''မဲဆန္ဒရှင်စာရင်းလာကြည့်တဲ့သူတွေက ကော်မရှင်ရဲ့ထုတ်ပြန်ချက်အရ သုည ဒသမ ၆၇ ရာခိုင်နှုန်းသာ လာကြည့်တယ်လို့ တွေ့ရပါတယ်။''

ယုံကြည်ရသောရွေးကောက်ပွဲများပေါ်ပေါက်ရေး ပြည်သူများ ပူးပေါင်းလှုပ်ရှားမှုအဖွဲ့(PACE) က
ကြားဖြတ်ရွေးကောက်ပွဲ ကျင်းပမည့် ဧပြီ ၁ ရက်တွင် စောင့်ကြည့်လေ့လာရန်အတွက် ဖေဖော်ဝါရီ
လကုန်နောက်ဆုံးထား၍ စေတနာ့ဝန်ထမ်း ၄၈ ဦးကို မုံရွာမြို့နယ်အတွက် ခေါ်ယူလျက်ရှိသည်။
ကြားဖြတ်ရွေးကောက်ပွဲ စောင့်ကြည့်လေ့လာမှုများ စတင်ဆောင်ရွက်နေပြီဖြစ်ရာ ယုံကြည်ရသော
ရွေးကောက်ပွဲပေါ်ပေါက်ရေး ပြည်သူများပူးပေါင်းလှုပ်ရှားမှုအဖွဲ့ (PACE) စစ်ကိုင်းတိုင်းဒေသကြီး
ညှိနှိုင်းရေးမှူး ကိုဇော်သူရိန်ထွန်းအား မြန်မာတိုင်းမ်နေ့စဉ် မြို့နယ် သတင်းထောက် သင့်တော်(မုံရွာ)က
အောက်ပါအတိုင်းတွေ့ဆုံမေးမြန်းထားပါသည်။

vote.jpg - 34.18 KBvote.jpg - 34.18 KB

PACE အဖွဲ့အနေနဲ့ မုံရွာမြို့နယ် အတွင်း စောင့်ကြည့်လေ့လာဖို့ ဘာတွေဆောင်ရွက်
ထားတယ်၊
ဘာတွေဆောင်ရွက်နေတယ်ဆိုတာ သိချင်ပါတယ်။

ကြားဖြတ်ရွေးကောက်ပွဲ စောင့်ကြည့်လေ့လာ တာကို အပိုင်းလေးပိုင်းခွဲလုပ်ဆောင်နေပါတယ်။
ပထမအပိုင်းဖြစ်တဲ့ မဲစာရင်းပြုစုတာကို လိုက်လံစောင့်ကြည့်လေ့လာထားပါတယ်။
ကော်မရှင်ပြောတာက မဲစာရင်းကို တစ်အိမ် တက်ဆင်း ပြုစုတယ်ပြောတယ်။ ဘယ်လောက်ရာခိုင်နှုန်း
လုပ်သွားတယ်ဆိုတာကို မဲဆန္ဒရှင် တွေရဲ့ အိမ်တွေကို လိုက်လံမေးမြန်း စောင့်ကြည့်တာ
တွေလုပ်ထားပါတယ်။ ဒုတိယအနေနဲ့ မဲဆန္ဒရှင် စာရင်းပြသတာကို စောင့်ကြည့်ပါတယ်။
ပြသတဲ့အခါ ရပ်/ကျေး ကော်မရှင်ရုံးမှာပြသတာတွေဟာ လူမြင်သာတဲ့ နေရာမှာပြသသလား။
ဘယ်လိုလုပ်ဆောင်တယ်ဆိုတာကို စောင့်ကြည့်ပါတယ်။ တတိယအနေနဲ့ အမတ် လောင်းတွေ
မဲဆွယ်စည်းရုံးတာ ဥပဒေ၊ နည်း ဥပဒေ ညွှန်ကြားချက်တွေနဲ့ ညီညွတ်မှုရှိမရှိ စောင့်ကြည့်
သလိုအမတ်လောင်းတွေစည်းရုံး ရေးလုပ်တဲ့အခါ ပြိုင်ဘက်ပါတီတွေကို တိုက်ခိုက်တဲ့စကားလုံး
သုံးသလားဆိုတာကို လည်းစောင့်ကြည့်ရပါတယ်။ နောက်ပြီး ငွေပေးစည်းရုံးတာတွေရှိသလား
ဆိုတာကို အမတ်လောင်းတွေ မဲဆွယ်စည်းရုံးတဲ့နေရာ တွေအထိ စောင့်ကြည့်နေပါတယ်။

