အနည်းဆုံး လုပ်ခလစာနှုန်းထား အကျပ်အတည်း

ဇူလိုင်လ ၂ ရက်နေ့က အစည်းအဝေး၌ တောင်ကိုးရီးယားအထည်ချုပ် လုပ်ငန်းရှင်တစ်ဦး ပါဝင်ဆွေးနွေးနေစဉ်။ နိုင်ဝင်းထွန်း/မြန်မာတိုင်း(မ်)ဇူလိုင်လ ၂ ရက်နေ့က အစည်းအဝေး၌ တောင်ကိုးရီးယားအထည်ချုပ် လုပ်ငန်းရှင်တစ်ဦး ပါဝင်ဆွေးနွေးနေစဉ်။ နိုင်ဝင်းထွန်း/မြန်မာတိုင်း(မ်)

ဥပဒေ ထုတ်ပြန်ခဲ့ပြီးနောက်ပိုင်း အတည်ပြု ပြဋ္ဌာန်းနိုင်ရန် အချိန် နှစ်နှစ်ကျော် ကြန့်ကြာခဲ့သလို
အငြင်းပွားမှုများစွာ ရှိနေခဲ့တဲ့ အနည်း ဆုံးလုပ်ခလစာ သတ်မှတ်မှု အဆိုပြုနှုန်းထားတစ်ရပ်ကို
အစိုးရက ဇွန်လ ၂၉ ရက်နေ့က ထုတ်ပြန်ကြေညာခဲ့ပါတယ်။

ထုတ်ပြန်ချက်အရ နေရာဒေသနဲ့ လုပ်ငန်း အမျိုးအစားမခွဲခြားဘဲ တစ်နိုင်ငံလုံးတစ်ပြေးညီ
သတ်မှတ်မယ့် နှုန်းထားတစ်ရပ်အဖြစ် အနည်းဆုံးလုပ်ခလစာ သတ်မှတ်မှုကို ပြဋ္ဌာန်းသွားမှာ
ဖြစ်ပြီး တစ်နာရီကို ကျပ် ၄၅၀ နှုန်း နဲ့ အလုပ်ချိန် ရှစ်နာရီအတွက် တစ်ရက် လုပ်ခ ကျပ် ၃,၆၀၀ ကို
အဆိုပြုနှုန်းထားအဖြစ် ပြဋ္ဌာန်းထုတ်ပြန်ခဲ့တာ ဖြစ်ပါတယ်။

ဒီသတ်မှတ်ချက်က လုပ်သား ၁၅ ဦးနဲ့အထက်ရှိတဲ့ လုပ်ငန်းတွေဖြစ်တယ်လို့ ဖော်ပြထားပါတယ်။

ထုတ်ပြန်ခဲ့တဲ့ အဆိုပြုနှုန်းထားကို လုပ်ငန်းရှင်များဘက်ကဖြစ်ဖြစ်၊ အလုပ်သမားများဘက်က
ဖြစ်ဖြစ် ကျေနပ်မှုမရှိပါက ၁၄ ရက်အတွင်း ကန့်ကွက်နိုင်ပြီး ကန့်ကွက်မှု မရှိပါက လွှတ်တော်သို့
တင်သွင်းအတည်ပြုချက် ရယူသွားမှာဖြစ်တယ်လို့လည်း ထုတ်ပြန်ချက်မှာ ဖော်ပြထားပါတယ်။

အနည်းဆုံး လုပ်ခလစာ သတ်မှတ်နှုန်းထားနဲ့ ပတ်သက်ပြီး ယခင်ကတည်းက ဘယ်လောက်နှုန်း
သတ်မှတ်စေကာမူ ကျပ် ၂,၅၀၀ နှုန်းထက် ပိုမပေးနိုင်ဘူးလို့ ပြင်းပြင်းထန်ထန် ကန့်ကွက်ထားခဲ့တဲ့
လက်ခစား အထည်ချုပ် လုပ်ငန်းရှင်တွေက အဆိုပြုနှုန်းထား ကျပ် ၃,၆၀၀ ထွက်ပေါ်လာချိန်မှာ
ထိုနှုန်းကိုသာ အမှန်တကယ် သတ်မှတ်ပါက အထည်ချုပ်လုပ်ငန်းတွေ ပိတ်သိမ်းသွားမယ်လို့
ထုတ်ဖော် ပြောဆိုလာခဲ့ကြပါတယ်။

