ကချင်ဒေသရှိ ကလေးများ၏ ပညာရေး စိုးရိမ်ရ

ကချင်ပြည်နယ်ရှိ ဒုက္ခသည်စခန်းတစ်ခု၌ ကလေးငယ်တစ်ဦးအား ယခုလ အစောပိုင်းက တွေ့ရစဉ်။ ၀လုံး/မြန်မာတိုင်း(မ်)ကချင်ပြည်နယ်ရှိ ဒုက္ခသည်စခန်းတစ်ခု၌ ကလေးငယ်တစ်ဦးအား ယခုလ အစောပိုင်းက တွေ့ရစဉ်။ ၀လုံး/မြန်မာတိုင်း(မ်)

ပညာရေး ၀န်ကြီးဌာနက ကချင်ဒေသရှိ ကျောင်းသူ၊ ကျောင်းသားများအတွက် အလယ်တန်း
ပညာသင်စရိတ်အခမဲ့ ထောက်ပံ့ပေးမည်ဟု ဆိုသော်လည်း ကလေးများ၏ ပညာရေးအနာဂတ်မှာ
စိုးရိမ်ရကြောင်း ကယ်ဆယ်ရေးစခန်းများတွင် ကူညီနေသူများက ပြောသည်။

လက်ရှိ ကျောင်းဖွင့်ချိန်တွင် အစိုးရထိန်းချုပ်နယ်မြေအတွင်းရှိ ကယ်ဆယ်ရေးစခန်းများ၌
မူလတန်းမှ အထက်တန်းအထိ ကျောင်းများ ဆက်လက်ဖွင့်ထားပြီး နီးစပ်ရာ မြို့နယ်ရှိကျောင်းများ
တွင် ဆက်လက်ပညာသင်ကြား နိုင်သည်။

သို့သော် ကယ်ဆယ်ရေးစခန်းနှင့် တွဲလျက်ဖွင့်လှစ်ထားတော့ ကျောင်းနေရာ မလုံလောက်သော
ကြောင့် အချိန်များ ခွဲသင်နေရကြောင်း ဇွန်လဆန်းပိုင်းက ကယ်ဆယ်ရေးစခန်းများသို့
သွားရောက်လေ့လာခဲ့သော ဒေါ်နောင်းလတ်က ပြောသည်။

"နေရာကမလုံလောက်တော့ မနက်ကို မူလတန်း၊ ညနေပိုင်း အလယ်တန်းကို သင်ရတယ်။
အာရုံစိုက်နိုင်၊ မစိုက်နိုင် ဒီလိုပဲသင်ရတယ်။ စာသင်ပေးတဲ့ ဆရာ၊ ဆရာမတွေကလည်း စေတနာ
ဝန်ထမ်းတွေများတယ်၊ အချိန်တို အတွင်းမှာ သင်တန်းပေးထားသော အရည်အချင်းက
သိပ်မပြည့်ဘူး။ အခု သုံးနှစ်အတွင်း ၁၀ တန်းအောင်တဲ့ ကလေးတစ်နှစ်မှာ ၁၀၀ နဲ့ ဆို ၃၀၀ ရှိပြီ။
ဒီကလေးတွေက အစိုးရ တက္ကသိုလ်ကို တက်ခွင့်မရဘူး။ ဒီကလေးတွေရဲ့ ပညာရေးအနာဂတ်က
မဲ့နေတယ်။ ပညာရေးဟာ တိုင်းပြည်တစ်ပြည်အတွက် သိပ်အရေးကြီးတယ်။ စစ်ပွဲကြောင့်
လူတစ်သိန်း ကျော်ပြေးနေရတယ်။ အဲဒီထဲက သုံးသောင်းကျော်သော ကလေးတွေရဲ့ ပညာရေး
ဟာ အနာဂတ်မဲ့ နေတယ်။ အခုလက်ရှိ ငြိမ်းချမ်းရေးကို ဖော်ဆောင်နေတဲ့ ခေါင်းဆောင်တွေကို
ပြောချင်ပါတယ်။ ဒီကလေးတွေရဲ့ အနာဂတ်ကို ရှေးရှုပြီး စစ်ပွဲတွေ ရပ်ပေးကြပါ"ဟု
ဒေါ်နောင်းလတ်က မြန်မာတိုင်း(မ်)ကို ပြောသည်။

ကေအိုင်အေမှ ကေအိုင်အို ထိန်းချုပ်မှုနယ် မြေအတွင်းရှိ ကလေးများအား မူလတန်းမှ ဒီပလိုမာ
တန်းအထိ ပညာရေးကို စစ်ဖြစ်ပွားချိန်မှ စတင်ခါ အခမဲ့စီစဉ် ပေးထားသည်။

