ဒုတိယအကြိမ် လွှတ်တော် အစည်းအဝေးများကို ပြန်လည်သုံးသပ်ခြင်း

နေပြည်တော်လွှတ်တော်အဆောက်အအုံအတွင်း လွှတ်တော်အမတ်များ သွားလာလှုပ်ရှားနေကြသည်ကို ပြီးခဲ့သည့် မတ်လ ၁ ရက်က တွေ့ရစဉ်။ ဓာတ်ပုံ - အီးပီအေနေပြည်တော်လွှတ်တော်အဆောက်အအုံအတွင်း လွှတ်တော်အမတ်များ သွားလာလှုပ်ရှားနေကြသည်ကို ပြီးခဲ့သည့် မတ်လ ၁ ရက်က တွေ့ရစဉ်။ ဓာတ်ပုံ - အီးပီအေ

အမျိုးသားဒီမိုကရေစီအဖွဲ့ချုပ် ဦးဆောင်သည့် လွှတ်တော်သည် အစိုးရအဖွဲ့တွင်
ဒေါ်အောင်ဆန်းစုကြည်က ဦးဆောင်နေသောကြောင့် မဏ္ဍိုင်နှစ်ခုအကြား အပြန်အလှန်ထိန်း
ကျောင်းခြင်း အားနည်းနေနိုင်ကြောင်း ခန့်မှန်းပြောဆိုမှုများ ရှိနေသည်။နိုင်ငံတော်၏ အတိုင်ပင်ခံ
ပုဂ္ဂိုလ်၊ နိုင်ငံခြားရေးဝန်ကြီးဌာနပြည်ထောင်စုဝန်ကြီးနှင့် သမ္မတရုံးဝန်ကြီးများအဖြစ်ပါ တာဝန်ယူထားသည့်
ဒေါ်အောင်ဆန်းစုကြည်က လွှတ်တော်ဥက္ကဋ္ဌများအပေါ် လွှမ်းမိုးမှုရှိနေနိုင်ကြောင်းလည်း ရှမ်း
တိုင်းရင်းသားလွှတ်တော်ကိုယ်စားလှယ် ဦးစိုင်းသီဟကျော်က ပြောကြားသည်။

လွှတ်တော်ဥက္ကဋ္ဌများ၏ ဆောင်ရွက်ချက်အပေါ် ဒေါ်အောင်ဆန်းစုကြည်က လွှမ်းမိုးနေခြင်းမျိုး
မရှိကြောင်း ပြည်သူ့လွှတ်တော်ဥက္ကဋ္ဌဦးဝင်းမြင့်က ဇွန် ၁ဝ ရက် သတင်းစာရှင်းလင်းပွဲတွင်
ပြန်လည်တုံ့ပြန်ခဲ့သည်။ ဒေါ်အောင်ဆန်းစုကြည်သည် တာဝန်ချင်းမတူသော လွှတ်တော်နှင့်
ကင်းကင်း နေထိုင်လျက်ရှိပြီး လွှတ်တော်တွင်းသို့လာရောက်ရန် အကြောင်းရှိလျှင်လည်း
လွှတ်တော်ဥက္ကဋ္ဌထံမှ ခွင့်ပြုချက်တောင်းကာ ခွင့်ပြုချက်ရရှိမှသာ လာရောက်လေ့ရှိကြောင်း
ဦးဝင်းမြင့်က ပြောကြားခဲ့သည်။

