နိုင်ငံရေး ဆွေးနွေးပွဲများမတိုင်မီ ဖက်ဒရယ်အခြေခံမူကို သဘောတူညီမှု ရရှိရန် တိုင်းရင်းသားအဖွဲ့တချို့ လိုလား

တိုင်းရင်းသား လက်နက်ကိုင်အဖွဲ့အစည်း အချို့သည် ဖက်ဒရယ်ပြည်ထောင်စု ဖွဲ့စည်းမှုဆိုင်ရာ
အခြေခံမူနှင့် ပတ်သက်၍ နိုင်ငံရေး ဆွေးနွေးပွဲ မတိုင်မီ အစိုးရထံမှ အာမခံချက် ရယူလိုကြောင်း
ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (ယူအင်န်အက်ဖ်စီ) အဖွဲ့ဝင်များက
ပြောသည်။

ယူအင်န်အက်ဖ်စီသည် ကချင်လွတ်မြောက်ရေးအဖွဲ့(ကေအိုင်အို) အပါအ၀င် တိုင်းရင်းသား
လက်နက်ကိုင်အဖွဲ့ ကိုးဖွဲ့ စုဖွဲ့ထားသော အဖွဲ့ဖြစ်ပြီး အဖွဲ့ဝင်အားလုံးသည် တိုင်းရင်းသား
လက်နက်ကိုင်အဖွဲ့ ၁၆ ဖွဲ့၏ ကိုယ်စားလှယ်များ ပါဝင်သည့် တစ်နိုင်ငံလုံး အပစ်အခတ်
ရပ်စဲရေးစာချုပ် ညှိနှိုင်းရေး အဖွဲ့(အင်န်စီစီတီ) တွင် ပါဝင်သည်။

သို့သော် ယူအင်န်အက်ဖ်စီ အမှုဆောင်အဖွဲ့သည် အများအားဖြင့် အင်န်စီစီတီ
ကိုယ်စားလှယ်များထက် သက်ဆိုင်ရာ အဖွဲ့အစည်းအတွင်း ရာထူးကြီး၍ မူဝါဒဆိုင်ရာ
အဆုံးအဖြတ် ပေးသူများ ပါဝင်သည်။

တိုင်းရင်းသားလက်နက်ကိုင် အဖွဲ့အချို့ သည် နိုင်ငံဖွဲ့စည်းမှုကို လက်ရှိ ဗမာအများစု ရှိသည့်
နယ်မြေတွင် တိုင်းဒေသကြီးနှင့် ကျန် ဧရိယာတွင် တိုင်းရင်းသားလူမျိုးအလိုက် စုဖွဲ့သည့်
ပြည်နယ်ပုံစံမှ နယ်မြေအားလုံးတွင် တိုင်းရင်းသားလူမျိုးများ၏ တည်ရှိမှုအပေါ် အလားတူ
အခြေခံစုဖွဲ့သည့် ပြည်နယ်များအဖြစ် ဖွဲ့စည်းစေမည့် အာမခံချက် ရရှိလိုကြောင်း ယူအင်န်အက်ဖ်စီ
အထွေထွေ အတွင်းရေးမှူးနှင့် ကရင်နီအမျိုးသား တိုးတက်ရေးပါတီ ဒုတိယ ဥက္ကဋ္ဌ ခူဦးရယ်က
ပြောသည်။

ယူအင်န်အက်ဖ်စီသည် ပြည်ထောင်စုနေ့ ကတိက၀တ်တစ်ရပ်ကို လက်မှတ်ရေးထိုးရန် ဇန်န၀ါရီ၌
ကနဦး အဆိုပြုခဲ့ပြီး တပ်မတော် အပါအ၀င် အစိုးရ တစ်ရပ်လုံးနှင့် ကရင်အမျိုး သားအစည်းအရုံး
(ကေအင်န်ယူ) အပါအ၀င် လက်ရှိ တိုင်းရင်းသားအဖွဲ့ လေးဖွဲ့ လက်မှတ်ရေးထိုးသည့်
ကတိပြုချက်တွင်မူ အဆိုပါ အခြေခံမူ မပါဝင်သည့်အတွက် လက်မှတ် မရေးထိုးခြင်းဖြစ်ကြောင်း
၎င်းက ပြောသည်။

