မြန်မာနိုင်ငံ ဆေးပညာရှင်အဖွဲ့တွင် တာဝန်ထမ်းဆောင်ဆဲ ၀န်ထမ်းအဖွဲ့ဝင် ဦးရေ နည်းပါးနေ

အငြိမ်းစားပညာရှင်များ၊လက်ရှိ ၀န်ထမ်းပညာရှင်များဖြင့် ဖွဲ့စည်းထားသည့် မြန်မာနိုင်ငံဆေးပညာ
ရှင်အဖွဲ့ (Myanmar Academy of Medical Science )တွင် တာဝန်ထမ်းဆောင်နေဆဲဖြစ်သည့်
ဝန်ထမ်းအဖွဲ့ဝင် ဦးရေ နည်းပါးလျက်ရှိသည်ဟု ယင်းအဖွဲ့၏ ဒုတိယဥက္ကဌ ပါမောက္ခဦးနေ-၀င်းက
နိုဝင်ဘာလ(၂၉)ရက်နေ့တွင် သူနာပြု တက္ကသိုလ်(ရန်ကုန်)၌ ပြုလုပ်သည့် မြန်မာနိုင်ငံ ဆေးပညာ
ရှင်အဖွဲ့၏ နှစ်ပတ်လည် မျက်နှာစုံညီ အစည်းအဝေးတွင် ပြောကြားခဲ့သည်။

" အဖွဲ့စတင်ဖွဲ့စည်းစဉ်က လက်ရှိတာဝန်ထမ်းဆောင်သူ အဖွဲ့ဝင်ဦးရေနဲ့ အငြိမ်းစားအဖွဲ့ဝင်ဦးရေ
ဆတူနီးပါးရှိပေမယ့် ၁၅ နှစ်တာကာလအတွင်းမှာ အဖွဲ့ဝင်အသစ်များများစားစား မခန့်အပ်နိုင်တဲ့
အတွက် လက်ရှိဝန်ထမ်း အဖွဲ့ဝင် ဦးရေ နည်းပါးနေပြီ ဖြစ်ပါတယ်။ ၁၅ နှစ်အတွင်းမှာလည်း အဖွဲ
့ဝင်တွေက မိမိတို့ကဥာဏ်စွမ်း၊ စိတ်စွမ်းအားရှိ သလောက် နိုင်ငံတော်ရဲ့ ကျန်းမာရေး စောင့်ရှောက်
မှု လုပ်ငန်းတွေကို လုပ်ဆောင်ခဲ့ပါတယ်။ အရေးကြီး ကိစ္စရပ်တွေကိုလည်း နိုင်ငံတော် အဆင့်ရှိသူ
တွေနဲ့ အကြံပြုဆွေးနွေးတာတွေ ပြုလုပ်ခဲ့ပါတယ်" ဟု ၎င်းက ပြောသည်။

မြန်မာနိုင်ငံ၏ ဆေးပညာကဏ္ဍ ဖွံ့ဖြိုးတိုးတက်ရန်၊ ကျန်းမာရေး စောင့်ရှောက်မှုလုပ်ငန်းများ အဆင့်မြင့်မားလာစေရန်၊ ဆေးပညာဘာသာရပ်များ နိုင်ငံတကာအဆင့်မီဖွံ့ဖြိုးတိုးတက်လာစေရန်၊
အရည်အချင်းပြည့်ဝသည့် ဆေးပညာရှင် လူငယ်များ မွေးထုတ်ပေးနိုင်ရန်၊ ကျန်းမာရေးဆိုင်ရာ
သုတေသနလုပ်ငန်းများကို စဉ်ဆက်မပြတ် ဆောင်ရွက်နိုင်ရန် စသည့် ရည်ရွယ်ချက်များဖြင့် အတွေ
့အကြုံရင့်ကျက်သည့် ပညာရှင်များ စုပေါင်း၍ မြန်မာနိုင်ငံ ဆေးပညာရှင်အဖွဲ့ ကို ဖွဲ့စည်းခဲ့ခြင်းဖြစ်
သည်ဟု ပါမောက္ခဦးနေ၀င်းက ပြောသည်။