ဆေးကျောင်းနှင့် သူနာပြုဒီပလိုမာသင်တန်းအထိ ပံ့ပိုးပေးနိုင်သည်။

အချို့ ၁၀ တန်းအောင် ကျောင်းသားများသည် ထိုင်းနိုင်ငံ ချင်းမိုင်နှင့် တရုတ်နိုင်ငံ၊ ယူနန်ပြည်နယ်
အတွင်း ဆက်လက် ပညာသင်ကြားကြကြောင်း သိရသည်။

ကေအိုင်အေထိန်းချုပ်မှု နယ်မြေရှိကျောင်းများတွင်လည်း ကလေးများကို ဆက်လက်ပညာ
သင်ကြားနိုင်ရန် ဆောင်ရွက်ပေးလျက်ရှိသည်။

သို့ရာတွင် ယခင်နှစ် ကျောင်းဖွင့်ချိန်တွင် ကေအိုင်အိုထိန်းချုပ်မှုနယ်မြေမှ ပြောင်းရွေ့လာသော
ကလေးများအား အစိုးရထိန်းချုပ်မှုနယ်မြေအတွင်းရှိ ကျောင်းများမှ လက်မခံသည့် အခြေအနေရှိခဲ့
သည်။

ယခုနှစ် ဧပြီလတွင်ဖြစ်ပွားခဲ့သော ပဋိပက္ခ အခြေအနေကြောင်းရွာ ၁၃ ရွာ ပြောင်းရွှေ့ပေးခဲ့ရပြီး
လက်ရှိအချိန်တွင် မန်စီမြိုနယ် မန်ဝိန်းကြီးနှင့် နမ်းခမ်းတွင် ၎င်းတို့ကိုနေရာချထားသည်ဟု
သိရသော်လည်း ကလေးများသည် မည်သည့် ကျောင်းတွင် စာသင်နေသည့် အခြေအနေကို
မသိရသေးကြောင်း Sun Flower Group မှ ဒေါ်ဖြူအိသိမ်းက ပြောသည်။

"ဒီပညာရေးစနစ်မှာ ဘယ်နေရာ၊ ဘယ်အခြေအနေပဲဖြစ်ဖြစ် ကလေးတိုင်းတန်းတူ အခွင့်အရေး
ရှိရမယ်။ မနှစ်ကအထိ ကေအိုင် အိုထိန်းချုပ်မှုနယ်မြေအောက်က ကလေးတွေဟာ အစိုးရ
ပညာရေးစနစ်ရဲ့ တက္ကသိုလ်ကို တက်ခွင့်မရဘူး။ ကေအိုင်အိုလက်မှတ်နဲ့ ဒီဘက်က အစိုးရ
ကျောင်းက လက်မခံဘူး။ ဒီနှစ်တော့ ခွင့်ပြုလား၊ မပြုလား မကြားမိသေးဘူး။ မူလတန်းနဲ့
အလယ်တန်းအထိ ကျောင်းသား များတယ်။ အထက်တန်းမှာ နည်းသွားပြီ။ စစ်ဖြစ်ရင်ပြေးရတယ်၊
ကယ်ဆယ်ရေးစခန်းကကျောင်းမှ အခန်းကန့်ပြီး စာသင်ခန်း မှာသင်ရတယ်။ ဒီကလေးတွေက
သင်ခန်းစာကို ဘယ်လိုအာရုံစိုက်နိုင်တော့မှာလဲ။ ဒီကြားထဲ သင်ရိုးတွေကို ဖျက်ပစ်ကြသေးတယ်။
စစ်ကဖြစ်နေလို ပြေးနေရတော့ သင်ရိုးကုန်အောင် သင်ဖို့မလွယ်ဘူး။ နောက်ဆိုးတာက
သမိုင်းအချက်အလက်တွေကို တမင်ဖျက်ပြီး သင်ကြတယ်။ ဒီဘက်ကဖျတ်သလို ဟိုဘက်
ကလည်းဖျက်တယ်။ သမိုင်းအမှန်ကို ကလေးတွေ မသိတော့ဘူး။ နောက် မြန်မာလို မသင်ကြ
တော့ အနာဂတ်မှာ ဘယ်လိုရှေ့ဆက်လုပ် ကြတော့မလဲ။ မြန်မာစကားကို မသင်လို့
အပြစ်ပြောတာမဟုတ်ပါဘူး။ ဒါပေမဲ့ လက်ရှိမှာ မြန်မာက ဘုံဘာသာစကား ဖြစ်နေတယ်လေ"ဟု
ဒေါ်ဖြူအိသိမ်းက မြန်မာတိုင်း(မ်) ကိုပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း