ပညာရေးဥပဒေမူကြမ်း ရုပ်သိမ်းပေးရန် ဆန္ဒပြ

အမျိုးသားပညာရေး ဥပဒေကြမ်းကို ပြန်လည်ရုပ်သိမ်းပေးရန် ကျောင်းသားများ ဆန္ဒပြချီတက်လာကြစဉ်။ ကျော်ကိုကို/မြန်မာတိုင်း(မ်)အမျိုးသားပညာရေး ဥပဒေကြမ်းကို ပြန်လည်ရုပ်သိမ်းပေးရန် ကျောင်းသားများ ဆန္ဒပြချီတက်လာကြစဉ်။ ကျော်ကိုကို/မြန်မာတိုင်း(မ်)

အမျိုးသားပညာရေး ဥပဒေမူကြမ်းကို ပြန်လည် ရုပ်သိမ်းပေးရန်အတွက် မန္တလေးတိုင်းဒေသကြီး၊
ကျောက်ဆည်ခရိုင်တွင် ကျောက်ဆည် နည်းပညာတက္ကသိုလ် ကျောင်းသားသမဂ္ဂများက
ဇူလိုင်လ ၃၀ ရက်နေ့တွင် လမ်းလျှောက် ဆန္ဒဖော်ထုတ်ခဲ့ကြသည်။

မန္တလေးတက္ကသိုလ်၊ စစ်ကိုင်း နည်းပညာတက္ကသိုလ်၊ ကျောက်ဆည်တက္ကသိုလ်တို့မှ
ကျောင်းသားသမဂ္ဂများ၊ စစ်ကိုင်းသမ၀ါယမကောလိပ် အဖွဲ့ဝင်များဖြင့် စုစုပေါင်း ကျောင်းသား
အင်အား ၅၀ ကျော် တို့သည် အမျိုးသားဥပဒေမူကြမ်းကို ကန့်ကွက်သည့် စာတမ်းများ
ကိုင်ဆောင်လျက် ဆန္ဒဖော်ထုတ်ခဲ့ခြင်းဖြစ်သည်။

"(အမျိုးသားပညာရေး မူကြမ်းမှာ) ပါဝင်တဲ့အချက်တွေက ကျောင်းသားတွေရဲ့ အခွင့်အရေးကို
ကန့်သတ်ထားတဲ့ အတွက်ကြောင့် ဒါတွေကိုပြန်လည် ပြင်ဆင်ပေးစေချင်လို့ပါ။ သူတို့ ဒီဥပဒေကို
ရေးဆွဲတုန်းကလည်း တကယ်သက်ဆိုင်တဲ့ ကျောင်းသားတွေ တစ်ယောက်မှမပါဘဲနဲ့
သက်ဆိုင်ရာဝန်ကြီးဌာနက လူတွေနဲ့ပဲ ရေးဆွဲခဲ့တာပါ။ အစကတည်းက ပွင့်လင်းမြင်သာမှု
မရှိခဲ့တာပါ။ အဲဒါကြောင့် ဒီဥပဒေ မူကြမ်းကို ကျောင်းသားထုအနေနဲ့ အပြင်းအထန် ရှုတ်ချပြီး
တော့ အမြန်ဆုံး ပြန်လည် ရုပ်သိမ်းပေးစေချင်ပါတယ်" ဟု ကျောက်ဆည် နည်းပညာတက္ကသိုလ်
ကျောင်းသားများ သမဂ္ဂအဖွဲ့ဝင် ကိုထွန်းအောင်ချိမ့်က ပြောသည်။

အဆိုပါ ဥပဒေမူကြမ်းတွင် ကျောင်းသားများ နိုင်ငံရေး လှုပ်ရှားမူများတွင် မပါဝင်အောင်
ပိတ်ပင်ထားပြီး ကျောင်းသားများ နိုင်ငံရေးလှုပ်ရှားမူများတွင် ပါဝင်လာပါက ကျောင်းထုတ်သည်
အထိ အရေးယူမည်ဆိုသည့် အချက်များ ပါဝင်ကြောင်း၊ ပညာရေးကို ၀န်ကြီးဌာနတွေက
ချူပ်ကိုင်ထားသည့် ဗဟိုချူပ်ကိုင်မှုစနစ် ဖြစ်နေကြောင်း ၎င်းတို့က ပြောသည်။

"ဒီဥပဒေမူကြမ်းမှာဆိုရင် ကျွန်တော်တို့ လိုချင်တဲ့ တိုင်းရင်းသားဘာသာစကားနဲ့ မိခင်ဘာသာ
စကားဆိုတာမျိုး မဟုတ်ဘဲ မိခင်ဘာသာစကားနဲ့ နိုင်ငံခြားဘာသာစကားကိုပဲ ကျောင်းသုံးအဖြစ်
ပြဋ္ဌာန်းထားတာတွေကို တွေ့ရတယ်။ တိုင်းရင်းသားဒေသတွေကို ဆရာတွေအနေနဲ့
စာသွားသင်ရင် ဗမာစကားပဲတတ်ပြီး တိုင်းရင်းသား ဘာသာစကားမတတ်ရင် ဘယ်လိုမှ
အဆင်မပြေနိုင်ပါဘူး။ အဲဒါကြောင့်မို့ ကျွန်တော်တို့က တိုင်းရင်းသား ဘာသာတွေကိုလည်း
ပြဋ္ဌာန်းပေးစေချင်တာ" ဟု ကိုထွန်းအောင်ချိမ့် ကပြောသည်။

အမျိုးသားပညာရေး ဥပဒေမူကြမ်းကို မတ်လ ၁၆ ရက်နေ့တွင် ပြည်သူ့လွှတ်တော်သို့
တင်ပြအတည်ပြုခဲ့ပြီးဖြစ်ပြီး အမျိုးသားလွှတ်တော်တွင် ထိုဥပဒေမူကြမ်းပါ ၇၁ ချက်ကို
ပြင်ဆင်အတည်ပြုထားကြောင်း သမ္မတက လက်မှတ်ထိုးရန်သာ ကျန်ရှိတော့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း