အငြင်းပွားမှုကို တရားရုံးပြင်ပတွင် ဖြေရှင်းခြင်း (၁) (Extrajudicial Dispute Settlement or Settlement of Dispute outside the Court)

ဥပဒေပြဿနာများ ဆွေးနွေးဖက်ဖြစ် တဲ့ တပည့်ရှေ့နေ ရောက်လာပြန်ပြီး ဥပဒေရေးရာ
မေးမြန်းဆွေးနွေးခဲ့ကြ တာကို လူငယ်ဥပဒေသမားများနဲ့ ပြည်သူအများ ဥပဒေသုတရရှိစေဖို့
ပြန်ရေးလိုက်ပါတယ်။

"လွန်ခဲ့တဲ့ နှစ်လလောက်က Arbitration အကြောင်း ဆရာဟောပြောခဲ့ တာကို နောက်မှသိရလို့
မတက်နိုင်ခဲ့ဘူး ဆရာ။ အဲဒီဟောပြောပွဲမှာ ရောင်းချတဲ့ စာအုပ်ကလေးကိုတော့ ကျွန်တော့်
တပည့်တစ်ဦးက ၀ယ်လာပြီး လက်ဆောင် ပေးလို့ ကျွန်တော်ရထား ပါတယ်ဆရာ" "ဟုတ်တယ်ကွ၊ အောက်တိုဘာလ နောက်ဆုံးအပတ်လောက်က ဖြစ်မယ်။ ဟောပြောဖို့အချိန်က
တစ်နာရီလောက် ပဲဆိုတော့ အဲဒီဘာသာရပ်အကြောင်း အပြည့်အစုံပြောဖို့က မဖြစ်နိုင်ဘူး။
ဒါကြောင့် အဲဒီစာအုပ်ကလေးကို ဟောပြောပွဲ တက်ရောက်သူတွေ အတွက် ရည်ရွယ်ပြီး မိတ္တူကူး
ယူရောင်း ချခဲ့တာပါ။ ရောင်းချတယ်ဆိုပေမယ့် လည်း မိတ္တူကူးခကိုပဲယူတာပါ။ အခမဲ့ ဖြန့်ဝေချင်
ပေမယ့်လည်း အလကားရ တာကို တန်ဖိုးမထားချင်ကြလို့ မိတ္တူကူးခ ကို ရောင်းဈေးအဖြစ်
သတ်မှတ်တဲ့ သဘောပေါ့"

"မိတ္တူကူးယူတယ်ဆိုတာ ဘယ်က ကူးတာပါလဲဆရာ"
"၂၀၀၄ ခုနှစ်တုန်းက ငါရေးသား ထုတ်ဝေခဲ့တဲ့ 'ကုန်ရောင်းခြင်းအက် ဥပဒေ အပြည်ပြည်ဆိုင်ရာ
ကုန်သွယ်မှု ဥပဒေနှင့် လက်တွေ့ကျင့်သုံးမှုများ' ဆို တဲ့စာအုပ်၊ ဒုတိယတွဲက အခန်း (၁၆) ကို
မူလအတိုင်း ကူးယူထားတာပါ။ ဒါပေ မဲ့ အဲဒီအခန်းရဲ့ ခေါင်းစဉ်ကတော့ Arbitration မဟုတ်
ဘူးကွ။ မင်းရထား တယ်ဆိုတဲ့ စာအုပ်ကလေးရဲ့ မျက်နှာဖုံး မှာဖော်ပြထားတဲ့အတိုင်း 'အငြင်း
ပွား မှုများကို ဖြေရှင်းခြင်း' (Settlement of Disputes) ဆိုတဲ့ ခေါင်းစဉ်နဲ့ပါ။ Arbitration
ဆိုတာကတော့ အငြင်းပွားမှု ဖြေရှင်းနည်းအမျိုးမျိုးထဲက ဖြေရှင်း နည်းတစ်မျိုးပေါ့ကွာ"

