လိုအပ်နေသည့် အမျိုးသားရင်ကြားစေ့ရေး အဓိပ္ပာယ်

အမျိုးသားရင်ကြားစေ့ရေးဆိုသည်မှာ ပုဂ္ဂိုလ်နှစ်ဦးအကြားနှင့် အဖွဲ့အစည်းနှစ်ခုကြား ဆက်ဆံရေး တိုးတက်ကောင်းမွန်လာခြင်းကိုသာ ဆိုလိုသည် မဟုတ်ပေ။ ဓာတ်ပုံ - အီးပီအေအမျိုးသားရင်ကြားစေ့ရေးဆိုသည်မှာ ပုဂ္ဂိုလ်နှစ်ဦးအကြားနှင့် အဖွဲ့အစည်းနှစ်ခုကြား ဆက်ဆံရေး တိုးတက်ကောင်းမွန်လာခြင်းကိုသာ ဆိုလိုသည် မဟုတ်ပေ။ ဓာတ်ပုံ - အီးပီအေ

ရင်ကြားစေ့ရေး သို့မဟုတ် အမျိုးသားရင်ကြားစေ့ရေး ဟူသော စကားရပ်မှာ ယနေ့ မြန်မာနိုင်ငံတွင်
အလွန်အကျွံ သုံးစွဲနေသည့် စကားရပ်ဖြစ်သည်။

နိုင်ငံရေးကြေညာချက် များတွင်လည်းကောင်း၊ နိုင်ငံရေးသမား၊ တိုင်းရင်းသားခေါင်းဆောင်များ၏
ပြောစကားများတွင်လည်းကောင်း မကြာခဏ တွေ့နိုင်သည်။

မြန်မာနိုင်ငံ၏ ရှည်လျားသော ပဋိပက္ခသမိုင်းကြောင်းတွင် ရင်ကြားစေ့ရေးမှာ ရေပန်းစားနေသည့်
အကြောင်းအရာလည်း ဖြစ်၏။

အသုံးအနှုန်းမှာ ခေတ်ဆန်သည်၊ သုံးရလွယ်သည်၊ တိုးတက်မှုရှိသည်ဟုလည်း ယူဆရသည်။

ထို့အပြင် ရင်ကြားစေ့ရေးဟူသည့် စကားလုံးသည် မြန်မာ့ပဋိပက္ခ ပုံသဏ္ဌာန်နှင့် အံဝင်ခွင်ကျ
ကိုက်ညီလျက်ရှိသည်ဟု ဆိုနိုင်သည်။

သို့ရာတွင် အလွန်အကျွံပြောဆို သုံးစွဲနေသမျှကို လေ့လာကြည့်လျှင် ရင်ကြားစေ့ရေးဟူသည့်
အဓိပ္ပာယ် အနှစ်သာရကိုမူ မတွေ့ရသလောက်ပင် ဖြစ်သည်။

ပြောဆိုရေးသားနေသူ အများအပြားမှာလည်း တိုင်းပြည်တွင် စစ်မှန်သော ရင်ကြားစေ့ရေး၏
အရေးပါမှုကို အမှန်တကယ် ယုံကြည်ခြင်း မရှိကြ။ အချို့ကမူ ရိုးရိုးသားသား သုံးစွဲခြင်း
ဖြစ်ကောင်းဖြစ်မည်။

သို့သော် ရင်ကြားစေ့ရေး၏ စစ်မှန်သော အဓိပ္ပာယ်ကိုမူကား လေ့လာဆန်းစစ်ခြင်း မရှိကြချေ။
အကျဉ်းချုပ်ဆိုရလျှင် ရင်ကြားစေ့ရေး၏ အဓိပ္ပာယ်နှင့် လုပ်ငန်းဆောင်တာများကို မြန်မာနိုင်ငံတွင်
လုံလုံလောက်လောက် စူးစမ်းလေ့လာခြင်း မရှိကြဘဲ ရံဖန်ရံခါတွင် အချိန်တိုအတွင်း
တည်ဆောက်နိုင်သည့် နိုင်ငံရေးစနစ်တစ်ခုဟုပင် အချို့က လွဲမှားစွာ ရှုမြင်လျက်ရှိသည်။

