အဂတိလိုက်စားမှုကင်းစင်ရေး အချိန်ယူရဦးမည်ဟုဆို

 နိုင်ငံတကာ ပွင့်လင်းမြင်သာမှု အဖွဲ့အစည်းကထုတ်ပြန်ခဲ့သည့် ၂ဝ၁၆ ခုနှစ် စာရင်းအရ မြန်မာနိုင်ငံသည် အဂတိလိုက်စားမှု ညွှန်းကိန်းတွင်အဆင့် ၂၈ အထိ မြင့်တက်ခဲ့သော်လည်း အနီရောင်အဆင့်တွင် ရှိနေဆဲဖြစ်သည်။နိုင်ငံတကာ ပွင့်လင်းမြင်သာမှု အဖွဲ့အစည်းကထုတ်ပြန်ခဲ့သည့် ၂ဝ၁၆ ခုနှစ် စာရင်းအရ မြန်မာနိုင်ငံသည် အဂတိလိုက်စားမှု ညွှန်းကိန်းတွင်အဆင့် ၂၈ အထိ မြင့်တက်ခဲ့သော်လည်း အနီရောင်အဆင့်တွင် ရှိနေဆဲဖြစ်သည်။

အမျိုးသားဒီမိုကရေစီအဖွဲ့ချုပ် ဦးဆောင်သော အစိုးရသစ်တက်လာချိန်တွင် အဂတိ
လိုက်စားမှု တိုက်ဖျက်ရေးကို ဦးစားပေးဆောင်ရွက်မည်ဟု ကြွေးကြော်ခဲ့သော်လည်း
အဂတိလိုက်စားမှုကင်းစင်ရေးသည် ကြီးမားသည့်စိန်ခေါ်မှုအဖြစ် ရှိနေဆဲဖြစ်ပြီး
အဂတိလိုက်စားမှု ကင်းစင်ရေးအတွက် အချိန်ယူရဦးမည်ဖြစ်ကြောင်း တာဝန်ရှိသူများက
ပြောသည်။

မြန်မာနိုင်ငံတွင် အဂတိလိုက်စားမှုကင်းစင်ရေးအတွက် စိန်ခေါ်မှုသည်
အချိန်ယူရဦးမည်ဖြစ်ကြောင်း နေပြည်တော်၌ ဧပြီ ၂၈ ရက်က ကျင်းပပြုလုပ်ခဲ့သည့်
အစိုးရအဖွဲ့၏ ပထမတစ်နှစ်တာကာလအတွင်း ဆောင်ရွက်ချက်များနှင့် စပ်လျဉ်းသည့်
သတင်းစာရှင်းလင်းပွဲတွင်နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ်
ဦးဇော်ဌေးက ပြောကြားခဲ့သည်။

''စိန်ခေါ်မှုကဘာလဲဆိုတော့ ကျွန်တော်တို့ အချိန်ယူရပါမယ်။ အဂတိကင်းစင်ဖို့
အမြန်ဆုံးနိုင်ငံက ၁ဝ နှစ် ကြာတယ်။ ကျွန်တော်တို့ အစိုးရသစ်မှာ ဝန်ကြီးဌာန
ဖွဲ့စည်းပုံတွေ ပြောင်းခဲ့တာ တစ်နှစ်ပဲရှိသေးတာပေါ့။ပြီးခဲ့တဲ့ ငါးနှစ်ကလုပ်ခဲ့တာက
လုပ်ခဲ့တာပဲပေါ့။ စိန်ခေါ်မှုက အချိန်ပေးရမယ်'' ဟု ၄င်းက ပြောသည်။

အစိုးရသစ် အာဏာရချိန်တွင် နိုင်ငံ့ဝန်ထမ်းများ ကျပ် ၂၅,ဝဝဝ ထက်ပိုသော
တံစိုးလက်ဆောင်များကို လက်မခံကြရန်နှင့် တံစိုးလက်ဆောက်လက်ခံရယူခြင်းဆိုင်ရာ
စည်းမျဉ်းစည်းကမ်းများကို နိုင်ငံတော်သမ္မတရုံးက ထုတ်ပြန်ခဲ့သည်။ ၂ဝ၁၆ ခုနှစ်
သင်္ကြန်ကာလအတွင်း အစိုးရအရာရှိကြီးတစ်ဦးကို ငွေကျပ်သိန်း ၅ဝ လာဘ်ပေးခဲ့သည့်
မီဒီယာကုမ္ပဏီတစ်ခုကို ပထမဆုံးအကြိမ် သတိပေးခဲ့သည်။

