အစိုးရသစ်နှင့် ပထမ ရက်ပေါင်း ၁၀၀

အမျိုးသား ဒီမိုကရေစီအဖွဲ့ချုပ်ဦးဆောင်သည့် အစိုးရသစ်သက်တမ်းမှာ သုံးလကျော်ကာလ
ရောက်ရှိခဲ့ပြီဖြစ်သည်။

နှစ်ပေါင်း ၅၄ နှစ်ကြာပြီးနောက် ပထမဆုံးအကြိမ် အရပ်သားအစိုးရထံ တိုင်းပြည်အာဏာကို
အပ်နှင်းခဲ့ခြင်းဖြစ်သည်။

အရပ်သားအစိုးရသစ်ကို ဒီမိုကရေစီခေါင်းဆောင်ဟု တင်စားခေါ်ဝေါ်ခြင်းခံရသည့်
ဒေါ်အောင်ဆန်းစုကြည်က ဦးဆောင်နေခြင်းဖြစ်သည်။

သမ္မတအထက်တွင်နေကာ တိုင်းပြည်ကိုအုပ်ချုပ်မည်ဟု ရွေးကောက်ပွဲ မတိုင်မီကပင်
ဒေါ်အောင်ဆန်းစုကြည်က လူသိရှင်ကြား ထုတ်ဖော်ပြောကြားခဲ့သည်။

ရိုးဂုဏ်နှင့် ပါတီအပေါ်သစ္စာရှိခြင်းကိုအခြေခံကာ ဦးထင်ကျော်ကို သမ္မတအဖြစ် တင်မြှောက်ခဲ့ပြီး
နိုင်ငံတော်၏ အတိုင်ပင်ခံပုဂ္ဂိုလ်ရာထူးဖြင့် ဒေါ်အောင်ဆန်းစုကြည်က တိုင်းပြည်၏ ပဲ့ကိုင်ရှင်
ဖြစ်လာခဲ့သည်။

ယခင်အစိုးရလက်ထက်တွင် ၀န်ကြီးဌာနပေါင်း ၃၆ ဌာနရှိခဲ့သော်လည်း အစိုးရသစ်က ၀န်ကြီးဌာန
၂၂ ဌာနဖြင့်သာ လည်ပတ်ရန် ဆုံးဖြတ်ခဲ့သည်။

ယခင်အစိုးရအပေါ် လူထုက ယုံကြည်မှုအားနည်းခဲ့သော်လည်း ဒေါ်အောင်ဆန်းစုကြည်
ဦးဆောင်သည့် အစိုးရသစ်လက်ထက်တွင် 'လူထု၏ မျှော်လင့်ချက် မြင့်မားလွန်းခြင်း' ပြဿနာကို
ရင်ဆိုင်နေရသည်။

အစိုးရသစ် စတင် တာဝန်ယူချိန်တွင် ရင်ဆိုင်ဖြေရှင်းရမည့် အဓိကစိန်ခေါ်မှုကြီး ၁၀ ခုကို လွန်ခဲ့သည့်
ရက် ၁၀၀ ကျော်က မြန်မာတိုင်း(မ်)တွင် ဖော်ပြခဲ့ပြီးဖြစ်သည်။

အထက်ပါစိန်ခေါ်မှုများအပေါ် ပထမရက်ပေါင်း ၁၀၀ အတွင်း အစိုးရသစ်က
မည်မျှဆောင်ရွက်နိုင်ခဲ့သည်ကို သုံးသပ်ဖော်ပြလိုက်ပါသည်။

 

ငြိမ်းချမ်းရေး

ဓာတ်ပုံ - အေအက်ဖ်ပီဓာတ်ပုံ - အေအက်ဖ်ပီ

အစိုးရသစ်၏ ဦးစားပေးလုပ်ငန်းစဉ်များ အနက် အရေးကြီးတစ်ခုမှာ ငြိမ်းချမ်းရေး ဖြစ်သည်။

အစိုးရနှင့် တိုင်းရင်းသား လက်နက်ကိုင်များအကြား ခိုင်မာသည့်အပစ်ရပ်စဲရေး သဘောတူညီချက်
ရယူရန် ဦးသိန်းစိန် အစိုးရလက်ထက်ကတည်းက ကြိုးပမ်းခဲ့သော်လည်း ယနေ့တိုင် အောင်မြင်မှု
မရသေးပေ။

အစိုးရသစ်လက်ထက်တွင် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနကို
ဒေါ်အောင်ဆန်းစုကြည်က ဦးဆောင်ကာ ၂၁ ရာစု ပင်လုံညီလာခံ ကျင်းပနိုင်ရေး
တိုင်းရင်းသားခေါင်းဆောင်များနှင့် တွေ့ဆုံညှိနှိုင်းနေဆဲဖြစ်သည်။

"လက်ရှိအစိုးရသစ်ရဲ့ ငြိမ်းချမ်းရေးကြိုးပမ်းမှုကို ကျွန်တော်တို့ကတော့ အသိအမှတ်ပြုတယ်။
အထူးသဖြင့် နိုင်ငံရေးဆွေးနွေးမှုနဲ့ ငြိမ်းချမ်းရေး ဖြစ်စဉ်မှာ လက်နက်ကိုင်တပ်ဖွဲ့ အားလုံး
ပါဝင်နိုင်ရမယ်ဆိုတဲ့ မူဝါဒက ငြိမ်းချမ်းရေးအတွက် အင်မတန်ကောင်းတဲ့ အခွင့်အလမ်းတစ်ခုပဲ"ဟု
ရှမ်းပြည်ပြန်လည်ထူထောင်ရေးကောင်စီမှ ဗိုလ်မှူးစိုင်းလကပြောသည်။

ဒေါ်အောင်ဆန်းစုကြည်သည် လွန်ခဲ့သည့် ရက်ပိုင်းအတွင်းက ညီညွတ်သောတိုင်းရင်းသား လူမျိုးများ
ဖက်ဒရယ်ကောင်စီ ထိပ်ပိုင်းခေါင်းဆောင်များနှင့် တွေ့ဆုံခဲ့သော်လည်း ကချင်၊ ရှမ်းမြောက်နှင့်
ရခိုင်ပြည်နယ်တို့တွင် ဖြစ်ပွားနေသည့်တိုက်ပွဲများ အဆုံးသတ်ရေးအတွက် တိကျသည့် ရလဒ်ကို
မတွေ့ရသေးပေ။