တကယ်ပိတ်မယ်ဆိုရင် တရုတ်နဲ့ ကိုရီးယား အထည်ချုပ်စက်ရုံ ၆၀ ကျော်က မြန်မာအမျိုးသမီး
၂၀၀,၀၀၀ ကျော် အလုပ်လက်မဲ့ ဖြစ်သွားမှာ ဖြစ်ပါတယ်။

အနည်းဆုံး လုပ်ခလစာ အဆိုပြုနှုန်းထား ထွက်ပေါ်လာပြီးနောက် သုံးရက်အကြာ ဇူလိုင်လ
၂ ရက်နေ့က ရန်ကုန်မြို့ ကုန်သည်စက်မှု အသင်းချုပ်မှာ လက်ခစား အထည်ချုပ်လုပ်ငန်းရှင်တွေက
အရေးပေါ်အစည်းအဝေး ပြုလုပ်ပြီး အဆိုပါ ကန့်ကွက်ထုတ်ဖော်မှုကို ပြုလုပ်ခဲ့တာဖြစ်ပါတယ်။

အထူးသဖြင့် တရုတ်နဲ့ ကိုးရီယား အထည်ချုပ်လုပ်ငန်းရှင်တွေက ကျပ် ၃,၆၀၀ နှုန်းထား
ပြဋ္ဌာန်းပါက စက်တင်ဘာလအတွင်း စက်ရုံ ပိတ်သိမ်းသွားမှာဖြစ်တယ်လို့ ပြောဆိုခဲ့ကြတာ
ဖြစ်ပါတယ်။

ဒါပေမဲ့ မြန်မာလက်ခစား အထည်ချုပ် လုပ်ငန်းရှင်တွေထဲကတော့ စက်ရုံပိတ်သိမ်းသွားမယ်လို့
ပြောဆိုခဲ့တာ မတွေ့ခဲ့ရပါဘူး။

"ကျပ် ၃,၆၀၀ ဆိုတာ ကျွန်တော်တို့ အတွက်မဖြစ်နိုင်ဘူး။ ဘာကြောင့်လဲဆိုတော့ ကျွန်တော်တို့
ကိုယ်တိုင်က လက်ခစား။ သူများဆီက အလုပ်သမားအဖြစ်လုပ်နေရတာ။ အစိုးရပိုင်းက
အထည်ချုပ်တွေ လုပ်သာကိုင်သာအောင် ဖြေလျော့မှုပိုင်းကလည်း သိသိသာသာဘာမှ
မရှိသေးဘူး။ ဒါ့ပြင် ကျွန်တော်တို့ ပေးနေရတဲ့ အခြားသော ကုန်ကျစရိတ်တွေကလည်း
အများကြီးပဲ။ အစိုးရပိုင်းကသာ ဒါတွေကို တာဝန်ယူ ဖြေလျော့ပေးနိုင်မယ်ဆိုရင်
ကျွန်တော်တို့လည်း ကျပ် ၃,၆၀၀ ဘယ်မပေးနိုင်စရာရှိမလဲ"လို့ အထည်ချုပ်လုပ်ငန်းရှင်များအသင်း
ဥက္ကဋ္ဌ ဦးမြင့်စိုးက ပြောပါတယ်။

အထူးသဖြင့် မြန်မာနိုင်ငံကိုဝင်လာတဲ့ အထည်ချုပ်အော်ဒါတွေဟာ လုပ်ငန်းကြီး အော်ဒါမျိုးတွေ
မဟုတ်ဘဲ ဒေသတွင်းနိုင်ငံတွေ အပါအ၀င် အထည်ချုပ်လုပ်ငန်းလုပ်ကိုင်နေကြတဲ့
ပြည်ပနိုင်ငံတွေက မလိုချင်တဲ့ ဆောက်လုပ်ရေးလုပ်သားဝတ်စုံ၊ ကျောင်းဝတ်စုံကဲ့သို့ ဈေးအပေါဆုံး
ရောင်းချရတဲ့ အ၀တ်အထည်မျိုးကိုသာ အများစုဖြစ်တာမို့ ရရှိတဲ့ချုပ်ခနည်းသလို၊ အော်ဒါရရှိချုပ်
လုပ်ရဖို့ အစိုးရကို ပေးဆောင်ရတဲ့ ၀န်ဆောင်မှုကြေး ကုန်ကျမှုတွေရယ်ကြောင့်
အလုပ်သမားတွေကို ကျပ် ၂,၅၀၀ ထက် ပိုမပေးနိုင်တာဖြစ်တယ်လို့ အဆိုပါ ရှင်းလင်းပွဲမှာ
အထည်ချုပ်လုပ်ငန်းရှင်တွေက ပြောကြားခဲ့ကြပါတယ်။