အစိုးရသစ်လက်ထက်တွင် ငွေကြေးခဝါချမှု တိုက်ဖျက်ရေးဗဟိုအဖွဲ့ကို ပြည်ထဲရေး
ဝန်ကြီးဦးဆောင်ပြီး အဖွဲ့ဝင် ၁၅ ဦးဖြင့် ပြင်ဆင်ဖွဲ့စည်းခဲ့သော်လည်း အဂတိလိုက်စားမှု
တိုက်ဖျက်ရေးကော်မရှင်ကိုမူ ပြင်ဆင်ဖွဲ့စည်းနိုင်ခြင်း မရှိသေးပေ။

အစိုးရအဆက်ဆက်တွင် ဖြစ်ပေါ်ခဲ့သောအဂတိလိုက်စားမှုများနှင့် ပတ်သက်၍ အစိုးရသစ်
အနေဖြင့် သတိထားကိုင်တွယ်နေရသည့် သဘောရှိပြီး ယခင်အစိုးရများလက်ထက်က
ထိပ်တန်းပုဂ္ဂိုလ်များ ပါဝင်ပတ်သက်မှုရှိသည်ဟူသော အဂတိလိုက်စားမှုများကို
ကိုင်တွယ်ရာတွင် ပြတ်ပြတ်သားသား ဆောင်ရွက်နိုင်ခြင်း မရှိသေးဟု ထင်မြင်နေသူ
များလည်း ရှိသည်။

ပြီးခဲ့သည့်နှစ်အတွင်း ယခင်အစိုးရလက်ထက်က အစိုးရထိပ်တန်း တာဝန်ရှိသူများ
ပါဝင်ပတ်သက်မှုရှိသည်ဟူသော ကျောက်မျက်ရန်ပုံငွေ ယူရို ၈၆ သန်းကျော်ပျောက်ဆုံးမှု
ဟိုးလေးတကျော်ဖြစ်ခဲ့သော်လည်း သက်ဆိုင်ရာ ပုဂ္ဂိုလ်များ အပြန်အလှန်ငြင်းဆိုဖြေရှင်းရင်း
အသံတိတ်သွားခဲ့သည်။

ယခင်အစိုးရလက်ထက်တွင် မကွေးတိုင်းဒေသကြီး ဖွံ့ဖြိုးရေးရန်ပုံငွေအဖြစ် ကောက်ခံခဲ့သည့်
ရေနံလက်ယက်တွင်းလုပ်ငန်းရှင်များ၏ ရန်ပုံငွေ ကျပ် ၇ ဒသမ ၄၅၉ ဘီလျံ ပျောက်ဆုံးမှုနှင့်
ပတ်သက်၍ အစိုးရသစ် လက်ထက်တွင် စုံစမ်းဆေးခဲ့ရာယခင်တိုင်းဒေသကြီးအစိုးရအဖွဲ့
ဦးဆောင်သူက အလွဲသုံးစားလုပ်ခဲ့ကြောင်းပေါ်ပေါက်ခဲ့သည်။ အဆိုပါ ပျောက်ဆုံး
ရေနံလက်ယက်တွင်း ရန်ပုံငွေ ခုနစ်ဘီလျံကျော်အနက်သုံးဘီလျံ (ကျပ်သန်း ၃,ဝဝဝ) ကို
လက်ရှိမကွေးတိုင်းဒေသကြီးအစိုးရဖွဲ့သို့ ပြန်လည်လွှဲပြောင်းပေးမည်ဆိုသော်လည်း
အလွဲသုံးစားလုပ်ခဲ့သူများကို ဥပဒေအရ အရေးယူဆောင်ရွက်နိုင်ရေးနှင့်ပတ်သက်၍
မည်သည့်အစီအစဉ်ကိုမျှ တာဝန်ရှိသူများကထုတ်ဖော်ပြောကြားခြင်း မရှိသေးပေ။

မြန်မာနိုင်ငံတွင် နှစ်ပေါင်းများစွာ အမြစ်တွယ်နေသည့် အဂတိလိုက်စားမှုကို အချိန်တိုအတွင်း
ဖျောက်ဖျက်ရန် မလွယ်ကူသောကြောင့် အချိန်ယူရခြင်းသည် သဘာဝကျသည်ဟု
အမျိုးသားဒီမိုကရေစီအဖွဲ့ချုပ်ပါတီ အတွင်းရေးမှူး ဦးဝင်းထိန်က ပြောသည်။