လွှတ်တော်သည် အစိုးရအဖွဲ့ကို ထိန်းကျောင်းမှုတွင် အားနည်းနိုင်ကြောင်း ထောက်ပြချက်
များသည်လည်း မှန်ကန်သကဲ့သို့ဖြစ်နေကြောင်း ရခိုင်တိုင်းရင်းသားလွှတ်တော်ကိုယ်စားလှယ်များက
ပြောဆိုသည်။ ''လွှတ်တော်ဥက္ကဋ္ဌ (ပြည်သူ့လွှတ်တော်ဥက္ကဋ္ဌဦးဝင်းမြင့်) က ကိုယ်စားလှယ်တွေကို
ဖိအားပေးလိုတဲ့သဘောရှိတယ်'' ဟု မြေပုံမြို့နယ်မှ ပြည်သူ့လွှတ်တော်ကိုယ်စားလှယ် ဦးဖေသန်းက
ပြောကြားခဲ့သည်။ လွှတ်တော်ကိုယ်စားလှယ်များမေးခွန်းမေမြန်းနေစဉ်၊ သို့မဟုတ် အဆိုတစ်ခုကို
ဆွေးနွေးနေစဉ်အတွင်း ဦးဝင်းမြင့်က သတိပေးခြင်းများ ပြုလုပ်လေ့ရှိရာ ထိုကဲ့သို့ပြုလုပ်ခြင်းသည်
ပြည်ထောင်စုဝန်ကြီး၊ ဒုတိယ ဝန်ကြီးများကို ဝေဖန်ပြောဆိုခြင်းများ မပြုလုပ်နိုင်ရန်
ဖိအားပေးသကဲ့သို့ဖြစ်နေကြောင်း ၄င်းက ပြောသည်။

ပြည်သူ့လွှတ်တော်ဥက္ကဋ္ဌ ဦးဝင်းမြင့်ကမူ ထိုကဲ့သို့မဟုတ်ဘဲ ဥပဒေ၊ နည်းဥပဒေနှင့်
လုပ်ထုံးလုပ်နည်းများအရသာ ဥက္ကဋ္ဌအနေဖြင့်ကိုယ်စားလှယ်များ အကြောင်းအရာ ချော်ထွက်
သွားခြင်းမျိုးမရှိစေရန် အသိပေးခြင်းသာဖြစ်ကြောင်း ပြန်လည်ရှင်းလင်းပြောကြားသည်။
ကိုယ်စားလှယ်များကို အသိပေးခြင်းသာဖြစ်ပြီး သတိပေးခြင်းမျိုးမဟုတ်ကြောင်း သတင်းစာ
ရှင်းလင်းပွဲတွင် တုံ့ပြန်ပြောကြားခဲ့သည်။

ဦးဝင်းမြင့်၏သတိပေး (အသိပေးသည်ဟုဆိုထား)ခြင်း ခံခဲ့ရသည့်လွှတ်တော်
ကိုယ်စားလှယ်များထဲတွင် အခြားပါတီမှကိုယ်စားလှယ်များအပြင် အမျိုးသားဒီမိုကရေစီအဖွဲ့ချုပ်မှ
ကိုယ်စားလှယ် အချို့လည်း ပါဝင်ခဲ့သည်။ ယခင်အစိုးရလက်ထက် ကျေးရွာကိုယ်ထူကိုယ်ထမီးလင်းရေး
စီမံချက်များတွင် နိုင်ငံတော်က ကုန်ကျစရိတ်၏ထက်ဝက်ကို ကျခံပေးမည်ဖြစ်ကြောင်း ဝန်ထမ်းများက
ပြောကြားခဲ့မှုများအပေါ် သနပ်ပင်မြို့နယ်မှပြည်သူ့လွှတ်တော်ကိုယ်စားလှယ် ဦးမြင့်ဦးက လက်ရှိ
အစိုးရတာဝန်ရှိသူကိုမေးမြန်းခဲ့ရာတွင် မိမိမေးခွန်းသည်အခြေအနေနှင့်အချိန်အခါအရ
သင့်လျော်မှုရှိ၊မရှိ ဆင်ခြင်စေလိုကြောင်း ဦးဝင်းမြင့်က သတိပေးခဲ့သည်။