ဒီအတွက် သတ်မှတ်ထားတဲ့ ၁၄ ရက် အတွင်း ကန့်ကွက်သွားမှာဖြစ်ပြီး ရက်ပေါင်း ၆၀ အတွင်း
အမျိုးသားကော်မတီအဆင့် ဆွေးနွေးမှုမှာလည်း ပြင်းပြင်းထန်ထန် ကန့်ကွက်သွားမှာဖြစ်တယ်လို့
အထည်ချုပ်လုပ်ငန်းရှင်များအသင်း အတွင်းရေးမှူး ဒေါ်ခိုင်ခိုင်နွယ် က ပြောပါတယ်။

"ဒါကို ညှိနှိုင်းဖို့ အချိန်တစ်ခုလိုအပ်တယ်။ အဲလိုမှ မဟုတ်ရင်တော့ အထည်ချုပ်လုပ်ငန်းတွေ
ရပ်တန့်သွားဖို့ပဲ ရှိလိမ့်မယ်"လို့ ဒေါ်ခိုင်ခိုင်နွယ်က ပြောပါတယ်။

ဒါ့ပြင် အစိုးရက အဆိုပြုသတ်မှတ်တဲ့ နှုန်းထားကို ပေးနိုင်ဖို့ အစိုးရပိုင်းက အထည်ချုပ်
လုပ်ငန်းတွေကို ပံ့ပိုးပေးဖို့လိုအပ်တဲ့ အချက်တွေကို ထုတ်ပြန်ခဲ့တာကိုလည်း တွေ့ရပါတယ်။

ဒီပြင် အစိုးရက သတ်မှတ်ထားတဲ့ အချိန်ပိုသတ်မှတ်မှုနှုန်းထားကို တစ်ဆခွဲအဖြစ် ပြင်ဆင်
ပြဋ္ဌာန်းဖို့လည်း တောင်းဆိုခဲ့ကြပါတယ်။

အထူးသဖြင့် လက်ခစားအထည်ချုပ်လုပ်ငန်းတွေ ရေရှည်ရပ်တည်နိုင်ဖို့ အစိုးရချေးငွေ
ရရှိမှုခက်ခဲတာ၊ မလုံလောက်တာ၊ ငွေလဲနှုန်း မတည်ငြိမ်တဲ့အတွက် ချုပ်ခနှုန်းထား
သတ်မှတ်တောင်းခံရာမှာ အခက်အခဲရှိတာ၊ ဘဏ် အတိုးနှုန်းမြင့်မားတာ၊ ပြည်ပလုပ်ငန်းရှင်တွေနဲ့
ယှဉ်ပြိုင်နိုင်မှုကို နည်းတာ စတဲ့အချက်တွေကို အစိုးရပိုင်းက ဖြေလျော့ဆောင်ရွက်ပေးဖို့
တောင်းဆိုလာခဲ့တာဖြစ်ပါတယ်။

နိုင်ငံတော်သမ္မတ စီးပွားရေးအကြံပေးအဖွဲ့ဝင် ဒေါက်တာဇော်ဦးက အစိုးရပိုင်းအနေနဲ့
အထည်ချုပ်လုပ်ငန်းတွေအတွက် လိုအပ်တဲ့ ဖြေလျော့မှုဆိုင်ရာတွေကို စီစဉ်ဆောင်ရွက်ပေးနိုင်ဖို့
အကောင်အထည် ဖော်နေဆဲဖြစ်ပြီး အချို့သော လုပ်ငန်းဆောင်တာများမှာ ချက်ချင်းလုပ်ဆောင်ဖို့
မဖြစ်နိုင်သေးတာမို့ အထည်ချုပ်လုပ်ငန်းရှင်တွေအနေနဲ့ အနည်းဆုံးလုပ်ခလစာ
စတင်သတ်မှတ်ချိန်မှာ အခက်အခဲတွေ ကြုံတွေ့ရဦးမှာ ဖြစ်တယ်လို့ဆိုပါတယ်။

