ဆက်သွယ်ရေးလုပ်ငန်းကစားကွင်းထဲ ၀င်လာတဲ့ အမ်အီးစီ

မြန်မာနိုင်ငံမှာ မကြာသေးခင်က ချပေး ခဲ့တဲ့ ဆက်သွယ်ရေးလုပ်ငန်း လုပ်ကိုင် ခွင့်လိုင်စင်နဲ့
ပတ်သက်တဲ့ စိတ်လှုပ်ရှား စရာ ကြေညာချက်တွေထဲမှာပါတဲ့ တပ်မတော်ပိုင် မြန်မာ့စီးပွားရေး
ကော်ပိုရေးရှင်းဟာ နိုင်ငံခြားကုမ္ပဏီတွေနဲ့ ယှဉ်ပြိုင်နိုင်ဖို့အတွက် နိုင်ငံပိုင် မြန်မာ့ဆက်သွယ်ရေး
လုပ်ငန်းနဲ့ ပူးပေါင်းမယ်ဆိုတဲ့ ကြေညာချက်က တော့ လူတွေ လုံးဝကို မထင်မှတ်ထား တဲ့ ကိစ္စ
ပါ။

ဇွန်လ ၂၈ ရက်နေ့မှာ ထုတ်ပြန်ခဲ့တဲ့ အော်ရီတိုကုမ္ပဏီနဲ့ တယ်လီနော ကုမ္ပဏီတို့ ဆက်သွယ်ရေး
လုပ်ငန်းလုပ်ကိုင်ခွင့်ရသွားကြောင်း ကြေညာ ချက်ထဲမှာ ဒီလုပ်ငန်းကြီးနှစ်ခု ပူးပေါင်း မယ့်သတင်း
ကို ဖော်ပြခဲ့ပါတယ်။

ဒါပေ မဲ့ ဒီသတင်းနဲ့ ပတ်သက်ပြီး အရင်က ဘယ်သူမှ သတိမထားမိကြပါဘူး။ "ဆက်သွယ်ရေး
လုပ်ငန်းအတွက် လုပ်ငန်းလုပ်ကိုင်ခွင့်ချထားပေးမည့် လုပ်ကိုင်ခွင့်လေးခုတွင် နှစ်ခုကို ပြည်တွင်း
လုပ်ငန်းကုမ္ပဏီများဖြစ်သည့် အကျိုးတူ ပူးပေါင်းလုပ်ကိုင်မည့် မြန်မာ့ဆက်သွယ်ရေးလုပ်ငန်း
(အမ်ပီတီ)နှင့် မြန်မာ့စီးပွားရေးကော်ပိုရေးရှင်း(အမ်အီးစီ) ဖက်စပ်လုပ်ငန်းနှင့် ပုဂ္ဂလိကကုမ္ပဏီ
အဖြစ် ဆက်လက်ရပ်တည်သွားမည့် ရတနာပုံတယ်လီပို့တို့ကို လုပ်ကိုင်ခွင့်ပေးရန် စီစဉ်ထား
သည်"လို့ သတင်းထုတ်ပြန်ချက် မှာ ဖော်ပြထားပါတယ်။

ဒါ့ပြင် အမ်ပီတီနှင့် အမ်အီးစီတို့ ပူးပေါင်းမယ့်အချိန်မှာ "ဆက်သွယ်ရေးလုပ်ငန်းနှင့် ဆက်စပ်သည့်
ကုမ္ပဏီ ၈၅ ခုကို ဖိတ်ခေါ်ပြီး ရတနာပုံတယ် လီပို့ရှိ ရှယ်ယာများကို ပြည်တွင်း ကုမ္ပဏီများက
လွတ်လပ်စွာ ၀ယ်ယူနိုင်စေရေးအတွက် ဆွေးနွေးမှုများ ပြုလုပ်ခဲ့သည်" လို့ ဖော်ပြထားပါသေး
တယ်။

ဒီထုတ်ပြန်ချက်က အံ့အားသင့်စရာ မဟုတ်ပေမယ့်လည်း ရင်းနှီးမြှုပ်နှံသူတွေနဲ့ စားသုံးသူတွေ
အတွက် တိကျရှင်းလင်းတဲ့ အနေအထားတစ်ရပ်ကို တွေ့မြင်ကြရသလို တယ်လီနောနဲ့ အော်ရီ
တိုကုမ္ပဏီနှစ်ခုဟာ ပြည်တွင်း ကုမ္ပဏီတွေကို ဘယ်လိုယှဉ်ပြိုင်ကြမလဲဆိုတဲ့ ကောလာဟလတ
ချို့လည်း ထွက်ပေါ် လာစေပါတယ်။ ဒါပေမဲ့ မြန်မာနိုင်ငံရဲ့ စီးပွား ရေးမှာ တပ်မတော်ပိုင် ကုမ္ပဏီ
တွေရဲ့ အနာဂတ် အခန်းကဏ္ဍနဲ့ နိုင်ငံခြား ကုမ္ပဏီတွေအပေါ် အကျိုးသက် ရောက်မှုတွေနဲ့ ပတ်
သက်ပြီး မေးခွန်း တွေလည်း ထွက်ပေါ်လာပါတယ်။

