သမ္မတသစ် ထုဆစ်ရမည့် အနာဂတ်နိုင်ငံတော် (သို့မဟုတ်) ကျွန်ုပ်သာ သမ္မတဖြစ်ခဲ့လျှင်

ပြည်ထောင်စု ငြိမ်းချမ်းရေး ညီလာခံသို့ တက်ရောက်နေကြသည့် ကိုယ်စားလှယ်များကို ဇန်န၀ါရီ ၁၂ ရက်က တွေ့ရစဉ်။ အောင်ခန့်/မြန်မာတိုင်း(မ်)ပြည်ထောင်စု ငြိမ်းချမ်းရေး ညီလာခံသို့ တက်ရောက်နေကြသည့် ကိုယ်စားလှယ်များကို ဇန်န၀ါရီ ၁၂ ရက်က တွေ့ရစဉ်။ အောင်ခန့်/မြန်မာတိုင်း(မ်)

ကျွန်ုပ်သာ သမ္မတဖြစ်ခဲ့လျှင် ကျွန်ုပ် ပထမဦးဆုံး စလုပ်မည့် အလုပ်မှာ ပါတီစုံဒီမိုကရေစီ စနစ်ကို
စတင်အကောင်အထည်ဖော်ရန် ဖြစ်သည်။

တိုင်းရင်းသားပေါင်းစုံ၊ ပါတီ ပေါင်းစုံပါဝင်သည့် ပါတီစုံ စနစ်ကို အခိုင်အမာ ကျင့်သုံးပြီးမှသာလျှင်
ဒုတိယ ခြေလှမ်း အဖြစ်ပေါင်းစပ် ဖက်ဒရယ်စနစ်ကို ကျွန်ုပ် သွားမည် ဖြစ်သည်။

ဆိုလိုသည်မှာ ၀န်ကြီးဌာန ၃၆ ခုကို ကျွန်ုပ်ဖွဲ့စည်းမည်ဆိုပါက နိုင်ငံတော် လုံခြုံ ရေး၊ အုပ်ချုပ်ရေး၊
သံတမန်ရေးတွင် အဓိကကျ မည့် ၀န်ကြီးဌာန ၁၅ ခု ခန့်ကိုသာ ကျွန်ုပ် ဦးဆောင်သည့် ပါတီဘက်က
တာဝန်ယူ ခန့်အပ်ကြီးကြပ်ပြီး ကျန်ဌာနများကိုမူ မဲရှိမှု ရာခိုင်နှုန်းအလိုက် ဒုတိယ၊ တတိယ လိုက်မည့်
ပါတီနှင့် အခြားတိုင်းရင်းသားပါတီငယ်များကိုပါ ပေါင်းစုပြီး ပါတီအစုံ ပါဝင်စီမံခွင့်ပေးသွားမည်
ဖြစ်ပါသည်။

အစိုးရ အဖွဲ့ကို မဖွဲ့စည်းမီ ကျွန်ုပ် အစောဆုံးလုပ်မည့် အလုပ်မှာ ရွေးကောက်ပွဲတွင် အနိုင်ရခဲ့ကြသည့်
နိုင်ငံရေးပါတီများထဲက ပါတီခေါင်းဆောင်များနှင့် အရင်ဆုံးတွေ့ဆုံရမည့် အလုပ်ဖြစ်သည်။

ကျွန်ုပ်တို့ပါတီက မဲ အများဆုံး ရရှိခဲ့စေကာမူ အာဏာရ ပါတီဟူသော အသုံးအနှုန်းကို
ကျွန်ုပ်လက်ခံမည် မဟုတ်ချေ။ ထိုနည်းတူစွာပင် ဒုတိယ မဲအများဆုံးရမည့် ပါတီနှင့် အခြားပါတီများ
ကိုလည်း အတိုက်အခံပါတီဟူသော စကားရပ်ကို ကျွန်ုပ်ခေါ်ဝေါ်သုံးစွဲစေမည် မဟုတ်ပါ။

အဘယ်ကြောင့်ဆိုသော် ကျွန်ုပ်တို့ပါတီ များအားလုံးသည် ပြည်သူက ရွေးချယ်ပေးလိုက်သည်ကို
လျော်ညီစွာ၊ ပါတီစုံစနစ်နှင့်လည်း ပီသစွာ ကျွန်ုပ်တို့အားလုံးပေါင်းစပ် ညှိနှိုင်းဆွေးနွေး
လုပ်ကိုင်ကြရမည် ဖြစ်ပေသည်။

