ငြိမ်းချမ်းရေး၊ ဒီမိုကရေစီရေး၊ စည်းလုံးညီညွတ်ရေးနှင့် ဥရောပသမဂ္ဂ

 

ဥရောပသမဂ္ဂတည်ထောင်ရန် ရောမသဘောတူစာချုပ်ကိုလက်မှတ်ရေးထိုးကြစဉ်။ ဓာတ်ပုံ - အီးယူဥရောပသမဂ္ဂတည်ထောင်ရန် ရောမသဘောတူစာချုပ်ကိုလက်မှတ်ရေးထိုးကြစဉ်။ ဓာတ်ပုံ - အီးယူ

ဥရောပသမဂ္ဂ၏ အခြေခံအုတ်မြစ်ကို ချပေးခဲ့သည့် ရောမသဘောတူစာချုပ်ကို ၁၉၅၇ ခုနှစ်တွင်
လက်မှတ်ရေးထိုးခဲ့ရာ ဥရောပသမဂ္ဂသည် ယခုနှစ်တွင် နှစ် ၆ဝ ပြည့်မြောက်ခဲ့ပြီဖြစ်သည်။
ဥရောပသမဂ္ဂ စတင်တည်ထောင်ချိန်မှစ၍ ယနေ့တိုင် ဥရောပနိုင်ငံများတွင် နေထိုင်သူများသည်
ခေတ်သစ်သမိုင်းတွင် မကြုံဘူးသေးသော ငြိမ်းချမ်းရေး၊ စည်ပင်ဝပြောခြင်းနှင့် လုံခြုံမှုကို
ဆယ်စုနှစ် ၆ဝ တိုင် အတူတကွ ခံစားခဲ့ကြသည်။

ယနေ့ကာလသည် ၂ဝ ရာစု ပထမပိုင်းထက်သာလွန်သည်ကို ပြောဖွယ်မရှိပါ။ ၁၉၁၄ နှင့်
၁၉၄၅ ခုနှစ်များအကြား ဥရောပ တိုက်တွင် ဖြစ်ပွားခဲ့သည့် ကမ္ဘာစစ်ကြီး နှစ်ခုသည်
လူသန်းပေါင်းများစွာကို သေကျေစေခဲ့ပြီး တိုက်ကြီးတစ်ခုလုံးကို အလုံးစုံပျက်စီးစေခဲ့သည်။
ကာလ ကြာမြင့်စွာ စစ်ဖြစ်ခဲ့သည့် နိုင်ငံများအဖို့ ဥရောပပေါင်းစည်းရေးသည် ကျွန်ုပ်တို့၏
သမိုင်းတွင် အောင်မြင်မှုအရရှိဆုံးသော ငြိမ်းချမ်းရေးစီမံချက်ဖြစ်ခဲ့သည်။ ဤသမိုင်းဝင်
ဆွတ်ခူးရရှိမှုအတွက်သာမက ကမ္ဘာတစ်ဝန်း ငြိမ်းချမ်းရေးဖော်ဆောင်မှုတွင် ဥရောပသမဂ္ဂ၏
ပါဝင်ဆောင်ရွက်မှုများအတွက် ဥရောပသမဂ္ဂသည် ၂ဝ၁၂ ခုနှစ်တွင် ငြိမ်းချမ်းရေးနိုဘယ်ဆု
ချီးမြင့်ခြင်းခံခဲ့ရသည်။ ကမ္ဘာ့ဇာတ်ခုံတွင် အသံတစ်သံတည်းဖြင့် အတူတကွ ကပြခဲ့ခြင်း
အားဖြင့် ဥရောပသမဂ္ဂသည် ကမ္ဘာတစ်လွှား မှ မိတ်ဖက်အဖွဲ့အစည်းများဖြင့် ခိုင်မာသော
ဆက်ဆံရေးကို တည်ဆောက်နိုင်ခဲ့သည်။ ငြိမ်းချမ်းရေးနှင့် လုံခြုံရေး၊ ဆင်းရဲ နွမ်းပါးမှု
တိုက်ဖျက်ရေးနှင့် စီးပွားရေးဖွံ့ဖြိုးမှု အတွက်သာမက အရေးပေါ် အခြေအနေများတွင်
တစ်သွေးတစ်သားတည်း ရပ်တည်ခဲ့ပြီး ရာသီဥတုပြောင်းလဲမှု လျှော့ချရေးတို့တွင်အတူ
ပူးပေါင်း ဆောင်ရွက်ခဲ့သည်။

