မီတာခ မတက်ဘဲ မီတာဖိုး ဘယ်လိုတိုးမလဲ

ဘယ်အစိုးရမှ မီတာခ တက်ချင်ကြမှာမဟုတ်သလို၊ ဘယ်ပြည်သူမှလည်း ပုံမှန်ပေးနေရ
တာထက် မီတာခကို ပိုတိုးပြီး ပေးလိုကြမှာ မဟုတ်ပါဘူး။

သို့သော်လည်း ဆိုရှယ်လစ်စီးပွားရေးစနစ်ကနေ ပေါက်ဖွားလာခဲ့တဲ့၊ နိုင်ငံပိုင်လျှပ်စစ်ကိုပဲ
အဓိက အားပြုနေရဆဲဖြစ်တဲ့ မြန်မာနိုင်ငံမှာ အဲဒီအရှုံးခံ လျှပ်စစ်မီတာခဆိုတာဟာ
တိုင်းပြည်ဖွံ့ဖြိုးမှုလမ်းကြောင်းကို ပိတ်ဆို့နေတဲ့ အကြီးမားဆုံး အဟန့်အတားကြီးတစ်ခု
ဖြစ်မှန်းမသိ ဖြစ်နေခဲ့ပါတယ်။

သိတဲ့အတိုင်းပါပဲ။ မြန်မာနိုင်ငံမှာ လျှပ်စစ်မလုံလောက်ဘူး။ လျှပ်စစ်လုံလောက်အောင်
ထုတ်နိုင်ဖို့ ပြည်ပရင်းနှီးမြှုပ်နှံမှုလိုတယ်။ ပြည်ပက လာပြီး ရင်းနှီးဖို့ဆိုတာကျပြန်တော့
ဈေးကွက်ရှိရမယ်၊ အမြတ်အစွန်းအထိုက်အလျောက် ရရမယ်။ အခု မြန်မာ့လျှပ်စစ်က
အရှုံးခံရောင်းနေတယ်။ နိုင်ငံပိုင်ဆိုတော့လည်း အရှုံးခံရောင်းနိုင်တယ်။ တကယ့်စီးပွားရေး
သမားတွေကတော့ အရှုံးခံမရောင်းနိုင်ဘူး။ အမြတ်အစွန်းရှိမှ ဖြစ်မယ်။ မြန်မာ့လျှပ်စစ်ကို
အစိုးရတစ်ခုတည်း နိုင်ငံပိုင်ကဏ္ဍချည်းလုပ်လို့ မဖြစ်နိုင်တော့တဲ့အတွက် ဈေးကွက်ထဲကို
ပုဂ္ဂလိကတွေ၊ နိုင်ငံခြားရင်းနှီးမြှုပ်နှံမှုတွေ ဝင်လာမှဖြစ်မယ်။ အဲဒီလို ဝင်လာဖို့ဆိုရင်
လျှပ်စစ်မီတာခတွေကို တိုးမြှင့်ကောက်ခံရမယ်။

သို့သော် မီတာခတက်ပြန်ရင်လည်း ပြည်သူတွေ အတိဒုက္ခရောက်မယ်။ စက်ရုံအလုပ်ရုံ
တွေ ကုန်ပစ္စည်းထုတ်လုပ်စရိတ်မြင့်တက်ကာ ကုန်ဈေးနှုန်းတက်ပြီး ပြည်သူတွေအပေါ်
ဝန်ထုပ်ဝန်ပိုး ထပ်ဖြစ်မယ်။ တစ်ဖက်ကကြည့်တော့ မီတာခ မတက်လို့မရဘူး။ တခြား
တစ်ဖက်ကကြည့်ပြန်တော့မီတာခ တက်လို့မဖြစ်ဘူး။ ဆုပ်လည်းစူး စားလည်းရူးနဲ့
ဒါကျဉ်းထဲကျပ်ထဲ ရောက်နေတဲ့သဘောပါပဲ။

မီတာခ မတက်လို့မရဘူးဆိုတဲ့ အမြင်ကိုသုံးသပ်တဲ့အခါ အဓိကအကြောင်းရင်းနှစ်ချက်
တွေ့ရတယ်။ ပထမအချက်က အရှုံးပေါ်နေလို့၊ အဲဒီအရှုံးနဲ့ ရေရှည်ရပ်တည်လို့မရသမို့
အရှုံးကိုကာမိဖို့ ဖြစ်ပါတယ်။ ဒုတိယအချက်ကတော့ လျှပ်စစ်ဈေးကွက်ထဲ ပုဂ္ဂလိကနဲ့
နိုင်ငံခြားရင်းနှီးမြှုပ်နှံမှု ဝင်လာအောင် လမ်းဖွင့်ပေးနိုင်ဖို့ပါ။

