တင်ဒါအောင်မြင်သည့် ဆက်သွယ်ရေး ကုမ္ပဏီများ ပြင်ဆင်မှုများ စတင်ပြုလုပ်

ရန်ကုန်မြို့လယ်တွင်မိုဘိုင်းဖုန်းဟန်းဆက်များရောင်းချနေသည့်လမ်းဘေးဆိုင်တစ်ဆိုင်။ ဓာတ်ပုံ - အေအက်ဖ်ပီ/စိုးသန်းဝင်းရန်ကုန်မြို့လယ်တွင်မိုဘိုင်းဖုန်းဟန်းဆက်များရောင်းချနေသည့်လမ်းဘေးဆိုင်တစ်ဆိုင်။ ဓာတ်ပုံ - အေအက်ဖ်ပီ/စိုးသန်းဝင်း

ဆက်သွယ်ရေးတင်ဒါ အောင်မြင်ခဲ့ သည့် ကုမ္ပဏီများဖြစ်သည့် Ooredoo က တင်ဒါလိုင်စင်ရရှိပြီး
ခြောက်လ အကြာတွင် မိုဘိုင်းဖုန်းဆင်းကတ် များအား ရောင်းချမည်ဟုဆိုသလို တယ်လီနောလည်း
ဝန်ထမ်းများ ခေါ်ယူခြင်းနှင့် သင်တန်းပေးခြင်းများ စတင်ရန်ပြင်ဆင်နေကြသည်။

တင်ဒါအောင်မြင်ခဲ့သည့်ကုမ္မဏီ နှစ်ခုအနက်တစ်ခုဖြစ်သည့် Ooredoo ကုမ္မဏီက တင်ဒါလိုင်စင်
ရရှိပြီး ခြောက်လအကြာတွင် ၃ွ စနစ်သုံး မိုဘိုင်းဖုန်းဆင်းကတ်များအား စိတ် လှုပ်ရှားစရာ ဈေးနှုန်း
များဖြင့် ရောင်းချ သွားမည်ဟု Ooredoo Myanmar မှ အကြီးတန်းကိုယ်စားလှယ် မစ္စတာ Ross
Cormack က ပြောသည်။သို့သော် ၎င်းက ရောင်းချမည့်ဈေးနှုန်း ကို အတိအကျထုတ်ဖော်ပြောကြား
ခြင်း မရှိချေ။

"ကျွန်တော်တို့မှာတော့ အမြင့်ဆုံး ဈေးနှုန်းသတ်မှတ်ချက်တော့ ရှိတာ ပေါ့။ အခုချိန်မှာတော့ လျှို့
ဝှက်ချက် ဖြစ်လို့ မပြောချင်သေးပါဘူး။ ဒါပေမဲ့ ပြောတဲ့အချိန် ကြရင်လည်း ဒီဈေးနှုန်း ဟာ စိတ်လှုပ်
ရှားစရာကောင်းပြီး တတ်နိုင်တဲ့ဈေးနှုန်းဖြစ်မှာပါ" ဟု ၎င်းကပြောသည်။

"ဒီဆင်းကတ်တွေအတွက် တန်းစီစရာမလိုပါဘူး။ ကိုယ်နဲ့ အနီးဆုံးဆိုင်၊ ကိုယ့်ရပ်ကွက်ထဲက ဆိုင်
တွေမှာပဲ ၀ယ်ယူနိုင်အောင် စီစဉ်ထားပါတယ်။ ဘာကြောင့်လဲဆိုတော့ အကောင်းဆုံး ၀န်ဆောင်
မှုတွေကို ပြည်သူတွေကို ခံစားစေချင်လို့ပါ" ဟု ၎င်းကပြော သည်။ ထို့ပြင် ဖုန်းခေါ်ဆိုခကိုလည်း
၃၅ ကျပ်မှ ကျပ် ၄၀ အကြားတွက်ချက်လျာ ထားသည်ဟု ၎င်းကပြောသည်။

"ဖုန်းခေါ်ဆိုခကို အနည်းဆုံးဖြစ်အောင် စီစဉ်သွားမှာပါ။ ယာယီအားဖြင့်တော့ ၃၅ ကျပ်နဲ့ ကျပ် ၄၀
ကြားကို တွက်ချက်ထားပါတယ်။ ကြေညာတဲ့အချိန်ကြရင်တော့ စိတ်လှုပ်ရှားစရာကောင်းတဲ့
ဈေးနှုန်းတွေဖြစ်မှာပါ" ဟု မစ္စတျွာသျ ဃသမာခေု က ပြော သည်။ ဖုန်းခေါ်ဆိုခ ငွေဖြည့်တင်း
ရန် အတွက် အီလက်ထရွန်းနစ်ကြိုတင်ငွေဖြည့်ကတ်များကို အသုံးပြုသွားမည်ဖြစ်ကြောင်း ၎င်း
ကပြောသည်။

"အီလက်ထရွန်းနစ် ကြိုတင်ငွေဖြည့်ကတ်ကတော့ ဟန်းဆက်တစ်ခု ကနေတစ်ခု ပိုက်ဆံကို ဖြည့်
လို့ ရ ပါတယ်။ ငွေဖြည့်ကတ်မလိုပါဘူး" ဟု ၎င်းကပြောသည်။ ဆက်သွယ်ရေးလုပ်ငန်းအော်ပရေ
တာ လိုင်စင်အတွက် ပြည်ပကုမ္ပဏီကြီးနှစ်ခုကို ရွေးချက်ခဲ့ရာ ကာတာအခြေစိုက် Ooredoo ကုမ္ပ
ဏီနှင့် နော်ဝေနိုင်ငံ အခြေစိုက် တယ်လီနော ကုမ္ပဏီတို့ ရွေးချယ်ခံခဲ့ရသည်။