ယနေ့တွင် ဥရောပသမဂ္ဂသည် လွတ်လပ် မှု၊ တန်းတူအခွင့်အရေးများ၊ ကျန်းမာပျော် ရွှင်မှုနှင့်
ဆန်းသစ်တီထွင်မှုများအတွက် နေရာ တစ်နေရာဖြစ်သည်။ ဥရောပသမဂ္ဂသည် စည်ပင်
ဝပြောမှုနှင့် စီးပွားရေးဖွံ့ဖြိုးမှုအတွက် ရပ်တည်နေသည်ဖြစ်ရာ ဥရောပ သမဂ္ဂသည်
ကမ္ဘာ့အကြီးဆုံး ဈေးကွက်သာမက ဒုတိယအကြီးဆုံးစီးပွားရေးဒေသဖြစ်လာပြီး ကမ္ဘာ့နေရာ
အတော်များများတွင် အဓိက နိုင်ငံခြားရင်းနှီးမြှုပ်နှံသူတစ်ဦး ဖြစ်လာနေသည်။

သို့ရာတွင် ကျွန်ုပ်တို့သည် ခန့်မှန်းရခက်ခဲသည့် အချိန်ကာလတွင် နေထိုင်နေကြရသည် ဖြစ်ရာ
ဥရောပဆိုင်ရာ အခြေခံဥပဒေ၏ နှစ် ၆ဝ ပြည့် အခါသမယတွင် ဥရောပဆိုင်ရာ စီမံချက်ကို
အုတ်မြစ်ချထားသည့် တန်ဖိုး များနှင့် ရည်ရွယ်ချက်များကို ပြန်လည်၍ အားသစ်လောင်း
ရမည်ဖြစ်သလို လက်တွေ့ ကျပြီး ရည်မှန်းချက်ကြီးသော ခြေလှမ်းများဖြင့် လျှောက်လှမ်း
ရမည်လည်း ဖြစ်သည်။

ဥရောပပေါင်းစည်းရေး စီမံချက်သည် အိမ်နီးချင်းနိုင်ငံများသာမက ၄င်းတို့ကို ကျော်လွန်သည့်
သွေးစည်းညီညွတ်ရေး စီမံ ချက်တစ်ခုဖြစ်ခဲ့ပြီး ဆက်လက်၍လည်း သည်အတိုင်း ရှိနေမည်ဖြစ်သည်။
ဥရောပ သမဂ္ဂသည် ဖွံ့ဖြိုးမှု ပူးပေါင်းဆောင်ရွက်ရေး နှင့် လူသားချင်း စာနာထောက်ထားသည့်
အကူအညီများပေးရေးတွင် အခြားသော ကမ္ဘာ့နိုင်ငံများ အားလုံးပေါင်းထက် သာလွန်သည်။
ဥရောပသမဂ္ဂသည် ကမ္ဘာ့ကုလသမဂ္ဂ၏ စဉ်ဆက်မပြတ် ဖွံ့ဖြိုးရေးရည်မှန်းချက်များကို
ဖော်ဆောင်ရာတွင် အရေးပါသည့် အခန်းမှ ပါဝင်ခဲ့ပြီး ဆက်လက်၍လည်း အကောင်အထည်ဖော်
နေဆဲဖြစ်သည်။ ဥရောပသမဂ္ဂ၏ ဖွံ့ဖြိုးရေး အကူအညီကို ကမ္ဘာ့နိုင်ငံ ၁၅ဝ သို့ ပေးခဲ့ပြီး
ကမ္ဘာ့အဆင်းရဲဆုံးနေရာများကို ပို၍ဦးစားပေးခဲ့သည်။ ၂ဝ၁၄-၂ဝ၂ဝ ကာလတွင် ဥရောပသမဂ္ဂ
အထောက်အပံ့၏ ၇၅ ရာခိုင် နှုန်းခန့်ကို သဘာဝဘေးဒဏ်များ ခံရသည့် တိုင်းပြည်များနှင့်
စစ်မက်ဖြစ်ပွားနေသော တိုင်းပြည်များသို့ ပေးသွားမည်ဖြစ်သည်။ ဥရောပသမဂ္ဂသည် အရေးပေါ်
အခြေအနေ ကြုံတွေ့နေသည့် တိုင်းပြည်များ အားလုံးသို့ အထောက်အပံ့ပေးသည့် တစ်ချိန်
တည်းတွင် သက်ဆိုင်ရာနိုင်ငံ၏ အချုပ်အခြာအာဏာကို လေးစားပြီး ဒေသတွင်း ပိုင်ဆိုင်မှုကို
အားပေးသွားမည်။

