ပြန်လည်ရင်ကြားစေ့ရေးနှင့် မဟာဗျူဟာထွက်ပေါက် (၅)

ဒီဇင်ဘာ ၁၄ ရက်က နေပြည်တော်ကောင်စီနယ်မြေတွင် ကျင်းပသော ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ တတိယအကြိမ် အစည်းအဝေး၌ ဦးသုဝေ ဆွေးနွေးနေစဉ်။ စွမ်းရဲထွဋ်/မြန်မာတိုင်း(မ်)ဒီဇင်ဘာ ၁၄ ရက်က နေပြည်တော်ကောင်စီနယ်မြေတွင် ကျင်းပသော ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ တတိယအကြိမ် အစည်းအဝေး၌ ဦးသုဝေ ဆွေးနွေးနေစဉ်။ စွမ်းရဲထွဋ်/မြန်မာတိုင်း(မ်)

အမျိုးသားပြန်လည်ရင်ကြားစေ့ရေးနှင့် မဟာဗျူဟာမြောက် ထွက်ပေါက်နဲ့ ပတ်သက်ပြီး အခန်းဆက်
ဆောင်းပါးကို အခုလို တင်ပြ ဆွေးနွေးထားပါတယ်။

အပြည်ပြည်ဆိုင်ရာ ဇာတ်ကောင်တွေ ဘာကြောင့် အရေးကြီးရသလဲ နိုင်ငံတစ်နိုင်ငံဟာ
အာဏာရှင်အုပ်ချုပ်ရေး စနစ်ကနေ ယှဉ်ပြိုင်မှုရှိတဲ့ အုပ်ချုပ်ရေးစနစ် (ဒီမိုကရေစီ) သို့မဟုတ်
တစ်စိတ်တစ်ပိုင်း ဒီမိုကရေစီ)သို့ ကူးပြောင်းနိုင်မှုအလားအလာ၊ သို့မဟုတ် ယှဉ်ပြိုင်မှုရှိတဲ့
အုပ်ချုပ်ရေးစနစ် ဆက်လက်တည်တံ့နိုင်မှု အလားအလာကို တွက်ဆတဲ့အခါမှာ ကျွန်တော်တို့ဟာ
ပြည်တွင်းဇာတ်ကောင်တွေကိုချည်း စဉ်းစားနေလို့ မရပါဘူး။

အဲဒီနိုင်ငံပါဝင်တဲ့ ကမ္ဘာ့အစိတ်အပိုင်းဒေသကြီးရဲ့ နိုင်ငံရေးပတ်ဝန်း ကျင်အခြေအနေနဲ့
အပြည်ပြည်ဆိုင်ရာ နိုင်ငံရေးဇာတ်ကောင်တွေကို အလေးထား စဉ်းစားရမှာ ဖြစ်ပါတယ်။

ဒါဟာ မဟာဗျူဟာကို စဉ်းစားရခြင်းလည်း ဖြစ်ပါတယ်။

သူတို့က ဘယ်လို မဟာဗျူဟာ ကျင့်သုံးနေသလဲ စဉ်းစားရမှာပါ။

နှိုင်းယှဉ်မှုပြုသော သီအိုရီအရဆိုရင်တော့ နိုင်ငံတစ်နိုင်ငံဟာ သူ့ဘာသာသူ ဒီမိုကရေစီထွန်းကား
လာတဲ့ အခြေအနေ ရောက်ဖို့ဆိုတာ အချိန်အများကြီးကြာပါတယ်။

ဒီမိုကရေစီဟာ တဖြည်းဖြည်းခြင်း ဖြစ်ထွန်းတတ်တဲ့ သဘာဝရှိပါတယ်။

အခြေခံလူတန်းစားရဲ့ နိုင်ငံရေးယဉ်ကျေးမှု၊ နိုင်ငံဖွံ့ဖြိုးတိုးတက်မှု အဆင့်အတန်း၊ အသိပညာပျံ့နှံ့မှု၊
လုပ်သားထုရဲ့ အရွယ်အစားနဲ့ အင်အား၊ ၀င်ငွေမညီမျှမှုအစရှိတဲ့ အကြောင်းတရားတွေက
အဓိကကျတယ်။

ဒီအကြောင်းတရားတွေက ရင့်မှည့်နေပြီ ဆိုရင်တောင် အချိန်တိုအတွင်းမှာ ဒီမိုကရေစီနိုင်ငံ
ဖြစ်လာဖို့ဆိုတာ အတော်ရှားပါတယ်။