ဇူလိုင် ၁၈ ရက် တွေ့ဆုံမှုသည် ဒေါ်အောင်ဆန်းစုကြည်နှင့် တစ်နိုင်ငံလုံး အပစ်ရပ်စဲရေးစာချုပ်
လက်မှတ်ထိုးရန် ငြင်းဆန်ခဲ့သည့် တိုင်းရင်းသားလက်နက်ကိုင် ခေါင်းဆောင်တို့ကြား
ပထမဆုံးတရားဝင် တွေ့ဆုံမှုဖြစ်လင့်ကစား တစ်နိုင်ငံလုံး လွှမ်းခြုံနိုင်မည့် အပစ်ရပ်စဲရေးဖြစ်ရန်
အဆိုပါအဖွဲ့များကို မည်ကဲ့သို့ စည်းရုံးနိုင်မလဲဆိုသည်က စိတ်ဝင်စားဖွယ်ကောင်းသည်။

အိအိတိုးလွင်


 

အစိုးရနှင့် တပ်မတော် ဆက်ဆံရေး

ဓာတ်ပုံ - Myanmar State Counsellor Officeဓာတ်ပုံ - Myanmar State Counsellor Office

၁၉၆၂ ခုနှစ်ကတည်းက တိုင်းပြည်၏ အချုပ်အခြာအာဏာကို တင်းကျပ်စွာ ဆုပ်ကိုင်ခဲ့သည့်
တပ်မတော်က ရွေးကောက်ပွဲရလဒ်နှင့်အညီ အုပ်ချုပ်ခွင့်အာဏာကို အရပ်သားအစိုးရထံ ကြည်ဖြူစွာ
အပ်နှင်းခဲ့သည်။

အုပ်ချုပ်ရေးအာဏာကို အရပ်သားအစိုးရထံ လွှဲပြောင်းပေးခဲ့သော်လည်း အကန့်အသတ်ဖြင့်သာ
ဖြစ်သည်။

အရေးပါသည့် ၀န်ကြီးဌာနသုံးဌာနဖြစ်သည့် ကာကွယ်ရေး၊ ပြည်ထဲရေးနှင့် နယ်စပ်ရေးရာ
ဌာနများသည် တပ်မတော် ကာကွယ်ရေးဦးစီးချုပ်၏ ထိန်းချုပ်မှုအောက်တွင်သာ ရှိနေဆဲဖြစ်သည်။

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးနှင့် ပတ်သက်ပြီး လွှတ်တော်တွင်း ဗီတိုအာဏာကို
တပ်မတော်က ပိုင်ဆိုင်ထားသည်။

၂၀၀၈ ဖွဲ့စည်းပုံအခြေခံဥပဒေအရ အာဏာကို တပ်မတော်နှင့် ခွဲဝေယူရမယ်ဆိုသည့်အချက်ကို
ကောင်းစွာ နားလည်သဘောပေါက်သည့် အစိုးရသစ်သည်'အမျိုးသား ပြန်လည်သင့်မြတ်ရေး'
ဆိုသည့် ခေါင်းစဉ်အောက်တွင် သတိကြီးစွာ လှုပ်ရှားလျက်ရှိသည်။

အဘယ်ကြောင့်ဆိုသော် အစိုးရသစ်၏ အောင်မြင်မှုသည် အစိုးရနှင့် တပ်မတော်တို့၏
ဆက်ဆံရေးပေါ်တွင် များစွာတည်မှီနေသောကြောင့် ဖြစ်သည်။

တပ်မတော် စစ်သမိုင်းပြတိုက်သို့ ဒေါ်အောင်ဆန်းစုကြည် သွားရောက်လည်ပတ်ရာတွင်
ကာကွယ်ရေး ဦးစီးချုပ် ကိုယ်တိုင် ဧည့်ခံကြိုဆိုခြင်း၊ အစိုးရအဖွဲ့၏ ၀ါဆိုသင်္ကန်းကပ်လှူပွဲတွင်
ဒေါ်အောင်ဆန်းစုကြည်နှင့် ကာကွယ်ရေးဦးစီးချုပ်တို့ကို အတူယှဉ်တွဲ တွေ့မြင်ရခြင်း၊ ၆၉ နှစ်မြောက်
အာဇာနည်နေ့ အခမ်းအနားသို့ ကာကွယ်ရေးဦးစီးချုပ်ကိုယ်တိုင် တက်ရောက်ခြင်း၊ အာဇာနည်နေ့တွင်
ဒေါ်အောင်ဆန်းစုကြည်၏ နေအိမ်၌ တပ်မတော်ကာကွယ်ရေးဦးစီးချုပ်နှင့် နိုင်ငံရေးခေါင်းဆောင်များကို
အတူတကွတွေ့ရှိရခြင်း တို့ကြောင့် အဓိက ခေါင်းဆောင်နှစ်ဦးကြား ဆက်ဆံရေးအခြေအနေမှာ
ကောင်းမွန်သည့် အနေအထားသို့ ဦးတည်နေသည့်ဟန်ရှိသည်။

သိသာထင်ရှားသည့် ရလဒ်မျိုး မတွေ့ရသေးသည့်အတွက် ၎င်းတို့နှစ်ဦးကြား ဆက်ဆံရေးမှာ
အမှန်တကယ် ကောင်းမွန်နေသည်ဟု ယတိပြတ်လက်ခံရန် ခက်ခဲနေဆဲဖြစ်သည်။

ခေါင်းဆောင်နှစ်ဦးကြား ဆက်ဆံရေးအခြေအနေကို စောင့်ကြည့်ခံနေရစဉ်မှာပင်
တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်သည် အခမ်းအနားများတွင်
မကြာခဏမိန့်ခွန်းပြောကြားရာ၌ ၂၀၀၈ ဖွဲ့စည်းပုံ အခြေခံဥပဒေကို စွဲစွဲမြဲမြဲ ဆုပ်ကိုင်ရန်
ထည့်သွင်းပြောဆိုလေ့ရှိသည်။

