အင်းလေးကန်အား ဇီဝအ၀န်းနယ်မြေအဖြစ် ယူနက်စကို သတ်မှတ်

အင်းလေးဒေသရှိ ရေခြံများကို ယခင်နှစ်ကုန်ပိုင်းက တွေ့ရစဉ်။ သီရိလူ/မြန်မာတိုင်း(မ်)အင်းလေးဒေသရှိ ရေခြံများကို ယခင်နှစ်ကုန်ပိုင်းက တွေ့ရစဉ်။ သီရိလူ/မြန်မာတိုင်း(မ်)

ရှမ်းပြည်နယ်၊ ညောင်ရွှေမြို့နယ်ရှိ အင်းလေးကန်ကို ကမ္ဘာပေါ်တွင် ထူးခြားထင်ရှားပြီး
ထိန်းသိမ်းကာကွယ်ရမည့် ဇီဝအ၀န်းနယ်မြေ (Biosphere Reserve) တစ်ခုအဖြစ် ပြင်သစ်နိုင်ငံ၊
ပါရီမြို့တွင် ကျင်းပနေသည့် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုဆိုင်ရာ အဖွဲ့အစည်း
(ယူနက်စကို)၏၂၇ကြိမ်မြောက် လူသားနှင့် ဇီဝအ၀န်းနယ်မြေ အပြည်ပြည်ဆိုင်ရာ
ပူးပေါင်းဆောင်ရွက်မှု ကောင်စီအစည်းအဝေးက ဇွန်လ ၉ ရက်နေ့က ဆုံးဖြတ်ခဲ့သည်။

၁၉၇၁ခုနှစ်က စတင်ခဲ့သည့် လူသားနှင့် ဇီဝအ၀န်းနယ်မြေအစီအစဉ်သည် ကမ္ဘာ့နိုင်ငံများရှိ
သဘာဝပတ်ဝန်းကျင်နှင့် ဂေဟစနစ်များ၊ ဇီဝမျိုးစုံမျိုးကွဲများ တည်ရှိမှုအခြေအနေ
ထူးခြားကောင်းမွန်သည့် နေရာဒေသများတွင် လူသားများ ယှဉ်တွဲနေထိုင်လျက်
ထိန်းသိမ်းစောင့်ရှောက်ရေး၊ ဖွံ့ဖြိုးတိုးတက်ရေးနှင့် အုပ်ချုပ်ထောက်ပံ့ရေးဆိုင်ရာ လုပ်ငန်းများကို
ဟန်ချက်ညီပေါင်းစပ်ဆောင်ရွက်ရန်အတွက် ဇီဝအ၀န်းနယ်မြေများအဖြစ် သတ်မှတ်ကာ
ထိန်းသိမ်းရေးဆောင်ရွက်နေသည့် အစီအစဉ်ဖြစ်သည်။

နှစ်စဉ် ဇီဝအ၀န်းနယ်မြေများကို ယူနက်စကို အဖွဲ့ဝင်နိုင်ငံများမှ ကိုယ်စားလှယ်များပါဝင်သည့်
ကောင်စီက စီစစ်အတည်ပြုပေးခြင်းဖြစ်သည်။

အဆိုပါကောင်စီက ပါရီမြို့တွင် ဇွန်လ ၈ ရက်မှ ၁၂ရက်ထိ ကျင်းပလျက်ရှိသော အစည်းအဝေးတွင်
ဇီဝအ၀န်းနယ်မြေအဖြစ် အင်းလေးကန်အပါအ၀င်နေရာ၂၀ ကို ဖြည့်စွက်သတ်မှတ်ခဲ့ခြင်း
ဖြစ်ကြောင်း ယူနက်စကို၏ ဇွန်လ ၉ ရက်နေ့ သတင်းထုတ်ပြန်ချက်တွင် ဖော်ပြထားသည်။

အင်းလေးကန်သည် မြန်မာနိုင်ငံတွင် ပထမဆုံး ဇီဝအ၀န်းနယ်မြေ သတ်မှတ်ခံရသော
နေရာဖြစ်သည်။