အလုပ်သမားဝန်ကြီးဌာန ပြည်ထောင်စုဝန်ကြီး ဦးအေးမြင့်ကတော့ အနည်းဆုံးလုပ်ခလစာ
အဆိုပြုနှုန်းထားနဲ့ ပတ်သက်ပြီး မပေးနိုင်တဲ့ လုပ်ငန်းရှင်တွေအနေနဲ့ ဘယ်လိုပေးနိုင်အောင်
လုပ်မလဲဆိုတာကို ကြိုတင်စဉ်းစားထားစေချင်သလို အလုပ်သမားတွေအနေနဲ့လည်း
ယင်းအဆိုပြုနှုန်းထားဟာ ပထမအဆင့် သတ်မှတ်မှုသာဖြစ်ပြီး တဖြည်းဖြည်းချင်း
ပြင်ဆင်သတ်မှတ်သွားလို့ရတယ်ဆိုတာကို နားလည်ထားစေချင်တယ်လို့
ထုတ်ဖော်ပြောဆိုခဲ့ပါတယ်။

အနည်းဆုံးလုပ်ခလစာကို ကျပ် ၄,၀၀၀ အောက် မသတ်မှတ်ဖို့ တောင်းဆိုထားကြတဲ့
အလုပ်သမားတွေကတော့ အဆိုပြုနှုန်းထား ကျပ် ၃,၆၀၀ သတ်မှတ်မယ်ဆိုပါက
ယင်းနှုန်းထားနဲ့အတူ အခြားခံစားခွင့်များကို ပေးအပ်ဖို့ တောင်းဆိုလာတာ တွေ့ရပါတယ်။

မြန်မာနိုင်ငံထဲမှာ ယာယီအဖြစ် အခြေစိုက်ထားတဲ့ အလုပ်သမားသမဂ္ဂ အဖွဲ့အစည်း ငါးခုပူး
ပေါင်းပြီး ဇူလိုင်လ ၅ ရက်က ပြုလုပ်ခဲ့တဲ့ သတင်းစာရှင်းလင်းပွဲမှာတော့ ၎င်းတို့အနေနဲ့
အဆိုပြုနှုန်းထား ၃၆၀၀ ကျပ်ကို သဘောတူလက်ခံတယ်လို့ အသိပေးထုတ်ပြန်ခဲ့ပါတယ်။

"ကျပ် ၃,၆၀၀ နှုန်းက အလုပ်ရှင်ရော အလုပ်သမားဘက်ကပါ မျှပြီးပြောထားတာ ဖြစ်တဲ့အတွက်
သင့်တင့်မျှတပါတယ်။ အဲဒီအတွက် ဒီနှုန်းကို ကျွန်တော်တို့လက်ခံပါတယ်"လို့ အလုပ်သမား
သမဂ္ဂများ အဖွဲ့ချုပ် (မြန်မာနိုင်ငံ)ဥက္ကဋ္ဌ ဦးမောင်မောင်က ပြောပါတယ်။

E-Land Myanmar အထည်ချုပ်စက်ရုံ အလုပ်သမား ကိုကျော်လွင်ဦးက အနည်းဆုံး လုပ်ခလစာ
သတ်မှတ်ဖို့ စောင့်လာတာ နှစ်နှစ် နီးပါးရှိနေပြီမို့ လက်ရှိ သတ်မှတ်လိုက်တဲ့နှုန်းထားကို
အပြည့်အ၀ သဘောမတူပေမယ့် သတ်မှတ်ချက်တစ်ခုအဖြစ် ပေါ်ထွက်လာတာကို
လက်ခံတဲ့အနေနဲ့ သဘောတူတယ်လို့ ဆိုပါတယ်။

ဒါပေမဲ့ မြန်မာနိုင်ငံအလုပ်သမားသမဂ္ဂများအဖွဲ့ချုပ်(ယာယီ)ကတော့ အဆိုပြုနှုန်းထားနဲ့
ပတ်သက်ပြီး အနည်းဆုံးလုပ်ခလစာ ကျပ် ၄,၀၀၀ နှုန်းသတ်မှတ်ဖို့ ကန့်ကွက်လွှာ
တင်သွားဖို့ရှိတယ်လို့ ဆိုပါတယ်။

"နဂိုကတည်းက အနည်းဆုံးလုပ်ခလစာ ကျပ် ၄,၀၀၀ နှုန်းအောက်ဆိုရင်လက်ခံမှာ မဟုတ်ဘူးလို့
ကျွန်တော်တို့ပြောထားခဲ့တယ်။ အခု ကျပ် ၄,၀၀၀ နှုန်းအောက်ဖြစ်တဲ့အတွက် ကျွန်တော်တို့
ဒီအဆိုပြုနှုန်းထားကို ကန့်ကွက်သွားမှာပါ"လို့ မြန်မာနိုင်ငံအလုပ်သမားသမဂ္ဂများအဖွဲ့ချုပ်(ယာယီ)
ဒုတိယ ဥက္ကဋ္ဌ ဦးထွန်းဝေက ပြောပါသည်။

