၂၀၀၈ ဖွဲ့စည်းပုံဥပဒေဖြင့် ဖက်ဒရယ်စနစ် မတည်ဆောက်နိုင်

ဆီဘူးကျေးရွာ၌ ဇွန်လ ၄ ရက်နေ့က ပြုလုပ်သော ကယန်းအမျိုးသား လက်နက်ကိုင်တော်လှန်ရေးနေ့ ရွှေရတုအခမ်းအနား၌ တွေ့ရသည့် တပ်ဖွဲ့ဝင်များ။ ဇာနည်ဖြိုး/မြန်မာတိုင်း(မ်)ဆီဘူးကျေးရွာ၌ ဇွန်လ ၄ ရက်နေ့က ပြုလုပ်သော ကယန်းအမျိုးသား လက်နက်ကိုင်တော်လှန်ရေးနေ့ ရွှေရတုအခမ်းအနား၌ တွေ့ရသည့် တပ်ဖွဲ့ဝင်များ။ ဇာနည်ဖြိုး/မြန်မာတိုင်း(မ်)

မြန်မာနိုင်ငံ၌ တိုင်းရင်းသားများက ဖက်ဒရယ်ပြည်ထောင်စုကို တည်ဆောက်လိုကြောင်း
ပြောကြားနေကြသော်လည်း ၂၀၀၈ ခုနှစ် အခြေခံဥပဒေ ရှိနေသည့်အတွက် တည်ဆောက်ရန်
မဖြစ်နိုင်ကြောင်း ကယန်းပြည်သစ်ပါတီက ထုတ်ပြန်ကြေညာလိုက်သည်။

ရှမ်းပြည်နယ်(တောင်ပိုင်း) ဖယ်ခုံမြို့နယ် ဆီဘူးကျေးရွာ၌ ဇွန်လ ၄ ရက်က ပြုလုပ်သော
ကယန်းအမျိုးသား လက်နက်ကိုင်တော်လှန်ရေးနေ့ နှစ် ၅၀ ပြည့် ရွှေရတုအခမ်းအနား၌
အချက်လေးချက်ပါ ကြေညာချက်တွင် ထုတ်ပြန်ခဲ့ရာ အခြေခံဥပဒေနှင့် ပတ်သက်ပြီး ထိုသို့
ထည့် သွင်းဖော်ပြထားသည်။

၂၀၀၈ ခုနှစ် ဖွဲ့စည်းပုံအခြေခံဥပဒေ ရှိနေသ၍ စစ်အာဏာရှင်စနစ် စည်းဝိုင်းအတွင်း ပိတ်မိနေပြီး
ဒီမိုကရေစီစနစ်နှင့် ဖက်ဒရယ်ပြည်ထောင်စုကို တည်ဆောက်နိုင်မည်မဟုတ်သည့် အပြင်
ငြိမ်းချမ်းရေးကို လိုလားသူများအတွက် စိုးရိမ်သောက ရောက်နေရသည့် အခြေအနေပင်
ဖြစ်ကြောင်းကြေညာချက်၌ ဖော်ပြထားသည်။

"၂၀၀၈ခုနှစ် နိုင်ငံတော်ဖွဲ့စည်းပုံ အခြေခံ ဥပဒေရှိနေသ၍ စစ်အာဏာရှင်စနစ်က သက်ဆိုးရှည်
နေဦးမှာ ဖြစ်ပါတယ်။ ဒါကြောင့် ၂၀၀၈ ခုနှစ် နိုင်ငံတော် ဖွဲ့စည်းပုံအခြေခံဥပဒေကို အသစ်ပြန်
ဖြစ်အောင် အစအလယ်အဆုံး ပြင်ဆင်ရေး၊ တစ်နည်းအားဖြင့် အသစ်ဖြစ်အောင် ရေးဆွဲရေးဟာ
ကယန်းအမျိုးသားလက်နက်ကိုင် တော်လှန်ရေးအတွင်း အသက်စွန့်ခဲ့သူ အာဇာနည်သူရဲကောင်း
တွေက ကျွန်တော်တို့ကို ဒီနေ့ ဆက်လက်ထမ်းဆောင်ဖို့ လက်ဆင့်ကမ်း ပေးအပ်ခဲ့တဲ့ တာဝန်
ဖြစ်ပါတယ်"ဟု ကယန်းပြည်သစ်ပါတီ ဗဟိုကော်မတီဥက္ကဋ္ဌ ဗိုလ်ချုပ်သန်းစိုးနိုင်က
အခမ်းအနားတွင် ပြောကြားခဲ့သည်။

ကယန်းပြည်သစ်တပ်မတော် စစ်ဦးစီးချုပ် ဗိုလ်မှူးချုပ် မြားနိုကလည်း ကယန်းပြည်သူလူထုများ
တော်လှန်ခဲ့သည့် စစ်အာဏာရှင်စနစ်ကို ဖွဲ့စည်းပုံ အခြေခံဥပဒေက မွေးမြူပေးထားဆဲဖြစ်သည့်
အတွက် ပြင်ဆင်ရေး(သို့) အသစ်ပြန် ရေးဆွဲရေးအတွက် တောင်းဆိုရခြင်းဖြစ်ကြောင်း
ပြောကြားခဲ့သည်။

