၂၀၁၅ ရွေးကောက်ပွဲမှာ ကြိုတင်မဲ ဘယ်လိုပေးမလဲ၊ ဘယ်သူတွေပေးခွင့်ရှိလဲ

ယခုနှစ်ကုန်ပိုင်းတွင် ကျင်းပတော့မည့် အထွေထွေရွေးကောက်ပွဲတွင် ကျင့်သုံးမည့် ကြိုတင်မဲနှင့်
ကြိုတင်မဲပေးခွင့် ရှိသူများအကြောင်းကို မြန်မာ့သတင်းစဉ်(ပြည်တွင်း)က ပြည်ထောင်စု
ရွေးကောက်ပွဲကော်မရှင်၏ ညွှန်ကြားရေးမှူး ဦးသောင်းလှိုင်နှင့် တွေ့ဆုံမေးမြန်းထားသည်ကို
ပြန်လည်ဖော်ပြပေးလိုက်ပါသည်။

*၂၀၁၀ ရွေးကောက်ပွဲ၊ ၂၀၁၂ ကြားဖြတ် ရွေးကောက်ပွဲတွေမှာ ကြိုတင်မဲနဲ့
ပတ်သက်ပြီး
အားနည်းချက်တွေ ရှိခဲ့မယ်ထင်ပါတယ်။ ၂၀၁၅ ရွေးကောက်ပွဲမှာ
ယခင်ရွေးကောက်ပွဲတွေက
အားနည်းမှုတွေကို အတွေ့အကြုံယူပြီး
ဘယ်လိုပြင်ဆင်ထားပါသလဲ ဆရာ။

အဓိကကတော့ ကြိုတင်မဲပေါ့။ ၂၀၁၀ က တော့ဒီဘက်မှာ ပထမဆုံးအကြိမ်ကျင်းပတဲ့
အထွေထွေရွေးကောက်ပွဲ ဖြစ်တဲ့အတွက် မဲပေးခြင်းစနစ်နဲ့ပတ်သက်လို့ရော၊ ဥပဒေပြုမှုနဲ့
ပတ်သက်ပြီးတော့ရော၊ လုပ်ငန်းလမ်းညွှန်နဲ့ ပတ်သက်ပြီးတော့ရော အသိပညာပေးမူနဲ့
ကော်မရှင်အဖွဲ့ခွဲ အဆင့်ဆင့်မှာပါ အားနည်းတယ်။

ပါတီတွေမှာလည်း အားနည်းတယ်။ နောက်ဆုံးမဲဆန္ဒရှင်တွေအထိ အားနည်းတယ်။
အဲဒီအခါကျတော့ အချို့ကိစ္စတွေမှာ သို့ လောသို့လော အထင်လွဲစရာလည်း ရှိတယ်။
တချို့ကလည်း လုပ်မှားကိုင်မှားတွေရှိခဲ့တယ်။ အဲဒီတော့ ကျွန်တော်တို့က ၂၀၁၀၊ ၂၀၁၂ ရဲ့
ရွေးကောက်ပွဲ အတွေ့အကြုံ (အဓိကကတော့ ၂၀၁၀ ရဲ့ အတွေ့အကြုံ)ကိုယူပြီး ဘာကိုပြုပြင်သလဲ
ဆိုတော့ ကြိုတင်မဲနဲ့ ပတ်သက်ပြီး အဓိကပြုပြင်တယ်။

ပြုပြင်တာက ကြိုတင်မဲကို ယခင်ရွေးကောက်ပွဲတုန်းက ဘယ်လိုလူမျိုးတွေပေးသွားသလဲ၊
ဘယ်နှယောက် ပေးသွားသလဲဆိုတာကို မသိရဘူး။ မသိတော့ ကျွန်တော်တို့က ရပ်ကွက်။
ကျေးရွာ အုပ်စုကပေးတဲ့ ကြိုတင်မဲကို ပုံစံ ၁၃ နဲ့ လုပ်တယ်။ အဲဒီလို ပုံစံ ၁၃ နဲ့ လုပ်တဲ့အတွက်
ကြိုတင်မဲတွေကို ဘယ်သူတွေပေးတယ်ဆိုတာ စာရင်းမှာ အတိအကျ ပေါ်မယ်။

အရင်တုန်းက ပိတ်ထားတဲ့ စာအိတ်တွေနဲ့ ပုံစံ ၁၃ ကို သွားပေးတယ်။ အခုကျတော့ အဲ့ဒီလို
မဟုတ်တော့ဘူး။ ကြိုတင်မဲပုံး ထားမယ်။ ကြိုတင်မဲပုံးတွေကို မဲရုံအလိုက် နေရာအားလုံးမှာ
ထားပေးမယ်။

အဲဒီကြိုတင် မဲပုံးတွေကို ရွေးကောက်ပွဲ ကျင်းပတဲ့နေ့ နံနက် ၆ နာရီ မတိုင်မီ သက်ဆိုင်ရာ မဲရုံကို
ပို့ပေးရမယ်။