အစိုးရဖွဲ့သည့်ပုံစံသည် အခြေခံဥပဒေကိုလည်း ချိုးဖောက်ရာမရောက်၊ အစိုးရအဖွဲ့ ဥပဒေကိုလည်း
ဘောင်မကျော်ပေ။

အစိုးရအဖွဲ့ကို မည်သူတွေနှင့် မည်သို့ဖွဲ့စည်းရမည်ဆိုခြင်းကိုမူ မည်သည့်ဥပဒေထဲတွင်က တိတိကျကျ
ပြဋ္ဌာန်းထားခြင်း မရှိပေ။

ထိုအချက်သည်ပင်လျှင် ကျွန်ုပ် သမ္မတ ဖြစ်ခဲ့ပါက အစိုးရအဖွဲ့ကို မိမိစိတ်ကြိုက် ဖွဲ့ခွင့်ရမည့်
အခြေအနေတစ်ရပ်ကို ဖန်တီးပေးထားသကဲ့သို့ရှိချေလေ၏။

ထိုသို့ ဖွဲ့စည်းခြင်းသည် လူမျိုးကြီးဝါဒကို မစွဲကိုင်နိုင်သလို အခြားအခြားသော တိုင်းရင်းသားအားလုံး
ကိုလည်း Power Sharing ဖော်ဆောင်ပေးရာ ရောက်စေသည်ဟု ကျွန်ုပ်ယုံကြည်မိသည်။

တစ်နည်းအားဖြင့် ဖက်ဒရယ်စနစ်ကို စတင် ဖော်ဆောင်နိုင်သော တိုင်းရင်းသား လူမျိုးပေါင်းစုံ
အားလုံးပါဝင်ပြီး နိုင်ငံ့အရေးကို လက်တွဲလုပ်ဆောင်နိုင်သည့် လမ်းကောင်း ဖြစ်သည်။

အရေးကြီးဆုံးဖြစ်သည့် လက်နက်ကိုင်လမ်းစဉ်မှ သွေဖည်၍ ငြိမ်းချမ်းရေးပန်းခင်းဆီ အတူတကွ
လျှောက်လှမ်းနိုင်သော လမ်းကောင်းကြီးတစ်ရပ် ဖြစ်စေမည်ဟုလည်း ကျွန်ုပ်ထပ်ဆင့်
ယုံကြည်ပါသည်။

နောက်တစ်ချက်အနေဖြင့် ပြည်သူဘ၀ထဲသို့ အမှန်ကွင်းဆင်းပြီး သူတို့ ဘာလိုအပ်နေတာလဲ၊
သူတို့ဖြစ်စေချင်တာ ဘာလဲ အရင်သိအောင်လုပ်မည်ဖြစ်ပါသည်။

ထိုအချက်များကို သိရှိပြီးမှသာလျှင် ကျွန်ုပ်တို့အစိုးရအဖွဲ့လုပ်ဆောင်ရမည့် ကိစ္စများကို တစ်ဆင့်ချင်း
ဆက်လက်တိုးမြှင့်ကာ ဆောင်ရွက်သွားရမည်ဖြစ်သည်။

ယခင်အစိုးရအဆက်ဆက် ပြည်သူလူထု ထောက်ခံမှု ကျဆင်းစေခဲ့သည့်အဓိက အချက်ဖြစ်သော
ပြည်သူလူထုနှင့် ဝေးကွာနေခဲ့ခြင်းဟု ကျွန်ုပ်ထင်မြင်ယုံကြည်ထားခဲ့လေသည့် အားလျော်စွာ
မိမိအစိုးရအဖွဲ့ လုပ်ဆောင်ချင်သည့် အလုပ်များကို ခဏဘေးဖယ်ကာ ပြည်သူက အရင်ဆုံး
ဘာလုပ်စေချင်သလဲဆိုသည်ကို သိအောင် ပြည်သူနှင့် တွေ့ဆုံမှုများကို အတိအလင်းတစ်မျိုး၊
ခိုးကြောင်ခိုးဝှက် တစ်မျိုး လုပ်သွားရမည်ဟုလည်း ကျွန်ုပ်ယူဆထားလေသည်။

သို့မှသာ ပြည်သူလူထုအတွင်း တစ်နည်းအားဖြင့် နိုင်ငံတော်အတွင်း ဖြစ်ပေါ်နေသည့်
နောက်ဆုံးပကတိ အခြေအနေမှန်များကို သိရှိနိုင်မည် ဖြစ်သည်။

