အမျိုးသားပညာရေးဥပဒေကို ချဉ်းကပ်ကြည့်ခြင်း (၁၃)

"ရောက်လာပြီလား၊ လာထိုင်ကွာ၊ အခု ကျောင်းသား သပိတ်ပြဿနာမှာ ပြည်သူတွေ
ကျောင်းသား လူငယ်တွေအနေနဲ့ မှန်ကန်စွာ သုံးသပ် ဆုံးဖြတ်နိုင်အောင်ဆိုတဲ့ ရည်ရွယ်ချက်နဲ့
ကျောင်းသားသမဂ္ဂနဲ့ ကျောင်းသားသပိတ်အကြောင်း ဒို့ဆွေးနွေးခဲ့တာတွေ လုံလောက်ပြီလို့
ထင်တယ်ကွ၊ ဒီတော့ ဒို့ရဲ့ မူလ ရည်ရွယ်ချက်ဖြစ်တဲ့ အမျိုးသားပညာရေးဥပဒေနဲ့ ပတ်သက်ပြီး
ဒို့ပြောလိုတာလေးတွေကို ဆက်ပြောကြရအောင်"

"အရင်တစ်ပတ်တုန်းက ဆရာက တီဗီမှာ ဘောလုံးပွဲကြည့်ချင်တယ်ဆိုလို့ ကျွန်တော်တို့
ပြောလက်စကို ဖြတ်လိုက်ရတော့ ကျွန်တော် သိချင်တာလေး တစ်ချက်ကျန်သွားတယ် ဆရာ၊
တခြားမဟုတ်ပါဘူး ကျောင်းသား သပိတ်က ပညာရေးဥပဒေကို အကြောင်းပြတာ ဖြစ်ပေမယ်လို့
အမှန်အားဖြင့်တော့ အစိုးရကို ဆန့်ကျင်တာ၊ အစိုးရပြုတ်ကျအောင် လုပ်တာလို့ ကျွန်တော်
ပြောခဲ့တယ် မဟုတ်လား ဆရာ၊ အဲဒီလိုဆိုရင် ကျောင်းသား သပိတ်စစ်ကြောင်းက ဗဟိုအစိုးရ
ရုံးစိုက်တဲ့ နေပြည်တော်ကြီးကိုမသွားဘဲ ဘာဖြစ်လို့ ရန်ကုန်ကိုမှ ပစ်မှတ်ထားရတာလဲ ဆရာ"

"မင်းကို ငါက 'ပြဿနာ၏ အရင်းအမြစ်ကို ဆောလျင်စွာသိတတ်သူ' ဆိုတဲ့ ဂုဏ်ပုဒ်နဲ့
ချီးမြှင့်ထားတာ ဒီတစ်ခါတော့ မင်းက မင်းမဟုတ်တော့သလိုပဲ တုံးသွားပြန်ပြီကွ"

"ဟာ ဆရာကလည်း ကျွန်တော် တကယ် မသိလို့ ရိုးရိုးပဲ မေးတဲ့ဟာကို"

