အူရီဒူးဖုန်းသုံးစွဲသူ၏ အချက်အလက် ပေါက်ကြားမှုအတွက် ၀န်ထမ်းတစ်ဦးကို ဥပဒေအရ အရေးယူ ဆောင်ရွက်ရန် စီစဉ်နေ

အူရီဒူးသုံးစွဲသူ တစ်ဦး၏ ဖုန်းအသုံးပြုမှုဆိုင်ရာ အချက်အလက်များကို အခြားသူထံ
ပေးခဲ့သည့်အတွက် မန္တလေးမြို့ရှိ အူရီဒူး မြန်မာ ၀န်ထမ်းတစ်ဦးကို အလုပ်တာဝန်က
ထုတ်ပယ်လိုက်သည့်အပြင် ဥပဒေအရ အရေးယူရန်လည်း မန္တလေးရဲတပ်ဖွဲ့က
ဆက်လက်ဆောင်ရွက်လျက်ရှိသည်။

ဇွန်လတွင် ဖြစ်ပွားခဲ့သည့် ဖုန်းအသုံးပြုသူ၏ သတင်းအချက်အလက်ပေါက်ကြားမှုတွင်
ရန်ကုန်မြို့ရှိ အူရီဒူးကတ်သုံးစွဲသူ တစ်ဦး၊ ၎င်းနှင့် သိကျွမ်းဖူးသော အမျိုးသားတစ်ဦး၊ ကြားလူ
တစ်ဦးနှင့် အူရီဒူးမြန်မာ ၀န်ထမ်းဟောင်းများ ပါဝင်ပတ်သက်နေသည်။

အူရီဒူးမြန်မာ မန္တလေးရုံးက ၀န်ထမ်းတစ်ဦးသည် အလုပ်ရှင်၊ အလုပ်သမားသဘောတူစာချုပ်နှင့်
အူရီဒူးဝန်ထမ်းစည်းမျဉ်းကျင့်ဝတ်များကို ဖောက်ဖျက်ပြီး ရန်ကုန်က အူရီဒူးကတ်သုံးစွဲသူ တစ်ဦး၏
ဖုန်းအသုံးပြုမှုအချက်အလက်များကို ၎င်း၏ မိတ်ဆွေတစ်ဦးထံ ပေးခဲ့ကြောင်း အူရီဒူးကုမ္ပဏီ၏
ပြန်ကြားရေးဌာန အကြီးတန်းမန်နေဂျာ ဒေါ်သီရိကြာညို က ပြောသည်။

အူရီဒူးဝန်ထမ်း၏ မိတ်ဆွေသည် အဆိုပါ အချက်အလက်များကို ရန်ကုန်ရှိ အူရီဒူးကတ် သုံးစွဲသူ၏
လုပ်ငန်းနှင့် ပတ်သက်ပြီး သိကျွမ်းဖူးသူထံ ပေးခဲ့ခြင်းဖြစ်သည်။

"ကျွန်မတို့ရဲ့ ၀န်ထမ်းက သူ့ရဲ့ မိတ်ဆွေကို ရန်ကုန်က သုံးစွဲသူရဲ့ အချက်အလက်တွေ
ပေးလိုက်ပါတယ်။ သူ ဒီအချက်အလက်တွေကို အသုံးပြုပြီး ရန်ကုန်က ကျွန်မတို့ရဲ့ သုံးစွဲသူကို
ခြိမ်းခြောက်တာတွေ လုပ်တာပါ"ဟု ဒေါ်သီရိကြာညိုက ပြောသည်။

အူရီဒူး၏ မန္တလေးရုံး သုံးစွဲသူများ၏ အချက်အလက်ထိန်းသိမ်းရေး ၀န်ဆောင်မှုဌာနတွင်
တာဝန်ထမ်းဆောင်နေသည့် အဆိုပါဝန်ထမ်းသည် သုံးစွဲသူများ၏ အချက်အလက် စီမံခန့်ခွဲရေး
စနစ်သို့ ၀င်ရောက်ပြီး ဖုန်းခေါ်ဆိုမှု အချက်အလက်များကို ရယူခဲ့သည်ဟု ဒေါ်သီရိကြာညို
ကပြောသည်။

သုံးစွဲသူများ၏ အချက်အလက်ထိန်းသိမ်းရေး ၀န်ဆောင်မှုဌာနသည် အူရီဒူးသုံးစွဲသူများက
ဘီလ်စာရင်းမည်သို့ ကုန်သွားကြောင်း သိလိုသည်ဟု ဆက်သွယ်မေးမြန်းလာသည့်အခါတွင်
ဖုန်းအသုံးပြုမှု အချက်အလက်များကို ပြန်လည်ကြည့်ရှုကာ ဖြေကြားပေးခြင်းဖြစ်ပြီး
အဆိုပါလုပ်ငန်းစဉ်နှင့် ပတ်သက်ပြီး စည်းမျဉ်းတင်းကျပ်ထားပြီးသားဖြစ်ကြောင်း
၎င်းက ပြောသည်။