အရင်တုန်းက မဲစာအိတ်ဆိုတော့ ထပ်ထည့်လို့ရတယ်။ အခုက ချိပ်ပိတ်ထားတဲ့ ကြိုတင်မဲပုံး
ဆိုတော့ ထပ်ထည့်လို့လည်း မရဘူး။ နောက် ကြိုတင် မဲပေးသူတွေရဲ့ စာရင်းလည်းပါတဲ့အတွက်
လိမ်လို့လည်း မရဘူး။ နှစ်ခါထပ်ပေးလို့လည်း မရဘူး။ မဲရုံမဖွင့်မီ ကြိုတင်မဲပုံးကို လာပေး
ထားရမယ်။ မဲရုံပိတ်ပြီ၊ မဲတွေကို စတင်ရေတွက်မယ်ဆိုရင်လည်း ကြိုတင်မဲကို စတင် ရေတွက်
ရမယ်။ ဒီလောက်ထိ ကြိုတင်မဲနဲ့ ပတ်သက်ပြီး ကျွန်တော်တို့ သေသေချာချာ ပြင်ထားပါတယ်။

*ရပ်/ကျေး ကြိုတင်မဲကို ပုံစံ ၁၃ နဲ့စာရင်း ပြုစုတာတော့ ဟုတ်ပါပြီဆရာ။ ဘယ်အချိန်မှာ
ကြိုတင်မဲ စတင်ပေးလို့ရမလဲ။ ကြိုတင်မဲပေးရာမှာလည်း ပွင့်လင်း မြင်သာမှုရှိဖို့အတွက်
ဘယ်လိုလုပ်ဆောင်ထားလဲ။

ရပ်ကွက်/ကျေးရွာအုပ်စုက ပေးမယ့် ကြိုတင်မဲအတွက် ရပ်ကွက်ကော်မရှင်က ပုံစံ ၁၃ နဲ့
စာရင်းပြုစုရတာ၊ ပေးတိုင်းပေးတိုင်းမှာလည်း ကာယကံရှင်ကိုယ်တိုင် ထည့်တာရှိတယ်။
ရပ်ကွက်ကော်မရှင် အဖွဲ့ခွဲက သွားယူပြီး ထည့်ပေးရတာလည်း ရှိတယ်။ အဖွဲ့ခွဲက သွားယူရတဲ့
ကြိုတင်မဲကို ပါတီကိုယ် စားလှယ်တွေ၊ လေ့လာစောင့် ကြည့်သူတွေပါ စောင့်ကြည့်နိုင်ပါတယ်။

ကြိုတင်မဲပုံးကိုလည်း စပြီးမဖွင့်ခင်ကတည်းက မဲရုံ ကိုယ်စားလှယ်တွေ၊ ပါတီကိုယ်စားလှယ်တွေ
နောက်ဆုံး လိုအပ်ရင် စောင့်ကြည့်လေ့လာသူတွေကိုပါ ပြသပြီးလုပ်မှာ။

ဒီတော့ ကြိုတင်မဲဟာ လျော့သွားစရာလည်း မရှိဘူး။ ကျော်သွားစရာလည်း မရှိဘူးပေါ့။

ကြိုတင်မဲနဲ့ ပတ်သက်တဲ့ ပုံစံ ၁၃ ကိုလည်း ကျွန်တော်တို့က လေးစုံ ပြုစုရတယ်။
မဲရုံမှူးကိုယ်တိုင်ကလည်း အဲဒီလေးစုံလုံးမှာ လက်မှတ်ထိုးရမယ်။

ပထမဆုံး ရပ်ကွက်/ကျေးရွာ အုပ်ချုပ်ရေးမှူးက လက်မှတ်အရင်ထိုးပေးရတာပေါ့။ နှစ်စုံကို
ပြန်ပေးတယ်။ တစ်စုံကို မှတ်တမ်းအနေနဲ့ ထားတယ်။ တစ်စုံကိုတော့ ရပ်ကွက်ရုံးမှာ ကပ်ကို
ကပ်ရတယ်။

အဲ့ဒီလို ရပ်ကွက်ရုံးမှာ ကြိုတင်မဲပေးထားတဲ့သူတွေကို ကပ်ထားတော့ သွားကြည့်လို့ရတာပေါ့။

မဲရုံမှူးကလည်း နှစ်စုံယူထားရတယ်။ တစ်စုံက သူ့မှာ မှတ်တမ်းယူထားပြီး တစ်စုံကို
ကပ်ပေးရတယ်။ ဒီတော့ ဒီမဲရုံမှာ ကြိုတင်မဲပေးတဲ့သူ ဘယ်နှယောက်ရှိတယ်ဆိုတာ
မဲမရေကတည်းက သိတယ်။ ရပ်ကွက်။ ကျေးရွာအုပ်စုကပေးတဲ့ ကြိုတင်မဲကို ရွေးကောက်ပွဲ
မကျင်းပမီ နှစ်ရက်အလိုကျမှ ပေးခွင့်ရှိမယ်။

*မြို့နယ် ကြိုတင်မဲကျတော့ အမျိုးအစား ဘယ်နှ ခုလောက်ခွဲထားသလဲ။
မြို့နယ်ကြိုတင်မဲကို ဘယ်လိုလူတွေ ပေးလို့ရလဲ။