''အစိုးရ စဖွဲ့ကတည်းက ဒေါ်အောင်ဆန်းစုကြည်က အဂတိလိုက်စားမှုကို သည်းမခံဘူး၊
ဒါကြောင့် ရှိကိုမရှိရဘူး။ အခုကျွန်တော်တို့ ပါတီအစိုးရအဖွဲ့က တစ်နှစ်ပြည့်နေပြီ။
တစ်နှစ်ပြည့်တဲ့အခါမှာ ပြည်ထောင်စုဝန်ကြီးတွေ၊ တိုင်းဒေသကြီးနဲ့ ပြည်နယ်ဝန်ကြီးချုပ်တွေ၊
ဝန်ကြီးတွေ၊ လုပ်ငန်းဆိုင်ရာတွေမှာ အဂတိတရားနဲ့ ပတ်သက်လို့ ချို့ယွင်းချက်တစ်ခုမှ
မတွေ့ဘူး။ မတွေ့ဘူးဆိုတာက အန်ကယ်တို့ အမျိုးသားဒီမိုကရေစီအဖွဲ့ချုပ်အစိုးရ
စကတည်းက အဂတိတရားနည်းပါးရေးဆိုတဲ့ မူဝါဒနဲ့ လုပ်ငန်းဆောင်ရွက်တာဖြစ်တဲ့
အတွက်ကြောင့် အဂတိတရားတိုက်ဖျက်ရေးကို ထွေထွေထူးထူးတော့ ပြောစရာမရှိဘူး'' ဟု
၎င်းက မြန်မာတိုင်း(မ်)ကို ပြောသည်။

ကမ္ဘာပေါ်ရှိ နိုင်ငံများအနက် သန့်ရှင်းသော အစိုးရဖြစ်စေခဲ့သည့် လုပ်ဆောင်နိုင်သော
နိုင်ငံများကို လေ့လာကြည့်ပါက အချိန်ကာလအားဖြင့် အမြန်ဆုံး ၁ဝ နှစ် ကြာမြင့်လေ့ရှိပြီး
အုပ်ချုပ်မှုပြုပြင်ပြောင်းလဲရေးလုပ်နေသည့် အချိန်တွင် အဂတိလိုက်စားမှု တိုက်ဖျက်ရေး
အတွက် လက်ရှိဗျူရိုကရေစီ ယန္တရားကို ကြည့်ရမည်ဟု ဦးဇော်ဌေးက ဆိုသည်။

''အုပ်ချုပ်မှုပြုပြင်ပြောင်းလဲရေး လုပ်တဲ့အချိန်မှာ အဂတိလိုက်စားမှု တိုက်ဖျက်ရေးလုပ်တယ်
ဆိုတာ ကျွန်တော်တို့ နိုင်ငံက ပြီးခဲ့တဲ့ ဦးသိန်းစိန်လက်ထက်မှာ လုပ်ခဲ့တဲ့ ငါးနှစ်နဲ့
အခုတစ်နှစ်ဆိုရင် ခြောက်နှစ်ရှိပေမဲ့ ကျွန်တော်တို့ရဲ့ ဗျူရိုကရေစီယန္တရားကိုကြည့်လိုက်ရင်
ကျွန်တော်တို့က ဘယ်ကယူထားလဲ၊ ဒါကြောင့် ဖြည်းဖြည်းချင်းပြောင်းရတာ။
မဆလခေတ်က ပုံစံအတိုင်းသွားနေတာ၊ နယက ခေတ်ကလည်းဒီအတိုင်းသွားခဲ့တယ်။
ဦးသိန်းစိန်လက်ထက်မှာလည်း ဝန်ကြီးဌာနတွေရဲ့ ပုံစံတွေပြောင်းအောင် အတွင်းဝန်ရုံးတွေ
ပြန်လုပ်တယ်။ကျွန်တော်တို့ ပြောင်းတဲ့အခါမှာ စနစ်ရှိတယ်၊ စနစ်ကိုပြောင်းရပါတယ်။
နောက်ပြီး လူကိုပြောင်းရပါတယ်'' ဟု ၄င်းက ပြောသည်။

လက်ရှိအစိုးရသစ်လက်ထက်တွင် အဂတိလိုက်စားပါက တိုင်ကြားရေးစင်တာများ ဖွင့်လှစ်
ထားသည့်အပြင် နိုင်ငံတော်အတိုင်ပင်ခံရုံး ဝန်ကြီးဌာနကိုလည်း တိုက်ရိုက်တိုင်ကြားနိုင်သည့်
ပုံစံဖြင့် ဆောင်ရွက်လျက်ရှိရာ မြေယာကိစ္စသည် တိုင်ကြားမှုအများဆုံးဖြစ်ပြီး ဒုတိယ
တရားစီရင်ရေးနှင့် တတိယအများဆုံးအဖြစ် ဌာနဆိုင်ရာကိစ္စများ တိုင်ကြားမှုဖြစ်ကြောင်း
ဦးဇော်ဌေးက ပြောသည်။