စည်းမျဉ်းစည်းကမ်းနှင့် တည်ဆဲဥပဒေများကို လေးစားလိုက်နာမှု အားနည်းခြင်းက ပရမ်းပတာ
ဒီမိုကရေစီကို ဦးတည်သွားနိုင်သည်ဟုလည်း ကာကွယ်ရေးဦးစီးချုပ်က အခွင့်သင့်တိုင်း
သတိပေးနေဆဲဖြစ်သည်။

အိအိတိုးလွင်


 

လူ့အခွင့်အရေး

ဓာတ်ပုံ - အေအက်ဖ်ပီဓာတ်ပုံ - အေအက်ဖ်ပီ

လူ့အခွင့်အရေး အခြေအနေများကို လေ့လာစောင့်ကြည့်သည့် ပြင်သစ်နိုင်ငံအခြေစိုက် Alternative
ASEAN Network on Burma က ရက် ၁၀၀ ကာလအတွင်း လူ့အခွင့်အရေးကို အလေးထားရန်
အစိုးရသစ်က ပျက်ကွက်ခဲ့ကြောင်း အစီရင်ခံစာတစ်စောင် ထုတ်ပြန်ခဲ့သည်။

ဖွဲ့စည်းပုံအခြေခံဥပဒေကို ပြင်ဆင်ရန် သမ္မတဦးထင်ကျော်က ကတိပေးခဲ့သော်လည်း ယနေ့အထိ
ပြင်ဆင်မည့် အရိပ်အယောင်မတွေ့ရခြင်း၊ ကုလသမဂ္ဂလူ့အခွင့်အရေးဆိုင်ရာ ကိုယ်စားလှယ်ရုံး
ဖွင့်ခွင့်ပြုရန် နှောင့်နှေးနေခြင်း၊ နိုင်ငံရေးအကျဉ်းသား ၉၀ ကျော် လွတ်မြောက်ရန် ကျန်ရှိနေခြင်း၊
ပဋိပက္ခဖြစ်ပွားရာ ဒေသများတွင် လူ့အခွင့်အရေး ချိုးဖောက်မှုများ၊ ရခိုင်ပြည်နယ်ရှိ လူနည်းစုအရေး၊
လယ်ယာမြေများ အဓမ္မသိမ်းဆည်းခံရသည့်ကိစ္စရပ်များကို ဖြေရှင်းရန်ကျန်ရှိနေခြင်း၊ လူ့အခွင့်အရေးကို
ကန့်သတ်ထားသည့် တည်ဆဲဥပဒေများနှင့် လူ့အခွင့်အရေး ချိုးဖောက်မှု ခေါင်းစဉ်များကို အစိုးရသစ်က
တို့ထိရန် တွန့်ဆုတ်နေဆဲဖြစ်သည်ဟု အဆိုပါအစီရင်ခံစာတွင် ဖော်ပြထားသည်။

ယခင်အစိုးရလက်ထက်တွင် မြန်မာနိုင်ငံ လူ့အခွင့်အရေးကော်မရှင်ကော်မရှင်ထံ တစ်လလျှင်
တိုင်ကြားစာ ၂၅၀ ၀န်းကျင်ရောက်ရှိလေ့ရှိသော်လည်း အစိုးရသစ်လက်ထက်တွင် လစဉ်တိုင်ကြားစာ
၁၀၀ ၀န်းကျင်သာ လက်ခံရရှိသဖြင့် ထက်ဝက်ခန့်လျော့နည်းခဲ့သည်။

ဒီမိုကရေစီအစိုးရသစ်လက်ထက်တွင် လူထု၏ လွတ်လပ်စွာ ပြောဆိုခွင့်ကို ပိတ်ပင်ထားဆီးထားသည့်
ဥပဒေများနှင့် တစ်ဦးချင်းပုဂ္ဂလိက လွတ်လပ်ခွင့်ကို ထိပါးစေသည့် မျိုးစောင့်ဥပဒေလေးခုကို
ပြင်ဆင်ရန်လည်း လူ့အခွင့်အရေး လှုပ်ရှားသူများက တောင်းဆိုထားသည်။

သူရဦးရွှေမန်း ဦးဆောင်သည့် ဥပဒေရေးရာနှင့် အထူးကိစ္စရပ်များ လေ့လာသုံးသပ်ရေးကော်မရှင်သည်
တည်ဆဲဥပဒေ ၃၉၇ ခုအပေါ် လေ့လာသုံးသပ်မှုများ ပြုလုပ်ခဲ့ပြီး လွှတ်တော်နှင့် အစိုးရအဖွဲ့ထံ
တင်ပြထားသော်လည်း နိုင်ငံရေးနှင့် ပတ်သက်ဆက်နွှယ်နေသည့် ဥပဒေများကို ပြင်ဆင်ရန်
အခက်အခဲရှိနေသည်ဟု ကော်မရှင်အဖွဲ့ဝင်များက ပြောသည်။

အိအိတိုးလွင်


 

အကျင့်ပျက်ခြစားမှု တိုက်ဖျက်ရေး

အစိုးရသစ်၏ ပထမရက်ပေါင်း ၁၀၀ အတွင်း အကျင့်ပျက်ခြစားမှု တိုက်ဖျက်ရေးနှင့် ပတ်သက်၍
အဂတိလိုက်စားမှုတိုက်ဖျက်ရေး ဥပဒေကို ဒုတိယအကြိမ်ပြန်လည်ပြင်ဆင်ခဲ့သော်လည်း
လက်တွေ့တွင် ထိရောက်အောင် ဆောင်ရွက်နိုင်ခြင်းမရှိသေးပေ။

နိုင်ငံ့ဝန်ထမ်းများသည် ကျပ် ၂၅,၀၀၀ ထက်မပိုသော တံစိုး၊ လက်ဆောင်ပစ္စည်းများကို
လက်မခံကြရန်နှင့် တံစိုး၊ လက်ဆောင်လက်ခံရယူခြင်းဆိုင်ရာ စည်းမျဉ်းစည်းကမ်းများကို
နိုင်ငံတော်သမ္မတရုံးက ထုတ်ပြန်ခဲ့သည်။