ပြည်သူများရင်ဆိုင်ကြုံတွေ့နေကြရသော နိုင်ငံတော်၏ပကတိ အခြေအနေမှန်များကို သိရှိပြီးပါက
ကျွန်ုပ် အဆောတလျင် ပြုလုပ်မည့် အချက်မှာ သက်ဆိုင်ရာ နယ်ပယ်များအလိုက် ဆိုင်ရာဥပဒေများကို
ပြန်လည်ပြင်ဆင် ရေးဆွဲပြဋ္ဌာန်းရေးပင် ဖြစ်ပါသည်။

ကျွန်ုပ်ပြန်လည်ရေးဆွဲပြင်ဆင်မည့် ဥပဒေများတွင် ခေတ်အဆက်ဆက် ပြည်သူများအတွက်
ဝန်ထုပ်ဝန်ပိုးဖြစ်စေခဲ့သည့် အချက်များကို ရွေးနုတ်ပြင်ဆင်ရေးပင်ဖြစ်ပါသည်။

ထိုဥပဒေများသည် အခြေခံကျသည့် ပြည်သူတို့၏ လူမှုအကျိုး စီးပွားဘ၀များအတွက်သာ ဖြစ်စေရမည်
ဖြစ်ပါသည်။

လူနည်းစု စီးပွားရေးလုပ်ငန်းရှင်များ၊ နိုင်ငံခြားသားများကို ဦးစားပေးသည့် ပြဋ္ဌာန်းချက်များကိုမူ
ကျွန်ုပ်လက်ခံမည်မဟုတ်ပေ။

နောက် ဒုတိယလုပ်မည့်လုပ်ငန်းမှာ ဌာနဆိုင်ရာများကို အောက်ခြေအဆင့်အထိ ဆင်းကြည့်ပြီး
ကြပ်ကြပ်မတ်မတ် စစ်ဆေးကြရမည့် အလုပ်ပင် ဖြစ်သည်။

အဂတိတရားလိုက်စားပြီး အပိုကုန်ကျစေမည့် တွက်ချက်မှုမျိုး၊ တင်ပြချက်မျိုးမဖြစ် ပေါ်စေရန်
အလွန်ပင်အရေးကြီးလှပေသည်။

ဌာနဆိုင်ရာ ၀န်ထမ်းအကြီးအမှူးများနှင့် ၀န်ကြီး၊ ဒုဝန်ကြီးများ၏ အဆောင်အယောင်များကို
ပြန်လည်စိစစ်ကာ လေလွင့်ဆုံးရှုံးမှု မဖြစ်ပေါ်စေရေးအတွက် လျှော့ချသင့်သည့်ကိစ္စ အ၀၀ကို
ကျွန်ုပ်တာဝန်ယူသည့် ဘဏ္ဍာရေးကော်မရှင်အစည်းအဝေးတွင် လျှော့ချ ဖြတ်တောက်ပစ်ရန်ပင်
ဖြစ်သည်။

ဝန်ကြီးဌာနများကို ပြည်သူလူထု အပေါ်ဝန်ဆောင်မှု ကောင်းကောင်းပေးနိုင်သော ဌာနများအဖြစ်
အကောင်အထည် ဖော်ဆောင်မည်ဖြစ်သည်။

ပြည်သူလူထု၏ သွားရေးလာရေးကိစ္စရပ်များ၊ စားသောက် နေထိုင်ရေးကိစ္စရပ်များမှအစ အဆင်ပြေ
လွယ်ကူလျှင်မြန်ချောမွေ့အောင် ဖော်ဆောင်နိုင်ရေး မူဝါဒအသစ်များပြန်လည်ရေးဆွဲကာ ဖိအားပေး
ကြပ်မတ်တိုက်တွန်းမည်ဖြစ်သည်။

တတိယအဆင့်အနေဖြင့် အရေးကြီးဆုံး အချက်မှာ အုပ်ချုပ်သူအစိုးရ၀န်ကြီး ဌာနများနှင့် ပြည်သူ
လူထုအကြား အပြန်ပြန် အလှန်လှန် ထိန်းကျောင်းပြုပြင်နိုင်မည့် တစ်ခုတည်းသော
နည်းလမ်းကောင်းဖြစ်သည့် တရားဥပဒေစိုးမိုးမှု rule of law ဖြစ်အောင် အခိုင်အမာ
တည်ဆောက်ရန်ပင်ဖြစ်ပါသည်။

သို့မှသာ နိုင်ငံအတွင်း အနယ်နယ်အရပ်ရပ်တွင် အမြစ်တွယ်ဖြစ်ပေါ်နေသော အကျင့်ပျက်ခြစားမှုများကို
ဖော်ထုတ်အရေးယူနိုင်မည် ဖြစ်ပေသည်။

