တရုတ်အပေါ် အပြုသဘော ရပ်တည်ချက်များဖြင့် အဆုံးသတ်ခဲ့သည့် အာဆီယံ ထိပ်သီးညီလာခံ

ဓာတ်ပုံ - အေအက်ဖ်ပီဓာတ်ပုံ - အေအက်ဖ်ပီ

အကြိမ် (၃ဝ) မြောက် အာဆီယံထိပ်သီး အစည်းအဝေးအပြီး အချိန်ငါးနာရီခန့် နောက်ကျ၍
ထုတ်ပြန်ခဲ့သည့် အာဆီယံဥက္ကဋ္ဌ၊ ဖိလစ်ပိုင်နိုင်ငံ၏ ကြေညာချက်တွင် အာဆီယံ-တရုတ်
ဆက်ဆံရေးနှင့် တောင်တရုတ်ပင်လယ်ပဋိပက္ခ ပူးပေါင်းအဖြေရှာရေးများ တိုးတက်
ကောင်းမွန်လာမှုကို ထင်ဟပ်ဖော်ပြထားသည်။

ရက်သတ္တတစ်ပတ်အတွင်း ထိပ်သီးညီလာခံသို့ တက်ရောက်လာသည့် ထိပ်တန်း
အရာရှိကြီးများကို ဖုန်းဖြင့်လည်းကောင်း၊ အီးမေးလ်ဖြင့်လည်းကောင်း တွေ့ဆုံ
မေးမြန်းချက်များကို ဖြေကြားရာတွင်လည်း အာဆီယံနှင့် တရုတ်နိုင်ငံအကြား
အားကောင်းသည့် ဆက်ဆံရေးကို လိုလားသည့် ဘုံရပ်တည်ချက်တစ်ခုကို
တွေ့ရှိနိုင်သည်။

အာဆီယံဥက္ကဋ္ဌ၏ ကြေညာချက်တွင် တောင်တရုတ်ပင်လယ်အရေးကိစ္စကို
စကားလုံး ၂၆၅ လုံးဖြင့်သာ ဖော်ပြခဲ့၏။ ယမန်နှစ်က ထုတ်ပြန်ခဲ့သော လာအိုနိုင်ငံ၏
ကြေညာချက်တွင်မူစကားလုံး ၄၅၇ လုံးအထိ ပါဝင်ခဲ့ကာ တောင်တရုတ်ပင်လယ်အတွင်း
ပိုင်ဆိုင်မှုအငြင်းပွားနေသည့် ကျွန်းစုများတွင် စစ်ရေးတည်ဆောက်မှုများ၊ မြေယာ
ဖော်ထုတ်မှုများအပေါ် စိုးရိမ်ပူပန်မိကြောင်း၊ အာဆီယံဥက္ကဋ္ဌ၏ ရပ်တည်ချက်
သဘောထားကို အလေးအနက် ထုတ်ဖော်ပြောကြားခဲ့သည်။

ယခုနှစ် အာဆီယံဥက္ကဋ္ဌ၏ ကြေညာချက်၌ ၂ဝ၁၆ ခုနှစ်၊ ဇူလိုင် ၁၂ ရက်တွင်
အမြဲတမ်း ခုံသမာဓိ တရားရုံး (Permanent  Arbitration  Court)  က
ချမှတ်ခဲ့သည့် သမိုင်းဝင် ခုံသမာဓိ ဆုံးဖြတ်ချက်ကိုလည်းကောင်း၊ ကျွန်းတုများ
တည်ဆောက်နေမှုကိုလည်းကောင်း၊ တစ်လုံးတစ်ပါဒမျှ ဖော်ပြထားခြင်း မရှိချေ။
အစဉ်အလာအားဖြင့် အာဆီယံဥက္ကဋ္ဌအသစ်အဖြစ်တာဝန်ယူသည့် နိုင်ငံများသည်
ကြေညာချက်ထုတ်ပြန်ရာ၌ ယခင်နှစ် အာဆီယံဥက္ကဋ္ဌဟောင်း၏ ကြေညာချက်မှ
မူရင်းစာသားများကို ဆက်လက်ထည့်သွင်း ဖော်ပြလေ့ရှိကြသည်။