"ဟုတ်ကဲ့၊ ရှင်းပြပါဦးဆရာ"
"အငြင်းပွားမှုဆိုတာကလည်း အမျိုး မျိုးရှိတယ်လေ။ အဲဒီအငြင်းပွားမှုမျိုးစုံ ကို ဖြေရှင်းတဲ့နည်း
တွေက (၁)စေ့စပ် ဆွေးနွေးခြင်း(negotiation)၊ (၂) ညှိနှိုင်း ဖျန်ဖြေခြင်း (conciliation) ၊
(၃) ဒိုင်လူကြီး ခန့်ထားပြီးဖြေရှင်းခြင်း (Settlement by a referee) ၊ (၄) ခုံသမာဓိခန့်
ထား၍ ဆုံးဖြတ်ခြင်း (arbitration) နဲ့ (၅) တရား စွဲဆိုခြင်း (litigation) ဆိုပြီး ငါးနည်းရှိ
တယ်။ ပထမ လေးနည်းက အငြင်းပွားမှု အတွက် တရားစွဲဆိုခြင်းမပြုဘဲ ဖြေရှင်း တာဖြစ်လို့
"Extrajudicial Dispute Settlement" သို့မဟုတ် "Settlement of Dispute outside
the Court" လို့ ခေါ်တယ်။ တရားစွဲဆိုပြီး အငြင်းပွားမှု ကို ဖြေရှင်းတာမဟုတ်လို့ 'အခြားနည်း
ဖြင့် အငြင်းပွားမှုကိုဖြေရှင်းခြင်း' (Alte- rnative Dispute Resolution) လို့ လည်း
ခေါ်ကြသေးတယ်။ အဲဒီနည်းတွေ ကို တစ်ခုပြီး တစ်ခုအစဉ်လိုက်အသုံးပြု ဖို့တော့ မဟုတ်ပါဘူး။
ဘယ်အငြင်းပွား မှုမျိုးကိုမဆို အဲဒီနည်းတစ်နည်းနည်း နဲ့ ဖြေရှင်းနိုင်တယ်လို့ ဆိုလိုတာပါ။
အငြင်းပွားမှုဆိုရာမှာလည်း စီးပွားရေး နဲ့ ကူးသန်းရောင်းဝယ်ရေးဆိုင်ရာ အငြင်းပွားမှုတွေသာ
မက တရားရုံးမှာ တရားစွဲဆိုဖြေရှင်းရမယ့် အငြင်းပွားမှု အမျိုးအစားအားလုံးကို ဆိုလိုတယ်။
အဲဒီ နည်းငါးမျိုးမှာ တရားစွဲဆိုတဲ့နည်းလမ်း အကြောင်းကတော့ လူအများသိရှိထား ပြီးဖြစ်လို့
မပြောတော့ဘူး။ ကျန်တဲ့ နည်းလေးနည်း အကြောင်းကိုပဲ အကျဉ်းချုပ်ပြီး ဆွေးနွေးရအောင်"