အဆိုပါကုမ္ပဏီနှစ်ခုသည် ရတနာပုံတယ်လီပို့နှင့် မြန်မာ့ဆက်သွယ်ရေး လုပ်ငန်းတို့နှင့် ပြည်တွင်း
တယ်လီကွန်း ဈေးကွက်တွင် ယှဉ်ပြိုင်ဝန်ဆောင်မှုပေးရမည်ဖြစ်သည်။ တပ်မတော်ပိုင် မြန်မာ့စီးပွား
ရေးကော်ပိုရေးရှင်းက မြန်မာ့ဆက်သွယ်ရေးလုပ်ငန်းနှင့် ပူးပေါင်းကာ ၀န်ဆောင်မှုပေးမည်ဖြစ် သည်။

ထို့ကြောင့် ပြည်တွင်းတွင် ဆက်သွယ်ရေးကုမ္ပဏီလေးခုရှိလာမည်ဖြစ်သည်။ ပြည်ပကုမ္ပဏီကြီးနှစ်
ခုသည် အစိုးရနှင့် အပြီးသတ်ဆွေးနွေးပြီးချိန် တွင် စာချုပ်ချုပ်ဆိုကာ လုပ်ငန်းများ စတင်ဆောင်
ရွက်နိုင်မည်ဖြစ်သည်။ တယ်လီနောကုမ္ပဏီကလည်း လိုင်စင်ရရှိပြီး ရှစ်လအကြာတွင် ဖုန်းဆင်း
ကတ်များကို ကျပ် ၁,၅၀၀ ထက်မကျော် သောဈေးဖြင့် ရောင်းချပေးသွားမည်ဖြစ်ကာ ဖုန်းပြောဆို
ခများကိုလည်း တစ်မိနစ် ၂၅ ကျပ်အောက်သာ ကောက်ခံသွားမည်ဟု တယ်လီနော မြန်မာအမှု
ဆောင်အရာရှိချုပ် မစ္စတာပီတာဖားဘတ်က ဇူလိုင်လ ၁၈ ရက်နေ့က ပြောကြားခဲ့သည်။

ယခုအချိန်တွင် တယ်လီနော မြန်မာသည် လိုအပ်သည့် ၀န်ထမ်းများ စတင်ခေါ်ယူနေပြီဖြစ်ကာ
Telenor Myanmar Academy ကျောင်းကို ဖွင့်လှစ်သွားရန်ရှိသည်ဟု တယ်လီနောမြန်မာကုမ္မ
ဏီမှ Chief People Officer Designate ဖြစ်သူ Ms. Tipayarat Kaewsringarm က ပြောသည်။

အဆိုပါကျောင်းတွင် တယ်လီနော မြန်မာ၏ ၀န်ထမ်းများအား မိမိတို့ အနာဂတ်ရည်မှန်းချက်များ
ကို ရယူ အောင်မြင်နိုင်ရန်နှင့် မိမိတို့၏ တာဝန်များအား ထမ်းဆောင်နိုင်ရန် လိုအပ်သော အသိ
ပညာနှင့် အတတ် ပညာများကို လက်တွေ့ အသုံးချသွား နိုင်ရန် လေ့ကျင့်သင်ကြားပေးမည်
ဖြစ်သည်။

"တယ်လီနောက ပထမဦးဆုံးခေါ် တဲ့ ရာထူး ၂၅ ခုက လူတွေရရင်တော့ ဒီကျောင်းကို စတင်
အကောင်အထည်ဖော်သွားမှာပါ။ ဒီလူတွေကို ဦးဆောင်မှုပညာနဲ့ ပတ်သက်ပြီး သင်ကြားပေး
သွားမှာပါ" ဟု Ms. Tipayarat က ပြောသည်။

အဆိုပါကျောင်းကို ထိုင်းနိုင်ငံ dtac ကုမ္မဏီ၌ရှိသည့် dtac Academy အတိုင်း ဖွင့်လှစ်သွားရန်
ရှိကြောင်း Ms. Tipayarat ကပြောသည်။ တယ်လီနောသည်ိအခေ အမည်ဖြင့် ထိုင်းနိုင်ငံတွင်
တယ်လီကွန်းလုပ်ငန်း များ ၀န်ဆောင်မှုပေးနေသည်။

"ထိုင်းနိုင်ငံ dtac ရုံးမှာဆိုရင် ၀န်ထမ်းပေါင်း ၅,၀၀၀ လောက်ရှိ တယ်။ အဲဒီရုံးအဆောက်အအုံထဲ
က တစ်ထပ်မှာကိအခေ ဗခေိနာပ ဆိုပြီး တော့ရှိတယ်။ အဲဒါကိုနမူနာယူပြီး တော့ ရန်ကုန်မှာ
Telenor Myanmar Academy ကိုလုပ်ဆောင်သွားဖို့ ရှိပါတယ်" ဟု ၎င်းကပြောသည်။

"ထိုင်းနိုင်ငံ dtac ကုမ္ပဏီက ၀န်ထမ်းတွေကို သင်ကြားပေးတာအပြင် ရေရှည်မှာလည်း တခြားက
နေလာတက်ချင်တဲ့သူတွေလည်း ရှိနိုင်ပါ တယ်။ မြန်မာနိုင်ငံမှာလုပ်မယ့် လုပ်ငန်း အသေးစိတ်က
တော့ ဆွေးနွေးနေတုန်း ဘဲရှိသေးတဲ့အတွက် အတိအကျမပြော နိုင်သေးပေမယ့် ဒီလိုပုံစံမျိုးလုပ်
ဆောင် သွားဖို့ ရည်ရွယ်ထားပါတယ်" ဟု Ms. Tipayarat က ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - နည်းပညာသတင်း