တောင်တရုတ်ပင်လယ်အတွင်း စစ်ရေးတည်ဆောက်မှုနှင့် မြေယာဖော်ထုတ်မှုများ
အရှိန်အဟုန်မြင့်လာခြင်းက ယုံကြည်စိတ်ချရမှုကို ပျက်ပြားစေပြီး၊ တင်းမာမှုကို
ပိုမိုကြီးထွားစေကာ ဒေသတွင်းငြိမ်းချမ်းရေးနှင့် လုံခြုံရေးကို ထိခိုက်စေသဖြင့်
အလွန်အမင်း စိုးရိမ်မကင်းဖြစ်မိသည်ဟု ပြီးခဲ့သည့်နှစ်အာဆီယံဥက္ကဋ္ဌ ကြေညာ
ချက်တွင် ဖော်ပြခဲ့သည်။

လွန်ခဲ့သော ခြောက်နှစ်တာ ကာလအတွင်း၊တောင်တရုတ်ပင်လယ် အငြင်းပွားနိုင်ငံများ
အနက် ဝေဖန်ပြောဆိုမှု အများဆုံးပြုလုပ်ခဲ့သော ဖိလစ်ပိုင်နိုင်ငံသည် ယခုအခါ
လေသံပျော့ပြောင်းသွားကာ ပဋိပက္ခတွင် ပါဝင်သော အခြားနိုင်ငံများကိုလည်း
မိမိနိုင်ငံကဲ့သို့ပင် တရုတ်နိုင်ငံအပေါ် ပျော့ပြောင်းသော ရပ်တည်ချက် သဘောထားများ
ထားရှိကြရန် တိုက်တွန်းခဲ့သည်။ မနီလာအနေဖြင့် အာဆီယံ-အမေရိကန် ဆက်ဆံရေး
မရေမရာဖြစ်နေသည့် ယခုလို အချိန်မျိုးတွင် အာဆီယံ-တရုတ် ဆက်ဆံရေးကို
ထိန်းသိမ်းလိုသည့် ဆန္ဒရှိသည်ဟု ယူဆကြောင်း အမည်မဖော်လိုသော အာဆီယံ
သံတမန်တစ်ဦးက ပြောကြားသည်။ ''တရုတ်နိုင်ငံဟာ ကျွန်တော်တို့အတွက်
အလွန်ကြီးမားတဲ့ ပို့ကုန်ဈေးကွက်ကြီးဖြစ်သလို ရင်းနှီးမြှုပ်နှံမှု ဈေးကွက်ကြီးလည်း
ဖြစ်ပါတယ်'' ဟု ၄င်းက ဆိုသည်။

အမြဲတမ်းခုံသမာဓိ တရားရုံး၏ ဆုံးဖြတ်ချက်ကို လိုက်နာရန် တရုတ်နိုင်ငံအပေါ်
ဖိအားပေးတောင်းဆိုမှုမှာ အဓိပ္ပာယ် မရှိကြောင်းနှင့် ယင်းကိစ္စကို အာဆီယံထိပ်သီး
ညီလာခံ၌ ဆွေးနွေးမည် မဟုတ်ကြောင်း၊ ထိပ်သီးအစည်းအဝေး မစမီကတည်းကပင်
ဖိလစ်ပိုင်သမ္မတ ရိုဒရီဂို ဒူတာတေးက ပြောကြားခဲ့သည်။ သို့ရာတွင် အဆိုပါ
ပြောကြားချက်တွင် အဖြစ်အပျက်နှင့် နိုင်ငံအမည်များအား အတိအကျ ဖော်ပြထားခြင်း
မရှိဘဲ၊ လတ်တလော ဖြစ်ပေါ်တိုးတက်မှုများအတွက်စိုးရိမ်ပူပန်မိကြောင်း
အာဆီယံနိုင်ငံအချို့ကလည်း ထုတ်ဖော် ပြောကြားခဲ့ကြသည်။