ဤအချက်သည် မြန်မာနိုင်ငံထက် မည်သည့်နိုင်ငံတွင်မှ မှန်ကန်မှု မရှိနိုင်ပါ။ မြန်မာနိုင်ငံ
ဒီမိုကရေစီအသွင် ကူးပြောင်း ရေး စတင်ချိန်တွင် ဥရောပသမဂ္ဂသည် မြန်မာနိုင်ငံကို ခိုင်မာသော
နိုင်ငံရေး အထောက်အပံ့ကို အနီးကပ်ပေးခဲ့သည့်အပြင်ကျပ်သန်းပေါင်း တစ်သန်းခွဲ (ယူရိုသန်း
တစ်ထောင်)ထောက်ပံ့သည့် အရေးပါသော ဖွံ့ဖြိုးမှုဖော်ဆောင်ရေး မိတ်ဆွေများအဖြစ်
ရပ်တည်ခဲ့သည်။ ဥရောပသမဂ္ဂနှင့် အဖွဲ့ဝင် နိုင်ငံများသည် ပြုပြင်ပြောင်းလဲရေးများ ရှေ့ဆက်
လုပ်ဆောင်နိုင်ရန် ထောက်ပံ့ပေး ခဲ့သည့်အပြင် အရေးပါသော ဌာနများကို ခေတ်မီအောင်
လုပ်ဆောင်ခြင်း၊ စီးပွားရေး ဖွံ့ဖြိုးမှုနှင့် ရင်းနှီးမြှုပ်နှံမှုအတွက် အခြေအနေကောင်းများ
ဖန်တီးပေးခြင်း၊ ပညာရေး နှင့် အသက်မွေးဝမ်းကျောင်းဆိုင်ရာ သင်တန်းများတွင်
ရင်းနှီးမြှုပ်နှံခြင်းကို မြန်မာပြည်သူ ပြည်သားများ အနာဂတ်တွင် စည်ပင်ဝပြော ကြစေရန်
ရည်ရွယ်လုပ်ဆောင်ပေးခဲ့သည်။ ကျွန်ုပ်တို့၏ စစ်မက်ဖြစ်ပွားခဲ့သည့် နှစ်များကို အောင်မြင်စွာ
အဆုံးသတ်နိုင်ခဲ့သည့် သမိုင်းကြောင်းရှိခဲ့သဖြင့် ဥရောပသမဂ္ဂသည် နိုင်ငံတစ်လွှားငြိမ်းချမ်းရေး
ဖော်ဆောင်ရေးကို ဆက်လက်အားပေးနေမည်ဖြစ်ပြီး နိုင်ငံရေးအရ အထောက်အပံ့ပေးခြင်းနှင့်
ပြန်လည်တည်ဆောက်ရေးနှင့် ငြိမ်းချမ်းရေး လုပ်ငန်း စဉ်အသစ်များအတွက် လိုအပ်သော
ရန်ပုံငွေများကို အောက်ခြေမှသည် နိုင်ငံရေးအရ အမြင့်ဆုံးအဆင့်အထိ ပေးသွားမည်ဖြစ်သည်။