အပြည်ပြည်ဆိုင်ရာ ဇာတ်ကောင်တွေရဲ့ သက်ရောက်အားရလာမှ မြန်မြန်ဆန်ဆန် ပြောင်းလဲတယ်လို့
ကျွန်တော်တို့ ယတိပြတ် မပြောနိုင်ပေမယ့်နိုင်ငံတစ်နိုင်ငံမှာ ဒီမိုကရေစီ အသွင်ကူးပြောင်းမှု
လျင်မြန်စွာ ဖြစ်ပေါ် လာတယ်ဆိုရင်တော့ ဒီအပြောင်းအလဲမှာ အပြည်ပြည်ဆိုင်ရာက
ပါဝင်ပတ်သက်မှု ရှိတယ်ဆိုတာကိုတော့ အတိအကျ ပြောနိုင်ပါတယ်။

နိုင်ငံတစ်နိုင်ငံရဲ့ အုပ်ချုပ်ရေးစနစ်အပေါ်မှာ အပြည်ပြည်ဆိုင်ရာသက်ရောက်မှုက
ဘယ်လိုဖြစ်စေနိုင်သလဲဆိုတာကို သုတေသနပြုထားတဲ့ ပညာရှင်တွေက အပိုင်းငါးပိုင်းခွဲပြီး
ဖော်ပြထားတာကို ကျွန်တော်ဖတ်ခဲ့ရပါတယ်။

အကျဉ်းချုပ်တင်ပြရမယ်ဆိုရင်တော့ ပထမအပိုင်းက အပြည်ပြည်ဆိုင်ရာ ဇာတ်ကောင်တွေဟာ
အားနည်းတဲ့နိုင်ငံ တစ်နိုင်ငံရဲ့ အုပ်ချုပ်ရေးစနစ်တစ်ခု ပြောင်းလဲခြင်း၊ သို့မဟုတ် တည်ငြိမ်ခြင်းအပေါ်
ကောင်းစွာ သက်ရောက်နိုင်စွမ်းရှိကြတယ်။

ပြည်တွင်းက နိုင်ငံရေးဇာတ်ကောင်နဲ့ အပြည်ပြည်ဆိုင်ရာ ဇာတ်ကောင်တို့ရဲ့ ပူးပေါင်းအားထုတ်မှုဟာ
နိုင်ငံတစ်ခုရဲ့ အုပ်ချုပ်ရေးစနစ် ပြောင်းလဲနိုင်ဖို့အတွက် ကြီးမားသောအင်အားကို ဖြစ်စေတယ်။

ဒုတိယအပိုင်းကတော့ ကမ္ဘာ့ဒီမိုကရေစီ ပြုပြင်ပြောင်းလဲရေးလှိုင်းဟာ အနည်းနဲ့ အများဆိုသလို
အမေရိကန်ပြည်ထောင်စုရဲ့ ဒီမိုကရေစီမြှင့်တင်ရေး နိုင်ငံခြားရေးမူဝါဒနဲ့ တစ်ပြိုင်တည်းဆိုသလို
ဖြစ်လာနေတာ တွေ့ရတယ်။

ကမ္ဘာ့ဒေသကြီးတစ်ခုမှာ ဒီမိုကရေစီ ပျံ့နှံ့ ရောစပ်ခြင်း သဘောတရားကို လေ့လာမယ်ဆိုရင်
အမေရိကန်နိုင်ငံခြားရေးမူဝါဒနဲ့ ခွဲခြားပြီးလေ့လာဖို့ သိပ်ခက်ခဲတယ်လို့ ပညာရှင်တွေက ဆိုပါတယ်။

တတိယအပိုင်းကတော့ နိုင်ငံတွေရဲ့ အုပ်ချုပ်ရေးစနစ်တွေ အပေါ်မှာ အပြည်ပြည်ဆိုင်ရာ ဒီမိုကရေစီ
ပျံ့နှံ့ရောစပ်ခြင်း သဘောတရားဟာ မကြာခင် နှစ်တွေအတွင်းမှာ လျင်မြန်စွာ ဖွံ့ဖြိုးတိုးတက်
နေသော်လည်း သူ့နောက်က ယန္တရားက သိပ်မလိုက်နိုင်သေးဘူးလို့ ဆိုပါတယ်။

သူတို့ ပြောချင်တာက တစ်ကမ္ဘာလုံးမှာ ဒီမိုကရေစီ စံနဲ့အညီဖြစ်တဲ့ လူ့အခွင့်အရေးတွေ၊
လူသားချင်းစာနာ ထောက်ထားမှုတွေ၊ သတင်းလွတ်လပ်ခွင့်တွေ ပျံ့နှံ့နေသော်လည်း နိုင်ငံတွေမှာ
ဒါတွေကို လေးစားလိုက်နာနိုင်အောင် ဥပဒေပြုမှုအပိုင်း၊ အရေးယူ ဆောင်ရွက်မှုအပိုင်းတွေမှာ
တိုးတက်မှု မကောင်းသေးတာကို ဆိုလိုတာပါ။