ရင်ကြားစေ့ရေး ဟူသည့် စကားလုံးကို တိုင်းရင်းသားလက်နက်ကိုင်တပ်ဖွဲ့များနှင့် စေ့စပ်ညှိနှိုင်းသည့်
နေရာတွင် အများဆုံး အသုံးပြုသည်။

သို့ရာတွင် ရခိုင်ပြည်နယ်၌ ဖြစ်ပွားနေသော ပဋိပက္ခများအတွက်မူ လုံးဝ အသုံးမပြုသလောက်ပင်
ဖြစ်သည်။

အစိုးရနှင့် တိုင်းရင်းသားလက်နက်ကိုင်အဖွဲ့များ အတွက်ကိုသာ အထူးအလေးပေး သုံးစွဲနေကြသည်။

သို့ရာတွင် တိုင်းရင်းသား လက်နက် ကိုင်တပ်ဖွဲ့တစ်ဖွဲ့နှင့် တစ်ဖွဲ့အကြားတွင် လည်းကောင်း၊
တိုင်းရင်းသားလက်နက်ကိုင် တပ်ဖွဲ့ တစ်ဖွဲ့တည်း အတွင်း၌လည်းကောင်း ရင်ကြားစေ့ရေး ပြဿနာများ
ရှိနေနိုင်သည်။

မြန်မာ့နိုင်ငံရေးတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော်အကြား
ရင်ကြားစေ့ရေးကို လက်ရှိ ပြုပြင်ပြောင်းလဲရေး လုပ်ငန်းစဉ်များအတွက် အရေးအပါဆုံးဟု ယူဆကာ
ကျယ်ကျယ်ပြန့်ပြန့် ပြောဆိုကြသည်။ ယင်းအချက်မှာ ယုံမှားသံသယ ဖြစ်ဖွယ် မရှိပါ။

သို့ရာတွင် ရင်ကြားစေ့ရေးဆိုသည်မှာ ပုဂ္ဂိုလ်နှစ်ဦးအကြား သို့မဟုတ် အဖွဲ့အစည်း နှစ်ခုအကြား
ဆက်ဆံရေး တိုးတက်ကောင်းမွန်လာခြင်းမျှသာ မဟုတ်ဘဲ အဓိပ္ပာယ်နှင့် လုပ်ငန်းဆောင်တာများမှာ
ယခုထက်ပိုမိုကျယ်ပြန့်ပြီး အားလုံးပါဝင်နိုင်ရမည်ဖြစ်သည်။

၂၀၁၄ ခုနှစ်အတွင်း 'ရင်ကြားစေ့ရေးဆိုတာ ဘာလဲ' ဟူသည့် မေးခွန်းတစ်ခု ကျွန်တော် မေးခဲ့ဖူးသည်။
ရရှိသော အဖြေမှာ အမျိုးမျိုးအဖုံဖုံ ကွဲပြားစုံလင်လှ၏။

ရင်ကြားစေ့ရေး ဟူသည် မတူကွဲပြားမှုများကို လက်ခံပြီး ပဋိပက္ခအတွင်း ထိခိုက်ပျက်စီးခဲ့ရသည့်
ဆက်ဆံရေးကို ပြန်လည်ပြင်ဆင်တည်ဆောက်ခြင်းဟု အချို့က ဆိုသည်။ အချို့ကမူ ယင်းမှာ
သည်းခံခြင်း၊ အပြန်အလှန် လေးစားခြင်း၊ တရားမျှတခြင်း၊ အသိအမှတ် ပြုခြင်း၊ ငြိမ်းချမ်းစွာ
အတူယှဉ်တွဲနေထိုင်ခြင်း၊ အမှန်တရား၊ ဆက်ဆံရေး တည်ဆောက်ခြင်း၊ ခွင့်လွှတ်ခြင်းနှင့် ယုံကြည်မှု
တည်ဆောက်ခြင်း ဟူ၍ အမျိုးမျိုး အဓိပ္ပာယ် ဖွင့်ဆိုကြသည်။

