လူငယ်စောင့်ရှောက်ရေးဂေဟာမှ လူငယ်များ ကုန်ပစ္စည်းထုတ်လုပ်

Children of Tomorrow လူငယ်စောင့်ရှောက်ရေးဂေဟာမှ လူငယ်များသည် ၎င်းတို့ဂေဟာ
ရေရှည် ရပ်တည်နိုင်ရေးနှင့် ဂေဟာမှ ကလေးများ၏ဘ၀များ တိုးတက်မြင့်မားလာရေးအတွက်
SoyAi တံဆိပ် ပဲနို့ထုတ်လုပ်၍ ဖြန့်ဖြူးရောင်းချရန် ကြိုးပမ်းလျက်ရှိကြောင်း ဩဂုတ်လ ၁၆ ရက်
နေ့က ဆူးလေရှန်ဂရီလာ ဟိုတယ်တွင် ပြုလုပ်သည့် SoyAi တံဆိပ် မိတ်ဆက်ပွဲမှ သိရသည်။

အဆိုပါပဲနို့ပုလင်းကို မလေးရှားလူမျိုး စီးပွားရေးလုပ်ငန်းရှင်တစ်ဦးဖြစ်သည့် Ms. Eileen ၏
စက်ပစ္စည်းနှင့် နည်းပညာပိုင်းကူညီထောက်ပံ့မှုဖြင့် ထုတ်လုပ်ခြင်းဖြစ်ပြီး ၃၅၀ မီလီပါရှိသော
SoyAi ပဲနို့ တစ်ပုလင်းလျှင် ကျပ် ၅၀၀ ကျသင့်မည်ဖြစ်သည်။ ယင်းအစီအစဉ်ကို ၂၀၁၄ ခုနှစ်
ဧပြီလတွင် စတင်ခဲ့ခြင်းဖြစ်ပြီး ယခုအခါ ဈေးကွက်အတွင်း ဖြန့်ဖြူးရောင်းချရန် ကြိုးပမ်းလျက်ရှိရာ
ယင်းမှ ရရှိသောအကျိုးအမြတ်များသည် ဂေဟာမှ ကလေးလူငယ်များ၏ ဘ၀တိုးတက် မြင့်မား
ရေးကို အထောက်အကူဖြစ်စေရန် ရည်ရွယ်ကြောင်း ယင်းဂေဟာမှ လူငယ်တစ်ဦးက ပြောသည်။

အဆိုပါလုပ်ငန်းမှ ရရှိသည့်အကျိုးအမြတ်များကို ဂေဟာမှကလေးများ၏ ပညာရေးအသုံးစရိတ်
အတွက် ၃၀ ရာခိုင်နှုန်း၊ ဂေဟာတွင် လိုအပ်သည့် အသုံးအဆောင်ပစ္စည်းများအတွက် ၃၀
ရာခိုင်နှုန်း၊ SoyAi ပဲနို့ ထုတ်လုပ်ရာတွင် လိုအပ်သည့် ကုန်ကြမ်းပစ္စည်းများအတွက် ၃၀
ရာခိုင်နှုန်းနှင့် SoyAi အဖွဲ့သားများအတွက် ၁၀ ရာခိုင်နှုန်း အသုံးပြုသွားမည်ဟု သိရသည်။

Children of Tomorrow လူငယ်စောင့်ရှောက်ရေးဂေဟာသည် အမှတ် ၂၊ တိုက် ၉/၄ ရန်ရှင်း
အိမ်ရာ ၊ ရန်ကင်း မြို့နယ် တွင်ရှိပြီး ရန်ကုန်တိုင်းဒေသကြီးအတွင်းရှိ မိဘမဲ့ဂေဟာသုံးခုမှ
ကလေးငယ်ပေါင်း ၂၀၀ ကျော် ကို ကူညီစောင့်ရှောက်မှုများ ပြုလုပ်ပေးလျက်ရှိသည်။

ယင်းဂေဟာမှ ကလေးငယ်များသည် မြန်မာနိုင်ငံအနှံ့အပြားမှ အခက်အခဲအမျိုးမျိုးကြောင့်
ရောက်ရှိလာသော ကလေးများဖြစ်ပြီး ၉၀ ရာခိုင်နှုန်းသည် ရှမ်းပြည်နယ်မှ နယ်မြေမငြိမ်
မသက်ဖြစ်မှုများနှင့် မူးယစ်ဆေးဝါး အန္တရာယ်ကြောင့် ရောက်ရှိလာသော ကလေးများဖြစ်သည်။

SoyAi ကို လုပ်ဆောင်ခြင်းအားဖြင့် ကိုယ်ပိုင်ရပ်တည်မှု၊ သက်မွေးဝမ်းကျောင်းမှုနှင့် အလုပ်အကိုင်
အခွင့် အလမ်းများ ရရှိနိုင်သည့်အပြင် ဂေဟာတွင် နေထိုင်သည့်ကလေးများ၏ ပညာရေး၊ ဘ၀
လုံခြုံရေး၊ လူနေမှု ဘ၀တိုးတက် မြင့်မားလာစေရေးများအတွက် Soyai Team ကို ထူထောင်ခဲ့ပြီး
ယခုကဲ့သို့ကုန်ပစ္စည်း တစ်မျိုးကို ထုတ်လုပ်ရောင်းချ နိုင်ရန် စီစဉ်ခဲ့ခြင်းဖြစ်ကြောင်း ယင်းဂေဟာမှ
သိရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း