အမှန်တရား တရားမျှတမှုနှင့် ပြန်လည်ရင်ကြားစေ့ရေး (၂)

အမှန်တရားကို စူးစမ်းရှာဖွေခြင်း အခုအခါမှာတော့ လူတွေအတော်များများက ပြန်လည်
ရင်ကြားစေ့ရေး အကြောင်း ပြောနေကြပါပြီ။

ရှေ့ကိုလည်း ဆက်ပြောနေရဦးမှာပဲ။ ပြန်လည် ရင်ကြားစေ့ရေးအစီအစဉ်မရှိဘဲ ဒီနိုင်ငံမှာ
ဒီမိုကရေစီဖြစ်ထွန်းအောင်မြင်ဖို့က မသေချာဘူးလေ။

အခုလို အသွင်ကူးပြောင်းရေးကာလမှာ ဒီမိုကရေစီ မပေးချင်သေးတဲ့ အင်အားစုတွေ၊ ဒီမိုကရေစီကို
နည်းနည်းလေးပဲ ပေးချင်သေးတဲ့ အင်အားစုတွေ၊ ပါးစပ်ပြောနဲ့ပဲ ပေးချင်သေးတဲ့ အင်အားစုတွေကို
လွန်လွန်ကျူးကျူး ဖြစ်မလာရအောင် ဘယ်သူက ထိန်းနိုင်မှာလဲ။

လွန်လွန်ကျူးကျူး ထပ်မလုပ်ချင်တော့အောင် ဘယ်သူက ဖျောင်းဖျနိုင်မှာလဲ။

ပြန်လည်ရင်ကြားစေ့ရေး လုပ်ငန်းစဉ်ဆိုတာ သူ့ဘာသာသူပေါ်လာရိုး ထုံးစံ မရှိပါဘူး။

ကျွန်တော်တို့ စာရေးသူတွေက ပြောရုံသာပြောနိုင်တာပါ။ လက်တွေ့ အကောင်အထည်ပေါ်လာဖို့
အတွက် မတတ်နိုင်ပါဘူး။

အမြော်အမြင်ကြီးမားတဲ့ ပြည်သူ့ ကိုယ်စားလှယ်တွေ၊ နိုင်ငံရေးပါတီတွေ၊ အရပ်ဘက်
လူ့အဖွဲ့အစည်းတွေကသာ တောင်းဆို နိုင်တယ်၊ အကောင်အထည်ဖော်နိုင်ပါတယ်။

ပြန်လည်ရင်ကြားစေ့ရေးဆိုတဲ့ စကားလုံးကလည်း တော်တော်ပရိယာယ်များပါတယ်။

ကျွန်တော်တို့က ပြန်လည်ရင်ကြားစေ့ရေး ဆိုတာဘာလဲ၊ သူ့ရဲ့ အဓိပ္ပာယ်ရှင်းလင်း ဖော်ပြချက်နဲ့
သူ့ရဲ့ဇာစ်မြစ်တွေကို မကြာခဏ ထည့်သွင်းဆွေးနွေး ဖြစ်ပါတယ်။

ဒါပေမဲ့ ရှင်းလင်း တိကျ ပြည့်စုံစွာ ဆွေးနွေးနိုင်သလားလို့ မေးခဲ့ရင်၊ ကျွန်တော်ကတော့
ရိုးသားစွာပဲ မရှင်းလင်းသေးပါဘူး၊ မတိကျသေးပါဘူး၊ မပြည့်စုံ သေးပါဘူးလို့ပဲ ၀န်ခံရမှာပါ။

တချို့နေရာတွေမှာ မူလဆက်ဆံရေးအနေအထားသို့ ပြန်လည်ရောက်ရှိစေခြင်း၊ လူပုဂ္ဂိုလ်တစ်ဦးချင်း
အဖွဲ့အစည်းတစ်ခုချင်းအပြင် လူပုဂ္ဂိုလ်နဲ့ အဖွဲ့အစည်းအကြားတို့မှာ တံတားခင်းပေးခြင်း၊
လူ့အဖွဲ့အစည်းတစ်ခုကို ခွဲခြားထားခြင်းခံရတဲ့ အတိတ်မှသည် မျှဝေထားသော အနာဂတ်ဆီသို့
ရွှေ့ပြောင်းပေးခြင်း၊ ကောင်စီ တစ်ခုသို့ နီးကပ်စွာ အတူတကွ ရောက်ရှိကြခြင်း စသည်ဖြင့်
သူ့နေရာနဲ့သူ တတ်နိုင်သမျှ ရှင်းလင်းတင်ပြခဲ့ပါတယ်။