လူအနည်းငယ်က ရင်ကြားစေ့ရေး ဆိုသည်မှာ ခိုင်မာသည့် အကူးအပြောင်း ဖြစ်ထွန်းရေးကို
ဆောင်ကြဉ်းပေးမည့် နည်းလမ်းဖြစ်ကာ ၂၀၁၅ ရွေးကောက်ပွဲအတွက် ကြိုတင်ပြင်ဆင်ခြင်း
ဖြစ်သည်ဟု ယူဆကြသည်။

ဖြေဆိုသူတစ်ဦးကမူ ရေရှည်ကို ရှုမျှော်လျက် ရင်ကြားစေ့ရေးသည် မြန်မာနိုင်ငံ၌ အရပ်သားဒီမိုကရေစီ
အစိုးရ ပေါ်ထွန်းရေးအတွက် နိုင်ငံရေးလမ်းပြမြေပုံဟု ယူဆကြောင်း ဖြေကြားခဲ့သည်။

ယနေ့အချိန်အထိ မြန်မာနိုင်ငံ၏ ငြိမ်းချမ်းရေး စေ့စပ်ညှိနှိုင်းပွဲများကို လေ့လာကြည့်သည့်အခါ
ဆွေးနွေးမှု အားလုံးနီးပါးသည် တစ်ဖက်က တောင်းဆိုခြင်း၊ အခြား တစ်ဖက်က
တန်ပြန်တောင်းဆိုခြင်းများသာ ဖြစ်သည်ကို တွေ့ရသည်။

ယင်းမှာ နိုင်ငံရေးနှင့် လုံခြုံရေး သဘောသဘာဝနှင့် စပ်လျဉ်းသည့်ရလဒ် အနှစ်သာရများပင် ဖြစ်၏။

စေ့စပ်ညှိနှိုင်းသူများသည် မိမိဘက်က ပိုမိုအကျိုးဖြစ်ထွန်းရေး၊ အသာစီးရရေးအတွက် စေ့စပ်ညှိနှိုင်းရင်း
တောင်းဆိုမှုများအချင်းချင်း ပဋိပက္ခဖြစ်လာခြင်းမှာ ငြိမ်းချမ်းရေးဆွေးနွေးပွဲများ၏ ၀ိသေသ
လက္ခဏာလည်း ဖြစ်ကောင်း ဖြစ်မည်။

သို့ရာတွင် ရင်ကြားစေ့ရေးရှုထောင့်က ကြည့်ပါက ရလဒ်အနှစ်သာရတစ်ခုတည်းအပေါ်
ဆွေးနွေးနေခြင်းမှာ လုံလောက်မှု မရှိပေ။

လက်ရှိဖြစ်ပေါ်တိုးတက်မှု အခြေအနေတွင် ရင်ကြားစေ့ရေး၏ အဓိပ္ပာယ်မှာ မည်သို့ရှိမည်ကို
နက်နက်နဲနဲ လေ့လာဆန်းစစ်ပြီး အဆိုပါ ရင်ကြားစေ့ရေးကို အခြေခံလျက် မြန်မာနိုင်ငံ၏
ပဋိပက္ခများကို မည်သို့ ပြုပြင်ပြောင်းလဲမည်ဟူသည့် အချက်များကို ဆွေးနွေးရန်လည်း လိုအပ်သည်။

ယနေ့အထိ လေ့လာခွင့်ရခဲ့သမျှ ငြိမ်းချမ်းရေး ဆွေးနွေးပွဲများမှာ ရည်မှန်းချက်အမြင် မရှိ၊ မဟာဗျူဟာ
မရှိဖြစ်ကာ ယေဘုယျအားဖြင့် အသက်ကင်းမဲ့နေခဲ့သည်။

စေ့စပ်ဆွေးနွေးမှုများနှင့် ရင်ကြားစေ့ရေးအကြား အဆက်အစပ် မရှိ ဖြစ်နေသယောင်လည်း
ရှုမြင်ရသည်။

စေ့စပ်ဆွေးနွေးသူများ၏ စိတ်အတွင်း တစ်နေရာတွင်မူ ရင်ကြားစေ့ရေးဆိုသည်မှာ
ရှိကောင်း ရှိနေနိုင်သည်။

