အလင်းအားနည်းသည့် နေရာများတွင် ရိုက်ကူး နိုင်သည့် HC-PV 100 ဗီဒီယိုကင်မရာ ဈေးကွက်သို့ ၀င်ရောက်လာ

Panasonic PV 100 ဗီဒီယိုကင်မရာ မိတ်ဆက်ပွဲတွင် ဗီဒီယိုကင်မရာ လေ့လာကြည့်ရှုနေသူတစ်ဦးကို တွေ့ရစဉ်။အောင်ကျော်ညွန့် / မြန်မာတိုင်း(မ်)Panasonic PV 100 ဗီဒီယိုကင်မရာ မိတ်ဆက်ပွဲတွင် ဗီဒီယိုကင်မရာ လေ့လာကြည့်ရှုနေသူတစ်ဦးကို တွေ့ရစဉ်။အောင်ကျော်ညွန့် / မြန်မာတိုင်း(မ်)

ဂျပန်နိုင်ငံအခြေစိုက် Panasonic ကုမ္ပဏီသည် အလင်းရောင် အားနည်းသည့်နေရာများတွင်
ဗီဒီယိုရိုက်ကူနိုင်မည့်အပြင် အလင်းပေးစနစ် တစ်ပါတည်း ပါဝင်လာသော HC-PV 100
ဗီဒီယိုကင်မရာကို နိုဝင်ဘာ ၄ ရက်က ရန်ကုန်မြို့တွင် မိတ်ဆက်ခဲ့သည်။

အဆိုပါကင်မရာတွင် LED light ပါဝင်သောကြောင့် အခြားသော အလင်းပေး ကိရိယာများ
တပ်ဆင်၍ အလင်းစွမ်းအားရရှိအောင် ပြုလုပ်ရန်မလိုသည့်အပြင် Conversion Filter နှင့်
Diffusion Filter နှစ်ခု ထပ်မံထည့်သွင်းပေးထားကာ ယင်းဗီဒီယို ကင်မရာတွင်ပါဝင်သည့်
BSI sensor သည် အလင်းရောင် အားနည်းသောနေရာများတွင် ရိုက်ကူးနိုင်ရန် အားဖြည့်ပေးသည်။

အဆိုပါ Diffusion Filter သည် အလင်း ပြင်းအားကို လျှော့ချပေးသည့်အတွက် ပိုမိုကောင်းမွန်သော
ရုပ်ပုံအရည်အသွေးကို ရရှိနိုင်ပြီး Color Conversion Filter မှာမူ ရုပ်ထွက် အဖြူရောင်ကို
လိမ္မော်ရောင် (သို့) အ၀ါရောင်သို့ ပြောင်းလဲနိုင်မည်ဖြစ်သည်။

ယင်းဗီဒီယိုကင်မရာတွင် SD ကတ်နှစ်ခုပါဝင်သည့်အတွက် ဗီဒီယိုရိုက်ကူးနေစဉ်
SD ကတ်တစ်ကတ်တွင် Memory ပြည့်သွားပါက နောက်တစ်ကတ်သို့ အလိုအလျောက်
ပြောင်းပေးသွားမည်ဖြစ်သည်။

ဗီဒီယိုကင်မရာတွင် Focus နှင့် Zoom များကို ကိုင်တွယ်ထိန်းချုပ်နိုင်သည့်အပြင်
အဝေးထိန်းကိရိယာဖြင့် အဝေးမှထိန်းချုပ်နိုင်မည်ဖြစ်သည်။

Zoom ဆွဲအားOptical 20X Zoom ဖြစ်သည်။ ထို့ပြင် Focus Ring၊ Zoom Ring နှင့်
Iris Ring ဟူ၍ Ring သုံးခုပါဝင်ကာ ဗီဒီယိုရိုက်ကူးရာတွင် Panasonic ၏ ဗီဒီယို
ကင်မရာတိုင်းတွင် ပါဝင်သော ဗီဒီယိုရိုက်ကူး နေကြောင်းအချက်ပြသည့် LED ဖြစ်သော
Illuminating LED ring ပါဝင်သည်။ အဆိုပါ ဗီဒီယိုကင်မရာတွင် အသံများဖမ်းယူခြင်းနှင့်
အသံသွင်းယူခြင်းများကို XLR Audio အပေါက် နှစ်ခုဖြင့် ဆောင်ရွက်နိုင်မည်ဖြစ်သည်။

ထို့ပြင် ဗီဒီယိုရိုက်ကူးရာတွင် ဖြစ်လာ နိုင်သော လက်၏တုန်ခါမှုများကို ထိန်းချုပ် ပေးနိုင်ရန်လည်း
5Axis Hybrid O.I.S စနစ်ထည့်သွင်းပေးထားသည်။ ယင်း HC-PV 100 ဗီဒီယိုကင်မရာကို
Panasonic ၏ အရောင်း ပြခန်းများနှင့် အရောင်းကိုယ်စာလှယ်ဆိုင်များတွင်
အမေရိကန်ဒေါ်လာ ၁,၄၉၉ ဖြင့် ရောင်းချပေးနေပြီဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း