ဒုတိယအချက်ကို ခဏထားပြီး ပထမအချက်ဖြစ်တဲ့ အရှုံးကာမိစေဖို့ဆိုတာကို ဆွေးနွေး
ရရင် အရှုံးလျော့ကျဖို့ရာ ဝင်ငွေတိုးရှာရမယ်။ ဝင်ငွေတိုးရှာဖို့အတွက် မီတာခကို ဝုန်းကနဲ
တက်ဖို့ နည်းလမ်းတစ်ခုတည်းရှိတာလား၊ တခြားနည်းလမ်းတွေကော မရှိတော့ဘူးလား
ဆိုတာမေးခွန်းထုတ်စရာ ရှိတယ်။

တကယ့်လိုရင်းကဖြင့် ပိုက်ဆံပိုရဖို့ပဲ။ မီတာခကို နွားထီး ငါးကျပ်၊ နွားမ ငါးကျပ်ဆိုကာ
မဆင်မခြင် အားလုံး တစ်ပြေးညီတက်လိုက်ရင်ဖြင့် အတိဒုက္ခတွေ များကြမယ်။ မီတာခကို
သိသိသာသာ မတက်ဘဲ မီတာဖိုး (လျှပ်စစ်ဝင်ငွေ) တိုးလာရမယ်။ တစ်နည်း လူအများ
စုကြီးကို ထိခိုက်မှုနည်းနိုင်သမျှ အနည်းဆုံးနည်းလမ်းကို ချင့်ချင့်ချိန်ချိန်ရွေးချယ်လို့ မီတာဖိုး
ဝင်ငွေ တိုးရအောင် လုပ်ရမယ်ပေါ့။ ရွေးချယ်စရာ အခြား ဘယ်လိုနည်းလမ်းတွေ ရှိနိုင်မလဲ
ဆိုတာ ဆက်လက်ဆွေးနွေးကြည့်ချင်ပါတယ်။

(၁) လောင်စာဖိုး ညိနှိုင်းကျသင့်စရိတ် (Fuel adjustment cost) ကောက်ခံဖို့စဉ်းစား
သင့်ပါတယ်။

လျှပ်စစ်ထုတ်လုပ်စရိတ်မှာ ရေအားက တစ်ယူနစ် ကျပ် ၂ဝ လောက်နဲ့ အလွန်သက်သာ
ပေမဲ့ ဓာတ်ငွေ့ကတော့ တစ်ယူနစ် ကျပ် ၁၆ဝ နဲ့ စရိတ်ကြီးပါတယ်။ ရေအားက အမြတ်နဲ့
ဓာတ်ငွေ့ရဲ့အရှုံးကို ခုနှိမ်နေရတဲ့သဘော။ အဲဒီအတွက် ဓာတ်ငွေ့လောင်စာစရိတ် ပြန်ရဖို့
လိုမယ်။ ထို့အတူ နွေရာသီမှာသဘာဝ ဓာတ်ငွေ့မလုံလောက်တာ၊ ရေအားက အပြည့်
မရတာတွေကြောင့် ရန်ကုန်မှာ ဒီဇယ်နဲ့မီးပေးရလို့ အပိုကုန်ကျစရိတ်တွေရှိတယ်။ အဲဒီ
ကုန်ကျစရိတ်ကို ပြန်တောင်းရမှာ ဖြစ်ပါတယ်။

ပြန်တောင်းတယ်ဆိုတဲ့ နေရာမှာ လုံးကနဲတောင်းလို့ဖြင့် မရဘူးပေါ့။ Fuel adjustment
costဆိုပြီးတော့ လစဉ် ပမာဏတစ်ခု တောင်းခံရမယ်။ ဥပမာ တစ်လကို ယူနစ် ၁ဝဝ
အောက်သုံးတဲ့အိမ်တွေကို တစ်လကျပ် ၅ဝဝ၊ ယူနစ် ၂ဝဝ ကို ကျပ် ၁,ဝဝဝ၊ ယူနစ် ၃ဝဝ
ကို ကျပ် ၂,ဝဝဝ၊ ယူနစ် ၄ဝဝ နဲ့အထက်ကို ကျပ် ၃,ဝဝဝ စသည်ဖြင့်ပေါ့။ လျှပ်စစ်ကွန်ရက်
ကနေ ဖြန့်ဖြူးနေတာ အိမ်ထောင်စုလေးသန်းခန့်ရှိတဲ့အတွက် အကြမ်းဖျင်းအားဖြင့်
တစ်နှစ်ကို ကျပ်ဘီလျံဆယ်ဂဏန်းနဲ့ချီပြီး ဝင်ငွေတိုး လာနိုင်မယ်။