စတုတ္ထအပိုင်းကတော့ နိုင်ငံတွေမှာ အာဏာရှင်စနစ်ရဲ့ အားနည်းချက်တွေကို ပိုသိမြင်လာပြီး
ဒီမိုကရေစီ ပြုပြင်ပြောင်းလဲရေးလှိုင်းတွေရဲ့ အတိုင်းအတာပမာဏ လျင်မြန်စွာ ကြီးထွားလာရအောင်
အပြည်ပြည်ဆိုင်ရာဇာတ်ကောင်တွေက ကြီးမားစွာ ဩဇာလွှမ်းမိုးပြီး အားဖြည့်ပေးနိုင်ကြတယ်။

ပဉ္စမအပိုင်းကတော့ အပြည်ပြည်ဆိုင်ရာ ဇာတ်ကောင်တွေဟာ နိုင်ငံတွေရဲ့ ဒီမိုကရေစီ
အသွင်ကူးပြောင်းမှု ဖြစ်လာပြီဆိုရင် အောင်မြင်စွာ ကူးပြောင်းနိုင်ရေးအတွက်
အဆင်ပြေချောမွေ့အောင် အကူအညီပေးနိုင်ကြတယ်။

ယှဉ်ပြိုင်မှုရှိတဲ့ အုပ်ချုပ်ရေးစနစ် ဖြစ်လာတဲ့အခါ ဒီအုပ်ချုပ်ရေးစနစ်ကို လဲပြိုမသွားအောင်လည်း
အကာအကွယ်ပေးနိုင်ကြတယ်။

ဒါပေမဲ့ ဒီအုပ်ချုပ် ရေးစနစ်ကို ဒီမိုကရေစီစံနှုန်းမြှင့်တင်ပေးတဲ့ နေရာမှာတော့ ထိရောက်မှု
မရှိတော့တာကို တွေ့ရတယ်လို့ ဆိုပါတယ်။

ဆိုလိုတာက အသွင်ကူးပြောင်းနေစဉ် အခက်အခဲတွေကို အပြည်ပြည်ဆိုင်ရာ ဇာတ်ကောင်တွေရဲ့
ကူညီဖြေရှင်းပေးမှုကို လက်ခံရယူခဲ့သော်လည်း ဒီမိုကရေစီ၊ သို့မဟုတ် တစ်စိတ်တစ်ပိုင်း ဒီမိုကရေစီ
အုပ်ချုပ်ရေးစနစ်ကနေ ဒီမိုကရေစီ ရေချိန်မြင့်ဖို့ လုပ်တဲ့အခါမှာတော့ သိပ်လက်မခံနိုင်တော့တဲ့
သဘောကို ပြောတာပါ။

ပညာရှင်တွေရဲ့ လေ့လာတွေ့ရှိချက်ကို ကျွန်တော်တို့ရဲ့ ကိုယ်ပိုင်အတွေ့အကြုံများနဲ့ နှိုင်းယှဉ်လေ့လာ
သုံးသပ်နိုင်ကြပါတယ်။

အထက်မှာ တင်ပြခဲ့တဲ့ နိုင်ငံတစ်နိုင်ငံရဲ့ အုပ်ချုပ်ရေးစနစ်အပေါ် အပြည်ပြည်ဆိုင်ရာ
ဇာတ်ကောင်တွေရဲ့ ဩဇာသက်ရောက်မှု အပိုင်းငါးပိုင်းကနေ ယေဘုယျယူဆချက် တစ်ရပ်ကို
ဆွဲထုတ်လို့ရပါတယ်။

အဲဒါကတော့ နိုင်ငံတစ်နိုင်ငံမှာ အပြည်ပြည်ဆိုင်ရာ အထောက်အကူခိုင်မာစွာ ရရှိရင် ဒီမိုကရေစီ
အသွင်ကူးပြောင်းရေးဟာ ဖြစ်နိုင်ခြေပိုများတယ်။

အသွင်ကူးပြောင်းရေး အစိုးရတွေ ပြိုလဲနိုင်ခြေလျော့နည်းသွားတယ်။

တကယ်လို့ အပြည်ပြည်ဆိုင်ရာက အထောက်အကူ နည်းရင်တော့ အသွင်ကူးပြောင်းရေး ဖြစ်နိုင်ခြေ
လျော့နည်းမယ်။

အသွင်ကူးပြောင်းရေး အစိုးရတွေ ပြိုလဲနိုင်ခြေများမယ်လို့ ကောက်ချက်ဆွဲထားတာ ဖြစ်ပါတယ်။