လွှတ်တော်ကိုယ်စားလှယ်တစ်ယောက်၏ အခွင့်အရေးအရ ပြည်သူကိုကိုယ်စားပြုမေးရခြင်းဖြစ်သည့်
အတွက် ထိုကဲ့သို့ဟန့်တားမှုကြုံရသည့်အပေါ် စိတ်မကောင်းဖြစ်ရကြောင်း ဦးမြင့်ဦးက
သတင်းထောက် အချို့ကို ပြောကြားခဲ့သည်။ လွှတ်တော်ကိုယ်စားလှယ်၏အခွင့်အရေးအတိုင်းပင်
ဆက်လက်ဆောင်ရွက်သွားမည်ဖြစ်ကြောင်းလည်း ၄င်းက ပြောကြားခဲ့သည်။ လက်ရှိ
အစိုးရအဖွဲ့သည် ယခင်အစိုးရ၏ ကောင်းမွေ၊ ဆိုးမွေများကိုဆက်ခံရသောကြောင့် မည်သည့်
အကြောင်းအရာမဆို တာဝန်ယူဖြေရှင်းရန် တာဝန်ရှိကြောင်း ကျောက်ဖြူမြို့နယ် ပြည်သူ့
လွှတ်တော်ကိုယ်စားလှယ် ဦးဘရှိန်က ပြောကြားခဲ့သည်။

လွှတ်တော်သို့ ကိုယ်စားလှယ်များက အရေးကြီးအဆိုများတင်သွင်းခဲ့ရာတွင်လည်း မေးခွန်းအဖြစ်
ပြောင်းလဲခွင့်ပြုပေးခြင်း၊ လုံးဝတင်သွင်းခွင့် မပြုခဲ့ခြင်း၊ အရေးကြီးအဆိုကို သာမန်အဆိုအဖြစ်
ပြောင်းလဲ ခွင့်ပြုခဲ့ခြင်းများလည်း ရှိခဲ့သည်။ တအာင်း(ပလောင်)အမျိုးသားပါတီမှ ပြည်သူ့လွှတ်တော်
ကိုယ်စားလှယ် ဒေါ်နန်းမိုးက ၄င်း၏အဆိုကို မေးခွန်းအဖြစ် ပြောင်းလဲပြီးခွင့်ပြုခဲ့သောကြောင့်
''မွေးလူနာကို မင်းမမွေးနဲ့ဦးလို့ ပြောလိုက်သလို ခံစားရတယ်''ဟု ပြောကြားခဲ့သည်။

ရခိုင်တိုင်းရင်းသူ၊ ရသေ့တောင်မြို့နယ်မှ ပြည်သူ့လွှတ်တော် ဒေါ်ခင်စောဝေ၏ ရခိုင်ပြည်နယ်
အတွင်း တိုက်ပွဲများကြောင့် ထွက်ပြေးလာခဲ့ရသည့် စစ်ဘေးရှောင်ပြည်သူများအတွက် ကူညီ
ကယ်ဆယ်ရေးနှင့် ပတ်သက်သည့် အဆိုသည်လည်း လွှတ်တော်သို့တင်ပြခွင့်မရခဲ့ပေ။
အဆိုတင်သွင်းခွင့် မရခဲ့သောကြောင့် ဒေါ်ခင်စောဝေက မီဒီယာများကို ထုတ်ဖော်ပြောကြားခဲ့ရာ
ကိုယ်စားလှယ်များအနေဖြင့် လွှတ်တော်၏ ဆောင်ရွက်ချက်များကို ပြည်သူများ အထင်အမြင်
လွဲမှားစေသောပြုမူ၊ ပြောဆိုမှုများ ရှောင်ကြဉ်ရန်လည်း သတိပေး(အသိပေး)ခံခဲ့ရသည်။

ပြည်သူ့လွှတ်တော်ဒုတိယအကြိမ်၊ ပထမပုံမှန်အစည်းအဝေးများအတွင်း လွှတ်တော်
ဥက္ကဋ္ဌဦးဝင်းမြင့်၏ဆောင်ရွက်ချက်များနှင့်ပတ်သက်ပြီး ထောက်ပြမှုများရှိခဲ့သော်လည်း
ဦးဝင်းမြင့်ကမူ သက်ဆိုင်ရာလွှတ် တော်ဥပဒေ၊ နည်းဥပဒေနှင့်လုပ်ထုံးလုပ်နည်းများအတိုင်း
လွှတ်တော်ဥက္ကဋ္ဌတစ်ယောက်၏ ဆင်ခြင်တုံတရားဖြင့်သာ ဆောင်ရွက်ခဲ့ကြောင်း သတင်းစာ
ရှင်းလင်းပွဲတွင် ပြန်လည်တုံ့ပြန်ခဲ့သည်။

