အူရီဒူးမြန်မာက သုံးစွဲသူ ဝန်ဆောင်မှုအတွက် Stevie Awards နှစ်ခု ထပ်မံရရှိ

 

မြန်မာနိုင်ငံတွင် ဆက်သွယ်ရေးဝန်ဆောင်မှုပေးနေသော အူရီဒူးမြန်မာသည် အာရှပစိဖိတ်နှင့်
အပြည်ပြည်ဆိုင်ရာ စီးပွာရေးလုပ်ငန်းများဆုပေးပွဲတွင် ကမ္ဘာ့ထိပ်တန်းစီးပွားရေးလုပ်ငန်းများ
အတွက် ပေးအပ်သော ဆုနှစ်ဆု ထပ်မံရရှိခဲ့ကြောင်း အူရီဒူးမြန်မာက အောက်တိုဘာ ၅ ရက်တွင်
သတင်းထုတ်ပြန်ထားသည်။

အဆိုပါဆုများမှာ စီးပွားရေးလုပ်ငန်းများဆောင်ရွက်ရာတွင် အကောင်းဆုံးကြိုးစားဆောင်ရွက်ကြောင်း
အသိအမှတ်ပြုရန်နှင့် လူထုသိရှိနိုင်အောင် ထုတ်ဖော်ပြသရန် ရည်ရွယ်၍ အမေရိကန်အခြေစိုက်
Stevie Awards ကုမ္ပဏီက ပေးအပ်ခြင်းဖြစ်သည်။

အူရီဒူးမြန်မာသည် ဆက်သွယ်ရေးအခန်းကဏ္ဍတွင် တစ်နှစ်ပတ်လုံး အကောင်းဆုံးသုံးစွဲသူ
ဝန်ဆောင်မှုဌာနအတွက် ဒုတိယဆုနှင့် စီမံခန့်ခွဲမှုပိုင်းဆိုင်ရာ ဆန်းသစ်တီထွင်နိုင်မှု၊ ဆက်သွယ်ရေး
အခန်းကဏ္ဍတွင် ကောင်းမွန်စွာ အစီအစဉ်ချထားနိုင်မှုနှင့် ချမှတ်ထားသည့် အစီအစဉ်အတိုင်း
ထိရောက်စွာ လက်တွေ့ကျင့်သုံးနိုင်မှုအတွက် တတိယဆုကို ရရှိခဲ့ခြင်းဖြစ်သည်။

အူရီဒူးမြန်မာသည် အာရှပစိဖိတ်ဒေသတွင်း သုံးစွဲသူဝန်ဆောင်မှုစင်တာ ရွှေဆု၊ စင်ကာပူနိုင်ငံတွင်
ကျင်းပသောအာရှဒေသတွင်း အကောင်းဆုံးသုံးစွဲသူဝန်ဆောင်မှုဆုများချီးမြှင့်ပွဲတွင်
အကောင်းဆုံးသုံးစွဲသူ ဝန်ဆောင်မှုဆုနှင့် အာရှဆက်သွယ်ရေး ဆုပေးပွဲတွင်
"Best Customer Contact Centre" နှင့် "Best Emerging Market Initiative" အစရှိသည့်
ဆုများကိုလည်း ရရှိထားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
comment.myanmar@mmtimes.com သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း