ယခုနှစ်ဖြည့်စွက် သတ်မှတ်ခဲ့သော နေရာ၂၀ အပါအ၀င် နိုင်ငံပေါင်း ၁၂၀ တွင်
ဇီဝအ၀န်းနယ်မြေပေါင်း ၆၅၁ နေရာ သတ်မှတ်ခဲ့ပြီးဖြစ်သည်။

အဆိုပါအစည်းအဝေးကို မြန်မာနိုင်ငံ၊ သစ်တောဦးစီးဌာနမှ ညွှန်ကြားရေးမှူးချုပ် ဦးဆောင်သော
ကိုယ်စားလှယ်အဖွဲ့တက်ရောက်ပြီး အင်းလေးကန်ကို မြန်မာနိုင်ငံ၏ ပထမဆုံးလူသားနှင့်
ဇီဝအ၀န်းနယ်မြေ အစီအစဉ်တွင် တင်သွင်းထားခြင်းကို တင်ပြခဲ့ကြောင်း၊ အစည်းအဝေး
ဒုတိယနေ့တွင် ကောင်စီဝင်နိုင်ငံ ၃၄ နိုင်ငံက ကိုယ်စားလှယ်များက သဘောတူလက်ခံပြီး
အင်းလေးကန်ကို ဇီဝအ၀န်းနယ်မြေအဖြစ် သတ်မှတ်ပြီးဖြစ်ကာ ကမ္ဘာလုံးဆိုင်ရာ လူသားနှင့်
ဇီဝအ၀န်းကွန်ယက်တွင်လည်း ပါဝင်ခွင့်ရခဲ့ပြီးဖြစ်ကြောင်း သစ်တောဦးစီးဌာန၊ သဘာ၀၀န်းကျင်နှင့်
သားငှက်တိရိစ္ဆာန် ထိန်းသိမ်းရေးဌာနမှ ညွှန်ကြားရေးမှူးဦးဝင်းနိုင်သော်က ယခုလ ၁၀ရက်နေ့တွင်
မြန်မာတိုင်း(မ်) ကို ပြောသည်။

"အစည်းအဝေးမှာ ဇီဝအ၀န်းနယ်မြေသတ်မှတ်ခံရဖို့ နိုင်ငံပေါင်း ၁၉ နိုင်ငံက ၂၆ နေရာ
အဆိုတင်သွင်းခဲ့တဲ့ထဲက ၂၀ကို အတည်ပြုခဲ့ပြီး အင်းလေးကန် ပါဝင်ပါတယ်။ အစည်းအဝေးကနေ
မြန်မာနိုင်ငံကို ပထမဆုံး ဇီဝအ၀န်းနယ်မြေအဖြစ် သတ်မှတ်ခံရတာကို ချီးကျူးကြိုဆိုကြောင်း
ထုတ်ဖော်ကြေညာခဲ့ပါတယ်" ဟု ၎င်းကပြောသည်။

အင်းလေးကန်ကို လူသားနှင့် ဇီဝအ၀န်းနယ်မြေအဖြစ် သတ်မှတ်နိုင်ခြင်းဖြင့် ဇီဝမျိုးစုံ
မျိုးကွဲထိန်းသိမ်းရေးနှင့် ဒေသခံပြည်သူတို့၏ အကျိုးစီးပွားကို ဟန်ချက်ညီညီဆောင်ရွက်နိုင်မည်
ဖြစ်ခြင်း၊ အင်းလေးကန်ပတ်ဝန်းကျင် ပြန်လည်ကောင်းမွန်လာရေးကို အထောက်အကူပြုပြီး
အခြားသောဒေသများတွင် သဘာဝပတ်ဝန်းကျင်ထိန်းသိမ်းရေးနှင့် လူမှုဘ၀ဖွံ့ဖြိုးရေးကို
ဟန်ချက်ညီဆောင်ရွက်နိုင်မည့် စံနမူနာအဖြစ် အသုံးပြုနိုင်ခြင်း၊ နိုင်ငံတကာအဖွဲ့အစည်းများ၏
နည်းပညာနှင့် ရံပုံငွေ ပံ့ပိုးမှုများ ရရှိနိုင်ခြင်း စသည့် အကျိုးကျေးဇူးများ ရရှိမည်ဖြစ်ကြောင်း
၎င်းကပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း