ဆက်သွယ်ရေး လိုင်စင်သစ်အတွက် အများပိုင်ကုမ္ပဏီကို အမြန်ဖွဲ့စည်းမည်

ဆက်သွယ်ရေးဝန်ဆောင်မှု လုပ်ငန်းနယ်ပယ် အတွက် စတုတ္ထမြောက် အော်ပရေတာဖြစ်
လာမည့် အများပိုင်အထူးလုပ်ငန်းကုမ္ပဏီ တစ်ခုကို ပွင့်လင်းမြင်သာစွာ အမြန်ဆုံး ဖွဲ့စည်းနိုင်ရန်
ကြိုးပမ်းနေကြောင်း တာဝန်ရှိသူများကပြောကြားသည်။

"ဒီစတုတ္ထမြောက်လိုင်စင်ကတော့ ပြည်တွင်းမှာရှိတဲ့ကုမ္ပဏီတွေကို အထူး လုပ်ငန်းကုမ္ပဏီ
အနေနဲ့ ဖွဲ့စည်းပြီးတော့ လိုင်စင်ပေးအပ်သွားမှာဖြစ်ပါတယ်" ဟု ယခုလ ၁၁ ရက်နေ့က
ပြုလုပ်ခဲ့သည့် သတင်းစာရှင်းလင်းပွဲတွင် ဆက်သွယ်ရေး နှင့် သတင်းအချက်အလက်နည်းပညာ
ဝန်ကြီးဌာန အမြဲတမ်းအတွင်းဝန် ဦးခင်မောင်သက်က ပြောကြားသည်။

ဝန်ကြီးဌာနသည် အဆိုပါ အမျိုးသားအများပိုင်ကုမ္ပဏီတစ်ခုဖွဲ့စည်းရန် ပြီးခဲ့သည့်
ဇူလိုင်လအတွင်း ပြည်တွင်းကုမ္ပဏီများကို လျှောက်လွှာခေါ်ယူခဲ့ရာ လက်ရှိတွင် ကုမ္ပဏီ
၁၇ ခုတို့က လျှောက်ထားကြောင်း ၎င်းကပြောကြားသည်။ ဆက်သွယ်ရေးဝန်ဆောင်မှု
လုပ်ငန်း များ တိုးတက်လာစေရေး၊ မြို့ပြနှင့် ကျေးလက်ဒေသနှစ်ခုစလုံးတွင် ချိုသာသည့်
ဈေးနှုန်းနှင့် ၀န်ဆောင်မှုပေးနိုင်ရေး၊ သုံးစွဲမည့် ပြည်သူများ၏ စိတ်ကြိုက်ရွေးချယ်နိုင်ခွင့်ရှိသော
ကောင်းမွန်သည့် ဆက်သွယ်ရေးဝန်ဆောင်မှုများ ဖြည့်ဆည်းပေးနိုင်ရေးတို့အတွက်
ရည်ရွယ်ကြောင်း ၎င်းက ဆက်လက်ပြောကြားသည်။ လျှောက်ထားလာသော ပြည်တွင်း
ကုမ္ပဏီ များကို စိစစ်ရွေးချယ်ပြီး အများပိုင်ကုမ္ပဏီ ဖွဲ့စည်းရေးကိုလည်း ပွင့်လင်းမြင်သာစွာဆောင်ရွက်
သွားမည်ဟု အများပိုင်ကုမ္ပဏီ ဖွဲ့စည်းရေးနှင့် တင်ဒါစိစစ်ရွေးချယ်ရေးလုပ်ငန်းကော်မတီဥက္ကဋ္ဌ၊
နိုင်ငံတော်သမ္မတ၏ စီးပွားရေးအကြံပေး ဒေါက်တာဇော်ဦးက ပြောသည်။

