ကရင်နှင့် မွန်ပြည်နယ်တွင် ကျေးလက်အခြေပြု သက်မွေးဝမ်းကျောင်းအတွက် ဆွစ်ဇာလန်က ထောက်ပံ့မည်

ကရင်နှင့် မွန်ပြည်နယ်ရှိ မြိုနယ်နှင့် ကျေးရွာများတွင် ကျေးလက်အခြေပြု အသက်မွေး
ပညာသင်တန်းများ အကောင်အထည်ဖော် ဆောင်ရွက်နိုင်ရန် ဆွစ်ဇာလန်နိုင်ငံက
ထောက်ပံ့ပေးသွားမည်ဖြစ်သည်။

သင်တန်းများသည် မြန်မာနိုင်ငံလုပ်သားများ ကျွမ်းကျင်မှုစံ ပြဋ္ဌာန်းရေးအဖွဲ့က ထုတ်ပြန်ထားသော
ကျွမ်းကျင်မှုစံများကို အခြေခံသော လက်တွေ့သင်တန်းများဖြစ်၍ ကာလတို သုံးလသင်တန်းများ
ဖြစ်သည်။

ဆရာ အတတ်သင် သင်တန်းများကို ရှေးဦးစွာပို့ချ ပေးပြီး ဒေသအတွင်း သင်တန်းနည်းပြဆရာ၊
ဆရာမ အယောက် ၂၀၀ ကို လေ့ကျင့်ပေး၍ ၎င်းသင်တန်းဆရာများမှတစ်ဆင့် တစ်ပြည်နယ်တွင်
သင်တန်းသား ၁,၅၀၀ ဦးဖြင့် သင်တန်းသားပေါင်း ၃,၀၀၀ ကို ဆက်လက်သင်တန်းပို့ချပေးမည်ဟု
စီမံကိန်းတာဝန်ခံ Ms Sabine Roth က ပြောသည်။

"သက်မွေးပညာ သင်တန်းကျောင်းတွေကို အခြားနိုင်ငံတွေမှာ အမျိုးသားတွေက အများဆုံး
တက်ရောက်ခွင့်ရှိပြီး အမျိုးသမီးတွေက အခွင့်အရေးနည်းတယ်။ ဒါပေမဲ့ ဒီနိုင်ငံမှာတော့
အမျိုးသားရော၊ အမျိုးသမီးပါ မျှတစွာ တက်ရောက်နိုင်ဖို့ စီစဉ်ထားပါတယ်။ ရှေးပြေးစမ်းသပ်
အစီအစဉ်အရ အိမ်တွင်းလျှပ်စစ် တပ်ဆင်ခြင်း၊ အလှဖန်တီးရှင်နှင့် ကျေးရွာအဆင့် နည်းပညာ
သင်တန်းများကို ဦးစွာ ပို့ချပေးသွားမည်။ ၎င်းရလဒ်များအပေါ် မူတည်၍ စက်ချုပ်သင်တန်းနှင့်
မိုဘိုင်းဖုန်းပြုပြင်ခြင်းသင်တန်းများကို တိုးချဲ့သွားမှာပါ" ဟု ၎င်းက ပြောသည်။

ရှေ့ပြေးသင်တန်းအဖြစ် ကရင်ပြည်နယ်၊ ဘားအံမြိုတွင် သင်တန်းသုံးမျိုးကို သင်တန်းသား ၆၀ ကို
ပို့ချပေးမည်ဖြစ်သည်။

၎င်း၏ ရလဒ်များအပေါ်မူတည်၍ သင်တန်းအမျိုးအစားနှင့် မြို့နယ်များကို တိုးချဲ့သွားမည်ဖြစ်ကာ
စီမံကိန်းကာလ ပြီးဆုံးပါက မြို့နယ် အခြေပြုသက်မွေးပညာသင်တန်းက သင်တန်းသား ၇၂၀ ကို
မွေးထုတ်ပေးနိုင်မည်ဖြစ်သည်။

အလုပ်အကိုင်နှင့် အသက်မွေးဝမ်းကျောင်း ကဏ္ဍ ဖွံဖြိုးတိုးတက်ရေးအတွက် အသက်မွေး
ဝမ်းကျောင်း ကျွမ်းကျင်မှုအတတ်ပညာဖွံ့ဖြိုးမှု အစီအစဉ်ကို အကောင်အထည်ဖော်ရန်
ဆွစ်ဇာလန်က အမေရိကန်ဒေါ်လာသန်း ၂၀ ခန့် ထောက်ပံ့ပေးသွားမည်ဟု ၎င်းအစီအစဉ်၏
ညွှန်ကြားရေးမှူး မစ္စတာမိုက်ကယ် မက်သရူးဂျင်က ပြောသည်။

"သက်မွေးသင်တန်းတတ်ရောက်ဖို့ အခွင့်အရေးတွေကို လက်လှမ်းမမီတဲ့ အမျိုးသား၊
အမျိုးသမီးတွေရဲ့ အလုပ်အကိုင် ရရှိရေးအတွက် ရည်ရွယ်ပါတယ်။ ဈေးကွက် လိုအပ်ချက်နဲ့
ကိုက်ညီတဲ့ သက်မွေးဝမ်းကျောင်းသင်တန်းတွေကို ပို့ချပေးသွားမှာပါ" ဟု ၎င်းက အဆိုပါ
ထောက်ပံ့ပေးမှုအစီအစဉ် မိတ်ဆက်ခြင်းအခမ်းအနား၌ ပြောသည်။

ဆွစ်အစီအစဉ်အရ ပို့ချမည့် သင်တန်းများကို ပြည်တွင်းရှိ သင်တန်းကျောင်းများ၊
သင်တန်းဆရာများနှင့် ပူးပေါင်းလုပ်ဆောင်ခြင်းဖြင့် အကောင်အထည်ဖော်သွားမည် ဖြစ်သည်။

သင်တန်းကျောင်းဟုဆိုရာတွင် တက္ကသိုလ်၊ ကောလိပ်အဆင့်သာမက ကုမ္ပဏီများ၊ ဟိုတယ်များ
အပါအ၀င် အဖွဲ့အစည်းများ အားလုံး ပါဝင်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း