သင်္ကြန်ကာလအတွင်း အစိုးရအရာရှိကြီးတစ်ဦးကို လာဘ်ပေးသည့် မီဒီယာကုမ္ပဏီတစ်ခုကို
ပထမဆုံးအကြိမ် သတိပေးခဲ့သည်။

သမ္မတဟောင်း ဦးသိန်းစိန် ပါဝင်ပတ်သက်မှု ရှိသည်ဟူသော ကျောက်မျက်ရန်ပုံငွေ
ယူရို ၈၆ သန်းကျော် ပျောက်ဆုံးမှုကတော့ ဟိုးလေးတကျော်ဖြစ်ခဲ့သော်လည်း သက်ဆိုင်ရာ
ပုဂ္ဂိုလ်များက အပြန်အလှန် ငြင်းဆိုဖြေရှင်းရင်း အသံတိတ်သွားခဲ့သည်။

အစိုးရသစ်လက်ထက်တွင် ငွေကြေးခ၀ါချမှု တိုက်ဖျက်ရေးဗဟိုအဖွဲ့ကို ပြည်ထဲရေး ၀န်ကြီးဦးဆောင်ပြီး
အဖွဲ့ဝင် ၁၅ ဦးဖြင့် မေလအတွင်းက ပြင်ဆင်ဖွဲ့စည်းခဲ့သော်လည်း အဂတိလိုက်စားမှု တိုက်ဖျက်ရေး
ကော်မရှင်ကိုမူ ဖွဲ့စည်းနိုင်ခြင်း မရှိသေးပေ။

ကမ္ဘာတစ်ဝန်း အဂတိလိုက်စားမှုများအကြောင်း အစီရင်ခံစာ ထုတ်ပြန်သည့် Transparency
International အဖွဲ့ကြီး၏ ၂၀၁၅ ခုနှစ် အဂတိလိုက်စားမှု အညွှန်းကိန်းတွင် မြန်မာနိုင်ငံက
၁၆၈ နိုင်ငံအနက် အဆင့် ၁၄၇ နေရာတွင် ရပ်တည်နေသည်။

လွန်မင်းမန်


 

ငွေကြေးနှင့် ဘဏ္ဍာရေးကဏ္ဍ

စီမံကိန်းနဲ့ဘဏ္ဍာရေးဝန်ကြီးဌာနရဲ့ ရက် ၁၀၀ အတွင်း လုပ်ဆောင်ဖို့ လျာထားစီမံကိန်းတွေကတော့
ရာနှုန်းပြည့် အကောင်အထည်ဖော်ပြီးဖြစ်ပါတယ်။

ဝန်ကြီးဌာန နှစ်ခု ပေါင်းစည်းခဲ့ပြီးနောက်မှာ ရုံးပိုင်းဆိုင်ရာတွေကို ခေတ်မှီစနစ်တွေနဲ့ မြန်မြန်ဆန်ဆန်
လုပ်ဆောင်နိုင်ဖို့ ဆောင်ရွက်နေဆဲဖြစ်ပါတယ်။

ပိုပြီးထိရောက်တဲ့ ဘဏ္ဍာရေးမူဝါဒ ဖော်ဆောင်ကျင့်သုံးသွားဖို့ကတော့ ရေရှည်လုပ်ဆောင်သွားရမှာပါ။

နှစ်စဉ် လိုငွေပြဘက်ဂျက်ကို စီမံတဲ့နေရာမှာ အသုံးစားရိတ်တွေလျှော့ချလိုက်မယ့်အစား
ထိရောက်အောင်တဲ့ နေရာတွေမှာ သုံးစွဲဖို့ရှိတယ်လို့ ၀န်ကြီးဌာနရဲ့အမြဲတမ်းအတွင်းဝန်
ဦးထွန်းထွန်းနိုင်က ဆိုပါတယ်။

အခွန်စနစ်တွေ ပိုပြီးပွင့်လင်းမြင်သာမှု ရှိလာဖို့၊ အခွန်ဆောင်မှုနယ်ပယ် ပိုပြီးကျယ်ပြန့်လာဖို့အတွက်
မူဝါဒတွေချမှတ်ဖို့လည်း ရှိနေပါတယ်။

ယခင်အစိုးရသက်တမ်းရဲ့ နောက်ဆုံးနှစ်မှာတုန်းက ဘက်ဂျက်လိုငွေပြမှုနဲ့ ငွေကြေးဖောင်းပွမှု
မြင့်တက်ခဲ့တာတွေရှိပါတယ်။

အသွင်ကူးပြောင်းမှုတွေကို အလေးပေးလုပ်ဆောင်ခဲ့တာကြောင့် တည်ငြိမ်မှု အားနဲခဲ့တယ်လို့
ပညာရှင်တွေက သုံးသပ်ပါတယ်။

ဗဟိုဘဏ်အနေနဲ့ကတော့ ပြီးခဲ့တဲ့ အစိုးရလက်ထက်ကပဲ ဘဏ္ဍာရေးဝန်ကြီးဌာနအောက်က
ခွဲထွက်ကာ လွတ်လပ်တဲ့ အဖွဲ့အစည်းတစ်ရပ်ဖြစ်လာပြီး ငွေကြေးမူဝါဒတွေကိုလည်း
အထိုက်အလျှောက် လွတ်လပ်စွာ ပုံဖော်နိုင်ခဲ့ပါတယ်။

ပြီးခဲ့တဲ့ သုံးလအတွင်း ဗဟိုဘဏ်ရဲ့ ဖွဲ့စည်းပုံ အပြောင်းအလဲရှိလာပါတယ်။

ညွှန်ကြားရေးမှုးချုပ် အဆင့်အရာရှိတွေ တိုးမြှင့်ခန့်ထားပြီး ဗဟိုဘဏ်လက်အောက်က ဌာနတွေကနေ
ငွေကြေးအဖွဲ့အစည်းတွေနဲ့ ဆက်သွယ်ရာမှာ ပိုပြီးလျှင်မြန်လာအောင်ဖြစ်ပါတယ်။