ရွေးကောက်ပွဲနေ့ဧပြီ ၁ရက်အတွက် ဘယ်လို ပြင်ဆင်နေပါသလဲ။

ရွေးကောက်ပွဲနေ့ မဲပေးတာကို စောင့်ကြည့်ပါ မယ်။ အဲဒီလိုစောင့်ကြည့်ဖို့ မုံရွာမြို့နယ်အတွက်
၄၈ ယောက်နဲ့စောင့်ကြည့်လေ့လာပါမယ်။ မဲရုံတွေကို ကျပန်းနည်းစနစ်နဲ့စောင့်ကြည့်မယ်။
အဲဒါကတော့ ဘယ်မဲရုံကိုဘယ်သူစောင့်ကြည့်မယ်ဆိုတာ ထိပ်တန်းလျှို့ဝှက်ချက်အဖြစ်ထားပါတယ်။
ရွေးကောက်ပွဲနေ့မှာ ရွေးချယ်ထား တဲ့ ၄၈ ဦးက မဲရုံတွေကို ဝင်ရောက်လေ့လာမယ်။
ထိုင်ကြည့်မယ်။ အဲဒီနေ့တစ်နေကုန် လှုပ်ရှားဆောင်ရွက်ကြပါမယ်။ မြင်သမျှ တွေ့ သမျှကို
မှတ်သားထားပြီး အချက်အလက် တွေကို ပြုစုပြီးရင် အများပြည်သူသိရှိအောင် ချပြပေးသွားမှာ
ဖြစ်ပါတယ်။ ရွေးကောက်ပွဲ မတိုင်ခင် စောင့်ကြည့်လေ့လာမှုမှာ လူဦးရေ ၂ဝလောက်နဲ့
စောင့်ကြည့်ခဲ့ပြီး ရွေးကောက်ပွဲ နေ့မှာ ၄၈ ဦးနဲ့စောင့်ကြည့်ဖို့ စီစဉ်နေပါတယ်။ ၄၈ ဦးနဲ့
စောင့်ကြည့်ဖို့အဖွဲ့မှာ လောလော ဆယ် ၁၈ ဦးသာရှိသေးပြီး ၃ဝလိုနေပါသေး တယ်။

လိုနေတဲ့စေတနာ့ဝန်ထမ်းတွေခေါ်ဖို့ ဘယ်လို အချက်တွေကြည့်ပြီး ခန့်ထားမှာလဲ
ဆိုတာနဲ့
ဘယ်နေ့ နောက်ဆုံးထားလျှောက်ရမယ် ဆိုတာကိုပြောပြပေးပါဦး။

စေတနာ့ဝန်ထမ်းလျှောက်ထားလိုသူတွေဟာ နိုင်ငံရေးပါတီဝင်မဟုတ်သူဖြစ်ရမှာ ဖြစ်သလို
နိုင်ငံရေးပါတီတစ်ခုရဲ့ အကျိုးစီးပွားအလို့ငှာ ပါတီရဲ့လုပ်ငန်းတွေကို ကူညီအားပေးတာဝန်ယူ
လုပ်ဆောင်ပေးနေတဲ့သူမဖြစ်ရပါဘူး။ ၁၈နှစ် ပြည့်ပြီးတဲ့မဲပေးပိုင်ခွင့်ရှိတဲ့သူဖြစ်ရမယ့်အပြင်
မြန်မာစာနဲ့မြန်မာစကားကို ကောင်းကောင်း မွန်မွန်ရေးတတ်၊ ဖတ်တတ်၊ ပြောတတ်သူဖြစ်ရ
ပါမယ်။ လူအများနဲ့လည်း ယဉ်ယဉ်ကျေးကျေး ဆက်ဆံပြောဆိုတတ်သူဖြစ်ရပါမယ်။
မုံရွာ မြို့နယ်အတွင်း နေရာဒေသမရွေး သွားလာ နိုင်ရမှာဖြစ်ပြီး စစ်တမ်းကောက်တဲ့နေရာမှာ
ဘက်လိုက်တာမရှိဘဲ တိတိကျကျနဲ့ အချိန် မှန်မှန် လုပ်ဆောင်နိုင်တဲ့သူလည်း ဖြစ်ရပါမယ်။
ကိုယ်တာဝန်ကျတဲ့နေရာမှာ စစ်တမ်းကောက်ယူနိုင်သူလည်း ဖြစ်ရပါမယ်။ ရွေးချယ်ခံရတဲ့
သူတွေကို PACE အဖွဲ့က မတ်လထဲမှာ နှစ်ရက်သင်ပေးမယ့်စစ်တမ်းကောက်ယူနည်း
သင်တန်းကို ဖွင့်လှစ်သင်ကြားပေးသွားမှာ ဖြစ်ပါတယ်။ ရွေးချယ်ခံရတဲ့ လုပ်အားပေး
စေတနာ့ဝန်ထမ်းတွေအနေနဲ့ သင်တန်းပြီးတဲ့ အထိ တက်ဖို့လိုသလို စစ်တမ်းကောက်တဲ့
ကာလအတွင်းမှာ PACE အဖွဲ့က နေထိုင် သွားလာကုန်ကျစရိတ်ကို ခရီးအကွာအဝေး
ပေါ်မူတည်ပြီး သတ်မှတ်နှုန်းထားတွေကို ချီးမြှင့်ပေးသွားမှာဖြစ်ပါတယ်။ လျှောက်ချင်တဲ့
သူတွေဟာ ကိုဇော်သူရိန်ထွန်း ဖုန်း - ဝ၉၄ဝဝ၄၅၄၅၂၃ ကို ဆက်သွယ်
လျှောက်ထားနိုင်ပါတယ်။

