အာဆီယံ ဗဟိုပြု မူဝါဒ

အာဆီယံအဖွဲ့အနေဖြင့် တစ်ဖက်က အင်အားကြီးနိုင်ငံများနှင့် အဆင်ပြေစွာ
ပူးပေါင်းဆောင်ရွက်နေသည့် နည်းတူ အခြားတစ်ဖက်တွင်လည်း အာဆီယံဒေသဆိုင်ရာ
အဆောက်အအုံ၊ အခင်းအကျင်းကို မည်သူ့ ပယောဂမျှ မပါဝင်ဘဲ ကိုယ်တိုင်ကိုယ်ကျ
ပုံဖော်တည်ဆောက်နိုင်ရေးအတွက် အာဆီယံဗဟိုပြု မူဝါဒကို ကျင့်သုံးရန်နှင့် ထိုမူဝါဒကို
ကာကွယ်စောင့်ရှောက်ရန် လိုအပ်သည်။

အာဆီယံအဖွဲ့သည် လွန်ခဲ့သော ဆယ်စုနှစ် ငါးစုအတွင်း စစ်ပွဲများ တားဆီးရေး၊ ငြိမ်းချမ်းရေး၊
လုံခြုံရေး၊ စည်ပင်ဝပြောရေးတို့ကို အောင်မြင်စွာ ထိန်းသိမ်း ဆောင်ရွက်နိုင်ခဲ့သည်ဟု
အာဆီယံဆိုင်ရာ နိုင်ငံတကာ ကျွမ်းကျင်သူများက ဆိုသည်။

သို့ရာတွင် အနာဂတ်ကာလ၌ အာဆီယံဒေသ ပြင်ပ ငြိမ်းချမ်းရေးနှင့် လုံခြုံရေးရာ ကိစ္စများ၌
ပါဝင်ဆောင်ရွက်ရန်မှာမူ အာဆီယံအဖွဲ့၏ စွမ်းဆောင်ရည်ကို မြှင့်တင်ရန် လိုအပ်လျက်ရှိသည်။

"အာဆီယံအဖွဲ့အနေနဲ့ တစ်ခုတည်းသော ဘုံနိုင်ငံခြားရေးမူဝါဒ၊ ဘုံကာကွယ် ရေးမူဝါဒတွေ
ချမှတ်ဖို့ရာ ပြင်းပြတဲ့ နိုင်ငံရေးတွန်းအားတွေ ရှိဖို့ လိုအပ်ပါတယ်" ဟု ဖိလစ်ပိုင်တက္ကသိုလ် ပါမောက္ခ
အေလင်းဘာဗီယာရာက ဆိုသည်။

အာဆီယံဗဟိုပြု မူဝါဒတွင် အာဆီယံ ဒေသတွင်းဆိုင်ရာ မူဝါဒနှင့် အာဆီယံဒေသ ပြင်ပဆိုင်ရာ
မူဝါဒဟူ၍ နှစ်မျိုး ရှိကြောင်း ၎င်းက ဆက်လက်ပြောကြားသည်။

အဖွဲ့ဝင်နိုင်ငံများအနေဖြင့် မိမိတို့နိုင်ငံ၏ မူဝါဒများ ချမှတ်ရာတွင် အာဆီယံဗဟိုပြုမူဝါဒကို
ထည့်သွင်း စဉ်းစားရမည် ဖြစ်ကြောင်း၊ ပြည်တွင်းရေးရာကိစ္စများ၌ အာဆီယံဗဟိုပြုမူဝါဒ
အားကောင်းလာမှသာလျှင် အခြား ဆွေးနွေးဖက်နိုင်ငံများနှင့် အာဆီယံအကြား ဆက်ဆံရေးများတွင်
အာဆီယံ ဗဟိုပြုမူဝါဒကို ပိုမိုခိုင်မာစေမည်ဖြစ်ကြောင်း ၎င်းက ဆိုသည်။

လန်ဒန် စီးပွားရေးနှင့် နိုင်ငံရေး သိပ္ပံတက္ကသိုလ် ပါမောက္ခ ဂျာဂန် ဟက်ကမူ အာဆီယံအနေဖြင့်
အင်အားကြီး နိုင်ငံများ၏ ဩဇာလွှမ်းမိုးမှုမှ မိမိကိုယ်မိမိ ကာကွယ်နိုင်မည်ဟု ယုံကြည်ကြောင်းနှင့်
"အာဆီယံအဖွဲ့ဟာ အင်အားကြီးနိုင်ငံတွေ နဲ့ ချိန်ခွင်လျှာညီမျှအောင် ဘယ်လိုဆက်ဆံရမလဲဆိုတာ
နားလည်ပါတယ်" ဟု ပြောကြားခဲ့သည်။

လွန်ခဲ့သော နှစ် ၅၀ အတွင်း အာဆီယံ၏ ကိုင်တွယ်ဆောင်ရွက်ပုံနည်းလမ်းများကြောင့် အင်အားကြီး
နိုင်ငံများ၏ ဩဇာလွှမ်းမိုးမှုကို ကာကွယ်ရင်းဒေသဆိုင်ရာ အခင်းအကျင်းတစ်ခုကို
တည်ဆောက်နိုင်ခဲ့သည်။

အာဆီယံနိုင်ငံများအနေဖြင့် မိမိတို့ ပြည်သူများကို ဆုံးဖြတ်ချက်ချမှတ်ရေး လုပ်ငန်းစဉ်များ၌
ပိုမိုပါဝင်လာစေမည့် လူထုဗဟိုပြု အာဆီယံဖြစ်လာရန် ကြိုးပမ်းရမည်ဟု ဖိလစ်ပိုင်အမျိုးသမီး
တက္ကသိုလ်မှ ကိုယ်စားလှယ် ရိုဆာရီယို မနယ်လိုက ဆိုသည်။

