စတုတ္ထအော်ပရေတာ Mytel ဈေးကွက်သို့ တစ်နှစ်အတွင်း ဝင်ရောက်လာမည်

MNTC ၏ ပြင်ပဆက်သွယ်ရေးအရာရှိချုပ် ဦးဇော်မင်းဦးက Mytel နှင့်ပတ်သက်၍ ရှင်းလင်းပြောကြားနေစဉ်။ အောင်ကျော်ညွန့် / မြန်မာတိုင်း(မ်)MNTC ၏ ပြင်ပဆက်သွယ်ရေးအရာရှိချုပ် ဦးဇော်မင်းဦးက Mytel နှင့်ပတ်သက်၍ ရှင်းလင်းပြောကြားနေစဉ်။ အောင်ကျော်ညွန့် / မြန်မာတိုင်း(မ်)

စတုတ္ထမြောက် ဆက်သွယ်ရေးအော်ပရေတာ Myanmar National Tele and Communication
(MNTC) သည် ကွန်ရက်ချဲ့ထွင်ရာတွင် အခြေခံအဆောက်အအုံများ မျှဝေသုံးစွဲသွားမည်ဖြစ်ပြီး၊
Mytel အမည်ဖြင့် တစ်နှစ်အတွင်း ဝန်ဆောင်မှုများပေးသွားမည်ဟု MNTC ၏ပြင်ပ
ဆက်သွယ်ရေးအရာရှိချုပ် ဦးဇော်မင်းဦးက ပြောသည်။

''ကျွန်တော်တို့က ကွန်ရက်ချဲ့ထွင်တဲ့အခါမှာ သူများရဲ့ အခြေခံအဆောက်အအုံကို မျှဝေသုံးစွဲတဲ့
နည်းစနစ်နဲ့ အသုံးပြုပြီး ကွန်ရက်ချဲ့ထွင်သွားမှာဖြစ်တဲ့အတွက် အတိုင်းအတာတစ်ခု
လောက်တော့ ပိုပြီးမြန်နိုင်ပါတယ်။ ဝန်ဆောင်မှုကို တစ်နှစ်အတွင်း မိတ်ဆက်နိုင်မယ်လို့
မျှော်မှန်းထားပါတယ်။ ဒါပေမဲ့ အခြေခံအဆောက်အအုံတွေ မျှဝေမယ့်သူတွေနဲ့ ဆွေးနွေးရတာ
ပိုကောင်းမယ်ဆိုရင်တော့ မှန်းထားတဲ့အချိန်ထက်တော့ စောနိုင်ပါတယ်''ဟု ၄င်းက ပြောသည်။

ယခုသီတင်းပတ်အတွင်း လုပ်ကိုင်ခွင့်ရရှိခဲ့သည့် Mytel သည် ဒေတာအသုံးပြုမှုကောင်းမွန်
စေရန် ပိုမိုဆောင်ရွက်သွားမည်ဖြစ်သည့်အပြင် ဝေလံခေါင်ဖျားဒေသများတွင် ကွန်ရက်ရရှိစေရန်
ဆောင်ရွက်သွားမည်ဟု ဇန်နဝါရီ ၁၄ ရက်က ရန်ကုန်မြို့တွင် ကျင်းပခဲ့သည့် သတင်းစာရှင်းလင်း
ပွဲတွင်ပြောသည်။

အဆိုပါ Mytel ကို လက်ရှိ MecTel 800MHz ကို တာဝန်ယူဆောင်ရွက်နေသည့်ှStar High
ကုမ္ပဏီလီမိတတ်၊ ဗီယက်နမ်အခြေစိုက် Viettel နှင့် ပြည်တွင်းကုမ္ပဏီ ၁၁ ခုပါဝင်သော
Myanmar National Telecom Holding Public ကုမ္ပဏီအဖြစ် ဖွဲ့စည်းထားသည်။

အခြေခံအဆောက်အအုံ မျှဝေသုံးစွဲရာတွင် MecTel ၏ အခြေခံအဆောက်အအုံများကို
သုံးစွဲသွားမည်ဖြစ်ရာ စုစုပေါင်း ရင်းနှီးမြှုပ်နှံမှု အမေရိကန်ဒေါ်လာ နှစ်ဘီလျံကျော် ရင်းနှီးမြှုပ်နှံ
သွားမည်ဟု ဦးဇော်မင်းဦးက ပြောသည်။

''MecTel ရဲ့ အခြေအခံအဆောက်အအုံတွေကို မျှဝေသုံးစွဲသွားမှာပါ။ ဒါပေမဲ့ ဝန်ဆောင်မှု
ကတော့ MecTel က ပုံမှန်အတိုင်းရှိမှာဖြစ်ပြီး Mytel နဲ့ပတ်သက်မှုရှိမှာ မဟုတ်ပါဘူး။ MecTel
က စီဒီအမ်အေအနေနဲ့ပဲ ရှိမှာဖြစ်ပြီး Mytel ကတော့ GSM ကွန်ရက်ဖြစ်ပါတယ်''ဟု ၄င်းက
ပြောသည်။

ကွန်ရက်ဝန်ဆောင်မှုပေးရာတွင် 2G, 3G နှင့် 4G ကို ကွန်ရက်သုံးခုစလုံးကို ဝန်ဆောင်မှုပေး
သွားမည်ဖြစ်ပြီး Mytel ၏ ဖုန်းနံပါတ်သည် ဝ၉၆xxxxx ဖြစ်သည်။ ယခုဈေးကွက်အတွင်း
အခြားဆက်သွယ်ရေးအော်ပရေတာများဖြင့် ပြိုင်ဆိုင်ရာတွင် အများထက်ပိုမိုလျော့နည်းသော
ဈေးနှုန်းဖြစ်လာနိုင်ကြောင်း ဦးဇော်မင်းဦးက ပြောသည်။

''ဈေးနှုန်းကိုတော့ ဒီအချိန်မှာ အတိအကျပြောလို့ မရသေးပါဘူး။ တယ်လီဖုန်းဈေးက
တဖြည်းဖြည်းကျလာတဲ့အတွက် ကုမ္ပဏီသုံးခု တည်းတောင်ဈေးနှုန်းက ဒီလောက်ကျနေရင်
လေးခုဆိုရင် ပိုပြီး ဈေးနှုန်းကျနိုင်ပါတယ်''ဟု ၄င်းက ပြောသည်။

ဝန်ဆောင်မှုများ စတင်မိတ်ဆက်ချိန်တွင် Value Add Service များ တစ်ပါတည်း ပါဝင်လာမည်
ဖြစ်ပြီး အင်တာနက်သုံးစွဲသူတစ်ဦးလျှင် 1Mbps မြန်နှုန်းအထိ ရရှိရန် ဆောင်ရွက်သွားမည်
ဖြစ်သည်။ စတုတ­္ထမြောက် အော်ပရေ တာ၏ အစုရှယ်ယာထည့်ဝင်မှုတွင် Myanmar
National Telecom Holding Public ကုမ္ပဏီ က ၂၃ ရာခိုင်နှုန်း၊ Star High ကုမ္ပဏီ
လီမိတက်က ၂၈ ရာခိုင်နှုန်းနှင့် ဗီယက်နမ်အခြေစိုက် Viettel က ၄၉ ရာခိုင်နှုန်း ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း