"ဟုတ်တယ်လေ၊ ခေတ်အဆက်ဆက်မှာ အစိုးရတွေရဲ့ ရာဇပလ္လင်ကို ကိုင်လှုပ်ခဲ့တာက
ကျောင်းသား၊ ဘုန်းကြီးနဲ့ အလုပ်သမားတွေက စတင်လှုံ့ဆော်ခဲ့တဲ့ လူထုအုံကြွမှုကြီးတွေ
မဟုတ်လားကွ၊ နေပြည်တော်ကို ချီတက်လို့ကတော့ ထမင်းစားဖို့ မပြောနဲ့ ရေတောင်
သောက်ရမှာ မဟုတ်ဘူးလေ။ ၀န်ထမ်းတွေ ချည်းနေကြတာ မဟုတ်လား။ နောက်ပြီး
လူတွေထောင်နဲ့ချီပြီ စုရုံးဆန္ဒပြဖို့အတွက် လူစုရတာ၊ လှုံ့ဆော်ရတာ မလွယ်သလို
၈၈ ခုနှစ်တုန်းကလို လနဲ့ချီပြီ စုရုံးဆန္ဒပြဖို့ဆိုတာလည်း မဖြစ်နိုင်တော့ဘူးလေကွာ။
ဗဟိုအစိုးရရုံးတွေကို နေပြည်တော်ကို ပြောင်းရွှေ့ ရတဲ့ အဓိကအကြောင်းရင်းက အဲဒီလို
ဆန္ဒပြတာတွေကို ရှောင်ချင်လို့ဆိုတာ သိသာပါတယ်။ တခြားအကြောင်းတွေ ရှိချင်ရှိမှာ
ဖြစ်ပေမယ့် ခိုင်လုံမှု မရှိနိုင်ပါဘူးကွာ။ လက်ပံတန်း သပိတ်စစ်ကြောင်း ရန်ကုန်ကို ရောက်လာရင်
ပါဝင်ပူးပေါင်းမယ့် ကျောင်းသားတွေ အလုပ်သမားတွေ ဘုန်းကြီးတွေအပြင် ဝေလေလေ
သမားတွေကလည်း အဆင်သင့်ပဲ မဟုတ်လား။ အကြိုဆန္ဒပြုမှုတွေတောင် လုပ်နေကြတာ
မဟုတ်လား။ အခုလိုဆိုတော့ မပိုင်ဘူးလား"

"ဪ ဒီလိုလား... အ တယ်ဘဲ ပြောပြော ကျွန်တော်ကတော့ အဲဒါကို မမြင်မိဘူး ဆရာ"

"ဒါထက်ပိုင်တာ ရှိသေးတယ်ကွ"

"ဘယ်လိုပါလဲဆရာ"

"ဒို့နိုင်ငံမှာ ၀န်ကြီးဌာနအသီးသီးအောက်မှာ ရှိတဲ့ တက္ကသိုလ်နဲ့ ကောလိပ်အမျိုးမျိုး စုစုပေါင်း
တစ်ရာလောက်ရှိမယ်ထင်တယ်ကွ၊ အတိအကျတော့ မသိဘူးပေါ့ကွာ၊ အဲဒီလို တက္ကသိုလ်
ကောလိပ်တွေ အများကြီး တိုးချဲ့ ဖွင့်လှစ်ပေးတာ ဘာကြောင့်ထင်လဲ"

"ကိုယ့်ဒေသရဲ့ အနီးတစ်ဝိုက်မှာ တက္ကသိုလ် ကောလိပ် တစ်ခုခုရှိတော့ စရိတ် အကုန်အကျ
နည်းနည်းနဲ့ တတ်နိုင်တာပေါ့ ဆရာ"

"တုံးပြန်ပြီကွာ၊ ကျောင်းသားအစုအဝေး နည်းသွားအောင် ခွဲပစ်လိုက်တာကွ၊ နောက်ပြီး
တက္ကသိုလ် ကောလိပ်တွေကို မြို့နဲ့ အဝေးကြီးမှာ ဖွင့်ထားတာ နယ်ကကျောင်းသားတွေ
ကျောင်းအိပ်ကျောင်းစားနေဖို့ အဆောင်တွေ မထားတာတွေကလည်း အဲဒီရည်ရွယ်ချက်နဲ့
လုပ်တာပဲကွ၊ ဒီတော့ ဆရာဝန်၊ အင်ဂျင်နီယာ ဖြစ်နိုင်ဖို့ အရည်အချင်းရှိသော်လည်းပဲ
လက်ရှိစနစ်အရ အမှတ်မမီတဲ့ ကလေးတွေက အဲဒီလို အဝေးရောက် တက္ကသိုလ်တွေကို
သွားတက်ကြရာမှာ နေ့စဉ်ကားစီးရတဲ့ ဒဏ်၊ ကိုယ့်စာသင်ချိန်ပြီးပေမယ့် အိမ်ပြန်ဖို့ ကား မရှိလို့
တစ်နေ့လုံး ကျောင်းမှာပဲ အချိန်ဖြုန်းနေရတဲ့ ဒဏ် စတာတွေ မခံနိုင်တဲ့ အခါကျတော့
စာတော်ပေမယ့် စာပေးစာယူ (အဝေးသင်) ပညာရေးကို ပြောင်းပြီး ဘွဲ့ရရင်ပြီးရောဆိုပြီး
လုပ်ကြရတာပေါ့၊ ခြွင်းချက်ကတော့ ပိုက်ဆံရှိတဲ့ လူတွေရဲ့ သားသမီးတွေကတော့ နိုင်ငံခြား
တက္ကသိုလ်တွေသွားပြီး တက်ကြတာပေါ့ကွာ"