ယူအင်န်အက်ဖ်စီ၏ လက်ရှိ ဥက္ကဋ္ဌဖြစ်သည့် ကေအိုင်အိုဥက္ကဋ္ဌ ဗိုလ်ချုပ်ကြီး အင်န်ဘန်လသည်
ဇန်န၀ါရီလ ၁၈ ရက်တွင် နိုင်ငံတော် သမ္မတထံ ကတိက၀တ် ပြုရန် စတင် ကမ်းလှမ်းပြီးနောက်
ဖေဖော်ဝါရီလ ၅ ရက်နှင့် ၆ ရက်တွင် ထိုင်းနိုင်ငံ၊ ချင်းမိုင်၌ ပြုလုပ်သည့် ဆွေးနွေးပွဲတွင် အဆိုပြု
မူကြမ်းများ လဲလှယ်ခဲ့သည်။

ယင်းနောက် မူကြမ်းအပေါ် ထပ်မံဆွေးနွေးခွင့်မရကြောင်း ၎င်းအဖွဲ့က ဖေဖော်ဝါရီလ ၁၁ ရက်တွင်
ကြေညာချက် ထုတ်ပြန်ခဲ့သည်။

ကြေညာချက်တွင် ယူအင်န်အက်ဖ်စီ၏ အဆိုပြုမူအဖြစ် "ပြည်ထောင်စုသမ္မတ မြန်မာနိုင်ငံကို
ဒီမိုကရေစီအရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများ အာမခံချက်
အပြည့်အ၀ရှိသည့် 'အမျိုးသား ပြည်နယ်များ'ကို အခြေခံ၍ စစ်မှန်သော ဖက်ဒရယ် ပြည်ထောင်စု
တည်ဆောက်ရန် သဘောတူကြသည်။

အဆိုပါ သဘောတူညီမှုနှင့်အညီ တစ်နိုင်ငံလုံး အပစ်အခတ်ရပ်စဲရေး သဘောတူညီချက်ကို
ဆက်လက် အကောင်အထည်ဖော် ကြိုးပမ်းသွားကြရန် အခိုင်အမာ သန္နိဋ္ဌာန်ပြုကြပါသည်"ဟု
ဖော်ပြထားသည်။

ပြည်ထောင်စုနေ့တွင် ပြုလုပ်သည့် ငြိမ်းချမ်းရေးနှင့် အမျိုးသားပြန်လည်သင့် မြတ်ရေးဆိုင်ရာ
ကတိပြုချက်တွင် "နိုင်ငံသား အားလုံး၏ လွတ်လပ်မှု၊ အမျိုးသား တန်းတူညီမျှမှု၊ တရားမျှတမှုနှင့်
ကိုယ်ပိုင်ပြဋ္ဌာန်းခွင့်တို့ ပါဝင်သည့် ဒီမိုကရေစီနှင့် ဖက်ဒရယ်စနစ်တို့ကို အခြေခံသော
ပြည်ထောင်စုကို နိုင်ငံရေး ဆွေးနွေးပွဲ ရလဒ်များနှင့်အညီ တည်ဆောက်သွားရန်"ဟု
ထည့်သွင်းထားသည်။