"ဈေးကွက်ထဲမှာရှိပြီးသား လုပ်နေတဲ့ အော်ပရေတာတွေဖြစ်တဲ့ အူရီဒူး၊ တယ်လီနောနဲ့
အမ်ပီတီတို့ကလည်း လက်ခံနိုင် တဲ့၊ ပွင့်လင်းမြင်သာမှုရှိစွာနဲ့ ဆောင်ရွက် ရမယ်ဆိုတဲ့မူနဲ့
စတုတ္ထလိုင်စင်ကို လုပ်သွားမှာဖြစ်ပါတယ်" ဟု ၎င်းကပြောသည်။ "တစ်ဖက်က ပြည်သူရဲ့
ဆန္ဒအရ၊ ပြည်သူလူထုရဲ့ လိုအပ်ချက်အရ ကျွန်တော် တို့ ဆောင်ကြဉ်းပေးရမှာဖြစ်သလိုတခြား
တစ်ဖက်ကလည်း ရေရှည်တည်တံ့ခိုင်မြဲ တဲ့ ဆက်သွယ်ရေးကဏ္ဍကိုထူထောင်လိုပါတယ်။
ဒီလိုထူထောင်တော့မယ်ဆိုရင် အမျိုးသားအများပိုင်ကုမ္ပဏီတွေရဲ့ အခန်း ကဏ္ဍကလည်း
အရေးကြီးလာတယ်။ ဒါမှ သာ ရေရှည်ဆောင်ရွက်နိုင်မယ့်အမျိုးသား အများပိုင်ကုမ္ပဏီတွေက
ဆက်သွယ်ရေး ကဏ္ဍမှာ ကောင်းမွန်စွာ ဆောင်ရွက်နိုင် မှာ ဖြစ်တယ်။ ဒီနှစ်ခုကြားမှာ
မဟာဗျူဟာ၊ နည်းဗျူဟာအရ ဟန်ချက်ညီမျှအောင် လုပ်ခဲ့ပါတယ်" ဟု ၎င်းကပြောသည်။

လုပ်ငန်းအစီအစဉ်အရ လျှောက်ထားသည့် ကုမ္ပဏီများထဲက အများပိုင်အထူးလုပ်ငန်းကုမ္ပဏီ
တစ်ခုကို ဦးစွာဖွဲ့စည်းမည်ဖြစ်သည်။ အများပိုင်အထူးလုပ်ငန်း ကုမ္ပဏီသည် ဆက်သွယ်ရေး
ဝန်ဆောင်မှု လုပ်ငန်းကိုသာ ဦးစားပေးလုပ်ကိုင်သွား ရန်ဖြစ်သည်။ ကုမ္ပဏီဖွဲ့စည်းရေးကိုလည်း
ယခုလကုန်ပိုင်းတွင်ပြီးစီးရန် ခန့်မှန်း ထားသည်။ ဖွဲ့စည်းပြီးပါက ပြည်ပက ဖက်စပ်လုပ်ကိုင်မည့်
နိုင်ငံတကာအတွေ့ အကြုံရှိ မိတ်ဘက်ကုမ္ပဏီကို ဆက်လက်ရှာဖွေမည်ဖြစ်သည်။

၎င်းလုပ်ငန်း သည် ခက်ခဲသောကြောင့် နိုင်ငံတကာမှ အထူးကျွမ်းကျင်သော အတိုင်ပင်ခံပညာရှင်
အဖွဲ့ကို ငှားရမ်းရန် စီစဉ်ထားသည်။ "ဘယ်နေရာကို ၀န်ဆောင်မှု ထပ်ဖြည့် ဖို့လိုလဲ၊ ဈေးကွက်ကို
ဘယ်လိုချဉ်းကပ် ရင် ပြည်သူအတွက်အကျိုးရှိမလဲ၊ ပြီးရင် အများပိုင်ကုမ္ပဏီမှာ ထည့်ဝင်ကြမယ့်
အစုရှယ်ယာရှင်တွေအတွက် ဘယ်လိုဆောင်ရွက်မလဲ ဆိုတာတွေအတွက် နိုင်ငံတကာမှာ
အတွေ့အကြုံရှိ၊ ဈေးကွက် အကျွမ်းတ၀င်ရှိတဲ့အဖွဲ့ကို အမြန်ဆုံး ရွေးချယ်မယ်" ဟု
ဒေါက်တာဇော်ဦးက ဆိုသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း