မြို့နယ်မှာပေးတဲ့ ကြိုတင်မဲကျတော့ သုံးမျိုးခွဲထားတယ်။ ပထမတစ်မျိုးက သင်တန်းသားပေါ့ (ဥပမာ-
ဖောင်ကြီးမှာ သင်တန်းတက်နေတဲ့ ၀န်ထမ်းတို့၊ နောက် တက္ကသိုလ်လာတက်နေတဲ့
ကျောင်းသားတို့၊ အချုပ်ကျနေတဲ့လူတို့၊ ဆေးရုံတက်နေတဲ့လူတို့ ဒီလိုပုဂ္ဂိုလ်တွေအတွက် ပုံစံ ၁၅ နဲ့
တောင်းရတယ်။

ပုံစံ ၁၅ နဲ့ ဘယ်အချိန်တောင်းမလဲဆိုရင် ရွေးကောက်ပွဲလုပ်ဖို့ ကြေညာပြီးတဲ့နေ့က စတောင်းလို့
ရတယ်။ တောင်းတဲ့ပုံစံက ကျွန်တော်တို့က ဘယ်မှာနေပါတယ်၊ လက်ရှိမှာတော့ ဒီကို
ရောက်နေပါတယ်၊ ဒါကြောင့် ကျွန်တော်တို့က ကြိုတင်မဲပေးချင်ပါတယ်ဆိုပြီး ကြိုတင်မဲပေးချင်
သူက ပုံစံ ၁၅ ကို လက်မှတ်ထိုးပြီး တောင်းရတယ်။

ပုံစံ ၁၅ ကိုလည်း ဘယ်လိုရယူနိုင်သလဲလို့မေးရင် သင်တန်းတက်နေတဲ့သူဆိုရင် သက်ဆိုင်ရာ
ကျောင်းအုပ်ကြီးက သူနဲ့ အနီးစပ်ဆုံး မြို့နယ်ကော်မရှင်ရုံးက တောင်းယူနိုင်တယ်။

ဥပမာ- ဖောင်ကြီးမှာ သင်တန်းတက်နေသူဆိုသူနဲ့ အနီးစပ်ဆုံး လှည်းကူးမြို့နယ်က
တောင်းယူရတယ်။

ပုံစံ ၁၅ ကိုဖြည့်ပြီးပြီးဆိုရင်တော့ ခုနက တောင်းယူထားတဲ့ လှည်းကူးမြို့နယ်ကို ပြန်ပို့စရာ
မလိုတော့ဘူး။

ကြိုတင်မဲ ပေးချင်သူနေတဲ့ မြို့နယ်ကောက်မရှင်ရုံးတွေကို တိုက်ရိုက် ပို့လိုက်တယ်။

လားရှိုးမှာနေတဲ့သူအတွက်ဆို လားရှိုး၊ မြစ်ကြီးနားနေတဲ့သူဆို မြစ်ကြီးနား၊ စစ်တွေ၊ တောင်ကြီး၊
ရန်ကုန် စသဖြင့်ပေါ့။

သက်ဆိုင်ရာ မြို့နယ်ကော်မရှင် တွေကလည်း အခြေခံမဲစာရင်း တကယ်ယူရတဲ့ ကြိုတင်
မဲပေးချင်သူနေထိုင်တဲ့ ရပ်ကွက်၊ ကျေးရွာက ကော်မရှင်တွေကို စစ်မယ်၊ အကြောင်းကြားမယ်။

သက်ဆိုင်ရာ ရပ်ကွက်ကလည်း ပုံစံ ၁၅ ကိုစစ်မယ်။ စစ်လိုက်လို့ ရပ်ကွက်မှာ တကယ်ရှိတယ်
ဆိုရင် စာရင်းသွင်းမယ်။ စာရင်းကို ဘာနဲ့ သွင်းလဲဆိုတော့ ပုံစံတစ်တစ်နဲ့ သွင်းတယ်။
စာရင်းသွင်းပြီးတဲ့ ပုံစံတစ်တစ်တွေကို သူ့ရပ်ကွက်နဲ့ သက်ဆိုင်တဲ့ မြို့နယ်ကို(မြစ်ကြီးနားရပ်ကွက်
တစ်ခုကဆို မြစ်ကြီးနားမြို့နယ်ကော်မရှင်ရုံး) ပြန်ပို့လိုက်မယ်။

ပုံစံ တစ်တစ်ကိုလည်း လေးစောင် ပြုစုရတယ်။ အဲဒီလေးစောင်ကို ဆင့်ကဲဆင့်ကဲ ဆက်ဖြန့်ပြီး
ရပ်ကွက်မှာလည်းကပ်တယ်။

သက်ဆိုင်ရာနေရာ ကျောင်းတို့၊ သင်တန်းတို့မှာ လည်းရှိတယ်။ မြို့နယ်မှာလည်း ရှိရမယ်။
ကပ်လည်းကပ် ထားရမယ်။ မြို့နယ်တွေကျတော့ တစ်လလောက် ကြိုတင် မဲပေးရတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း