နိုင်ငံတကာတွင် လူသားချင်း စာနာ ထောက်ထားမှု အကူအညီ လိုအပ်မည့် အသေအပျောက်
များမည့် အရေးပေါ် အခြေ အနေများ ဆက်လက်ဖြစ်ပေါ်နေသည်ဖြစ်ရာ ဥရောပသမဂ္ဂသည်
သဘာဝဘေးဒဏ်များနှင့် လူသားတို့ကြောင့်ဖြစ်သည့် ဘေးဒဏ်များကို ကူညီရန်အဆင်သင့်
ရှိနေမည်။ ၂ဝ၁၆ ခုနှစ် တွင် ဥရောပသမဂ္ဂသည် ယူရိုငွေ တစ်ဘီလျံခွဲ တန်ဖိုးရှိ
အစားအသောက်၊ နေစရာ၊ အကာအကွယ်ပစ္စည်းများနှင့် ကျန်းမာရေးစောင့် ရှောက်မှုတို့ကို
မြန်မာနိုင်ငံ အပါအဝင် နိုင်ငံပေါင်း ၈ဝ ကျော်မှ လူဦးရေး သန်း ၁၂ဝ ကို ကယ်ဆယ်
ထောက်ပံ့ခဲ့သည်။

ကျွန်ုပ်တို့၏ မိတ်ဖက်အဖွဲ့အစည်းများ သည် ကျွန်ုပ်တို့မည်သည့်အတွက် ရပ်တည်နေသည်ကို
သိရှိကြသည်။

ကျွန်ုပ်တို့သည် အများနှင့် အဆင်ပြေစွာ ဆက်ဆံရေး၊ လူ့အခွင့်အရေးနှင့် နိုင်ငံတကာနှင့်
ပူးပေါင်းဆောင်ရွက်ရေးအတွက်ရပ်တည်သည်။

ဥရောပသမဂ္ဂသည် မြန်မာနိုင်ငံတွင် ဖွံ့ဖြိုးတိုးတက်ရေးအကူအညီများ ပေးလျက်ရှိသည်။  ဓာတ်ပုံ - အီးယူဥရောပသမဂ္ဂသည် မြန်မာနိုင်ငံတွင် ဖွံ့ဖြိုးတိုးတက်ရေးအကူအညီများ ပေးလျက်ရှိသည်။  ဓာတ်ပုံ - အီးယူ

ကျွန်ုပ်တို့သည် စဉ်ဆက်မပြတ် ဖွံ့ဖြိုး တိုးတက်ရေး၊ အားလုံးပါဝင်သော လူ့အဖွဲ့ အစည်းများ၊
ပညာရေး၊ ဒီမိုကရေစီရေးနှင့် လူ့အခွင့်အရေးတို့တွင် တန်းတူညီမျှမှု မရှိသည်များ
အားလုံးကို တိုက်ဖျက်ခြင်းတို့ အတွက် ရပ်တည်သည်။ ကျွန်ုပ်တို့အတွက် ဤအရာတို့သည်
ပရဟိတမဟုတ်။ လုံခြုံရေး နှင့် သာယာဝပြောရေးတို့အတွက် ရင်းနှီး မြှုပ်နှံမှုဖြစ်သည်။