အမျိုးသားလွှတ်တော်နှင့် ပြည်ထောင်စုလွှတ်တော်တို့တွင်မူ ထိုကဲ့သို့သော အကြောင်းအရာများ
ပေါ်ပေါက်ခဲ့ခြင်းမရှိကြောင်း ကျောက်ဖြူမြို့နယ် ပြည်သူ့လွှတ်တော်ကိုယ်စားလှယ် ဦးဘရှိန်က
ပြောကြားသည်။ အမျိုးသားလွှတ်တော်တွင် ထိုကဲ့သို့အဆိုကို ခွင့်မပြုခြင်း၊ မေးခွန်းအဖြစ်
ပြောင်းလဲခွင့်ပြုပေးခြင်းမျိုး လူသိထင်ရှား မရှိခဲ့သော်လည်း ကိုယ်စားလှယ်များ၏
ဆွေးနွေးချက်အချို့မှာမူ လူသိများခဲ့သည်။ ရပ်ကွက်သို့မဟုတ် ကျေးရွာအုပ်ချုပ်ရေးမှူးများ
ရွေးချယ်တင်မြှောက်ခြင်းဆိုင်ရာ ဥပဒေကြမ်းကို ဆွေးနွေးရာတွင် အုပ်ချုပ်ရေးမှူးကို
အသက် ၁၈ နှစ်ပြည့်ရုံနှင့် ရွေးချယ်တာဝန်ပေးသင့်ကြောင်း ဆွေးနွေးချက်သည် ထင်ရှားခဲ့သည်။
ယင်းကိုယ်စားလှယ်က လူ့အခွင့်အရေးရှုထောင့်မှ ရပ်တည်ကာ ဆွေးနွေးခဲ့ခြင်းဖြစ်သော်လည်း
အဖွဲ့အစည်းတစ်ခုကိုခေါင်းဆောင်မည့်သူသည် ၁၈ နှစ်သားအတွေ့အကြုံနှင့်မည်သို့မျှ
မသင့်လျော်ကြောင်း ဝေဖန်ခဲ့ကြသည်။

''ကိုယ်စားလှယ်ကတော့ ၁၈ နှစ်ပြည့်တဲ့သူလည်း အုပ်ချုပ်ရေးမှူး လုပ်ခွင့်ရှိတယ်လို့ပြောတယ်
ထင်ပါတယ်။ ဒါပေမဲ့ လက်တွေ့မှာ ရပ်ကွက် ဒါမှမဟုတ် ကျေးရွာအုပ်စုတစ်ခုကို ဦးဆောင်ရတယ်
ဆိုတာ ထိုက်သင့်တဲ့အတွေ့အကြုံရှိဖို့လိုပါတယ်။ အတွေ့အကြုံကအရမ်းအရေးကြီးပါတယ်။
ကျွန်တော်တို့လူမှုရပ်ဝန်းမှာက ၁၈ နှစ်ဆိုတာ ပညာသင်နေတုန်း၊ မိဘအပေါ်မှီခိုနေဆဲ
ကလေးပဲ ရှိသေးတယ်လို့ မြင်နေတုန်းပဲဆိုတော့ ရယ်စရာဖြစ်နေတာပေါ့'' ဟု အုပ်ချုပ်ရေး
တာဝန်ထမ်းဆောင်ခဲ့ဖူးသူဦးခိုင်ထွန်းက ပြောကြားသွားသည်။