"အဲဒီတက္ကသိုလ်တွေနဲ့ အပြိုင်သဘောနဲ့ စစ်ဘက်ဆိုင်ရာ ဆေးတက္ကသိုလ်၊ အင်ဂျင်နီယာ
တက္ကသိုလ်၊ သူနာပြုတက္ကသိုလ် စတာတွေ ဖွင့်လှစ်တဲ့ ရည်ရွယ်ချက်က အဲဒီလို
ပရမ်းပတာဖြစ်နေတဲ့ တက္ကသိုလ်ပညာရေး စနစ်ကို အစားထိုးတဲ့ သဘောလား ဆရာ"

"အဲဒီလိုတော့ မဟုတ်ဘူးလို့ ထင်တယ်ကွ၊ 'မြန်မာ့နိုင်ငံရေးကို တပ်မတော်က ဦးဆောင်ရမည်'
'တပ်ကိစ္စကို တပ်ကပဲ လွတ်လွတ်လပ်လပ် လုပ်ပါစေ' လို့ဆိုတဲ့ အာဏာရှင် ဟောင်းတစ်ဦးရဲ့
ဆင်ခြင်တုံတရားကင်းမဲ့ပြီး အလွန်လွဲမှားတဲ့၊ နိုင်ငံအတွက်လည်း အလွန်အန္တရာယ်ကြီးမားတဲ့
အယူအဆကနေ ဆင်းသက် ပေါက်ဖွားလာတာဖြစ်တယ်။ အဲဒီ အန္တရာယ်ကြီးတဲ့ အယူအဆက
လက်ရှိ ဖွဲ့စည်းပုံအခြေခံဥပဒေမှာ လာရောက်ထင် ဟပ်နေတာကို တွေ့နိုင်တယ်။ အဲဒီအယူအဆ
ကို မဖယ်ရှားနိုင်သမျှ နိုင်ငံရေးပြဿနာတွေ ပဋိပက္ခတွေ ပေါ်ပေါက်နေပြီး တိုင်းပြည်ရဲ့
ဖွံ့ဖြိုးတိုးတက်မှုကို ပိတ်ဆို့နေဦးမှာပဲ။ ဒါကတော့ အခုစကားစပ်မိလို့ အကျဉ်းလောက်ပဲ ပြောတာ၊
သမိုင်းကြောင်းနဲ့ချီပြီး ပြောရမယ်ဆိုရင် စာတစ်အုပ်ဖြစ်သွားမှာပေါ့ကွာ၊ ကဲ ... ဆက်ပါဦး"

"နောက်တစ်ချက်ကတော့ ဒီအမျိုးသား ပညာရေး ဥပဒေကို မပြဋ္ဌာန်းမီ တာဝန်ရှိသူတွေ
အကြိမ်ကြိမ် ဆွေးနွေးညှိနှိုင်းခဲ့ကြတဲ့အပြင် လွှတ်တော်မှာလည်း အစိုးရနဲ့ လွှတ်တော်နဲ့
သဘောကွဲလွဲမှုတွေ ရှိခဲ့ပြီး နောက်ဆုံးမှာ လွှတ်တော်က ဆုံးဖြတ်တဲ့အတိုင်း ဥပဒေဖြစ်လာ
ခဲ့တာပေါ့ဆရာ၊ အဲဒီလို ဥပဒေဖြစ်လာပြီးပေမယ့် ကျောင်းသားတွေနဲ့ သူတို့ကို ကြိုးကိုင်နေ
သူတွေက ကန့်ကွက်ကြ၊ သပိတ်မှောက်ကြလို့ သူတို့တွေ အလိုကျရေးဆွဲထားတဲ့ ပြင်ဆင်ချက်
ဥပဒေကြမ်းကို အစိုးရက လက်မခံလိုပေမယ့် သပိတ်ပြဿနာ ပြေလည်သွားစေဖို့ ရည်ရွယ်ချက်နဲ့
လက်ခံပြီး လွှတ်တော်ကို အစိုးရက တင်သွင်းတဲ့ ဥပဒေကြမ်းအဖြစ် တင်သွင်းခဲ့တယ်။
အခု ဒီဥပဒေကို ပြဋ္ဌာန်းပေးခဲ့တဲ့ လွှတ်တော်ကလည်း ပညာရှင်တွေ၊ စိတ်ပါဝင်စားသူတွေ၊
နိုင်ငံရေးပါတီတွေနဲ့ ဆွေးနွေးနေပြန်ပြီဆရာ၊ ဒီတော့ ..."

