မြန်မာနှင့် ဗီယက်နမ် သင်္ဘောကျင်းလုပ်ငန်း ဖက်စပ်ကုမ္ပဏီထူထောင်

မြန်မာ့သင်္ဘောကျင်းလုပ်ငန်းနှင့် ဗီယက်နမ်ကုမ္ပဏီတစ်ခု အကျိုးတူပူးပေါင်းပြီး "Myanmar
Shipyards Dong A Joint Venture Company Limited" အမည်ဖြင့် ဖက်စပ်ကုမ္ပဏီတစ်ခု
ထူထောင်ရန် သဘောတူညီခဲ့သည်။

ကုမ္ပဏီအတွက် အမေရိကန်ဒေါ်လာ ၁၇၅ ဒသမ ၄ သန်း ရင်းနှီးမြှုပ်နှံမည်ဖြစ်ရာ
မြန်မာ့သင်္ဘောကျင်းလုပ်ငန်းက ၅၁ ရာခိုင်နှုန်းဖြစ်သည့် ဒေါ်လာ ၈၉ ဒသမ ငါးသန်းနှင့်
ဗီယက်နမ်နိုင်ငံ "Dong A Ship Building Industry Joint Stock Company (JSC)" က
၄၉ ရာခိုင်နှုန်း ဒေါ်လာ ၈၅ ဒသမ ၉ သန်း ထည့်ဝင်မည်ဖြစ်သည်။

"မြန်မာ့သင်္ဘောကျင်းလုပ်ငန်းဟာ စီးပွားဖြစ်ဆောင်ရွက်နေတဲ့ နိုင်ငံပိုင် စီးပွားရေး အဖွဲ့အစည်း
တစ်ခုအဖြစ် ရပ်တည်ပြီးတော့ လွန်ခဲ့တဲ့ နှစ်ပေါင်း ၄၅ နှစ်ကတည်းက ရေယာဉ်ပြင်ဆင်ရေး၊
ရေယာဉ် တည်ဆောက်ရေးလုပ်ငန်းတွေကို အဓိကထား ဆောင်ရွက်ခဲ့တာဖြစ်ပြီး
အရှေ့တောင်အာရှဈေးကွက်မှာ အသိအမှတ်ပြုခံရတဲ့ အဖွဲ့အစည်းတစ်ခုဖြစ်ခဲ့ပါတယ်။
ပြည်ပနိုင်ငံတွေက အပ်နှံတဲ့ ရေယာဉ်တွေကိုလည်း လက်ခံဆောင်ရွက်ပေးနေပါတယ်။
လုပ်ငန်းကို တိုးချဲ့ဖို့အတွက်နဲ့ ငွေကြေးအရင်းအနှီးနည်းပညာနဲ့ ဈေးကွက် ရရှိနိူင်ဖို့
လိုအပ်နေပါတယ်။ ဒီလိုအပ်ချက်တွေကြောင့် ပြည်ပရင်းနှီး မြှုပ်နှံမှုကို ဖိတ်ခေါ်ခဲ့တာဖြစ်ပြီး
အခု လာရောက် ပူးပေါင်းလုပ်ဆောင်တဲ့ ဗီယက်နမ်ကုမ္ပဏီဟာလည်း နိုင်ငံတကာ ဈေးကွက်ဝင်
ရေယာဉ်ကြီးတွေကို ဆောင်ရွက်ပေးနေတဲ့ ကုမ္ပဏီတစ်ခုဖြစ်ပါတယ်" ဟု ပို့ဆောင်ရေးဝန်ကြီးဌာန
ပြည်ထောင်စု ၀န်ကြီး ဦးဉာဏ်ထွန်းအောင်က ပြောသည်။

ဖက်စပ်ကုမ္ပဏီအနေဖြင့် ရေယာဉ်များ တည်ဆောက်ခြင်း၊ ပြင်ဆင်ခြင်း၊ သင်္ဘောကျင်းလုပ်ငန်းနှင့်
ဆက်စပ်သည့် အခြား စီးပွားရေးလုပ်ငန်းများကို လုပ်ဆောင်ကြမည်ဖြစ်၍ ဇန်န၀ါရီလ
၃၁ ရက်နေ့က ရန်ကုန်မြို့၌ နှစ်ဖက်သဘောတူလက်မှတ် ရေးထိုးခဲ့ကြသည်။

ကုမ္ပဏီတွင် ဒါရိုက်တာအဖွဲ့ဝင်များအဖြစ် မြန်မာ့သင်္ဘောကျင်းမှ လေးဦးနှင့် ဗီယက်နမ်ကုမ္ပဏီမှ
သုံးဦး စုစုပေါင်း ခုနှစ်ဦး ပါဝင်ဆောင်ရွက်မည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း