ကျွန်ုပ်တို့သည် တစ်ကမ္ဘာလုံးနှင့်ဆိုင် သည့် ပိုမိုကောင်းမွန်သော တရားဥပဒေများ အတွက်
ရပ်တည်သည်။ လူသားများအား အနိုင်အထက်ပြုသည်များကို အကာအကွယ် ပေးသည့်
ဥပဒေများ၊ အခွင့်အရေးများကို ဖြန့်ကြက်ပေးပြီး အဆင့်အတန်းများကို မြှင့် တင်ပေးသည့်
ဥပဒေများ။ ဥရောပသမဂ္ဂနှင့် အဖွဲ့ဝင်နိုင်ငံများသည် စဉ်ဆက်မပြတ် ဖွံ့ဖြိုး တိုးတက်ရေး
ရာသီဥတုပြောင်းလဲရေးဆိုင်ရာ ပဲရစ် သဘောတူစာချုပ်၊ ဖွံ့ဖြိုးတိုးတက်ရေး အတွက်
ငွေကြေးထောက်ပံ့ရေးဆိုင်ရာ အဒစ္စအဘာဘာ လုပ်ငန်းဖော်ဆောင်မှု စသည်တို့တွင်
ကမ္ဘာ့အသိုင်းအဝိုင်းနှင့် ပူးပေါင်းဆောင်ရွက်သည်။ အပြိုင်အဆိုင် အာဏာပြကြသည့်
နိုင်ငံရေးပြန်လည်ပေါ် ထွက်လာသည့် ကမ္ဘာကြီးတွင် ဥရောပသမဂ္ဂသည် ပို၍ အရေးပါသည့်
အခန်းမှ ရပ်တည်နေမည်။ တရားဥပဒေ အခြေပြုနိုင်ငံတကာ တည်ငြိမ်မှု၏ အခြေခံအုတ်မြစ်များ
မကြာခဏမေးခွန်းထုတ်ခြင်း ခံနေရသည်။ ပို၍ ထိရှလွယ်သည့် နိုင်ငံတကာ အခြေအနေက
ပိုမိုပူးပေါင်းဆောင်ရွက်မှုကို တောင်းဆိုနေသည်။ သည့် အတွက် ဥရောပသမဂ္ဂသည် ကမ္ဘာ့ကုလ
သမဂ္ဂကို ဆက်လက်ထောက်ပံ့ကူညီသွား မည်။ ဥရောပသမဂ္ဂ၏ ကမ္ဘာ့ကုလသမဂ္ဂနှင့်
ပူးပေါင်းဆောင်ရွက်မှုတွင် ငြိမ်းချမ်းရေးဖော် ဆောင်သည့် အထူးကိုယ်စားလှယ် စေလွှတ် ခြင်း၊
သံတမံဆိုင်ရာ အားထုတ်မှုများ၊ လူ့ အခွင့်အရေး၊ ငတ်မွတ်ခေါင်းပါးမှု တိုက်ဖျက် ရေးနှင့်
ရာဇဝတ်မှု တိုက်ဖျက်ရေးတို့ ပါဝင် သည်။ ဥရောပသမဂ္ဂသည် ဒေသတွင်းရှိ အဖွဲ့ အစည်းများ
အတွက် အင်အားတောင့် တင်းပြီး တက်ကြွသော မိတ်ဖက်အဖွဲ့ အစည်းဖြစ်သည်။ ယခုနှစ်သည်
ဥရောပသမဂ္ဂနှင့် အာဆီယံအဖွဲ့ကြီး ဆက်ဆံရေး နှစ် ၄ဝ ပြည့် အခမ်းအနားကို ကျင်းပခဲ့သည်။
ယခုနှစ် နှောင်းပိုင်းတွင် ဥရောပ ခေါင်းဆောင်များသည် မြန်မာနိုင်ငံတွင် ပထမဆုံးအကြိမ်
ကျင်းပမည့် အာရှဥရောပဆိုင်ရာ နိုင်ငံခြားရေးဝန်ကြီးများ အစည်းအဝေးသို့ တက်ရောက်ကြမည်
ဖြစ်သည်။

အနာဂတ်တွင် မည်သည့်အခမ်းအနား များရှိသည်ဖြစ်ပါစေ သေချာသည့် အချက် တစ်ခုမှာ
ဥရောပသမဂ္ဂသည် ၄င်း၏ နိုင်ငံ ခြားရေးနှင့် လုံခြုံရေးဆိုင်ရာ မူဝါဒများ၏ အလယ်တွင်
နိုင်ငံတကာ ငြိမ်းချမ်းရေးနှင့် လုံခြုံရေးမြှင့်တင်ရေး၊ ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေး၊
လူ့အခွင့်အရေးနှင့် လူသားချင်း စာနာထောက်ထားခြင်းဆိုင်ရာ အရေးပေါ် အခြေအနေများကို
တုံ့ပြန်ခြင်းကို ဆက်လက်ထားရှိသွားမည်ဖြစ်သည်။ မုန်တိုင်း ထန်သည့် ပင်လယ်ပြင်တွင်
ခိုင်ခံ့သော ကျောက်ဆူးလိုစမြဲဖြစ်သည်။ ဥရောပသမဂ္ဂသည် ကမ္ဘာတွင်လိုအပ်နေသည့်
ကမ္ဘာလုံးဆိုင်ရာ တည်ငြိမ်မှုကို ထိန်းသိမ်း အားဖြည့်ပေးမည့် ပိုမို၍အရေးပါသည့် အင်အား
တစ်ရပ်အဖြစ် ဆက်လက်တည်ရှိနေမည် ဖြစ်ပါသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဆောင်းပါး