စီးပွားရေးဖွံ့ဖြိုးတိုးတက်ရေးနှင့် အဂတိလိုက်စားမှု ကင်းရှင်းရေးအတွက် ပြည်သူများ
အနေဖြင့် အသိပေးတိုင်ကြားရန် နိုင်ငံတော်အတိုင်ပင်ခံရုံး ဝန်ကြီးဌာနက ပြီးခဲ့သည့်နှစ်
နိုဝင်ဘာလအတွင်း နှိုးဆော်တိုက်တွန်းခဲ့ပြီး အစိုးရပိုင်း၊ ဌာနပိုင်းဆိုင်ရာ တာဝန်ရှိသူ
အဆင့်ဆင့်၏ အဂတိလိုက်စားမှု၊ မမှန်မကန်လုပ်ဆောင်ခဲ့မှုများကို အထောက်အထား
အချက်အလက်များဖြင့် ပူးတွဲတိုင်ကြားရန်ဖြစ်ကာ တရားရုံးအရပ်ရပ်သို့ အမှုဖွင့်
တိုင်တန်းထားပြီး အမှုများ၊ တရားရုံးတစ်ရပ်ရပ်က စစ်ဆေးဆဲနှင့် ဆုံးဖြတ်ချက်ချပြီး
ကိစ္စရပ်များကို တိုင်တန်းခြင်းမပြုရန် မေတ္တာရပ်ခံခဲ့သည်။

နိုင်ငံတစ်ဝန်း အဂတိလိုက်စားမှုများ ထင်ရှားသိသာစွာ ကျဆင်းလျော့ပါးရေးအတွက်
ထိထိရောက်ရောက် ကိုင်တွယ်ဖြေရှင်း ဆောင်ရွက်ပေးရေး ပြည်ထောင်စုအစိုးရသို့
တိုက်တွန်းကြောင်းအဆိုကို ပြည်သူ့လွှတ်တော်ကိုယ်စားလှယ် ဒေါက်တာသန်းဝင်းက
ပြီးခဲ့သည့်နှစ်အတွင်း တင်သွင်းခဲ့ရာ ကန့်ကွက်သူမရှိ ထောက်ခံမှုအပြည့်အဝဖြင့်
ပြည်သူ့လွှတ်တော်၌ အတည်ပြုခဲ့သည်။

ပြီးခဲ့သည့် ဦးသိန်းစိန်အစိုးရလက်ထက်တွင် အဂတိတိုက်စားမှုတိုက်ဖျက်ရေးကော်မရှင်ကို
စတင်ဖွဲ့စည်းဆောင်ရွက်ခဲ့သော်လည်း အစိုးရဌာနများအနေဖြင့် ငွေကျပ် သုံးသိန်းထက်
မပိုလျှင် အဂတိလိုက်စားမှု မမြောက်ဟူသည့် သတ်မှတ်ချက်မျိုး ချမှတ်ထားခဲ့သည်။

အဂတိလိုက်စားမှု တိုက်ဖျက်ရေးဥပဒေကို ယခင်အစိုးရလက်ထက် ၂ဝ၁၃ ခုနှစ်တွင်
ပြဋ္ဌာန်းခဲ့ပြီး ယင်းနှင့်အတူ အဂတိလိုက်စားမှုတိုက်ဖျက်ရေး ကော်မရှင်ကို
ဖွဲ့စည်းခဲ့သည်။

မြန်မာနိုင်ငံသည် အဂတိလိုက်စားမှုဖြစ်ပေါ်နေသည်မှာ နှစ်ပေါင်းများစွာ ကြာမြင့်ခဲ့ပြီ
ဖြစ်ခြင်းကြောင့် အချိန်တိုအတွင်း အဂတိလိုက်စားမှုကို တိုက်ဖျက်ရန် အခက်အခဲ
ရှိကြောင်း၊ အဂတိလိုက်စားမှုကို ပိုမိုထိရောက်အောင်မြင်စွာ ဆောင်ရွက်နိုင်ရန်
ဥပဒေပြဋ္ဌာန်းချက်အချို့ကို ပြင်ဆင်ဖြည့်စွက်ရန်လိုအပ်ကြောင်း အဂတိလိုက်စားမှု
တိုက်ဖျက်ရေးကော်မရှင်ဥက္ကဋ္ဌ ဦးမြဝင်းက ပြောသည်။

ကမ္ဘာတစ်ဝန်း အဂတိလိုက်စားမှုများအကြောင်း အစီရင်ခံစာထုတ်ပြန်သည့်ွှမညျေစမေနညခပ
ှုညအနမညအေငသညေူ အဖွဲ့ကြီး၏ ၂ဝ၁၅ ခုနှစ် အဂတိလိုက်စားမှု အညွှန်းကိန်းတွင် မြန်မာနိုင်ငံက
၁၆၈ နိုင်ငံအနက် အဆင့်၁၄၇ နေရာတွင် ရပ်တည်ခဲ့ပြီး ၂ဝ၁၆ ခုနှစ်ညွှန်းကိန်းအရ အဆင့် ၁၃၆
တွင် ရပ်တည်လျက်ရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။