အပြန်အလှန် ယုံကြည်စိတ်ချရမှု တိုးတက်အောင် ဆောင်ရွက်ရေး၊ စစ်ရေးလှုပ်ရှားမှုများကို
ထိန်းထိန်းသိမ်းသိမ်းဆောင်ရွက်ရေးနှင့် အခြေအနေကို ပိုမိုရှုပ်ထွေးစေမည့် လုပ်ရပ်များ
ရှောင်ရှားရေးတို့မှာ အရေးကြီးသည်ဟု အာဆီယံခေါင်းဆောင်များက ထပ်လောင်း
အတည်ပြု ပြောကြားကြကြောင်း၂၅ မျက်နှာပါ အာဆီယံဥက္ကဋ္ဌ၏ ကြေညာချက်တွင်
ဖော်ပြပါရှိသည်။

အမေရိကန်သမ္မတ ဒေါ်နယ်ထရမ့်သည် ဗီယက်နမ်နိုင်ငံ၊ ဒါနန်းမြို့တွင် ကျင်းပမည့်
အာရှပစိဖိတ်စီးပွားရေးပူးပေါင်းဆောင်ရွက်ရေးအဖွဲ့ (အေပက်) နိုင်ငံ့ခေါင်းဆောင်များ
အစည်းအဝေးအပြီးတွင် အာဆီယံ ဆက်စပ်ထိပ်သီးအစည်းအဝေးများဖြစ်သည့်
အာဆီယံအမေရိကန်ထိပ်သီးအစည်းအဝေးနှင့် အရှေ့အာရှ ထိပ်သီးအစည်းအဝေးများ
သို့ တက်ရောက်မည်ဟု မကြာသေးမီက ထုတ်ပြန်ကြေညာခဲ့သည်။

အာဆီယံထိပ်သီးအစည်းအဝေးတွင် မြောက်ကိုရီးယားနှင့် အမေရိကန်ပြည်ထောင်စု
အကြား အခြေအနေတင်းမာနေသော ဒုံးကျည်စမ်းသပ်မှုအရေးကိစ္စက လွှမ်းမိုးခဲ့ပြီး၊
ကိုရီးယားကျွန်းဆွယ်၌ ဖြစ်ပွားနေသည့် အခြေအနေများအပေါ် အလွန်အမင်း
စိုးရိမ်မိကြောင်းနှင့် သက်ဆိုင်ရာ နိုင်ငံများအနေဖြင့် ထိန်းထိန်းသိမ်းသိမ်းဆောင်
ရွက်ပြီး ပြဿနာကို ဆွေးနွေးအဖြေရှာကြရန် တိုက်တွန်းကြောင်း အာဆီယံ
ခေါင်းဆောင်များက သတင်းထုတ်ပြန်ခဲ့သည်။

အမေရိကန်နှင့် ဖြစ်ပွားနေသည့် ပဋိပက္ခတွင် မိမိတို့ဘက်မှ ထောက်ခံရန်
မြောက်ကိုရီးယား၏ မေတ္တာရပ်ခံချက်ကိုမူ အာဆီယံက မည်သို့မျှ တုံ့ပြန်ခြင်း
မရှိခဲ့ချေ။ မြောက်ကိုရီးယားခေါင်းဆောင် ကင်ဂျုံအန်း၏ အဖေတူအမေကွဲ အစ်ကို၊
ကင်ဂျုံနန် လုပ်ကြံခံရပြီး နောက်ပိုင်း အာဆီယံမြောက်ကိုရီးယား ဆက်ဆံရေးမှာ
ထိခိုက်ကျဆင်းခဲ့ရသည်။ ပြုံယမ်း၏ နူကလီးယားလက်နက်များ ဖျက်သိမ်းရေးအတွက်
ဖွဲ့စည်းထားသည် ခြောက်နိုင်ငံ ဆွေးနွေးရေးအဖွဲ့ဝင် နိုင်ငံအားလုံးမှာ အာဆီယံဒေသ
ဆိုင်ရာ ဆွေးနွေးပွဲဖိုရမ်တွင်လည်း ပါဝင်နေသည်။

ဇော်ညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။