"ကြားနာတာပါကွာ"

"ထားပါတော့ ဆရာ၊ ကျွန်တော်ပြောလိုတာက အခုလိုလုပ်နေတာတွေဟာ 'ဆရာများ သားသေ'
ဆိုတာမျိုး မြည်းတစ်ကောင်နဲ့ သားအဖနှစ်ယောက် ပုံပြင်ထဲကလိုမျိုး ဖြစ်သွားမလားလို့ပါ"

"အဲဒီ ပုံပြင်ကို ဒို့ငယ်ငယ်တုန်းက ဆရာကြီး ဦးဖေမောင်တင်ရဲ့ ခြင်္သေ့တံဆိပ်ဖတ် စာအုပ်ထဲမှာ
ဖတ်ဖူးတယ်ကွ၊ ခပ်မေ့မေ့တော့ ဖြစ်နေပြီ အဲဒီပုံပြင်ကို မဖတ်ဖူးသေးတဲ့ ခုခေတ်လူငယ်တွေ
ကျောင်းသားလေးတွေ သိရအောင် အကျဉ်းချုပ်ပြီး ပြောပြစမ်းပါဦး"

"ကျွန်တော် မှတ်မိသလောက် ပြန်ပြောရရင် ဒီလိုပါ ဆရာ၊ သားအဖနှစ်ယောက်က
မြည်းတစ်ကောင်ကို ဆွဲလာရာမှာ ပထမတွေ့ တဲ့ လူတချို့က 'မြည်းကို တစ်ယောက်ယောက်က
စီးသွားရောပေါ့' လို့ ဝေဖန်သတဲ့၊ ဒါနဲ့ သားဖြစ်သူက မြည်းကိုစီးပြီး ဆက်သွားတဲ့အခါ
တစ်နေရာရောက်တော့ 'အဖေကြီးကတော့ မစီးရဘဲ သားကပဲ စီးရသလား' ဆိုပြီး
ပြောကြပြန်တာနဲ့ အဖေဖြစ်သူက မြည်းကိုစီးပြီး ဆက်သွားကြရာမှာ တစ်နေရာကို
ရောက်ပြန်တော့ 'မြည်းကို သားအဖ နှစ်ယောက်စလုံး စီးလို့ရရဲ့သားနဲ့' ဆိုပြီး ပြောကြပြန်ရော၊
ဒါနဲ့ သားအဖနှစ်ယောက်စလုံး မြည်းကိုစီးပြီး ဆက်သွားတော့ 'ဒီသားအဖ နှစ်ယောက်နှယ်
ကြင်နာမှု ကင်းမဲ့လိုက်တာ မြည်းလေးသနားပါတယ်၊ တကယ်ဆို သား အဖနှစ်ယောက်က
မြည်းကလေးကို ထမ်းသွားကြရောပေါ့' ဆိုပြီး ဝေဖန်ကြပြန်ရောတဲ့၊ ဒါနဲ့ သားအဖ
နှစ်ယောက်လည်း မြည်းကလေးကို ကြိုးနဲ့တုပ် တုပ်လျှိုပြီး ထမ်းသွားကြတော့ ချောင်းတစ်ခု
ရောက်လို့ တံတားကို ဖြတ်ကူးရာမှာ မြည်းကလန့်ပြီး ရုန်းကန်တာကြောင့် အားလုံးချောင်းထဲ
ကျပြီး 'ရှော' သွားကြသတဲ့ ဆရာ"

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။