တရားဥပဒေ စိုးမိုးရေးစင်တာများက စောင့်ကြည့်ထိန်းချုပ်ခြင်းအားဖြင့် အချိန်အနည်းငယ်အတွင်း
လျော့ပါးသွားစေမည် ဖြစ်လေသည်။

ဝန်ကြီးဌာနများက ၀န်ထမ်းအကြီးအကဲများ အတွက်မူအထူးစုံစမ်းစစ်ဆေးရေးအဖွဲ့ကို
တာဝန်ယူစေကာအဆိုပါ စင်တာများနှင့် ပေါင်းစပ်ပြီး ယခင်ဥပဒေအရဖွဲ့စည်းထားသည့်
အဂတိလိုက်စားမှု တိုက်ဖျက်ရေးကော်မရှင်ကို ပြန်လည်ဖွဲ့စည်းပြီး အဆိုပါ အဖွဲ့ဖြင့်ပင် ထပ်မံပေါင်းစပ်
ထိန်းညှိရေးပင် ဖြစ်သည်။

ထို့နောက်တွင်မူ စတုထ္ထအချက်အနေဖြင့် အထူးအလေးပေးဆောင်ရွက်မည့်အချက်မှာ
တိုင်းရင်းသားခေါင်းဆောင်များနှင့် တွေ့ဆုံရေးပင် ဖြစ်သည်။

ထိုအချက်သည်ပင်လျှင် ကျွန်ုပ်အရေးတကြီး မျှော်မှန်းခဲ့သော စစ်မှန်သော ပေါင်းစပ်ဖက်ဒရယ်စနစ်ကို
ပုံဖော်ရေး၏ လမ်းစပင် ဖြစ်ပေသည်။

တိုင်းဒေသကြီးနှင့် ပြည်နယ်များတွင် အခြေခံဥပဒေအရ ဖွဲ့စည်းထားရှိပြီးဖြစ်သည့်
လွှတ်တော်များအလိုက် ၎င်းတို့တိုင်းနှင့် ပြည်နယ်များအတွက် ဖွဲ့စည်းအုပ်ချုပ်ပုံ အခြေခံဥပဒေ
အသစ်များ ရေးဆွဲပြဋ္ဌာန်းကြ စေပြီး တင်သွင်းဆွေးနွေးဆုံးဖြတ် အတည်ပြု ပြဋ္ဌာန်းကြရမည်
ဖြစ်သည်။

ထိုသို့ရေးဆွဲပြဋ္ဌာန်းကြရမည့် တိုင်းနှင့် ပြည်နယ်များအလိုက် ဖွဲ့စည်းပုံအခြေခံ ဥပဒေများတွင်
ဥပဒေပြုရေးအပိုင်းကို ပြည်ထောင်စုနှင့် ကျန်တိုင်းနှင့် ပြည်နယ်များဖြင့် ပေါင်းစပ်ရေးဆွဲပြဋ္ဌာန်းရေး၊
နောက် သယံဇာတများ အချိုးတူ ဝေမျှသုံးစွဲရေး ဟူသည့် အထူးအရေးကြီးသည့်အချက်များကို
ထည့်သွင်းကြရမည်ဖြစ်သည်။

အခြားအခြားသော လူမှုစီးပွားဘ၀ တိုးတက်စေသော ကိစ္စရပ်များကိုမူ ၎င်းတို့
ကိုယ်ပိုင်ပြဋ္ဌာန်းချက်များဖြင့် တိုးတက်အောင် ဆောင်ရွက်ကြရမည်သာဖြစ်ပြီး ပြည်ပ ချေးငွေ
ကိစ္စရပ်များအပေါ်တွင်လည်း အချိုးကျ မျှဝေပြီး တက်ညီလက်ညီ အကောင် အထည်ဖော်ကြရမည်သာ
ဖြစ်လေသည်။

တပ်မတော်နှင့် ဆက်ဆံရေးအပိုင်းကို ပြောရပါလျှင်လည်း ကျွန်ုပ်အနေဖြင့် တပ်မတော်ကိုလည်း
Professional ပီပီသသ ရပ်တည်နိုင်ရေး၊ နိုင်ငံရေးပါတီများနှင့် ကင်းရှင်းစွာ ရပ်တည်ပြီး
စွမ်းရည်မြှင့်တင်နိုင်ရေး၊ စစ်သည်များ ကိုယ့်ဂုဏ် ကိုယ့်သိက္ခာနှင့်အညီ နိုင်ငံတကာတပ်မတော်များနှင့်
လိုက်ဖက်စွာ နေထိုင်ဝတ်ဆင်စားသောက် တိုက်ပွဲဝင်နိုင်ရေးတို့ကို တစ်စိုက်မတ်မတ်
အားပေးကူညီမည် ဖြစ်သည်။