"ဒီလိုမျိုး အရင်က တစ်ခါမှ မဖြစ်ဖူးပါဘူး။ နောက်ထပ်လည်း မဖြစ်စေရပါဘူး။ ဒီ ဖြစ်ရပ်နဲ့
ပတ်သက်ပြီး တာဝန်ရှိတဲ့သူတွေကို ကျွန်မတို့ အရေးယူထားပါတယ်။ ကျွန်မတို့ဆီကနေ
အလုပ်ထုတ်လိုက်တဲ့ အဲဒီ ၀န်ထမ်းဟောင်းတွေကို ဥပဒေအရ အရေးယူဖို့လည်း
ဆောင်ရွက်နေပါတယ်။ အချက်အလက် ပေါက်ကြားခဲ့ရတဲ့ သုံးစွဲသူကိုလည်း သူ့ရဲ့
ရှေ့နေကနေတစ်ဆင့် ကျွန်မတို့ ဆက်သွယ်ဆောင်ရွက်နေပါတယ်" ဟု ၎င်းက ပြောသည်။

"ဒါက ဈေးဝယ်စင်တာတွေမှာ ဖြစ်သလို ကိစ္စမျိုးပါပဲ။ ငွေကိုင်ဟာ သူတို့ အံဆွဲထဲမှာရှိတဲ့ငွေတွေကို
သူတို့ ကိုယ်ရေးကိုယ်တာအတွက် ယူသုံးတာမျိုးဖြစ်တတ်သလိုပေါ့။ ဒါပေမဲ့ သုံးစွဲသူတွေကို
ဝန်ဆောင်မှုပေးတဲ့ဌာနက ၀န်ထမ်းတွေဟာ သူတို့ရဲ့ လုပ်ပိုင်ခွင့်ကို အလွဲသုံးစား မလုပ်သင့်ပါဘူး"
ဟု ဒေါ်သီရိကြာညိုက ပြောသည်။

အဆိုပါ ၀န်ထမ်းက အချက်အလက်များကို မည်သည့်အတွက် ပေးလိုက်ကြောင်းကို
မသိကြောင်းနှင့် ယင်းဝန်ထမ်းကို ဇူလိုင်လ ၃ ရက်ကတည်းက အလုပ်က ထုတ်ပယ်လိုက်ပြီ
ဖြစ်ကြောင်း ၎င်းက ပြောသည်။

သို့သော် အသံဖိုင်များနှင့် ဓာတ်ပုံများပါ ပေါက်ကြားသွားသည်ဆိုသည့်အချက်မှာမူ
ကောလာဟလသာဖြစ်ကြောင်း ၎င်းက ပြောသည်။

လက်ရှိကာလတွင် အချက်အလက်ပေါက်ကြားခဲ့ရသည့် အူရီဒူးသုံးစွဲသူက အူရီဒူးကို
တရားစွဲဆိုထားခြင်း မရှိကြောင်းနှင့် အူရီဒူးသည် ယင်းကိစ္စနှင့် ပတ်သက်သည့်
ဝန်ထမ်းဟောင်းများကို ဥပဒေအရ အရေးယူရန် ဆက်လက်ဆောင်ရွက်နေခြင်းဖြစ်ကြောင်း
ဒေါ်သီရိကြာညိုက ပြောသည်။

"ဒီကိစ္စကို ကျွန်မတို့ ဘယ်လိုဖြေရှင်းမလဲဆိုတာကို မီဒီယာတော်တော်များများက
မေးနေကြပါတယ်။ အရာရာတိုင်းကို ငွေနဲ့ဖြေရှင်းတာက မှန်ကန်တဲ့ နည်းလမ်း မဟုတ်ပါဘူး။
အကောင်းဆုံး နည်းလမ်းတစ်ရပ်အဖြစ် ဒီလိုကိစ္စမျိုးကို ဥပဒေအရပဲ ဖြေရှင်းသင့်ပါတယ်" ဟု
၎င်းက ပြောသည်။