(၂) လက်ရှိ အိမ်သုံးမီတာခနှုန်းတွေဖြစ်တဲ့ ပထမယူနစ် ၁ဝဝ အတွက် ၃၅ ကျပ်၊ ဒုတိယ
ယူနစ် ၁ဝဝ အတွက် ကျပ် ၄ဝ၊ တတိယ ယူနစ် ၁ဝဝ အတွက် ကျပ် ၅ဝ ကို ဒီအတိုင်း
ဆက်ထားပြီး၊ ယူနစ် ၃ဝဝ အထက် သုံးစွဲမှုအပေါ် ကျပ် ၆ဝ ဆိုတဲ့ နှုန်းတစ်ခုထပ်တိုးခြင်း
အားဖြင့် ဝင်ငွေတိုးနိုင်မယ်။

အဲဒီလို နှုန်းအသစ်တစ်ခုတိုးလိုက်တဲ့အတွက် အများစုကြီးသော အိမ်ထောင်စုတွေအပေါ်
ထိခိုက်မှုမရှိဘဲ ယူနစ် ၃ဝဝ အထက်သုံးစွဲသူ အနည်းငယ်အပေါ်မှာသာ မပြောပလောက်
တဲ့သက်ရောက်မှုရှိမယ်။ သို့သော်လည်း အဲဒီ တိုးလာတဲ့ တစ်ယူနစ် ကျပ် ၁ဝ ဟာလည်းပဲ
တစ်နှစ်လုံးအတွက်ဆိုရင် ကျပ်ဘီလျံ ဆယ်ဂဏန်းလောက်အထိ အရှုံးသက်သာစေမှာ
ဖြစ်ပါတယ်။

(၃) လက်ရှိ စက်ရုံသုံး/လုပ်ငန်းသုံး (Industrial/Commercial) ဆိုပြီး နှုန်းထားတစ်ယူနစ်
၇၅ ကျပ်ကနေ ကျပ် ၁၅ဝ အထိ တစ်ပြေးညီကောက်ခံနေမှုကို ပြင်ဆင်ရမှာ ဖြစ်ပါတယ်။

စက်ရုံတွေကို Industrial Type 1 နဲ့ Type 2 ဆိုကာ နှစ်မျိုးခွဲ။ အရက်၊ ဘီယာ၊ ဆေးလိပ်
စတဲ့ အများပြည်သူကျန်းမာရေးထိခိုက်နိုင်ခြေရှိ ကုန်ပစ္စည်းထုတ်လုပ်တဲ့ စက်ရုံတွေကို
အမြင့်ဆုံးနှုန်းထား ကျပ် ၁၅ဝ တစ်မျိုးပဲကောက်၊ ကျန်စက်ရုံတွေကို ယခင်အတိုင်းထား
သင့်ပါတယ်။

ထို့အတူ စီးပွားရေးလုပ်ငန်းတွေကိုလည်းအလားတူ Commercial Type 1 နဲ့ Type 2
ဆိုကာ နှစ်မျိုးခွဲ။ အရက်၊ ဘီယာ၊ အဆင့်မြင့် စားသောက်ဆိုင်တွေ၊ ကလပ်တွေကို အမြင့်
ဆုံးနှုန်းထား ကျပ် ၁၅ဝ တစ်မျိုးပဲကောက်၊ ကျန်လုပ်ငန်းတွေကိုဖြင့် ယခင်အတိုင်းထားပေါ့။

ဒီလို ခွဲခြားကောက်ခံမယ်ဆိုရင် အများစုကြီးသော စက်ရုံနဲ့လုပ်ငန်းတွေကို မထိခိုက်စေဘဲ
တစ်ချိန်တည်းမှာ လျှပ်စစ်ဝင်ငွေလည်း အထိုက်အလျောက်တိုးလာမှာ ဖြစ်ပါတယ်။

(၄) သတင်းစာ၊ ရုပ်မြင်သံကြား၊ ရေဒီယိုဆိုတဲ့ မီဒီယာတွေဟာ သူတို့ရဲ့ဝန်ဆောင်ခ
အပေါ်မှာ အဓိကမရပ်တည်ဘဲ ကြော်ငြာလိုမျိုး သွယ်ဝိုက်ဝင်ငွေအပေါ်မှာ ရပ်တည်ကြ
တယ်။ အလားတူပဲ လျှပ်စစ်ဆိုတာကို ကြားခံမီဒီယမ်တစ်ခုအနေနဲ့ယူဆရင် မီတာခဆိုတဲ့
ဝန်ဆောင်ခကို မတိုးမြှင့်ဘဲ ကြော်ငြာလို သွယ်ဝိုက်ဝင်ငွေတစ်ခုအပေါ် ရပ်တည်ဖို့မစဉ်း
စားနိုင်ဘူးလား။ ဆိုလိုတာက အများပြည်သူအပေါ် တစ်ပြေးညီ ကောက်ခံနေတဲ့ မီတာခ
(လျှပ်စစ်ဝန်ဆောင်ခ)ကို မတိုးမြှင့်ဘဲ လျှပ်စစ်သုံးစွဲမယ့် ပစ္စည်းတွေအပေါ်ကိုသာ အခွန်
ကောက်ပြီး ဝင်ငွေရှာလို့ ရနိုင်မယ်ဆိုတဲ့သဘော။