သို့ရာတွင် အမျိုးသားရင်ကြားစေ့ရေးနှင့် ဖက်ဒရယ်စနစ်၊ အာဏာခွဲဝေရေး၊ ငြိမ်းချမ်းစွာ အတူယှဉ်တွဲ
နေထိုင်ရေး၊ လက်နက်ကိုင်ပဋိပက္ခချုပ်ငြိမ်းရေးများကို မည်သို့ဆက်စပ်တည်ဆောက်မည်နှင့် စပ်လျဉ်း၍
ဆွေးနွေးအဖြေရှာမှုများကို ယနေ့ထက်တိုင် တွေ့မြင်ရခြင်း မရှိသေးချေ။

မြန်မာနိုင်ငံတွင် အမျိုးသားရင်ကြားစေ့ရေးကို ရည်မှန်းချက်အပြင် လုပ်ငန်းစဉ်အနေဖြင့်ပါ
ရှုမြင်နိုင်သည်။

နိုင်ငံရေး၊ အခွင့်အရေးများနှင့်သာ သက်ဆိုင်သည် မဟုတ်။ ကျန်းမာရေး၊ ပညာရေး၊ ဖွဲ့စည်းပုံ
အခြေခံ ဥပဒေ၊ လုံခြုံရေး စသည့် အဓိက ကဏ္ဍအများအပြား ပါဝင်ပတ်သက်နေသည်။

လက်နက်ကိုင် ပဋိပက္ခ၏ တစ်ဖက်တစ်ချက်ရှိ လူ့အဖွဲ့အစည်း နှစ်ခုအကြားတွင်လည်း
ရင်ကြားစေ့ရေး ရရှိသင့်သည်။

တစ်နည်းအားဖြင့် မြန်မာနိုင်ငံတွင် အလုံးစုံ ရင်ကြားစေ့ရေး ရရှိရေးအတွက် နိုင်ငံရေးရင်ကြားစေ့ရေး
သာမက အထက်ဖော်ပြပါ ကဏ္ဍများအကြား ရင်ကြားစေ့ရေးလည်း လိုအပ်လျက်ရှိသည်။

မြန်မာ့ရင်ကြားစေ့ရေးကို ပိုမို ကျယ်ကျယ်ပြန့်ပြန် ရှုမြင်သုံးသပ်ပါက ဖက်ဒရယ်ပြည်ထောင်စုစနစ်ကို
မည်သို့ တည်ဆောက်မည်၊ ၂၀၁၄ ခုနှစ်အတွင်း တွေ့ဆုံမေးမြန်းခဲ့စဉ်က အချို့ဖြေကြားသကဲ့သို့
မြန်မာ့ငြိမ်းချမ်းရေး လုပ်ငန်းစဉ်အတွက် အရေးပါသော ဆက်ဆံရေးများ မည်သို့ ပြန်လည်
တည်ဆောက်မည် ဆိုသည့် အချက်များကို ထည့်သွင်းစဉ်းစားလာရမည် ဖြစ်သည်။

ထူးဆန်းသည့်အချက်မှာ လက်ရှိ မြန်မာနိုင်ငံ ငြိမ်းချမ်းရေးလုပ်ငန်းစဉ်၏ အခြေခံဖြစ်သော တစ်နိုင်ငံလုံး
ပစ်ခတ်တိုက်ခိုက်မှု ရပ်စဲရေး သဘောတူစာချုပ်(အင်န်စီအေ) တွင် ရင်ကြားစေ့ရေး သို့မဟုတ်
အမျိုးသား ရင်ကြားစေ့ရေးဟူသည့် စကားလုံးကို မည်သည့်နေရာတွင်မျှ ဖော်ပြထားခြင်း မရှိသည့်
အချက်ဖြစ်သည်။

ယင်း စာချုပ်တွင် တာရှည်ခံသည့် ငြိမ်းချမ်းရေး၊ ဂုဏ်သိက္ခာ၊ တရားမျှတမှုနှင့် ဆွေးနွေးညှိနှိုင်းမှုဆိုင်ရာ
အခြေခံမူများ စသည့် ရင်ကြားစေ့ရေးအတွက် အရေးပါသည့် အချက်များကိုမူ အများအပြား
ရည်ညွှန်းဖော်ပြထားသည်။