အူရီဒူးသည် ဇွန်လကုန်အထိ သုံးစွဲသူ ၃၅ သန်းကျော်ရှိပြီဖြစ်ကြောင်း ထုတ်ပြန်ထားသည်။

မြန်မာနိုင်ငံ၏ ဆက်သွယ်ရေးဝန်ဆောင်မှု လုပ်ငန်းတစ်ခုအနေဖြင့် အူရီဒူးသည် ဆက်သွယ်ရေး
လုပ်ငန်းဆိုင်ရာ စည်းကမ်းထိန်းသိမ်းရေး အဖွဲ့အစည်းဖြစ်သည့် ဆက်သွယ်ရေးနှင့်
သတင်းအချက်အလက် နည်းပညာဝန်ကြီးဌာန၏ တောင်းဆိုချက်အရ သုံးစွဲသူများ၏
သတင်းအချက်အလက်များကိုပေးရန် အဆိုပါသုံးစွဲသူ အချက်အလက်ဆိုင်ရာဝန်ဆောင်မှု
လုပ်ငန်းစဉ်ကို စီစဉ်ပေးထားခြင်းဖြစ်သည်။

"ဘယ်လိုအချက်အလက်တွေ လိုချင်လဲဆိုတာကို ရဲတပ်ဖွဲ့က မြန်မာ့ဆက်သွယ်ရေးလုပ်ငန်းကို
အရင်အသိပေးရပါတယ်။ အဲဒီအခါကျရင် လူမှောင်ခိုလုပ်ငန်းနဲ့ ပတ်သက်လား၊ ဆေးမှုလား၊
အကြမ်းဖက်မှုလား၊ ဒါမှမဟုတ် လူသေမှုလား၊ ဒါမှမဟုတ် အမျိုးသားလုံခြုံရေးအတွက်လား
ဆိုတာကို စည်းကမ်းထိန်းသိမ်းရေးအဖွဲ့ဖြစ်တဲ့ ဆက်သွယ်ရေးဝန်ကြီးဌာနက အရင်ဦးဆုံး
အချက်အလက်တွေကို စစ်ယူပါတယ်။ ပြီးတော့မှ အော်ပရေတာတွေက ကျွန်မတို့ရဲ့
ကိုယ်ပိုင်စနစ်တွေနဲ့ ပြန်စစ်ဆေးပေးပါတယ်" ဟု ဒေါ်သီရီကြာညိုက ပြောသည်။

အူရီဒူးသည် ယခုနှစ်အစောပိုင်းတွင် တောင်းဆိုမှု နှစ်ခု၊ သုံးခုအတွက် အချက်အလက်များ
စုဆောင်းပေးခဲ့သော်လည်း ထိုအချိန်မှစပြီး နောက်ထပ် အချက်အလက် တောင်းဆိုခံရခြင်းမျိုး
မရှိသေးကြောင်းလည်း ၎င်းကပြောသည်။

အချက်အလက်များကို ထိန်းချုပ်ခြင်း မရှိစေဘဲ အနှောင့်အယှက်ကင်းကင်း သီးသန့်
တည်ရှိစေမှုသည် မြန်မာနိုင်ငံတွင် မဆွေးနွေးရသေးသည့် အချက်တစ်ချက်ဖြစ်သည်။

အချက်အလက်များ သီးသန့်တည်ရှိစေခြင်းနှင့် ပတ်သက်သည့် ကိစ္စများသည် ဆက်သွယ်ရေး
လုပ်ငန်းကဏ္ဍ၏ တရားစီရင် ပိုင်ခွင့်ပြင်ပတွင် တည်ရှိနေပြီး အဆိုပါအခြေအနေကို အများနှင့်
သက်ဆိုင်သည့် ကိစ္စတစ်ရပ်အဖြစ် အစိုးရက ဖြေရှင်းဆောင်ရွက်သွားမည်ဖြစ်ကြောင်း
ဆက်သွယ်ရေးနှင့် သတင်းအချက်အလက်နည်းပညာဝန်ကြီးဌာန၏ ဆက်သွယ်ရေးဆိုင်ရာ
စီမံချက်မူကြမ်းတွင် ဖော်ပြထားသည်။

မြန်မာ့ဆက်သွယ်ရေးဥပဒေ(၂၀၁၃)တွင် ပြည်ထောင်စုအစိုးရအနေဖြင့် သုံးစွဲသူများ၏
ကိုယ်ရေးကိုယ်တာ အချက်အလက်များကို လိုအပ်ပါက လိုက်လံစုံစမ်းရန် လုပ်ပိုင်ခွင့်
ပေးထားသော်လည်း နိုင်ငံသားများ၏ အခြေခံအခွင့်အရေးကို လေးစားရန်လည်း
ပြဋ္ဌာန်းထားသည်။

သို့သော် ၂၀၀၈ ဖွဲ့စည်းပုံအခြေခံဥပဒေတွင် နိုင်ငံသားများ၏ အသက်အိုးအိမ်စည်းစိမ်နှင့်
လုံခြုံဘေးကင်းရေးကို ယင်းဥပဒေအရ ပြဋ္ဌာန်းချက်နှင့်အညီ ကာကွယ်စောင့်ရှောက်မည်
ဖြစ်ကြောင်း အာမခံချက်ပေးထားသည်။

သီရိမင်းထွန်း ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း