လျှပ်စစ်မရှိရင် အလုပ်လုပ်မရတဲ့ မီးဖို၊ ရေခဲသေတ္တာ၊ အဝတ်လျှော်စက်၊ ပန်ကာ၊ လေအေး
ပေးစက်၊ တီဗီ၊ ကွန်ပျူတာစတဲ့ လျှပ်စစ်ပစ္စည်းအားလုံးအပေါ် သတ်မှတ်ရာခိုင်နှုန်းနဲ့ လျှပ်စစ်
ခွန်ကောက်မယ်။ ကွန်ပျူတာလို အခြေခံပစ္စည်းတွေအတွက် အခွန်နှုန်းနိမ့်ရမှာဖြစ်ပြီး
လေအေးပေးစက်လို လူအများစု လက်လှမ်းမမီတဲ့ ပစ္စည်းမျိုးကိုတော့ အခွန်နှုန်းမြှင့်ရမှာ
ဖြစ်ပါတယ်။ ဒီလို အခွန်ကောက်နိုင်ဖို့ရာ ဆွေးနွေး ညှိနှိုင်းတိုင်ပင်မှုတွေ၊ လက်ရှိ လျှပ်စစ်
ဥပဒေကို ပြင်ဆင်ဖြည့်စွက်တာတွေလုပ်ဖို့ လိုအပ်မှာဖြစ်ပါတယ်။

လျှပ်စစ်ရဲ့ဝန်ဆောင်ခ (မီတာခ)ကိုအခြေခံလူတန်းစားတတ်နိုင်အောင် တစ်ဖက်က
ထိန်းရင်း တခြားတစ်ဖက်ကနေ လျှပ်စစ်အခွန် ဝင်ငွေတိုးတက်အောင် နည်းမျိုးစုံနဲ့ကြိုးပမ်း
ကာ အရှုံးကို အတတ်နိုင်ဆုံး ဖာထေးရမှာ ဖြစ်ပါတယ်။

၂ဝ၁၇-၁၈ ဘဏ္ဍာနှစ်မှာ လျှပ်စစ်အနေနဲ့ ကျပ် ၁၃၃ ဘီလျံ အရှုံးပေါ်မယ်လို့ခန့်မှန်းထား
ကြောင်းသိရပါတယ်။ အထက်ဖော်ပြပါ နည်းလမ်းတွေဟာ အဲဒီ ကျပ် ၁၃၃ ဘီလျံပမာဏ
လောက်ဖြင့် ရာနှုန်းပြည့်နီးပါး ကာမိစေလိမ့်မယ်လို့ ယူဆမိပါတယ်။

အချုပ်အားဖြင့် မီတာခ ရုတ်ခြည်းတိုးမြင့်ခြင်းဟာ အများစုကြီးသော လူထုကို ဝန်ထုပ်ဝန်ပိုး
အဆမတန် ကြီးထွားစေမှာ ဖြစ်တဲ့အတွက် အားမပေးလိုပါဘူး။ မီတာခတက်ဖို့စဉ်းစား
တယ်ဆိုတာ အဓိကအားဖြင့် ဝင်ငွေတိုးလာအောင်၊ အရှုံးကာမိအောင် ရည်ရွယ်ရင်းပါ။
ဒါကြောင့် အဲဒီလို မီတာခ ရုတ်ခြည်းတက်တာမျိုးကို ရှောင်ရှားပြီး လူထုထိခိုက်မှု
အနည်းဆုံးဖြစ်စေမယ့် အထက်ဖော်ပြပါ လျှပ်စစ် ဝင်ငွေ တိုးတက်ရေး နည်းလမ်းများကို
ရှဥ့်လည်းလျှောက်သာ၊ ပျားလည်းစွဲသာသဘောနဲ့ ထည့်သွင်းစဉ်းစားသင့်တဲ့အကြောင်း
အပြုသဘော ဆွေးနွေးတိုက်တွန်းအပ်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဆောင်းပါး