ကယန်းပြည်သစ်ပါတီသည် အခြေခံဥပဒေ ပြင်ဆင်ရေးအတွက် လှုပ်ရှားနေသည့် အမျိုးသား
ဒီမိုကရေစီအဖွဲ့ချုပ်နှင့် ၈၈ မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း)တို့၏
လုပ်ဆောင်ချက်များကိုလည်း ထောက်ခံကြောင်း ကယန်းပြည်သစ်ပါတီ အတွင်းရေးမှူး
ဗိုလ်မှူးကြီးစောလွင်က မြန်မာတိုင်း(မ်)ကို ပြောသည်။

"၈၈ နဲ့ြီူ တို့ လုပ်နေတဲ့ ပုဒ်မ ၄၃၆ ပြင် ဆင်ရေးလုပ်နေတာကို ကျွန်တော်တို့ ထောက်ခံပါတယ်။
အဲဒီလို ပြင်ဆင်ရေး လုပ်နေတာကို လိုက်နှောင့်ယှက်နေတဲ့ သူတွေကိုတော့ ကျွန်တော်တို့
ရှုတ်ချပါတယ်"ဟု ၎င်းက ပြောသည်။

ကယန်းပြည်သစ်ပါတီသည် ဖွဲ့စည်းပုံ အခြေခံဥပဒေကို ပြင်ဆင်ရာတွင် ပင်လုံစိတ်ဓာတ်
အခြေခံသော ညီလာခံမှ တစ်ဆင့် ပြင်ဆင်လိုပြီး တိုင်းရင်းသားများ တန်းတူကိုယ်ပိုင် ပြဋ္ဌာန်းခွင့်
ရှိပြီး ဒီမိုကရေစီစနစ် ကျင့်သုံးသော ဖက်ဒရယ် ပြည်ထောင်စု တည်ဆောက်နိုင်ရေး စသည့်
အခန်းကဏ္ဍများအတွက် အဓိကထား ပြင်ဆင်လိုကြောင်း ကြေညာချက်အရ သိရသည်။

ထို့ပြင် ကယန်းအမျိုးသား လက်နက်ကိုင်တော်လှန်ရေးနေ့ နှစ် ၅၀ ပြည့် အခမ်းအနားသို့
တက်ရောက်လာကြသော နိုင်ငံရေးအဖွဲ့ အစည်းများနှင့် တိုင်းရင်းသား လက်နက်ကိုင်
အဖွဲ့အစည်းများကလည်း ကယန်းပြည်သစ်ပါတီသို့ သ၀ဏ်လွှာများ ပေးအပ်ခဲ့ကြပြီး
ထို သ၀ဏ်လွှာများတွင် ဖွဲ့စည်းပုံအခြေခံဥပဒေ ပြင်ဆင်ခြင်း ကဏ္ဍကိုသာ အထူးပြုပြီး
ရေးသား ဖော်ပြထားကြသည်။

ကယန်းအမျိုးသား လက်နက်ကိုင်တော်လှန်ရေးသည် ၁၉၆၄ ခုနှစ်၊ ဇွန် ၄ ရက်တွင်
ငွေစက္ကူများကို တရားမ၀င်ကြောင်း ကြေညာခဲ့သည့်အတွက် ကယန်းလူထု၏ မကျေနပ်မှုများ
ကြောင့် ပေါ်ပေါက်လာခဲ့ရာ ၁၉၆၄ ခုနှစ် ဩဂုတ် ၈ ရက်တွင် ကယန်းပြည်သစ်ပါတီကို
ဖွဲ့စည်းခဲ့ကြသည်။

ထို့နောက်အနှစ် ၃၀ လုံး အစိုးရတပ်နှင့် တိုက်ပွဲများ ဖြစ်ပွားခဲ့ပြီး စစ်အစိုးရက ငြိမ်းချမ်းရေး
ဆွေးနွေးရန် ကမ်းလှမ်းရာ လက်ခံခဲ့ပြီး ၁၉၉၄ ခုနှစ်၊ ဇူလိုင်လ ၂၆ ရက်နေ့တွင် အပစ်အခတ်
ရပ်စဲရေးစာချုပ်ကို လက်မှတ်ရေးထိုး နိုင်ခဲ့သည်။

"ကျွန်တော်တို့ကို စစ်အစိုးရက နိုင်ငံရေး ပြဿနာကို နိုင်ငံရေးနည်းလမ်းနဲ့ ဆွေးနွေးဖို့
လုပ်ပေးမယ်လို့ ပြောတဲ့အတွက် အပစ်အခတ်ရပ်စဲရေးကို လက်မှတ်ရေးထိုးခဲ့တာပါ။
ဒါပေမဲ့ အခုထက်ထိလည်း ဘာဆွေးနွေးပွဲမှ ဖြစ်မလာသေးပါဘူး"ဟု ဗိုလ်မှူးကြီးစောလွင်
ကပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း