နိုင်ငံခြားဘဏ်ခွဲ ဖွင့်လှစ်မှုတွေကို ခွင့်ပြုခဲ့ပြီး လက်ရှိအနေအထားနဲ့ အအပ်စပ်ဆုံးဖြစ်မယ့်
ငွေရေးကြေးရေးအဖွဲ့အစည်းများ ဥပဒေသစ်ကိုလည်း ပြဌာန်းနိုင်ခဲ့ပါပြီ။

တည်ငြိမ်တဲ့ ငွေကြေးကဏ္ဍကိုဖြစ်အောင် စီမံဖို့ကတော့ အချိန်အခါနဲ့ လိုက်လျောညီထွေဖြစ်မယ့်
မူဝါဒကျင့်သုံးမှုတွေအပြင် အရံငွေစုဆောင်းသွားရမှာပါ။

ကုန်သွယ်မှု လိုငွေပြလာခဲ့တဲ့အတွက် အရံငွေ နည်းပါးနေတဲ့ကိစ္စက ရေရှည်ကိုမျှော်မှန်းပြီး
ဆက်လက်ဖြေရှင်းရမှာဖြစ်ပါတယ်။

နိုင်ငံခြားရင်းနှီးမြှပ်နှံမှုနဲ့ အထောက်အပံ့တွေက ၀င်ရောက်လာမယ့် နိုင်ငံခြားငွေကြေးတွေကိုလည်း
အားထားရမှာဖြစ်ပါတယ်။

ဖွံ့ဖြိုးမှုဘက်ကို သွားလွန်းရင် တည်ငြိမ်မှု အားနဲနိုင်တာကြောင့် ဗဟိုဘဏ်ရဲ့မူဝါဒတွေက
တည်ငြိမ်မှုကိုပဲ အလေးပေးဆောင်ရွက်သွားဖို့ရှိပါတယ်။

ဝန်ကြီးဌာနရဲ့ လက်အောက်ခံအဖွဲ့အစည်းဖြစ်တဲ့ နိုင်ငံပိုင်ဘဏ်တွေမှာလည်း ၀န်ဆောင်မှု
အရည်အသွေးပိုင်းကို အလေးထားတာစတဲ့ ပြုပြင်ပြောင်းလဲမှုတွေကို ရက် ၁၀၀ စီမံကိုန်းမှာ
လုပ်ဆောင်ခဲ့ပါတယ်။

ဥပဒေသစ်မှာ ပြဌာန်းထားတဲ့အတိုင်း ငွေကြေးအဖွဲ့အစည်းတွေ အားလုံး သာတူညီမျှ ကျင့်သုံးသွားရမှာ
ဖြစ်တဲ့အတွက် နိုင်ငံပိုင်ဘဏ်တွေရဲ့ ဈေးကွက်အတွင်း လွှမ်းမိုးမှု ဆက်လက်လျော့ကျလာဖို့ရှိပါတယ်။

နိုင်ငံပိုင်ဘဏ် သုံးဘဏ်ဟာ ၀န်ကြီးဌာန အစီအမံတွေအပြင် လွတ်လပ်လာတဲ့ဗဟိုဘဏ်က
ချမှတ်မယ့် မူဝါဒတွေကိုပါ လိုက်နာဆောင်ရွက် သွားရဖို့ရှိပါတယ်။

ဘဏ္ဍာရေးနဲ့ ငွေကြေးကဏ္ဍအတွက် အရင်အစိုးရလက်ထက်တည်းက နိုင်ငံတကာ အသိုင်းအ၀ိုင်းရဲ့
နည်းပညာ အကူအညီတွေ ရယူခဲ့ပြီး လျှော်ညီတဲ့ ပြုပြင်ပြောင်းလဲမှုတွေ အတော်အတန်
လုပ်ခဲ့ပြီးသားပါ။

လက်ရှိအစိုးရက ဒီလမ်းကြောင်းပေါ် ဆက်လက်လျှောက်လှမ်းရမှာဖြစ်ပြီး စိန်ခေါ်မှုတွေတော့
ဆက်လက်ရှိနေပါသေးတယ်။

အေးသီတာကျော်


 

ရခိုင်ပြည်နယ် ရက်ပေါင်း ၁၀၀

ရခိုင်ပြည်နယ်တွင် ထင်မှတ်ထားသည့် စိန်ခေါ်မှုများနှင့်ရင်ဆိုင်ခဲ့ရသလို ထင်မှတ်မထားသည့်
ပြဿနာများနှင့်လည်း ကြုံတွေ့ခဲ့ရသည်။

ဇွန်လနှင့် ဇူလိုင်လများအတွင်း ဖြစ်ပွားခဲ့သည့် ရေကြီးနစ်မြုပ်မှုများကြောင့် ရက်ပေါင်း ၁၀၀ အတွင်း
ဒေသဖွံ့ဖြိုးရေးနှင့် လမ်းပန်းဆက်သွယ်ရေး ကောင်းမွန်ဖို့ ဦးစားပေးလုပ်ဆောင်မယ်ဆိုပေမဲ့
ထင်တိုင်းမပေါက်ခဲ့ပေ။

ဘင်္ဂါလီလူမျိုးများနှင့် ပတ်သက်ပြီး အစိုးရသစ်၏ အသုံးအနှုန်းအပေါ် မကျေနပ်သည့်အတွက်
ရခိုင်ပြည်နယ်တွင် ဆန္ဒပြပွဲများဖြစ်ပွားခဲ့သည်။

ရခိုင်ပြည်နယ်အရေးကို ဖြေရှင်းဖို့ ကြိုးစားနေသော်လည်း ထိထိရောက်ရောက် ကိုင်တွယ်နိုင်ခြင်း
မရှိသေးပေ။

ရခိုင်ပြည်နယ်အရေးကို ကိုင်တွယ်ဖို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင်
ဦးဆောင်သည့် ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအကောင်အထည်ဖော်ရေး
ဗဟိုကော်မတီကို မေလကုန်ပိုင်းက ဖွဲ့စည်းခဲ့သည်။