တကယ်တော့ ပြန်လည်ရင်ကြားစေ့ရေးဆိုတာ အမိအရ ဖမ်းယူဆုပ်ကိုင်ပြနိုင်တဲ့ ပန်းတိုင်တစ်ခု
မဟုတ်ဘဲ တစိုက်မတ်မတ် ဆက်လက် လျှောက်လှမ်းနေရမယ့် လမ်းခရီးတစ်ခု၊ သို့မဟုတ်
လုပ်ငန်းစဉ်တစ်ရပ်သာ ဖြစ်ပါတယ်။

ပြန်လည်ရင်ကြားစေ့ရေးနဲ့ ပတ်သက်လို့ အများသဘောတူလက်ခံထားတဲ့ အဓိကဆိုလိုရင်း
အာဘော် တစ်ခုတော့ ရှိပါတယ်။

အဲဒါကတော့ "လူပုဂ္ဂိုလ်များ၊ သို့မဟုတ် အဖွဲ့များအကြား ဆက်ဆံရေးတည်ဆောက်ပေးခြင်း"
ဆိုတာပါပဲ။ ဒါပေမဲ့ ဒီနေရာမှာ ပြဿနာ တက်တာက ဆက်ဆံရေးဆိုတဲ့ စကားလုံးရဲ့ အဓိပ္ပာယ်ပါပဲ။

လူတွေရဲ့ ယဉ်ကျေးမှုအဖုံဖုံ၊ လူ့အခွင့်အရေးကို အဓိပ္ပာယ်ဖွင့်ဆိုပုံ၊ လေးစားလိုက်နာမှုနဲ့
အလွဲသုံးစားပြုလုပ်မှု၊ လူ့ အဖွဲ့အစည်းအသီးသီးရဲ့ သီးသန့်ကိုယ်ပိုင် အတွေ့အကြုံများ၊
တိုင်းပြည်ရဲ့ နိုင်ငံရေး ဖွဲ့စည်းတည်ဆောက်မှု အဆင့်အတန်းနဲ့ လူပုဂ္ဂိုလ်တစ်ဦးချင်းရဲ့ ယုံကြည်မှု၊
အသိပညာ အရင်းအမြစ်တို့ အပေါ်မှာ မူတည်ပြီး ဆက်ဆံရေးရဲ့ အဓိပ္ပာယ်ဖွင့်ဆိုချက်က
ခြားနားသွားကြပါတယ်။

ဆက်ဆံရေးရဲ့ အဓိပ္ပာယ် ကွဲပြားခြားနားသွားပြီဆိုမှတော့ ပြန်လည်ရင်ကြားစေ့ရေးရဲ့
အဓိပ္ပာယ်ဖွင့်ဆိုချက်ကလည်း အမျိုးမျိုးအစားစား ကွဲပြားရပြီပေါ့။

အဓိပ္ပာယ်ဖွင့်ဆိုချက်က ဘယ်လိုပဲဖြစ်ဖြစ် လူတွေအတော်များများ နားလည်ထားကြတာက
ပြန်လည်ရင်ကြားစေ့ရေး ခရီးလမ်းကို သွားကြမယ်ဆိုရင် အတိတ်တုန်းက အမှန်တရားတွေကို
ဖွင့်ချဖို့လိုတယ်လို့ ယူဆထားကြပုံရပါတယ်။

ဖြစ်စဉ်အမှန်က ဒါပဲ၊ ဒီဖြစ်စဉ်မှာ ဆုံးရှုံးနစ်နာမှုတွေက ဒါတွေဖြစ်ခဲ့တယ်။ ရှင်သန်လွတ်မြောက်ခဲ့တဲ့
လူတွေက ဒီလူတွေပဲလို့ ပြောပြစေချင်ကြတယ်။

ဒါပေမဲ့ တကယ့် အမှန်တရားက သူတို့ပြောတဲ့ဖြစ်စဉ်နဲ့ တမင်ဖြစ်စေ မတော်တဆဖြစ်စေ
လွဲချော်နေမယ်ဆိုရင် အဲဒါအကြီးအကျယ် အငြင်းပွားစရာ ဖြစ်လာလိမ့်မယ်။

ခုခံကာကွယ်တဲ့လူကလည်း အကြီးအကျယ် ခုခံကာကွယ်မှာဖြစ်လို့ ပဋိပက္ခကို ပြန်ဆွပေးသလို
ဖြစ်နိုင်ပါတယ်။

ပြန်လည်ရင်ကြားစေ့ရေးနဲ့ ပိုတောင်ဝေးကွာသွား နိုင်ပါတယ်။ စစ်မှန်တဲ့ ပြန်လည်ရင်ကြားစေ့ရေး
ဆိုတာ အနာဂတ်မှာ အကြမ်းနည်းအသုံး ပြုဖို့ ခြိမ်းခြောက်မှု အလားအလာတွေ အားလုံးကို
အဆုံးသတ်ပေးနိုင်ရပါမယ်။