တစ်နည်းအားဖြင့် အပြည်ပြည်ဆိုင်ရာ ဇာတ်ကောင်တွေဟာ နိုင်ငံတစ်နိုင်ငံရဲ့ ပြည်တွင်း
အုပ်ချုပ်ရေးစနစ်တစ်ခုကို ကိုယ်လိုချင်တဲ့ပုံစံအတိုင်း ရလဒ်ထွက်ပေါ်လာအောင်
စိုးမိုးခြယ်လှယ်နိုင်တယ်ဆိုတဲ့ အချက်ကို မီးမောင်းထိုးပြလိုက်တာပါပဲ။

ဒါဟာ ပြည်တွင်းနိုင်ငံရေးဇာတ်ကောင်တွေအတွက် သိပ်အရေးကြီးပါတယ်။

နိုင်ငံတစ်နိုင်ငံရဲ့ ကံကြမ္မာကို ပြည်တွင်းဇာတ်ကောင်က ဘယ်လောက်ဖန်တီးနိုင်သလဲ။

အပြည်ပြည်ဆိုင်ရာ ဇာတ်ကောင်က ဘယ်လောက်ဖန်တီးနိုင်သလဲ။ စဉ်းစားကြဖို့ပါ။

ပြည်တွင်း ဇာတ်ကောင်ရဲ့ တန်ဖိုးကို အပြည်ပြည်ဆိုင်ရာ ဇာတ်ကောင်က
ရွေးချယ်သတ်မှတ်ပေးနေသလား။ ဒါလည်း စဉ်းစားကြဖို့ပါ။

ပြည်တွင်းအုပ်ချုပ်ရေးစနစ်အပေါ်မှာ အပြည်ပြည်ဆိုင်ရာ ဇာတ်ကောင်တွေက လွှမ်းမိုးမှု ရှိနေတာကို
ဆွေးနွေးခဲ့ပြီးတဲ့နောက် သူတို့က ဘယ်ပုံဘယ်နည်းနဲ့ လွှမ်းမိုးခြယ်လှယ်မှုတွေ လုပ်နေကြသလဲ
ဆိုတာကို ကျွန်တော်တို့ ဆက်လက်ဆွေးနွေးသွားပါမယ်။

သူတို့က ယန္တရားခြောက်ခုနဲ့ လွှမ်းမိုး ခြယ်လှယ်နေကြတယ်လို့ စာအုပ်တစ်အုပ်မှာ တွေ့ရပါတယ်။

ပထမယန္တရားကတော့ ဒီမိုကရေစီစံနှုန်း ဦးစားပေးမှုတွေကို နိုင်ငံဖြတ်ကျော်ပျံ့နှံ့စေသောနည်း
ဖြစ်ပါတယ်။

ဒီမိုကရေစီနိုင်ငံရေး ဦးစားပေးမှုတို့ ဖြန့်ချိတဲ့ နေရာမှာ သူတို့ဟာ တစ်လမ်းသွားတစ်ပွဲတိုး
ဘယ်တော့မျှမလုပ်ပါဘူး။

ဘက်စုံထောင့်စုံက အကွက်စိပ်စိပ်ကလေး လုပ်ကြသူတွေပါ။

မျှတတဲ့ သဘောထားနဲ့ အစွန်းမရောက်သော နည်းကို အသုံးပြုပြီး ဖြန့်ချိသလို အစွန်းရောက်တဲ့
သဘောထားနဲ့လည်း တစ်ပြိုင်တည်း ဖြန့်ချိကြပါတယ်။

အုပ်ချုပ်ရေးအသိုက် အ၀န်းကို ချဉ်းကပ်သလို အတိုက်အခံကိုလည်း ချဉ်းကပ်တယ်။

ထိပ်ဆုံးအလွှာကို ၀င်သလို အောက်ဆုံးအခြေခံအလွှာအထိလည်း ရောက်ကြတယ်။

အပြည်ပြည်ဆိုင်ရာ ဇာတ်ကောင်တွေရဲ့ နိုင်ငံရေးတန်ဖိုးထားမှုနဲ့ ပြည်တွင်းဇာတ်ကောင်တွေရဲ့
နိုင်ငံရေး တန်ဖိုးထားမှု မတူညီကြပေမယ့် သူတို့ရဲ့ ဖြန့်ချိမှုကတော့ အသွားအပြန် နှစ်လမ်းသွားနည်းကို
အသုံးပြုလေ့ရှိပါတယ်။

ပြည်တွင်း နိုင်ငံရေးဇာတ်ကောင်တွေအပေါ် နိုင်ငံရေးအရ လွှမ်းမိုးမှုပြုနိုင်သလို ပြည်တွင်း
ဇာတ်ကောင်တွေရဲ့ တန်ဖိုးထားမှုတွေကိုလည်း သူတို့က လက်ခံရယူပြီး အသုံးပြုကြပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။