ဥပဒေများပယ်ဖျက်သည့်အထဲတွင် နိုင်ငံတော်အား နှောင့်ယှက်ဖျက်ဆီးလိုသူများ၏ဘေး
အန္တရာယ်မှ ကာကွယ်တားဆီးသည့် ဥပဒေကိုပယ်ဖျက်နိုင်ခဲ့ခြင်းသည် အထိရောက်ဆုံးဖြစ်ကြောင်း
မြေပုံမြို့နယ် ပြည်သူ့လွှတ်တော်ကိုယ်စားလှယ် ဦးဖေသန်းက ပြောသည်။ ယနေ့အချိန်အခါတွင်
နိုင်ငံရေးသမားများကို နှိပ်ကွပ်ရန် ရည်ရွယ်ရေးဆွဲပြဋ္ဌာန်းထားသည့် ယင်းဥပဒေမျိုးသည်
မရှိသင့်တော့ကြောင်း ၄င်းကပြောကြားခဲ့ခြင်းဖြစ်သည်။

လွှတ်တော်ရွေးကောက်ပွဲဆိုင်ရာဥပဒေများပြင်ဆင်ခြင်းသည် အနိုင်ရလွှတ်တော်နှင့်
ရွေးကောက်ပွဲကော်မရှင်အနေဖြင့် လစ်လပ်မဲဆန္ဒနယ်များအတွက် ကြားဖြတ်ရွေးကောက်ပွဲ
ပြုလုပ်ချိန်ကို လွှတ်တော်စတင်သည့်ရက်မှ တစ်နှစ်အထိ ဆွဲဆန့်နိုင်ခဲ့ခြင်းသာဖြစ်သည်။

သို့သော်လည်း လက်ရှိလွှတ်တော်ကိုယ်စားလှယ်အများစုသည် အသစ်များဖြစ်ကြသည့်အပြင်
အတွေ့အကြုံပိုင်းတွင်လည်း နုနယ်သေးသောကြောင့်ဖြစ်နိုင်ကြောင်း ပြည်သူ့လွှတ်တော်
အခွင့်အရေးကော်မတီ အတွင်းရေးမှူး ဒေါက်တာလှမိုးက ပြောကြားသည်။

''အရင်လွှတ်တော်မှာက လူကြီးပိုင်းတွေများတယ်၊ သူတို့ကနိုင်ငံရေးသမားတွေလည်း
မဟုတ်ကြဘူး။ အခုလွှတ်တော်ကြတော့ နိုင်ငံရေးသမားတွေချည်းပဲလို့တောင် ပြောနိုင်တယ်၊
လူငယ်လူရွယ်တွေပိုများလာတယ်။ ဒါကြောင့် အရင်ထက် ပိုပြီးလှုပ်လှုပ်ရှားရှားဖြစ်လိမ့်မယ်''ဟု
နှစ်ကြိမ်ဆက် လွှတ်တော်ကိုယ်စားလှယ်ဖြစ်သူဦးမြင့်ဦးက ပြောကြားသွားခဲ့သည်။

ဒုတိယအကြိမ်၊ ပထမပုံမှန် ပြည်သူ့လွှတ်တော် အစည်းအဝေးများတွင် ကြယ်ပွင့်ပြမေးခွန်း ၈၃ ခု၊
ကြယ်ပွင့်မပြမေးခွန်း ၁ဝ၃ ခု၊အဆို ၁၂ ခုတင်သွင်းခဲ့ပြီး၊ ဥပဒေကြမ်း ၁၆ ခုရှိခဲ့သည့်အနက်
ဥပဒေကြမ်း ကိုးခုနှင့် နည်းဥပဒေနှစ်ခုကို အတည်ပြုနိုင်ခဲ့သည်။ အမျိုးသားလွှတ်တော်တွင်
ကြယ်ပွင့်ပြမေးခွန်း ၃၃ ခု၊ ကြယ်ပွင့်မပြမေးခွန်း ခြောက်ခု၊ အဆိုတစ်ခု ဆောင်ရွက်နိုင်ခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။