"ပြည်သူတွေအနေနဲ့ နိုင်ငံတော်နဲ့ လူ့အဖွဲ့အစည်းရေးရာကိစ္စတွေမှာ ပါဝင် ဆောင်ရွက်ခွင့်ပြုရမှာ
ဖြစ်ပါတယ်" ဟု ၎င်းက ပြောကြားခဲ့ခြင်းဖြစ်သည်။

ထို့ပြင် လာမည့် ဆယ်စုနှစ်များအတွင်း အာဆီယံဒေသ၌ လူ့အခွင့်အရေး ကာကွယ်ရန်နှင့်
ဒီမိုကရေစီအလေ့အကျင့် တိုးတက်ရန်တို့ကို ဆောင်ရွက်သွားရန်လိုကြောင်း ၎င်းက
ဖြည့်စွက်ပြောကြားသည်။

အဆိုပါ ကျွမ်းကျင်သူ သုံးဦးသည် အာဆီယံ၊ အရှေ့အာရှ စီးပွားရေး သုတေသနဌာန၊
ဖိလစ်ပိုင်တက္ကသိုလ်နှင့် အာဆီယံ မူဝါဒလေ့လာရေးနှင့်စီးပွားရေးလုပ်ငန်းဆိုင်ရာ
သုတေသနတက္ကသိုလ်တို့ ပူးပေါင်းကျင်းပသည့် အာဆီယံ အဆင့်မြင့် မူဝါဒ စာတမ်းဖတ်ပွဲ၌
ပါဝင်ဆွေးနွေးခဲ့ကြသည်။

အဆိုပါ စာတမ်းဖတ်ပွဲမှာ တစ်နှစ်ပတ်လုံး ကျင်းပမည့် အာဆီယံ နှစ် ၅၀ ပြည့် အစီအစဉ်များအနက်
တစ်ခုအပါအ၀င် ဖြစ်သည်။

အာဆီယံသည် 'အာဆီယံ ပိုဆန်လာမှ သာလျှင်' လာမည့် နှစ် ၅၀ အတွင်း
ဆက်လက်ရှင်သန်နိုင်မည်ဟု အာဆီယံ အတွင်းရေးမှူးချုပ်ဟောင်း ဒေါက်တာဆူရင် ပစ်ဆူဝမ်က
၎င်း၏ မိန့်ခွန်းတွင် ထည့်သွင်းပြောကြားခဲ့၏။

အဖွဲ့ဝင်နိုင်ငံများအနေဖြင့် ပူးပေါင်း ဆောင်ရွက်မှုတိုးမြှင့်ရန်နှင့် အာဆီယံ ဒေသတွင်း ကုန်သွယ်မှု
ဈေးကွက် တိုးချဲ့ရန်တို့ ဆောင်ရွက်ရန်လည်း ၎င်းက တိုက်တွန်းသည်။

"အာဆီယံ ပေါင်းစည်းရေးနဲ့ ဂလိုဘယ် လိုက်ဇေးရှင်းကို ကျွန်တော်တို့ ပိုကြိုးစားဖို့ လိုမယ်။
နောက်ရာစုနှစ် တစ်ဝက် ခရီးဆက်ဖို့ရာ ဒါဟာ တစ်ခုတည်းသော နည်းလမ်းဖြစ်ပါတယ်" ဟု
အနာဂတ် အခင်းအကျင်းများ မသေချာ မရေရာမှုအကြောင်း ရှင်းလင်းရာ၌
၎င်းက ထည့်သွင်းပြောကြားသွားခြင်း ဖြစ်သည်။

မသေချာသည့် အနာဂတ်အခင်း အကျင်းများအနက် သေချာသည့် အချက်မှာ ကမ္ဘာ့အသိုင်းအ၀ိုင်း
တစ်ခုလုံး၏ ကောင်းကျိုးအတွက် အာဆီယံက ပူးပေါင်းဆောင်ရွက်ရမည်ဟူသော အချက်ဖြစ်သည်ဟု
၎င်းက ဆိုသည်။

"လူသားအားလုံးအတွက် ဒီကမ္ဘာ ဂြိုဟ်ကြီးကို အာဆီယံက ပြုပြင်ပြောင်းလဲ ပေးရလိမ့်မယ်။
ဒေသတွင်း ငြိမ်းချမ်းရေးနဲ့ စည်ပင်ဝပြောရေးတွေ ဆောင်ကြဉ်းတဲ့ နေရာမှာ အဖွဲ့ဝင်တွေအနေနဲ့
မိမိတို့ နှစ်သက်ရာ နည်းလမ်းအတိုင်း ဆောင်ရွက်ခွင့်ပြုခြင်းဟာ အာဆီယံရဲ့ ကောင်းမွန်တဲ့
နည်းလမ်းပါပဲ" ဟု ၎င်းက နိဂုံးချုပ်အနေဖြင့် ထည့်သွင်းပြောဆိုခဲ့သည်။

အာဆီယံဥက္ကဋ္ဌ ဖိလစ်ပိုင်နိုင်ငံသည် နှစ် ၅၀ ပြည့် အာဆီယံအခမ်းအနားအတွက် အစီအစဉ်
အမြောက်အမြား ရေးဆွဲထားရှိသည်။

စာတမ်းဖတ်ပွဲ၊ အလုပ်ရုံ ဆွေးနွေးပွဲများ ကျင်းပသွားမည့်အပြင် အတွဲငါးတွဲပါ
အာဆီယံစာအုပ်ကြီးကိုလည်း လာမည့် ဩဂုတ်လတွင် ထုတ်ဝေမည်ဖြစ်သည်။

ဇော်ညွန့် ဘာသာပြန်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။