ကော်မတီကို ဖွဲ့စည်းပြီးရက်ပိုင်းအတွင်း အဖွဲ့ဝင်တချို့ ရခိုင်ပြည်နယ်ကိုသွားရောက်၍ ရခိုင်ပြည်နယ်
လူထုနှင့် တွေ့ဆုံခဲ့သည်။

ရခိုင်ပြည်နယ်အတွင်းရှိ မွတ်စလင်လူဦးရေ စာရင်းကောက်ခံမှုလုပ်ငန်းကို လုပ်ဆောင်ခဲ့သည်။

တူရကီနိုင်ငံခြားရေးဝန်ကြီး၏ မြန်မာနိုင်ငံခရီးစဉ်အတွင်း ဒေါ်အောင်ဆန်းစုကြည်နှင့် တွေ့ဆုံ၍
ဝိုင်းဝန်းဖြေရှင်း ရန်တိုက်တွန်းခဲ့ပြီး ရခိုင်ပြည်နယ် စစ်တွေမြို့ရှိ အောင်မင်္ဂလာရပ်ကွက်သို့လည်း
သွားရောက်လည်ပတ်ခဲ့သည်။

ကုလသမဂ္ဂ လူ့အခွင့်အရေးဆိုင်ရာ အထူးကိုယ်စားလှယ် မစ္စယန်ဟီးလီ သည် လေးကြိမ်မြောက်
ခရီးစဉ်အဖြစ် မြန်မာနိုင်ငံသို့လာရောက်ခဲ့ရာတွင် ရခိုင်ပြည်နယ်ကို သွားရောက်ခဲ့သည်။

ဉာဏ်လင်းအောင်


 

တရုတ်ရင်းနှီးမြှုပ်နှံမှု စီမံကိန်းများ

ဓာတ်ပုံ - အေအက်ဖ်ပီဓာတ်ပုံ - အေအက်ဖ်ပီ

အစိုးရသစ်၏ ပထမရက်ပေါင်း ၁၀၀ အတွင်း နိုင်ငံတွင်းရှိ တရုတ်ရင်းနှီးမြှုပ်နှံမှု စီမံကိန်းများနှင့်
ပတ်သက်၍ တစ်စုံတစ်ရာ တိုးတက်ပြောင်းလဲခြင်း မရှိသေးပေ။

ယခင်အစိုးရလက်ထက်တွင် ရပ်နားထားခဲ့သည့် မြစ်ဆုံ စီမံကိန်းကို တရုတ်အစိုးရက
ပြန်လည်အကောင်အထည်ဖော်ရန် စိုင်းပြင်းနေသော်လည်း ဆန့်ကျင်ကန့်ကွက်မှုများ
ဆက်လက်ရှိနေဆဲဖြစ်ပြီး၊ အစိုးရသစ်ကလည်း တစ်စုံတစ်ရာဆောင်ရွက်ခြင်း မရှိသေးပေ။

တရုတ်နိုင်ငံခြားရေးဝန်ကြီး လာရောက်၍ ဒေါ်အောင်ဆန်းစုကြည်နှင့် တွေ့ဆုံဆွေးနွေးခဲ့သော်လည်း
တရုတ်ရင်းနှီးမြှုပ်နှံမှု စီမံကိန်းအပေါ် ထူးခြားမှုတစ်စုံတစ်ရာ မတွေ့ရှိရသေးပေ။

ဖားကန့်ဒေသကျောက်စိမ်းတူးဖော်ရေး လုပ်ငန်းများတွင် တရုတ်နိုင်ငံသားများ အများဆုံးပါဝင်နေသည့်
အတွက် အငြင်းပွားဖွယ်ရာဖြစ်နေသော်လည်း တိကျ သည့် မူဝါဒထုတ်ပြန်ခြင်း မရှိသေးပေ။

တနင်္သာရီတိုင်းဒေသကြီးတွင် တရုတ်ကုမ္ပဏီများ ဦးဆောင်လုပ်ကိုင်မည့် ရေနံချက်စက်ရုံစီမံကိန်း
တစ်ခုကို ယခင်အစိုးရနှင့် အာဏာလွှဲပြောင်းခါနီးအချိန်တွင် သဘောတူလက်မှတ်ရေးထိုးခဲ့သော်လည်း
ဒေသခံများက ပြင်းပြင်းထန်ထန်ကန့်ကွက်ထားသည်။

မြန်မာနိုင်ငံရှိ ယခင်အစိုးရများ လက်ထက်ကတည်းက ဆောင်ရွက်နေခဲ့သည့် ရေအားလျှပ်စစ်
စီမံကိန်းပေါင်း ၅၀ ကျော်တွင် တရုတ်နိုင်ငံက အများဆုံးပါဝင်ရင်းနှီးမြှုပ်နှံထားပြီး စီမံကိန်းအများစုမှာ
ဆက်လက်ရပ်တန့်နေဆဲ ဖြစ်သည်။

နိုင်ငံတွင်းရှိ တရုတ်ရင်းနှီးမြှုပ်နှံမှု စီမံကိန်းများအနက် အကြီးစားစီမံကိန်းတစ်ခု ဖြစ်သည့်
မြန်မာ - တရုတ် ရေနံစိမ်းပိုက်လိုင်းမှာ ယခင်အစိုးရလက်ထက်တွင် စတင် လည်ပတ်ရန်
ရည်မှန်းခဲ့သော်လည်း စီမံကိန်းအကျိုးအမြတ်ခွဲဝေမှုအတွက် နှစ်နိုင်ငံ အစိုးရများအကြား
ပြန်လည်ညှိနှိုင်းနေဆဲဖြစ်သည်။

ပြီးခဲ့သည့် ၁၀ နှစ်တာအတွင်း မြန်မာနိုင်ငံတွင် ထိပ်ဆုံးနိုင်ငံခြားရင်းနှီးမြှုပ်နှံသူအဖြစ်
ဆက်တိုက်ရပ်တည်ခဲ့သည်။

