေကို
ချမှတ်ဆောင်ရွက်ပေးနိုင် မယ်လို့ မျှော်လင့်မိပါတယ်"ဟု LIRNEasia အဖွဲ့မှ စီအီးအို
Helani Galpaya က ပြောသည်။

၎င်းတို့၏ သုနေတသနရလဒ်တွင် တစ်နိုင်ငံလုံးအတိုင်းအတာ၏ ၅၉ ရာခိုင်နှုန်းသော
လူဦးရေတွင် ဆင်းကတ်အသုံးပြုလျက် ရှိပြီး ၄၁ရာခိုင်နှုန်းက ဆင်းမ်ကတ်အသုံးမပြုခြင်း၊
၅၈ ရာခိုင်နှုန်းခန့်က အနည်းဆုံး ဖုန်းဟန်းဆက်တစ်လုံး ပိုင်ဆိုင်နိုင်ပြီး ကျန်တဲ့ ၄၂ ရာခိုင်နှုန်းခန့်က
ဖုန်းဟန်းဆက် မပိုင်ဆိုင်ခြင်း၊ ၃၉ ရာခိုင်နှုန်းသော လူဦးရေသည် ဖုန်းသုံးစွဲမှုရှိပြီး ၁၈ ရာခိုင်
နှုန်းသော ဖုန်းသုံးစွဲနိုင်သူများသည် မဲစနစ်ဖြင့် ဆင်းကတ်ရရှိသူများဖြစ်ကြောင်း၊ ဖုန်းဖြင့်
အင်တာနက်သုံးသူများ၏ ၄၉ ရာခိုင်နှုန်းသည် ဖေ့စ်ဘွတ်ခ်ကို အဓိကထား အသုံးပြုလျက်ရှိကြောင်း
သိရသည်။ ထို့ပြင် သတင်းအချက်အလက်ရသည့်နေရာများတွင် တီဗီ၊ ဗွီစီဒီ၊ လိုင်းဖုန်း၊ လက်ပ်တော့
အသုံးပြုခြင်းတို့ထက် မိုဘိုင်းဖုန်းကို ကျေးလက်ကော မြို့ပြပါမကျန် တွင်တွင်ကျယ်ကျယ်
အသုံးပြုနေကြပြီး၊ မိသားစုတစ်စုလုံးရဲ့ ၀င်ငွေ ၃၀၀၀၀၀ အောက်ရှိသူ များသည် ကြိုးဖုန်းကို
အများစုအသုံးပြုကြသည်။

ဆက်သွယ်ရေးကဏ္ဍအတွက် ကြိုးဖုန်းသုံးစွဲသူ ၁၉ ရာခိုင်နှုန်းရှိပြီး ဂျီအက်အမ် သို့မဟုတ်
စီဒီအမ်အေ အသုံးပြုသူမှာ ၈၁ ရာခိုင်နှုန်းရှိကြောင်း၊ မိုဘိုင်းဖုန်းဟန်းဆက်နှင့် ဆင်းကတ်
အသုံးပြုသူ အများစုမှာ ပုဂ္ဂိုလ်ရေးရာ၊ လူမှုပတ်ဝန်းကျင်အတွက် သတင်းအချက်အလက်ပို့ရန်
အဓိကအားဖြင့် အသုံးပြုကြပြီး၊ မိုဘိုင်းဖုန်း ဟန်းဆက်နှင့် ဆင်းကတ် မပိုင်သူများမှာ ဖုန်းငှား
အသုံးပြုရာတွင် အရေးပေါ်ခေါ်ဆိုမှုအတွက်သာ ခေါ်ဆိုကြကြောင်း စသည်ဖြင့် သုတေသန
ထုတ်ပြန်ချက်တွင် ပါရှိသည်။

LIRNEasia သည် ၂၀၀၄ ခုနှစ် စက်တင်ဘာလမှစတင်ကာ အိုင်စီတီရေးရာ မူဝါဒများ၊
ဥပဒေစည်းမျဉ်းစမ်းကမ်းများနှင့် စပ်လျဉ်းကာ ပံ့ပိုးကူညီမှုများ ပြုလုပ်ပေးလျက်ရှိပြီး၊ မြန်မာနိုင်ငံ
တွင်လည်း ဖွံ့ဖြိုးမှုနှင့်သက်ဆိုင်သော သတင်းအချက် အလက်နှင့် ဆက်သွယ်ရေးနည်းပညာ
(ICT4D) နှင့် အင်တာနက်မူဝါဒတို့အပေါ် အလေးထားဆောင်ရွက်လျက်ရှိသည့် မြန်မာနိုင်ငံ
အခြေစိုက် အစိုးရမဟုတ်သော အဖွဲ့အစည်းတစ်ခုဖြစ်သည့် MIDO နှင့် ပူးပေါင်းကာ စစ်တမ်းများကို
၂၀၁၅ ခုနှစ် ဖေဖော်ဝါရီလနှင့် မတ်လများတွင် မြန်မာတစ်နိုင်ငံလုံးအတိုင်းအတာဖြင့်
ကောက်ခံခဲ့ခြင်းဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း