လူတွေရဲ့စိတ်မှာ ဒဏ်ရာအနာတရဖြစ်စေခဲ့တာကို အစိုးရများကဖြစ်စေ ကျူးလွန်ဖောက်ဖျက်ခဲ့
သူများက ဖြစ်စေ လက်ခံအသိအမှတ်ပြုပေးမယ်၊ ဆုံးရှုံးနစ်နာမှုတွေအတွက် တစ်စုံတစ်ရာ
ပေးဆပ်မှုရှိမယ်၊ မညီမမျှဖြစ်ခဲ့တဲ့ အုပ်ချုပ်ရေး ဖွဲ့စည်းတည်ဆောက်ပုံကို ပြင်ဆင်ပေးမယ်၊
နစ်နာခဲ့တဲ့ လူ့အသိုက်အ၀န်းအတွက် အခြေခံ ရုပ်ဝတ္ထုပစ္စည်း လိုအပ်ချက်များကို
ဖြည့်တင်းပေးမယ်၊ တစ်ချိန်က ဆန့်ကျင်ဘက်များက အသုံးပြုခဲ့တဲ့ လူ့အသိုက်အ၀န်းများအကြား
ဆက်သွယ်ပေါင်းဆုံမှုတွေကို အသိအမှတ်ပြုမယ်စတဲ့ လုပ်ဆောင်ချက်များဟာလည်း
အမှန်တရားကို နားလည်သိရှိနားလည်စေတဲ့အပြင် ပြန်လည်ရင်ကြားစေ့ရေးကိုလည်း အကျိုးပြုတဲ့
နည်းလမ်းများပါပဲ။

ဒါကြောင့် ပြန်လည်ရင်ကြားစေ့ရေး လမ်းကြောင်းအတိုင်း လိုက်မယ်ဆိုလို့ရှိရင် အမှန်တရားဆိုတာ
သီးသန့်အခြေအနေမှလွဲ၍ ခြိမ်းခြောက်မှု အလားအလာမပါဝင်သော အမှန်တရားဖြစ်ဖို့လိုပါတယ်။

စပိန်နဲ့ မိုဇမ်ဘစ်နိုင်ငံတွေရဲ့ အသွင်ကူးပြောင်းမှုမှာ အမှန်တရားကို ဖော်ထုတ်တဲ့ သမားရိုးကျ
စုံစမ်းစစ်ဆေးမှုတွေ မပါရှိဘဲ အမျိုးသားပြန်လည်ရင်ကြားစေ့ရေး လုပ်ငန်းစဉ်အများအပြားကို
ဆောင်ရွက်နိုင်ခဲ့တာ တွေ့ရပါတယ်။

ဒီနိုင်ငံတွေရဲ့ ပြန်လည် ရင်ကြားစေ့ရေးဟာ စစ်မှန်မှု ရှိ မရှိ၊ တာရှည်ခံ မခံ၊ အမှန်တရားကော်မရှင်
ဖွဲ့စည်းဆောင်ရွက်ခဲ့တဲ့နိုင်ငံတွေနဲ့ ဘယ်လို ကွာတယ် မကွာဘူးဆိုတာကိုတော့ ပညာရှင်တွေက
လေ့လာနေကြဆဲပဲ ရှိပါသေးတယ်။

ဘာပဲဖြစ်ဖြစ် လွန်ခဲ့တဲ့ ဆယ်စုနှစ်အနည်း ငယ်အတွင်း ကမ္ဘာ့နိုင်ငံတွေရဲ့ အသွင်ကူးပြောင်းရေး
ကာလ အထင်ရှားဆုံးယန္တရားကတော့ အမှန်တရားကော်မရှင်များပါပဲ။

ဒီကော်မရှင်များ ပေါ်လွင်လာတာ သိပ်မကြာသေးပေမယ့် သူတို့ရဲ့ လုပ်ကိုင်နိုင်စွမ်း ပေးဝေနိုင်စွမ်း
ကတော့ ကျယ်ကျယ်ပြန့်ပြန့် အသိအမှတ်ပြု ခံကြရပါတယ်။

ပနားမား၊ ဥရုဂွေး၊ ယူဂိုဆလားဗီးယား၊ အာဂျင်တီးနား၊ ပီရူး၊ ဆီယာရာလီယွန်၊ ဂါနာ၊
သီရိလင်္ကာနိုင်ငံတွေမှာ ကော်မရှင်များဖွဲ့စည်းပြီး၊ ဖွဲ့စည်းဆဲ ဖြစ်ကြပါတယ်။