တရုတ်ရင်းနှီးမြှုပ်နှံမှု စီမံကိန်းများနှင့် ပတ်သက်ပြီး အစိုးရသစ်က တစ်စုံတစ်ရာ
အရေးယူဆောင်ရွက်ခြင်း မရှိသေးပေ။

အောင်ရှင်


 

ဖားကန့်ဒေသနှင့် ကျောက်စိမ်းတူးဖော်ရေး

အစိုးရသစ်လက်ထက်တွင် ကချင်ပြည်နယ်၊ ဖားကန့်ဒေသ ကျောက်စိမ်းတူးဖော်ရေး လုပ်ငန်းများတွင်
ဖြေရှင်းရမည့် ပြဿနာများ ကျန်ရှိနေဆဲ ဖြစ်သည်။

ကျောက်စိမ်းတူးဖော်ရေးကုမ္ပဏီများ၏ ကျောက်စိမ်းအလွန်အကျွံ တူးဖော်မှုများကြောင့်
စွန့်ပစ်မြေစာပုံပြိုကျခြင်း အစိုးရသစ်လက်ထက် ပထမရက် ၁၀၀ အတွင်း ငါးကြိမ်ထက်မနည်း
ဖြစ်ပွားခဲ့သည်။

ဖားကန့်ဒေသကျောက်စိမ်းတူးဖော်ရေးလုပ်ငန်းများကို ထိထိရောက်ရောက်ကိုင်တွယ်မှု
မရှိသေးသော်လည်း သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာနက ဖားကန့်ဒေသကို
ကွင်းဆင်းလေ့လာခဲ့သည်။

ဖားကန့်၊ လုံးခင်း ကျောက်စိမ်းလုပ်ကွက်များသည် ၂၀၁၆ ခုနှစ်အတွင်း သက်တမ်းကုန်ဆုံးမည်
ဖြစ်သည်။

ဖားကန့်ဒေသကို စစ်ဆေးခဲ့သော်လည်း ကျောက်စိမ်းတူးဖော်ရေးလုပ်ငန်းများကို ကန့်သတ်ချက်၊
အရေးယူမှု တစ်စုံတစ်ရာ မရှိသေးပေ။

ချမ်းမြထွေး


 

လယ်ယာစိုက်ပျိုးရေးကဏ္ဍ

ဓာတ်ပုံ - အီးပီအေဓာတ်ပုံ - အီးပီအေ

လယ်ယာစိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနသည် နိုင်ငံတကာနှင့် ပြည်တွင်းမှ
ပေးပို့လာသည့် အစီရင်ခံစာများ၊ တင်ပြချက်များနှင့် အကြံဉာဏ်များကို အခြေခံ၍ ယခင်အစိုးရက
ရေးဆွဲခဲ့သည့် ငါးနှစ်စီမံကိန်းကို ပြန်လည်သုံးသပ် ပြင်ဆင်ထားသည့် မူဝါဒသစ်တစ်ရပ် ချမှတ်နိုင်ရန်
ပြင်ဆင်နေသည်ဟု ၀န်ကြီးဌာန တာဝန်ရှိသူများက ပြောကြားသည်။

ထူးခြားသည့် အပြောင်းအလဲတစ်ခုမှာ စိုက်ပျိုးစရိတ်ချေးငွေကို ကျပ်တစ်သိန်းမှ တစ်သိန်းခွဲအထိ
တိုးမြှင့်ပေးခဲ့သည်မှအပ ပြောင်းလဲမှု ကြီးကြီးမားမား မတွေ့ရသေးပေ။

ထွန်ယက်စိုက်ပျိုးရေး၊ ရိတ်သိမ်းရေး၊ ရေပေးဝေရေးနှင့် ဆည်ရေသောက်လယ်မြေများတွင်
စက်မှုလယ်ယာဖော်ဆောင်ရေးလုပ်ငန်းများကို အဓိထားဆောင်ရွက်ခဲ့သော်လည်း သုတေသန
လုပ်ငန်းများတွင် ရင်းနှီးမြှုပ်နှံခြင်း မရှိသေးပေ။

လယ်ယာစိုက်ပျိုးရေးကဏ္ဍသည် ယခင်အစိုးရလက်ထက်ကတည်းက မဟာဗျူဟာပို့ကုန်စီမံကိန်း
အတွက် အရေးကြီးသည့် ကဏ္ဍအဖြစ် ပါဝင်ခဲ့သော်လည်း မြေယာမူဝါဒဆိုင်ရာ ရှုပ်ထွေးမှုများနှင့်
သီးနှံအာမခံစနစ် မရှိခြင်းများကြောင့် ပြည်တွင်းပြည်ပ ရင်းနှီးမြှုပ်နှံမှုသည် ၁ ရာခိုင်နှုန်းအောက်သာ
ရှိနေဆဲဖြစ်သည်။

အစိုးရသစ်လက်ထက်တွင် ၀န်ကြီးဌာနသုံးခုကို ပေါင်းစည်း၍ လယ်ယာစိုက်ပျိုးရေး၊ မွေးမြူရေးနှင့်
ဆည်မြောင်းဝန်ကြီး ဌာနအဖြစ် ဖွဲ့စည်းခဲ့သည်။

ဝန်ကြီးဌာနအောက် စိုက်ပျိုးရေး၊ မွေးရေကျေးလက်နှင့် သမ၀ါယမ ကဏ္ဍသုံးခုကို ထပ်မံခွဲထားပြီး
စိုက်ပျိုးရေးကဏ္ဍတွင် ယခင်လုပ်ဆောင်ဆဲဖြစ်သည့် မွေးမြူရေးလုပ်ငန်းပါင်း ခုနစ်ခုနှင့်
သမ၀ါယမလုပ်ငန်းပေါင်းလေးခု စုစုပေါင်း ၂၈ ခုကို ဆောင်ရွက်လျက်ရှိသည်။

စုဖြိုးဝင်း


 