"ကျွန်တော်တို့က ဘာဘယ်လို ပြည်နယ် ဖြစ်ရမယ် အတိအကျကြီး တောင်းဆိုတာ မဟုတ်ပါဘူး။
အခု ပြည်နယ်တွေကလည်း အမျိုးသားပြည်နယ် ပုံစံပေါ့။ တိုင်းဒေသကြီး ဖွဲ့ထားတာတွေကိုတော့
လက်မခံနိုင်ဘူး။ ဗမာပြည်နယ်ဖွဲ့ရင် အကြီးကြီး ဖြစ်သွားမလားဆိုတာက အခုတိုင်းဒေသကြီး
တွေမှာ ဗမာ တင်နေတာ မဟုတ်ဘူး၊ တခြား တိုင်းရင်းသားတွေလည်း အများကြီးနေတယ်။
ဧရာဝတီမှာ ရော၊ တနင်္သာရီမှာရော၊ ပဲခူး၊ စစ်ကိုင်း၊ ရန်ကုန်၊ မန္တလေးမှာရော တိုင်းရင်းသားတွေ
အများကြီးနေတယ်။ ဒီတိုင်းဒေသကြီးတွေဟာ အမျိုးသားများ ပြည်နယ်တွေဆိုရင်လည်း
ကျွန်တော်တို့က ဖြစ်တယ်။ အဲဒီမှာ နေထိုင်တဲ့ တိုင်းရင်းသားလူမျိုးတွေရဲ့ ဆန္ဒအတိုင်းပါပဲ။
အမျိုးသားများ ပြည်နယ်အဖြစ်ကို ဘယ်နှခု ဆုံးဖြတ်မလဲဆိုတာ နိုင်ငံရေးဆွေးနွေးပွဲက
ဆုံးဖြတ်မှာပါ" ဟု ခူဦးရယ် က ပြောသည်။

အဆိုပါ ဖက်ဒရယ်ပြည်ထောင်စု ဖွဲ့စည်းမှုဆိုင်ရာ အခြေခံမူကို တစ်နိုင်ငံလုံး အပစ်အခတ်ရပ်စဲရေး
စာချုပ်တွင်လည်း ဆွေးနွေးလျက်ရှိရာ နိုင်ငံဖွဲ့စည်းမှုနှင့် ပတ်သက်၍ နိုင်ငံတော်သမ္မတနှင့်
တိုင်းရင်းသားခေါင်းဆောင်များအကြား ယုံကြည်မှု ပိုမိုခိုင်မာစေရန်နှင့် စာချုပ် မနှောင့်နှေးစေရန်
အတွက် ကတိပြုချက်အဖြစ် ထားရှိရန် ကြိုးပမ်းခြင်းဖြစ်ကြောင်း၊ ၎င်းမူနှင့် အပစ်အခတ်ရပ်စဲရေး
အပေါ် ယူအင်န်အက်ဖ်စီက ကတိပြုရန် အလုံးစုံ ဆန္ဒပြုကြောင်း ကြေညာချက်တွင်
ဖော်ပြထားသည်။

"သမ္မတကြီးကလည်း ဖက်ဒရယ်ပြည်ထောင်စု တည်ဆောက်ရေးဆိုတဲ့ နိုင်ငံရေး
သဘောတူညီချက်ကို ခိုင်မာစွာ ရရှိထားပြီး ဖြစ်ပါတယ်လို့ လစဉ်မိန့်ခွန်းမှာ ပြောတဲ့အတွက်
NCA စာချုပ် မြန်သွားအောင် ဒီ တစ်ချက်ကို ဖြတ်လိုက်ချင်တဲ့အတွက် ကတိက၀တ်
လက်မှတ်ထိုးဖို့ အဆိုပြုခဲ့တယ်။ ဒါပေမဲ့ နိုင်ငံရေး ဆွေးနွေးပွဲရလဒ်နဲ့ တည်ဆောက်မယ်ဆိုတာက
မရေရာဘူး၊ သိပ်မထူးဘူး။ အပေါ်ယံသဘော ဖြစ်နေတယ်။ အချက်အလက်နဲ့ သဘောတူတာမျိုး
ဖြစ်စေချင်တယ်"ဟု ယူအင်န်အက်ဖ်စီ ဒုတိယဥက္ကဋ္ဌနှင့် အင်န်စီစီ တီဥက္ကဋ္ဌ ဦးနိုင်ဟံသာက
ပြောသည်။