ဂွာတီမာလာနဲ့ တောင်အာဖရိက အမှန်တရားကော်မရှင်များဟာ သူတို့ရဲ့ လုပ်ငန်းများကို
အတော်လေးလေးနက်နက် လုပ်ကိုင်နိုင်ကြကြောင်း ပြသနိုင်ခဲ့ကြပါတယ်။

ကမ္ဘာပေါ်မှာ ယခုအထိ ဖွဲ့စည်းပြီးအမှန် တရားကော်မရှင် ၂၅ ခုထက်မနည်း ရှိခဲ့ပါတယ်။

နိုင်ငံအလိုက် အမည်အမျိုးမျိုး ပေးကြပါတယ်။

နောက်ထပ် သက်တမ်းတိုးခြင်း ရှိသော်လည်း မူလသက်တမ်းမှာ တစ်နှစ်၊ နှစ်နှစ်စသည်ဖြင့်
သက်တမ်းတိုသာ ယာယီ သဘောမျိုး ဖွဲ့စည်းခြင်းဖြစ်ပါတယ်။

အစိုးရများရဲ့ ခွင့်ပြုချက်နဲ့ ဖွဲ့စည်းပြီး အခွင့်အာဏာ ပေးအပ်ထားပါတယ်။

တချို့ကော်မရှင်များကို ငြိမ်းချမ်းရေးစာချုပ်အရ ခန့်အပ်လိုက်ခြင်းလည်း ရှိပါတယ်။

တရားစီရင်ပိုင်ခွင့် မရှိသော်လည်း တရားဝင်လွတ်လပ်စွာ ဆုံးဖြတ်ချက်ချ နိုင်ပါတယ်။

စစ်ပွဲအခြေအနေမှ ငြိမ်းချမ်းသော အခြေအနေ၊ အာဏာရှင်အုပ်ချုပ်ရေးမှ ဒီမိုကရေစီအုပ်ချုပ်ရေးသို့
နိုင်ငံရေးအရ အသွင်ကူးပြောင်းသော အခြေအနေတို့မှာ ဖွဲ့စည်းလေ့ရှိတာကို တွေ့ရှိရပါတယ်။

အတိတ်ကာလအပေါ်မှာသာ အာရုံစူးစိုက်ဆောင်ရွက်ရသောကော်မရှင် ဖြစ်ပါတယ်။

သီးခြား ဖြစ်စဉ်ဖြစ်ရပ်တစ်ခုချင်းအပေါ်မှာ စုံစမ်းစစ်ဆေးခြင်းမျိုး မဟုတ်ဘဲ အချိန်ကြာမြင့်စွာ
လွဲမှားနေသော ကျူးလွန်ဖောက်ဖျက်မှုများ၊ လူအများအပြားပါဝင်သော ကျူးလွန်မှုများမှ
စံနမူနာပြပုံစံများကိုသာ စုံစမ်းစစ် ဆေးခြင်းဖြစ်ကြောင်း တွေ့ရပါတယ်။

စုံစမ်းစစ်ဆေးတဲ့အခါ လူ့အခွင့်အရေးနဲ့ လူသားချင်းစာနာ ထောက်ထားမှုစံများကို အသုံးပြုပါတယ်။

နိဂုံးချုပ်ဆုံးဖြတ်ချက်နဲ့ ထောက်ခံ အကြံပြုချက်တို့ပါဝင်သော အပြီးသတ် အစီရင်ခံစာ
တင်သွင်းခြင်းဖြင့် ကော်မရှင်လုပ်ငန်းကို အဆုံးသတ်ပါတယ်။

အမှန်တရား ကော်မရှင်ရဲ့ လုပ်ငန်းများဟာ တရားစီရင်ရေး လုပ်ငန်းများနဲ့ ဆက်စပ်နေသော်လည်း
သူတို့ဟာ တရားစီရင်ရေးလုပ်ငန်းနဲ့ အတူတူပဲလို့ သဘောထားလို့ မရနိုင်သလို တရားစီရင်ရေး
ကိုလည်း အစားထိုးလို့မရပါဘူး။

သူတို့ရဲ့ အခွင့် အာဏာကလည်း တရားရုံးများထက် အများကြီးနည်းပါတယ်။

သူတို့ရဲ့ ဆုံးဖြတ်ချက်၊ အကြံပြုချက်များကို အကောင်အထည်ဖော်ဖို့ အတင်းအကျပ်ပြုလုပ်ခွင့်
မရှိပါဘူး။

သူတို့ရဲ့တာဝန်က အမှန်တရားကို ရှာဖွေမယ်၊ ရွေးချယ်ပေးမယ်၊ မှတ်တမ်းတင်မယ်၊
လူ အများသိအောင် ထုတ်ပြန်ကြေညာပေးမယ်၊ အကြံပြုချက်ပြောမယ် ဒီလောက်ပါပဲ။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။