"ဟုတ်ကဲ့ပါဆရာ၊ အခုဆရာပြောခဲ့ တဲ့ အငြင်းပွားမှုကိုတရားရုံးပြင်ပမှာ ဖြေရှင်းနည်း (၄) မျိုး
အနက် Arbitration နည်းနှင့်ပတ်သက်လို့ဥပဒေ ပြဋ္ဌာန်းချက်တွေ ရှိပါတယ်။ ကျန် သုံး နည်းဖြစ်
တဲ့ စေ့စပ်ဆွေးနွေးခြင်း၊ ညှိနှိုင်း ဖျန်ဖြေခြင်းနဲ့ ဒိုင်လူကြီးခန့်ထားပြီး ဖြေရှင်းခြင်းတို့နဲ့ ပတ်သက်
လို့တော့ ဥပဒေပြဋ္ဌာန်းချက် မတွေ့ဖူးပါဘူး ဆရာ"
"ဟုတ်တယ်။ အဲဒီနည်း (၃) နည်းနဲ့ ပတ်သက်လို့ ဥပဒေပြဋ္ဌာန်းပေးထားတာ မျိုးတော့ မရှိဘူးကွ။
စေ့စပ်ဆွေးနွေး မှု (negotiation) လုပ်တာကတော့ အငြင်းပွားသူနှစ်ဖက်တို့က မိမိတို့ သဘော
အလျောက် တွေ့ဆုံညှိနှိုင်းကြ တာပဲ။ အဲဒီလိုနှစ်ဖက် သဘောတူညီမှု ရရင် ကိစ္စပြီးသွားတာပေါ့။
ငွေကြေး ကုန်ကျမှုမရှိတဲ့ နည်းပေါ့ကွာ။ ဖျန်ဖြေမှု (conciliation) လုပ်ရာမှာတော့ အငြင်းပွား
သူနှစ်ဖက်စလုံးက လေးစားယုံကြည်ပြီး ဘက်မလိုက်တဲ့ ညှိနှိုင်းဖျန်ဖြေသူ (conciliator) တစ်ဦး
ကို နှစ်ဖက်သဘောတူ ရွေး ချယ်ရမယ်။ သူ့ရဲ့အဆိုပြု ဖြေရှင်း ချက်ကို နှစ်ဖက်စလုံးက လက်ခံ
တယ် ဆိုရင် ကိစ္စပြီးသွားတာပဲ။ အဲဒီအတွက် ဥပဒေပြဋ္ဌာန်းပေးထားတာမျိုး မရှိပေ မယ့် ကုလ
သမဂ္ဂ အပြည်ပြည်ဆိုင်ရာ ကုန်သွယ်ရေးဥပဒေကော်မရှင် (The UN Commission on
International trade Law- UNCITRAL) က ထုတ်ပြန်ထားတဲ့ UNCITRAL Conciliation
Rules နဲ့ အပြည်ပြည်ဆိုင်ရာ ကူးသန်းရောင်းဝယ်ရေး အသင်းကြီး (The International
Chamber of Commerce-ICC) က ထုတ်ပြန်ထား တဲ့ ICC Rules of Concialitation ဆိုတာ
တွေတော့ရှိတယ်။ အဲဒါတွေက နိုင်ငံ တစ်နိုင်ငံရဲ့ ပြဋ္ဌာန်းဥပဒေတွေမဟုတ် ပေမယ့် အဲဒီလုပ်ထုံး
လုပ်နည်းတွေကို အသုံးပြုပြီး အငြင်းပွားမှုကို ဖျန်ဖြေပေး လို့ ရတယ်။ နောက်တစ်နည်းဖြစ်တဲ့
ဒိုင်လူကြီးခန့်ထားပြီး ဖြေရှင်းနည်းဆို တာကတော့ အဆင့်မြင့်နည်းပညာ ကျွမ်းကျင်မှုပါဝင်တဲ့
စီမံကိန်းလုပ်ငန်း ကြီးတွေမှာ နှစ်ဖက်အငြင်းပွားမှုပေါ် ပေါက်တဲ့အခါ ဖြေရှင်းတဲ့ နည်းဖြစ်တယ်။
ဒီနည်းမှာလည်း သက်ဆိုင်ရာလုပ်ငန်း နဲ့ ပတ်သက်တဲ့ နည်းပညာဆိုင်ရာ ကျွမ်းကျင်သူတစ်ဦးကို
ဒိုင်လူကြီး (refree) အဖြစ် ခန့်ထားပြီး သူက အကြံပြုတင်ပြတာကို နှစ်ဖက်လက်ခံ နိုင်ရင် ကိစ္စ
ပြီးသွားတာပဲ။ အဲဒီနည်း အတွက် အပြည်ပြည်ဆိုင်ရာကူးသန်း ရောင်းဝယ်ရေးအသင်းကြီးက
ထုတ်ပြန် ထားတဲ့ "ICC Pre Arbitral Referee Procedure" ဆိုတာရှိတယ်။ အဲဒါ ကိုအ
သုံးပြုနိုင်တယ်"

"အဲဒီလိုမျိုး ညှိနှိုင်းချက်၊ ဖြေရှင်းချက် တွေကို အကျိုးသက်ရောက်မှုရှိအောင် ဥပဒေအရ အကောင်
အထည်ဖော်နိုင် ပါ သလားဆရာ၊ ဆိုလိုတာက တရားရုံး ရဲ့ ဒီကရီလိုအကောင်အထည်ဖော်လို့
ရနိုင်ပါသလား ဆရာ" "တရားရုံးရဲ့ ဒီကရီလိုအရေးယူ၊ အကောင်အထည်ဖော်နိုင်ဖို့အတွက်
သီးခြားဥပဒေ ပြဋ္ဌာန်းပေးထားတာမျိုး တော့ မရှိဘူးကွ။ အဲဒီလို အကောင် အထည်ဖော်နိုင်ဖို
့အတွက် အဲဒီညှိနှိုင်း ဖြေရှင်းချက်၊ ဒိုင်လူကြီးရဲ့ ဆုံးဖြတ်ချက် တွေကို စာနဲ့ရေးသားမှတ်တမ်းတင်
ပြီး အငြင်းပွားသူ နှစ်ဦးနှစ်ဖက်စလုံးက လက်မှတ်ရေးထိုး ထားရမယ်။ အဲဒီ သဘောတူညီချက်
မှတ်တမ်းက ပဋိညာဉ် (Contract) ဖြစ်သွားတဲ့အတွက် နောင်အခါမှာ တစ်ဖက်ဖက်က မလိုက်
နာဘူးဆိုရင်၊ မိမိတာဝန်ကို မဆောင် ရွက်ဘူးဆိုရင် ပဋိညာဉ်ချိုးဖောက်မှု (breach of contract)
ဖြစ်သွားမယ် မဟုတ်လား။ အဲဒီအတွက် "The Specific Relief Act" အရ 'ပဋိညာဉ်အတိုင်း
ဆောင်ရွက်ပေးစေလိုမှု' နဲ့ တရားစွဲလို့ ရတာပေါ့"

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


အကြည့်အများဆုံး - ဆောင်းပါး