မြန်မာ့ဆက်သွယ်ရေးလုပ်ငန်းကဏ္ဍမှာ နိုင်ငံခြားကုမ္ပဏီတွေဟာ အစိုးရ က ပေးထားတဲ့ အခွင့်
အရေးတွေကြောင့် ကြီးပွားနေတဲ့ စစ်တပ်ပိုင်ကုမ္ပဏီတစ်ခုကို ယှဉ်ပြိုင်ရမှာပါ။

"တကယ်လို့ သူတို့သာ ဦးစားပေး အခွင့်အရေးတွေ ရနေရင်၊ ဘယ်သူမှ မသိတဲ့ ဆွေးနွေးမှုမျိုး
တွေ လုပ်နေရင်၊ ဒါမှမဟုတ် ပိုကောင်းတဲ့နှုန်းထားနဲ့ သဘောတူ ဖြစ်သွားကြရင် နိုင်ငံခြား ရင်းနှီး
မြှုပ်နှံမှုကို တားဆီးနိုင်မယ့် အနေအထားတစ်ခုကို သူတို့ ဖန်တီးနိုင်မှာပါ" လို့ ရန်ကုန်အခြေစိုက်
ဈေးကွက် သုတေသနနှင့် အကြံပေးကုမ္ပဏီ သူရဆွစ်ရဲ့ ဒုတိယဥက္ကဋ္ဌ ဂျယ်ရမီရတ်ဂျန်က ပြော
ပါတယ်။

တယ်လီနောနဲ့ အော်ရီတိုကို ဒါနဲ့ပတ်သက်ပြီး တစ်စုံတစ်ရာ ဝေဖန်ပြောကြားပေးဖို့ ဆက်သွယ်
လို့မရခဲ့ပေမယ့် နိုင်ငံတကာ ဆက်သွယ်ရေးလုပ်ငန်း အကြံပေးတစ်ဦးကတော့ နိုင်ငံခြားကုမ္ပဏီ
နှစ်ခုဟာ ပြည်တွင်းကုမ္ပဏီနှစ်ခု ပူးပေါင်းလိုက်တဲ့ ကိစ္စနဲ့ ပတ်သက်ပြီး စိုးရိမ်ပူပန်မှု မဖြစ် လောက်
ဘူးထင်တယ်လို့ ပြောပါတယ်။

အမ်အီးစီနဲ့ အမ်ပီတီ ပူးပေါင်း မယ့် စီမံကိန်းကို အသိပေးကြေညာတာမျိုး မလုပ်ခင်အထိ ဒါကို
သူတို့ မသိ နိုင်ခဲ့ကြပေမယ့် အခုလို တစ်ပြိုင် တည်း ထုတ်ပြန် အသိပေးလိုက်တာမျိုး ကတော့
စိတ်ပျက်စရာကောင်းတဲ့ အနေအထားမျိုးပါပဲလို့ သူကပြော ပါတယ်။

ဒါပေမဲ့ အစိုးရအဖွဲ့အတွင်းက တာဝန်ရှိပုဂ္ဂိုလ်တွေနဲ့ ရင်းနှီးသူတွေ တောင် ဒီလုပ်ငန်း နှစ်ခု ပူးပေါင်း
မှာ ကို သိပုံမရကြပါ ဘူး။ အမည်မဖော်လိုတဲ့ အစိုးရ အဖွဲ့ တွင်း အဆက် အသွယ်ရှိတဲ့သူ တစ်ဦး
က တင်ဒါ ရွေးချယ်ရေးကော်မတီဟာ နိုင်ငံခြား ကုမ္ပဏီနှစ်ခုကို ရွေးချယ်လိုက်တဲ့ အချိန်မှာ အမ်
အီးစီနဲ့ အမ်ပီတီ ပူးပေါင်း မယ့် အစီအစဉ်ကို မသိပါဘူးလို့ ပြောပါတယ်။

ဒါပေမဲ့ အဲဒါကလည်း ကော်မတီရဲ့ ဆုံးဖြတ်ချက်အပေါ် ဘာအကျိုးသက်ရောက်မှုမှ ဖြစ်စေမှာ
မဟုတ်ပါဘူးလို့ သူက ပြောပါတယ်။ "တကယ်လို့ အမ်အီးစီက အမ်ပီတီ နဲ့ ပူးပေါင်းလုပ်ကိုင်
မယ်ဆိုရင်လည်း ဒါက အမ်ပီတီရဲ့ ရွေးချယ်မှုပဲ ဖြစ်မှာပါ" လို့ သူက ပြောပါတယ်။

အစိုးရဟာ တရားမျှတတဲ့ ဈေးကွက်ပြိုင်ကွင်းတစ်ခုကိုပဲ ဖန်တီးပေးချင် တာပါ။ ကုမ္ပဏီတွေကို
ဘယ်လို လုပ်သင့်တယ်ဆိုတာတော့ ပြောမှာ မဟုတ်ပါဘူးလို့ သူက ပြောပါတယ်။ အသစ်ထွက်
လာမယ့် ဆက်သွယ်ရေးနည်းပညာ ဥပဒေဟာ ယှဉ်ပြိုင်မှု ရှိတဲ့ ဈေးကွက်တစ်ကွက်ကို အထောက်
အကူ ဖြစ်လာစေမယ်လို့ သူ့ရဲ့ ယုံကြည်မှုကိုလည်း ပြောပြပါ တယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း