ကျန်းမာရေးကဏ္ဍ

အစိုးရအသစ်ရဲ့ ရက် ၁၀၀ စီမံကိန်းကာလအတွင်း ကျန်းမာရေးနှင့်အားကစားဝန်ကြီးဌာန၊
ပြည်သူ့ကျန်းမာရေးဦးစီးဌာနက ဦးစားပေးလုပ်ငန်းများအဖြစ် ကာကွယ်ဆေးသစ်နှစ်မျိုးကို
ကလေးများ ပုံမှန်ကာကွယ်ဆေးထိုးလုပ်ငန်းတွင် ထည့်သွင်းနိုင်ခဲ့သည်။

ပြင်းထန် အဆုတ်ရောင်ကာကွယ်ဆေးကို ဇူလိုင် ၁ ရက် စတင်ထိုးနှံပေးခဲ့သည်။

ပိုလီယို ရောဂါ အစက်ချကာကွယ်ဆေး(သုံးမျိုးစပ်)ကို ဧပြီလကုန်ပိုင်းတွင် ရုပ်သိမ်းဖျက်ဆီးခဲ့ပြီး
ပိုလီယိုရောဂါကာကွယ်ဆေး (နှစ်မျိုးစပ်ကာကွယ်ဆေး)ကို မိတ်ဆက်ခဲ့သည်။

ရန်ကုန် - မန္တလေး အမြန်လမ်းတစ်လျှောက်တွင် အရေးပေါ်လူနာတင်ယာဉ်စနစ်ကို ကုသရေး
ဦးစီးဌာနက စတင်အကောင်အထည်ဖော် ဆောင်ရွက်ခဲ့သည်။ ဆေးရုံများတွင် လူနာများကို
လမ်းညွှန်ပေးနိုင်သည့်ဌာန ဖွင့်လှစ်ခဲ့ပြီး ၀န်ဆောင်မှုနှင့် ပတ်သက်သည့် အကြောင်းအရာများက
မေးမြန်းစုံစမ်းနိုင်ရန် ဆောင်ရွက်ပေးခဲ့သည်။

ကျန်းမာရေးကဏ္ဍတွင် လိုအပ်ချက်များ ရှိနေဆဲဖြစ်ပေမဲ့ အစားအသောက်နှင့် ဆေးဝါးကွပ်ကဲရေး
ဦးစီးဌာနသည် ကျန်းမာရေးအန္တရာယ်ရှိ အစားအသောက်၊ အလှကုန်နှင့် စံမမီဆေးဝါး၊ ဆေးအတု၊
တရားမ၀င်ဆေးဝါးနှင့် ရက်လွန်ဆေးဝါးများ ဈေးကွက်အတွင်း ထိန်းချုပ်နိုင်ရေး၊
ပုံမှန်လုပ်ငန်းစဉ်များအပြင် ဈေးကွက်အတွင်း ရှောင်တခင်ဝင်ရောက်စစ်ဆေးခြင်းနှင့်
အရေးယူခြင်းများကို ဆောင်ရွက်ခဲ့သည်။

မြင့်ကေသီ


 

မူးယစ်ဆေးဝါး တိုက်ဖျက်ရေး

ဇာနည်ဖြိုး/မြန်မာတိုင်း(မ်)ဇာနည်ဖြိုး/မြန်မာတိုင်း(မ်)

မူးယစ်ဆေးပြဿနာကို ကိုင်တွယ်ဖြေရှင်းနိုင်ရန် ရက် ၁၀၀ အတွင်း ဆောင်ရွက်ခဲ့သည်။

မူးယစ်ဆေးဝါး နှင့် သက်ဆိုင်သည့် အမှုပေါင်း ၇၀၀ ကျော်ကို ဖမ်းဆီးဖော်ထုတ်နိုင်ခဲ့ပြီး စုစုပေါင်း
အမေရိကန်ဒေါ်လာ ၁၉ ဒသမ ၇၀ သန်းကျော်ရှိ မူးယစ်ဆေးဝါးများကို ဖျက်ဆီးနိုင်ခဲ့သည်။

မူးယစ်ဆေးဝါးသုံးစွဲသူများ လွယ်ကူစွာဆေးကုသနိုင်ရန် မှတ်ပုံတင်ပြုလုပ်ခြင်း မရှိပါက
ထောင်ဒဏ် ချမှတ်နိုင်သည့် ပြစ်ဒဏ်ကို ပယ်ဖျက်ပေးခဲ့သည်။

အစိုးရက ပြောင်းလဲလာသည့် မူးယစ်ဆေးဝါးထုတ်လုပ်မှု၊ သယ်ဆောင် ရောင်းဝယ်မှု၊ သုံးစွဲမှု
ပုံစံများကို ကိုင်တွယ်နိုင်ရန် ကဏ္ဍပေါင်းစုံပါဝင်သည့် ချဉ်းကပ်မှုပုံစံသစ်
ရေးဆွဲဆောင်ရွက်လျက်ရှိသည်ဟု တာဝန်ရှိသူများက ပြောသည်။

ပြည်တွင်း ငြိမ်းချမ်းရေးလုပ်ငန်းစဉ်များမှတစ်ဆင့် မူးယစ်ဆေးဝါးကုန်သွယ်မှုပြဿနာကို သိသိသာသာ
ကျဆင်းသွားအောင် ဆောင်ရွက်သွားမည်ဟု အစိုးရသစ်က ပြောကြားခဲ့သော်လည်း
ဘိန်းစိုက်ပျိုးထုတ်လုပ်မှုနှင့် ရောင်းဝယ်ဖောက်ကားမှု အခြေအနေသည် လျော့ကျသွားခြင်း မရှိဘဲ
မူးယစ်ဆေးဝါးဖြန့်ဖြူးရောင်းဝယ်မှုများက တက္ကသိုလ်ပရိဝုဏ်များအထိ ပျံ့နှံ့လျက်ရှိသည်။

ဆယ်စုနှစ်အတွင်း မြန်မာနိုင်ငံ၏ ဘိန်းစိုက်ပျိုးမှုပမာဏ သုံးဆကျော်မြင့်တက်သည်ဟုလည်း
နိုင်ငံတကာအဖွဲ့အစည်းများက ထုတ်ပြန်ခဲ့သည်။

ဉာဏ်လင်းအောင်

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။