"လက်ရှိတာဝန်ထမ်းဆောင်နေတဲ့ ၀န်ထမ်းများ၊အငြိမ်းစားဆေးပညာရှင်များနှင့် တိုးချဲ့ဖွဲ့စည်းလို
ကြောင်း ကျန်းမာ ရေးဝန်ကြီးဌာနကို လွန်ခဲ့တဲ့နှစ်နှစ်လောက်က တင်ပြထားပါတယ်။ဝန်ကြီးဌာန
ကလည်း တိုးချဲ့ပေးဖို့ စီစဉ်နေတယ်လို့ အကြောင်း ပြန်ထားပါတယ် " ဟု ၎င်းကပြောသည်။

မြန်မာနိုင်ငံဆေးပညာရှင်အဖွဲ့၏ လက်ရှိဝန်ထမ်းအဖွဲ့ဝင် နည်းပါးနေပြီဖြစ်သော်လည်း ဆေးပညာ
ရှင်အဖွဲ့၏ ပုံမှန်အစည်း အဝေးများ၊ အလုပ်ရုံဆွေးနွေးပွဲများ၊ အခြားလုပ်ငန်းဆောင်ရွက်ချက်များကို
ဆေးပညာရှင် အဖွဲ့ဝင် မဟုတ်သည့် လက်ရှိဝန်ထမ်းပညာရှင်တို့၏ ပါဝင်ဆောင်ရွက်မှုကြောင့်
အောင်မြင်စွာလုပ်ဆောင်လျက်ရှိပြီး အဖွဲ့၏ မူရင်းတာဝန်များကို ထိရောက်စွာ လုပ်ဆောင်နိုင်ရန်
ဖွဲ့သည်းပုံ၊ စည်းမျဉ်းများကိုလည်း ပြန်လည်သုံးသပ် ပြင်ဆင်ရန် လိုအပ်သည်ဟု ပါမောက္ခဦးနေ၀င်း
က ဆက်လက်ပြောကြားသည်။

"ဆေးပညာရှင်အဖွဲ့က ဆေးပညာကဏ္ဍ ဖွံ့ဖြိုးတိုးတက်မှုအတွက် အထောက်အကူဖြစ်အောင်
ဖွဲ့စည်းထားတာပါ။ ဆေးရုံ၊ ဆေးကျောင်း၊ ဆရာဝန်တွေရဲ့ လိုအပ်ချက်၊ လူထုကျန်းမာရေးစတဲ့
ကျန်းမာရေးလိုအပ်ချက်အားလုံးကို အကူအညီးပေးနေတဲ့ အဖွဲ့ဖြစ်ပါတယ်" ဟု အဖွဲ့-၀င်မဟုတ်သည့် ပြင်ပမှကူညီဆောင်ရွက်ပေးသည့် ဒေါက်တာချိုမာလွင်က ပြောသည်။

မြန်မာနိုင်ငံဆေးပညာရှင်အဖွဲ့ကို ၁၉၉၉ ခုနှစ်တွင် ဆေးပညာနယ်ပယ်မှ တာဝန်ထမ်းဆောင်ဆဲ
ဝန်ထမ်းအဖွဲ့ဝင် (၁၂၉)ဦး၊ အငြိမ်းစား ပညာရှင်(၇၉)ဦး၊ စုစုပေါင်း( ၂၀၈) ဦး ဖြင့် ဖွဲ့စည်းခဲ့ပြီး
လက်ရှိအချိန်တွင် ၀န်ထမ်း အဖွဲ့ဝင် (၁၄)ဦးနှင့် အငြိမ်းစား အဖွဲ့ဝင် (၂၅၄)ဦး စုစုပေါင်း (၂၆၈)
ဦး ရှိကာ ကျန်းမာရေးစောင့်ရှောက်မှု လုပ်ငန်းများကို ခေတ်၊စနစ်နှင့်အညီ ဖွံ့ဖြိုးတိုးတက်းရေး
လုပ်ငန်းများကို လုပ်ဆောင်လျက်ရှိသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း