သင်္ဘောသားကုမ္ပဏီများမှ နိုင်ငံတော်သို့ဝန်ဆောင်ခ တိုးမြှင့် ပေးသွင်းရမည်

ပို့ဆောင်ရေးဝန်ကြီးဌာန စီမံခန့်ခွဲရေးကော်မတီ အစည်းအဝေးအမှတ်စဉ် (၁၀/၂၀၁၄) ဆုံးဖြတ်
ချက်အရ ရေကြောင်းပို့ဆောင်ရေးညွှန်ကြားမှုသီးစီးဌာန လိုင်စင်ရကုမ္ပဏီများအနေဖြင့် မြန်မာနိုင်ငံ
မှသင်္ဘောသားများ နိုင်ငံခြားအလံ လွှင့်ထူထားသော သင်္ဘော များသို့တာဝန်ထမ်းဆောင်ရန်
ထွက်ခွာပါက ဌာန ဆိုင်ရာ ၀န်ဆောင်ကြေးကို ပြောင်းလဲပေးသွင်းရမည်ဖြစ်ကြောင်း ပို့ဆောင်ရေး
ဝန်ကြီးဌာန သင်္ဘောသားဌာန ညွှန်ကြားရေးမှူး ဦးတိုးမြင့်ကပြောသည်။

ကမ်းလွန်လုပ်ငန်းများနှင့် ကမ်းလွန်လုပ်ငန်းသုံး နိုင်ငံခြားရေယဉ်များ တွင်တာဝန် ထမ်းဆောင်သည့်
သင်္ဘောသားတဦး ၊တကြိမ်သွားရောက် တာဝန်ထမ်းဆောင် ခြင်း အတွက်ယခင် မြန်မာကျပ်ငွေ
ငါးထောင်နေရာတွင် တစ်သောင်းကျပ် တိတိ ကို ပေးသွင်းရမည်ဖြစ်သည်။

ကမ်းလွန်လုပ်ငန်းသုံး မဟုတ်သည့် ကျန်သော နိုင်ငံခြားရေယဉ်များတွင်မူ တစ်ဦးတာဝန်ထမ်း
ဆောင်ခြင်း အတွက် သုံးသောင်း ကျပ်ပေးဆောင်ရမည်ဖြစ်သည်။ အဆိုပါပေးဆောင်ရန်စည်းကမ်း
သတ်မှတ်ချက်အတိုင်း ဩဂုတ်လ ၁ရက်နေ့တွင်စတင် ဆောင်ရွက်ခဲ့ပြီး ဖြစ်သော်လည်း ညွှန်ကြား
ချက် ထုတ်ပြန်သည့် ကာလအတွင်း နိုင်ငံခြားတွင်တာဝန်ထမ်းဆောင် နေဆဲ (onboard)
အတွက် တလလျှင် ငွေကျပ်ငါးထောင်ပေးသွင်းဆဲ ဖြစ် သည့်ကုမ္ပဏီများ အနေဖြင့် အဆိုပါ သင်္ဘောသားများ မြန်မာနိုင်ငံသို့ ပြန်လည်သတင်းပို့ပြီးသည့်အချိန်အထိ ယခင်သတ်မှတ်နှုန်း
အတိုင်းသာ ပေးဆောင်ရန်ခွင့်ပြုထားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း