ထိုနည်းတူစွာပင် နိုင်ငံ့ဝန်ထမ်းများကိုလည်း ကိုယ့်ဂုဏ်ကိုယ့်သိက္ခာနှင့်အညီ အဂတိတရား
ကင်းကင်းရှင်းရှင်းဖြင့် ပြည်သူလူထုက အမှန်တကယ်လေးစားထိုက်သည့် ၀န်ထမ်းကောင်းများ
ဖြစ်စေရေး ကျွန်ုပ် တတ်စွမ်းသမျှအကောင်အထည် ဖော်ဆောင်မည် ဖြစ်ပါသည်။

၎င်းတို့၏ လစာစရိတ်များ ထိုက်တန်စွာရရှိရေးနှင့် ဘ၀လုံခြုံမှု ရှိရေး၊ ဘ၀အာမခံချက်ရရှိရေးတို့အတွက်
ကိုလည်း စဉ်းစားတွက်ချက်အကောင်အထည် ဖော်ဆောင်ပေးမည် ဖြစ်ပါသည်။

ဆင်းရဲသားတောင်သူလယ်သမားများ၏ ဘ၀အစစ်အမှန်ကို သိရှိလေ့လာပြီး ပြင်ဆင်ထိုက်သည့်
ဥပဒေများပြင်ဆင်ရေးဆွဲ ပြဋ္ဌာန်းခြင်းများအပြင် လယ်ယာသုံး စက်ကိရိယာ ပစ္စည်းများကိုလည်း
မိမိနိုင်ငံအတွင်းမှာပင် ကုန်ကျစရိတ် သက်သက်သာသာဖြင့် ထုတ်လုပ် ဖြန့်ဖြူးပေးနိုင်ရေး၊
စပါးမျိုးကောင်းမျိုးသန့်များ ဖြန့်ဖြူးပေးနိုင်ရေးတို့ကို အလျင်အမြန် ဆောင်ရွက်ရမည် ဖြစ်သည်။

ထို့ပြင် အခြေခံ အလုပ်သမားများ၏ လုပ်ခလစာနှင့် အကျိုးခံစားခွင့်များ၊ နောက် နိုင်ငံတော်အတွင်းရှိ
အလုပ်လက်မဲ့လူငယ် ဘွဲ့ရများနှင့် ယခုလက်ရှိ နိုင်ငံတကာတွင် ရောက်ရှိနေသော
ရွှေ့ပြောင်းအလုပ်သမား များစွာအတွက် အလုပ်အကိုင်အခွင့်အလမ်း ရရှိရေးကိစ္စသည်လည်း
ကျွန်ုပ်ဦးစားပေး ဖော်ဆောင်မည့် စီးပွားရေးမူဝါဒတွင် ပါရှိလေသည်။

ကျန်ရှိနေသည့် နိုင်ငံသားများ၏ ပညာရေး၊ ကျန်းမာရေးကိစ္စများ၊ ကလေးသူငယ်
သက်ကြီးဘိုးဘွားစောင့်ရှောက်ရေးကိစ္စများ၊ မသန်မစွမ်းသူများအတွက် ဖော်ဆောင်ပေးရမည့်
လုပ်ငန်းများစသည့် အရာအားလုံးအတွက် ကျွန်ုပ်ဦးဆောင်မည့် အစိုးရ၀န်ကြီး ဌာနများ အားလုံးသည်
နေ့တွင်လည်း အားကြရမည် မဟုတ်၊ ညတွင်လည်း နားကြရမည် မဟုတ်ဘဲ ကျွန်ုပ်ချစ်သော
ဗိုလ်ချုပ်အောင်ဆန်း ပြောသည့် ပြဲနေအောင်လုပ်ပါမှ တန်ကာကျ မည်ဟူသော စကားကို
လက်ကိုင်ပြုကာ တိုင်းပြည် တိုးတက်ငြိမ်းချမ်းသာယာဝပြောရေးအတွက် အရိုးကြေကြေ
အရေခန်းခန်းဆောင်ရွက် သွားကြရမည်သာ ဖြစ်ပါကြောင်း။

(စာရေးသူသည် နိုင်ငံရေးလေ့လာသုံးသပ် ချက်ဆောင်းပါးများကို ပြင်ပစာနယ်ဇင်းများတွင်
ကလောင်ခွဲအမျိုးမျိုးဖြင့် ရေးသားနေသူ ဖြစ်သည်။)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။