နိုင်ငံဖွဲ့စည်းမှုဆိုင်ရာ အဆိုပါအခြေခံ မူသည် နိုင်ငံအတွင်း တိုင်းရင်းသားလူမျိုးများ၏ တည်ရှိမှုနှင့်
တန်းတူညီမှုကို ပိုမိုထင် ဟပ်သည်ဟု ယူဆကြောင်းနှင့် ကတိက၀တ် အားဖြင့်ဖြစ်စေ၊
တစ်နိုင်ငံလုံးဆိုင်ရာ အပစ်အခတ် ရပ်စဲရေးစာချုပ်တွင်ဖြစ်စေ ထည့်သွင်းလိုကြောင်း ၎င်းက
ပြောသည်။

"တိုင်းရင်းသားအဖွဲ့တွေက နိုင်ငံရေးဆွေးနွေးပွဲ မတိုင်ခင် အပစ်အခတ်ရပ်စဲရေး စာချုပ်မှာပဲ
အစိုးရဆီက နိုင်ငံရေးအာမခံချက် တစ်ခုခု လိုချင်တယ်။ အစိုးရကလည်း နိုင်ငံရေးဆွေးနွေးပွဲမှ
ဆွေးနွေးရမယ့်ကိစ္စတွေကို ဘာဖြစ်လို့ ချည်တုပ်ပြီး တောင်းနေသလဲလို့ ယူဆတယ်"ဟု
မြန်မာနိုင်ငံငြိမ်းချမ်းရေး ပြန်လည် ထူထောင်ရေး ဗဟိုဌာန (အမ်ပီစီ) မှ ညွန်ကြားရေးမှူး
ဒေါက်တာမင်းဇော်ဦးက ပြောသည်။

၎င်းမူကို နိုင်ငံရေးဆွေးနွေးပွဲတွင် ဆွေးနွေး အဆုံးအဖြတ်ယူရန် ယုံကြည်မှုအားနည်းကြောင်း
ယူအင်န်အက်ဖ်စီ ခေါင်းဆောင်များက ပြောသည်။

နိုင်ငံရေး ဆွေးနွေးပွဲကို အပစ်အခတ်ရပ်စဲရေး ချုပ်ဆိုပြီးနောက် ၂၀၁၅ ရွေးကောက်ပွဲ မတိုင်မီ
ပဏာမ ဆွေးနွေးပွဲများ စတင်ရန် ကတိပြုချက်တွင် ဖော်ပြထားသည်။

"ဒါကို နိုင်ငံရေးဆွေးနွေးပွဲမှာ ဆွေးနွေးလို့ မရဘူးလားဆိုတော့ တိုင်းရင်းသားအားလုံး
တညီတညွတ်တည်း ရပ်တည်တာမျိုး လိုလားပါတယ်။ အခု အစိုးရက စာအုပ်ဖွင့်ထားတယ်၊
တစ်ဖွဲ့စီ လာလက်မှတ်ထိုးဆိုတာ ရိုးသားတဲ့ မူဝါဒလို့ မယူဆဘူး။ လက်မှတ်ထိုးထားတဲ့
အဖွဲ့တွေကို ဘာမှ မပြောလိုပါဘူး။ ကိုယ့် ဆုံးဖြတ်ချက်နဲ့ ကိုယ်ပါပဲ"ဟု ခူဦးရယ်က ပြောသည်။