လက်ရှိမှာ ကြားဖြတ်ရွေးကောက်ပွဲအပေါ် ပြည်သူတွေအနေနဲ့ စိတ်ဝင်စားမှု ဘယ်လို
ရှိပါသလဲ။

အများပြည်သူတွေအနေနဲ့ စောင့်ကြည့်လေ့လာ တဲ့အဖွဲ့ရဲ့တွေ့ရှိချက်ကတော့ စိတ်ဝင်စားမှု
အတော်လေးအားနည်းတာကို တွေ့ရပါတယ်။ စစ်တမ်းအတွက် မေးခဲ့တဲ့အထဲမှာ ကြားဖြတ်
ရွေးကောက်ပွဲကို သိရှိပါသလားဆိုတဲ့ မေးခွန်း ကိုမေးရာမှာ စစ်တမ်းကောက်ယူတဲ့ လူအရေ
အတွက်ရဲ့ ၆၅ ရာခိုင်နှုန်းကတော့ သိရှိတယ် လို့ဖြေတာ ကောက်ယူရရှိပါတယ်။ ဒါပေမဲ့
မဲဆန္ဒရှင်စာရင်းလာကြည့်တဲ့သူကတော့ ကော်မရှင်ရဲ့ ထုတ်ပြန်မှုအရ သုည ဒသမ
၆၇ ရာခိုင်နှုန်းသာ လာကြည့်တယ်ဆိုတာ တွေ့ရ ပါတယ်။ အရင်ရွေးကောက်ပွဲတွေထက်တော့
စိတ်ဝင်စားမှု အတော်နည်းသွားတာတွေ့ရ ပါတယ်။ ကြားဖြတ်ရွေးကောက်ပွဲလည်းဖြစ်
မြန်မာနိုင်ငံမှာ ဒီမိုကရေစီအလေ့အထတွေ အလွန်အားနည်းသေးတဲ့အတွက် နည်းသွားတာ
ဖြစ်နိုင်ပါတယ်။ ပြီးတော့ ပြည်သူအများစုရဲ့ ထောက်ခံမှုနဲ့ အင်န်အယ်လ်ဒီပါတီက အနိုင်ရပြီး
အစိုးရဖြစ်သွားပြီဆိုတော့ မဲဆန္ဒရှင်ပြည်သူတွေ အနေနဲ့ စိတ်အေးသွားတာမျိုးလည်းပါတာ
ပေါ့။ တစ်ဖက်ကလည်း ကြားဖြတ်ရွေးကောက်ပွဲ မှာ ပါတီခေါင်းဆောင်တွေဟာ မဲဆွယ်စည်း
ရုံးတာမရှိတော့ဘူး။ မဲဆန္ဒနယ်မှာ ယှဉ်ပြိုင် မယ့် အမတ်လောင်းတွေဟာ ကိုယ့်ဘာသာကိုယ်
မဲဆွယ်ရတာဖြစ်ပြီး ပါတီတွေအနေနဲ့လည်း အုံနဲ့ကျင်းနဲ့မဲဆွယ်တာတွေ မရှိတော့ဘူး။ မရှိ တော့
တဲ့အတွက် လူတွေရဲ့စိတ်ဝင်စားမှုက အရင်က အထွေထွေရွေးကောက်ပွဲလောက် စိတ်ဝင်စားမှု
မရှိဘူးလို့ မြင်ပါတယ်။

ဟုတ်ကဲ့ အခုလို သိချင်တာတွေဖြေပေးတဲ့ အတွက် ကိုဇော်သူရိန်ထွန်းကို
ကျေးဇူးတင်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။