ရခိုင်၌ နိုင်ငံသားစိစစ်ရေး သီးသန့် မဆောင်ရွက်တော့

ရခိုင်ပြည်နယ်တွင် နိုင်ငံသား စိစစ်ရေးလုပ်ငန်းများကို သီးသန့်ဧရိယာ သတ်မှတ်ကာ
ဆောင်ရွက်တော့မည်မဟုတ်ဘဲ နိုင်ငံသား ဟုတ်၊ မဟုတ် စိစစ်ရန် လိုနေသူများကို
လူဝင်မှုကြီးကြပ်ရေးနှင့် အမျိုးသားမှတ်ပုံတင် ဦးစီးဌာန၏ တစ်နိုင်ငံလုံး မှတ်ပုံတင် စိစစ်ရေး
ဆောင်ရွက်ချက်များတွင် ထည့်သွင်း ဆောင်ရွက်သွားမည်ဖြစ်ကြောင်း သိရသည်။

ရခိုင်ပြည်နယ်တွင် နိုင်ငံသား စိစစ်ရေး လုပ်ငန်းများ ဆောင်ရွက်ရန် အစိုးရက ဗဟို ကော်မတီ
တစ်ရပ်ဖွဲ့စည်းကာ စမ်းသပ် ဧရိယာ (Pilot Project) အနေဖြင့် မြေပုံမြို့နယ်တွင် စတင်ခဲ့ခြင်း
ဖြစ်သည်။

သို့သော် လက်ရှိအချိန်တွင် နိုင်ငံသားဖြစ်ခွင့် လျှောက်လွှာများ ထပ်မံလက်ခံခြင်း မပြုတော့ဘဲ
လုပ်ငန်းများ ရပ်ဆိုင်းလိုက်ပြီဖြစ်သည်။

"မြေပုံမြို့မှာ ရပ်လိုက်တယ် ဆိုတာက ပြီးသလောက်လည်း ဖြစ်နေပြီလေ။ အခု တင်ထားတဲ့
လျှောက်လွာတွေကို ပြည်နယ် အစိုးရအဖွဲ့ကလည်း စစ်ပြီးပြီဆိုတော့ ဗဟိုက အတည်ပြုဖို့ပဲ
ကျန်တော့တာ။ အရင်ကတော့ မြေပုံမြို့ပြီးရင် ရမ်းဗြဲ၊ ကျောက်ဖြူမှာ ဆက်လုပ်မယ်လို့
ကျွန်တော်တို့ကို ပြောထားတာ ရှိတယ်။ အခုတော့ တစ်ပြည်လုံး အတိုင်းအတာအနေနဲ့
လုပ်လိမ့်မယ်။ ဘယ်တော့ လုပ်မလဲ၊ ဘယ်လိုလုပ်မလဲဆိုတာတော့ ကျွန်တော်တို့ကို
မပြောသေးဘူး"ဟု ရခိုင်ပြည်နယ်အစိုးရ သတင်းနှင့် ပြန်ကြားရေးကော်မတီ ဥက္ကဋ္ဌ ဦးလှသိမ်း
က ပြောသည်။

အောက်တိုဘာလ ၂၄ ရက်နေ့က စစ်တွေမြို့ ပြည်နယ်အရေးပေါ် ပူးပေါင်းဆောင်ရွက်ရေးစင်တာ
(ECC) ရုံးတွင် ပြုလုပ်သည့် ၁၉၈၂ မြန်မာနိုင်ငံသား ဥပဒေဆိုင်ရာ အလုပ်ရုံ ဆွေးနွေးပွဲတွင်
ရခိုင်ပြည်နယ်၌ နိုင်ငံသား စိစစ်ရေးလုပ်ငန်းများကို Pilot Project ထပ်မံဆောင်ရွက်တော့မည်
မဟုတ်ဘဲ လူဝင်မှုကြီးကြပ်ရေးနှင့် အမျိုးသား မှတ်ပုံတင်ဦးစီး ဌာန၏ စီမံချက်များတွင်
တစ်ပါတည်း ဆောင်ရွက်မည်ဟု ပြည်နယ်ဝန်ကြီးချုပ် ဦးမောင်မောင်အုန်းက ပြောကြားခဲ့သည်။

မြေပုံမြို့နယ်၌ ဆောင်ရွက်ခဲ့သည့် စမ်းသပ်ကာလအတွင်း နိုင်ငံသား စိစစ်ရေး ကတ်ပြားရရှိသူ
ဘင်္ဂါလီ ၄၀ ရှိပြီး ၁၆၉ ဦး မှာ နိုင်ငံသားပြုခွင့် အသိအမှတ်ပြု ကတ်ပြားများ ရရှိခဲ့သည်။

နိုင်ငံသား ကတ်ပြားများ ထုတ်ပေးရာတွင် အစိုးရအဖွဲ့အနေဖြင့် ၁၉၈၂ ခုနှစ် မြန်မာနိုင်ငံသား
ဥပဒေနှင့်အညီ အဆင့်ဆင့်စစ်ဆေးပြီးနောက် နိုင်ငံသား ဖြစ်ခွင့်ပေးအပ်လိုက်ကြောင်း ရခိုင်ပြည်သူ
လူထုကိုအစိုးရ အဖွဲ့က ရှင်းပြခဲ့သည်။

သို့သော် အထောက်အထား မပြည့်စုံသူများ ပါနေသည့်အပြင် ကမန်လူမျိုးအမည်ခံကာ
နိုင်ငံသားကတ် ရယူမှုများကြောင့် ပြန်လည်စိစစ်ပေးရန် ရခိုင်ပြည်သူလူထုက တောင်းဆိုခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း