"နိုင်ငံရေးဆွေးနွေးပွဲအပေါ် ယုံကြည်မှု မရှိတာ မဟုတ်ဘူး။ နိုင်ငံရေးဆွေးနွေးပွဲက လုပ်ရမှာပဲ။
ကျွန်တော်တို့ တိုင်းရင်းသား လက်နက်ကိုင် အဖွဲ့အားလုံးက ခွဲထွက်ဖို့ တိုက်နေတာလည်း
မဟုတ်ဘူး။ တို့တာဝန် အရေးသုံးပါးကို ကျွန်တော်တို့ လက်ခံပြီးသားပဲ။ နိုင်ငံက ခွဲမထွက်ဘူး
ဆိုတဲ့ စာသားကိုလည်း လိုအပ်ရင် ထည့်သွင်းသွားမှာပါ။ တချို့က အခု နိုင်ငံတည်ဆောက်ပုံ
ကိုလည်း ဖက်ဒရယ်ပဲလို့ ပြောကြတာ ရှိတယ်လေ။ နိုင်ငံရေးဆွေးနွေးပွဲက လက်ရှိ
တည်ဆောက်ပုံကို အတည်ပြု လိုက်တာမျိုး ဖြစ်သွားနိုင်တာပေါ့။ ဒါကြောင့် (ဒီမူကို) အာမခံချက်
ရှိစေချင်တယ်။ ဒါကို အကောင်အထည်ဖော်မယ့် ပုံစံက နိုင်ငံရေး ဆွေးနွေးပွဲမှာ ပါလာမှာပါ"ဟု
ဦးနိုင်ဟံသာက ပြောသည်။

ယူအင်န်အက်ဖ်စီ၏ အဆိုပါ ရပ်တည်ချက်နှင့် ပတ်သက်၍ မှတ်ချက် မပြုလိုကြောင်း
ပြည်ထောင်စုနေ့ ကတိက၀တ်တွင် လက်မှတ် ရေးထိုးခဲ့သည့် ကေအင်န်ယူ ဗဟိုကော်မတီဝင်
ပဒိုကွယ်ထူးဝင်းက ပြောသည်။

"ဒီဟာက ကတိက၀တ်လို့ ပြောတာ။ ဖက်ဒရယ် ပြည်ထောင်စုကို အကောင်အထည်ဖော်မယ်၊
နိုင်ငံရေးဆွေးနွေးပွဲနဲ့ တစ်ပြည်လုံး အပစ်အခတ်ရပ်စဲရေး NCA ကို ရအောင် လုပ်မယ်လို့
ကတိပြုတာ။ ဒီလို ကတိပြုတယ်ဆိုတော့ ပိုလုံလောက်တာပေါ့"ဟု ၎င်းက ပြောသည်။

ကေအင်န်ယူသည် နိုင်ငံရေးမူဝါဒများ အောင်မြင်ရန်အတွက် နိုင်ငံရေးလုပ်နည်း လုပ်ဟန်ဖြင့်
သွေးမထွက်သည့် တိုက်ပွဲ ဖြစ်ပေါ်ရေး ဦးတည်ဆောင်ရွက်လျက်ရှိပြီး ကတိက၀တ်ကို
အဆိုပါမူဖြင့် လက်မှတ်ရေး ထိုးကြောင်း ရန်ကုန်မြို့တွင် ဖေဖော်ဝါရီလ ၁၅ ရက်က ပြုလုပ်သည့်
ကတိက၀တ်နှင့် ပတ်သက်သည့်ရှင်းလင်းပွဲတွင် ကေအင်န်ယူ ဥက္ကဋ္ဌ မူတူးစေးဖိုး က ပြောသည်။

ပြည်ထောင်စုနေ့ အခမ်းအနားသို့ တက်ရောက်ခဲ့သော်လည်း ကတိပြုချက်တွင်
လက်မှတ်မရေးထိုးသေးသည့် တိုင်းရင်းသား အဖွဲ့အစည်းများသည် အဆိုပါမူနှင့် ပတ်သက်၍
ယူအင်န်အက်ဖ်စီအနေဖြင့် လက်မှတ်ရေးထိုးရန် ဆက်လက်ညှိနှိုင်းမည် မဟုတ်ဘဲ
အင်န်စီစီတီအားဖြင့် အပစ်အခတ်ရပ်စဲ ရေးစာချုပ်တွင် ထည့်သွင်းရန် ဆက်လက် ညှိနှိုင်းမည်ဟု
ဦးနိုင်ဟံသာက ပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း