စာချုပ်ပါ သဘောတူညီချက်များကို ပူးတွဲ အကောင်အထည်ဖော်ရေး၊ ရင်ကြားစေ့ရေး
ထိရောက်စေမည့် ဘုံရည်မှန်းချက်များ အတွက် အတူတကွ ပူးတွဲလုပ်ဆောင်ရေး စသည့်
ကတိက၀တ်များမှာ စာချုပ်တစ်ခုလုံး အပြည့်ပါရှိသည်။

မြန်မာနိုင်ငံတွင် သမိုင်းဝင် ရင်ကြားစေ့ရေး စတင်ခဲ့သည့် ပင်လုံစိတ်ဓာတ်ကိုလည်း စာချုပ်တွင်
ညွှန်းဆိုထား၏။

ပိုမိုတိကျကောင်းမွန်သည့် အချက်များ မပါဝင်ခြင်းအတွက် ဆက်လက်ငြင်းခုံနေမည့်အစား
တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်ကို အမျိုးသားရင်ကြားစေ့ရေး၏
အခြေခံအုတ်မြစ်အဖြစ် ရှုမြင်ယူဆသင့်သည်။

သို့ရာတွင် အဓိကအချက်တစ်ချက်မှာ မြန်မာနိုင်ငံ၏ အမျိုးသားရင်ကြားစေ့ရေးအတွက် ယခုထက်ပို၍
ကျယ်ကျယ်ပြန့်ပြန့် ထဲထဲဝင်ဝင် ဆွေးနွေးရန် လိုအပ်နေသည်ဟူသော အချက်ဖြစ်သည်။

မြန်မာ့နိုင်ငံရေးနှင့် တိုင်းရင်းသား အရေးကိစ္စများအတွက် ရင်ကြားစေ့ရေးကို မည်သို့ အဓိပ္ပာယ်
သတ်မှတ်မည်၊ မည်သည့် လုပ်ငန်းဆောင်တာများ ပါဝင်မည်ကို ဆွေးနွေးရန် လိုသည်။

စေ့စပ်ဆွေးနွေးပွဲကို ခေတ္တရပ်နားပြီး ရင်ကြားစေ့ရေးအကြောင်း ပြောဆိုဆွေးနွေးကြလျှင်လည်း
ဖြစ်နိုင်သည်။

အဓိက ပါဝင်ပတ်သက်သူများ သို့မဟုတ် နိုင်ငံသားများအတွက် ရင်ကြားစေ့ရေးဆိုသည်မှာ
မည်သည့် အဓိပ္ပာယ်ဖြစ်မည်ဟူသော မေးခွန်းအတွက် အဖြေရှာသင့်ကြသည်။

အမျိုးသားရင်ကြားစေ့ရေးဆိုင်ရာ ကိုယ်ပိုင်အမြင်များကို အားလုံး ထုတ်ဖော်ပြောကြားသင့်ကြသည်။

သို့မဟုတ်ပါက မြန်မာနိုင်ငံသည် ရင်ကြားစေ့ရေးကို လိုလားတောင့်တ ကြွေးကြော်နေလင့်ကစား
စစ်မှန်သော ရင်ကြားစေ့ရေး ခံယူချက်မရှိသည့် နိုင်ငံတစ်နိုင်ငံအဖြစ်သာ ပေါ်ထွန်းလာနိုင်မည်
ဖြစ်သည်။

ဇော်ညွန့် ဘာသာပြန်သည်။


(ဦးအောင်နိုင်ဦးသည် 'မြန်မာငြိမ်းချမ်းရေး လုပ်ငန်းစဉ်၏ သင်ခန်းစာများ' စာအုပ်ကို ရေးသားခဲ့သူ
ဖြစ်ပြီး ယခင်အစိုးရ လက်ထက်တွင် ငြိမ်းချမ်းရေးနှင့် ပြန်လည်သင့်မြတ်ရေးစင်တာ၏
ဒါရိုက်တာတစ်ဦးအဖြစ် တာဝန်ထမ်းဆောင်ခဲ့သည်။)

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။