အထက်တန်း အခမဲ့ပညာရေးစနစ် ယခုနှစ် ကျောင်းဖွင့်ရာသီ စတင်မည်

အခြေခံပညာ အထက်တန်း အခမဲ့ပညာရေးစနစ်ကို ၂၀၁၅ - ၁၆ ပညာသင်နှစ်ကျောင်းဖွင့်
ရာသီတွင် စတင်ကျင့်သုံးတော့မည်ဖြစ်ကြောင်း ပညာရေးဝန်ကြီးဌာနမှ တာဝန်ရှိသူ တစ်ဦးက
ပြောကြားသွားသည်။

မြန်မာနိုင်ငံတွင် အခမဲ့ပညာရေးစနစ်ကို အခြေခံပညာ မူလတန်းနှင့် အလယ်တန်းတို့ကိုသာ
ကျင့်သုံးခဲ့သော်လည်း ယခုနှစ်ကျောင်း ဖွင့်ချိန်မှ စတင်၍ အထက်တန်းအဆင့်ကိုပါ အခမဲ့အဖြစ်
ပြောင်းလဲမည်ဖြစ်သည်။

လက်ရှိတွင် အကောင်အထည်ဖော်ဆောင်ရွက်ပေးလျက်ရှိသည့် အခမဲ့ပညာရေးစနစ်ဆိုသည်မှာ
ကျောင်းလခအပါအ၀င်ကျောင်း သုံးဖတ်စာအုပ်၊ စာရေးကိရိယာနှင့် မိဘဆရာအသင်းကြေး၊
အားကစားကြေး စသည့်တို့ကို အခမဲ့ကင်းလွတ်ခွင့်ပေးခြင်းဖြစ်ပြီး ကျောင်းသား ကျောင်းသူ
တစ်ဦးချင်းစီအတွက် ကျပ် ၁,၀၀၀ နှင့် ဗလာစာအုပ် ခြောက်အုပ်စီတို့ကိုလည်း အခြေခံပညာ
မူလတန်းနှင့် အလယ်တန်း၌ ထောက်ပံ့ပေးသည်။

"အခြေခံပညာကဏ္ဍမှာ အခမဲ့ပညာရေးစနစ်ကို အတန်းအားလုံးကိုတစ်ပြိုင်နက်တည်း ဒီနှစ်မှာ
အကောင်အထည်ဖော် ဆောင်ရွက်သွားမှာပါ။ အခမဲ့ပညာရေးစနစ်က မူလတန်း၊ အလယ်တန်းနဲ့
အထက်တန်း အဆင့်အားလုံးအတွက် အကျုံးဝင်သွားတော့မှာပါ။ အခုဒီနှစ်ကစပြီး
မူလတန်းကလေးတွေအတွက်လည်း ကျောင်းဝတ်စုံတွေ အခမဲ့ ပေးအပ်ဖို့ စီစဉ်ဆောင်ရွက်
ထားပါတယ်" ဟု ပညာရေး ၀န်ကြီးဌာန၊ အခြေခံပညာဦးစီးဌာနမှ ညွှန်ကြားရေးမှူးတစ်ဦးက
ပြောသည်။

မူလတန်းအခမဲ့ပညာရေးစနစ်ကို ၂၀၁၂ - ၁၃ ပညာသင်နှစ်မှစတင်ခါ ပြောင်းလဲခဲ့ပြီး အလယ်တန်း
အခမဲ့ပညာရေးစနစ်ကို ၂၀၁၄ - ၁၅ ပညာသင်နှစ်တွင် စတင်ဆောင်ရွက်ခဲ့သည်။

အထက်တန်းအခမဲ့ ပညာရေးတွင်လည်း ကျောင်းအပ်နှံရာတွင် ကုန်ကျမည့် စရိတ်များ
ကင်းလွတ်ခွင့် ရရှိမည်ဖြစ်သည်။

အခြေခံပညာ အထက်တန်းအဆင့်တွင် ကျောင်းသား ခုနစ်သိန်းကျော်ရှိပြီး အလယ်တန်း
အဆင့်တွင်မူ ကျောင်းသားဦးရေ ၂ ဒသမ ၅ သန်းကျော်ရှိကြောင်း ပညာရေးစီမံကိန်းနှင့်
လေ့ကျင့်ရေးဦးစီးဌာန၏ စာရင်းထုတ်ပြန်ချက်အရ သိရသည်။

ပြီးခဲ့သည့်ပညာသင်နှစ်တွင် အလယ်တန်းအခမဲ့ပညာရေးအတွက် ကျပ် ခုနစ်ဘီလျံကျော်
အသုံးပြုခဲ့ပြီး ယခုနှစ် အထက်တန်းအခမဲ့ပညာရေးအတွက်လည်း ကျပ် ငါးဘီလျံ နှင့်အထက်
အသုံးပြုရန် လျာထားသည်။

အခြေခံပညာအတန်း အားလုံးအခမဲ့ပညာရေး ဖြစ်လာသော်လည်း ကျောင်းသား မိဘများအတွက်
ပြင်ပကုန်ကျစရိတ်အများအပြား ရှိနေဦးမည်ဖြစ်သည်။

စာသင်ခန်း ပြင်ပရှိ ကျူရှင်လခများ၊ ပညာရေးလမ်းညွှန် (ဂိုက်) ငှားရမ်းခများ၊ ကျောင်းကား
ဖယ်ရီခများ စသည့် အခြားစရိတ်များ ပေးနေရသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း