အခြားတိုင်းဒေသကြီးတွေနဲ့ ပြည်နယ်တွေက လုပ်ငန်းရှင်အများစုကတော့ တစ်နိုင်ငံလုံး
အတိုင်းအတာ ပြဋ္ဌာန်းမယ့် အဲဒီအဆိုပြုနှုန်းထားကို လက်ခံနိုင်တယ်လို့ ဆိုကြပါတယ်။

ကရင်ပြည်နယ် ဘားအံ့မြို့မှာ ရော်ဘာစိုက်ခင်းလုပ်ငန်း လုပ်ကိုင်နေတဲ့ ဦးခင်ကြူး က
ကရင်ပြည်နယ်ထဲက ရော်ဘာစိုက်ခင်း လုပ်ကိုင်သူတွေကို အနည်းဆုံးလုပ်ခအဖြစ် တစ်နေ့
ကျပ် ၄,၀၀၀ ကနေ ကျပ် ၇,၀၀၀ အထိ ပေးရတာမို့ အစိုးရသတ်မှတ်ပြဋ္ဌာန်းတဲ့ ကျပ် ၃,၆၀၀
အဆိုပြုနှုန်းထားကို လက်ခံနိုင်တယ်လို့ ဆိုပါတယ်။

ပခုက္ကူမြို့က ပဲကုန်သည် ကိုဇင်မင်းထွန်း က ပွဲရုံလုပ်သားတွေကို ယခင်ကတည်းက
ငွေ ကျပ် ၄,၀၀၀ ပေးခဲ့တာမို့ ကျပ် ၃,၆၀၀ နှုန်းထားဟာ အလုပ်ရှင်နဲ့အလုပ်သမားကြား မျှတတဲ့
နှုန်းထားဖြစ်တယ်လို့ ဆိုပါတယ်။

ဘယ်လိုပဲဖြစ်ဖြစ် မြန်မာနိုင်ငံမှာအခြေချ လုပ်ကိုင်နေတဲ့ လက်ခစားအထည်ချုပ်လုပ်ငန်း
၃၀၀ ကျော်အနက်က လုပ်ငန်း ၁၄၅ ခုက တော့ အဆိုပြုနှုန်းထား ကျပ် ၃,၆၀၀ ကို
ပြင်းပြင်းထန်ထန် ကန့်ကွက်နေကြဆဲ ဖြစ်ပါတယ်။

အဆိုပြုနှုန်းထားထုတ်ပြန်ခဲ့တဲ့ ဇွန်လ ၂၉ ရက်က စတင်ရေတွက်မယ်ဆိုရင် နှုန်းထားကို
ကန့်ကွက်ဖို့ ရက်သတ္တပတ်ခန့်သာ အချိန်ကျန်တော့တာဖြစ်ပါတယ်။

ဒီလိုကန့်ကွက်မှုတွေအပေါ် အစိုးရက အမျိုးသားကော်မတီအဆင့် အစည်းအဝေးမှာ
ဘယ်လိုဆုံးဖြတ်မလဲ။

အမျိုးသားကော်မတီအဆင့်က ဆုံးဖြတ်ချက်ကို ပြည်ထောင်စုလွှတ်တော်မှာ ဘယ်လိုဆက်လက်
ဆွေးနွေးကြမလဲဆိုတာကတော့ အတိအကျပြောဖို့ ခက်ခဲနေဆဲဖြစ်ပါတယ်။

"ကျွန်မအနေနဲ့ ပြောနိုင်တာကတော့ ကျွန်မတို့ အနည်းဆုံးလုပ်ခလစာကို သတ်မှတ်တဲ့အခါမှာ
အလုပ်သမားတွေရဲ့ ဂုဏ်သိက္ခာကို မမေ့ကြဖို့ဘဲဖြစ်ပါတယ်။ မြန်မာနိုင်ငံကို ပြည်ပက
လုပ်ငန်းရှင်တွေ ၀င်လာတဲ့အခါ မြန်မာနိုင်ငံက အလုပ်သမားလုပ်ခလစာ ဈေးပေါလို့ ၀င်လာတာမျိုး၊
ကျွန်မတို့ နိုင်ငံကို ရင်းနှီး မြှုပ်ဖို့စဉ်းစားတဲ့အခါ လုပ်ခလစာဈေးပေါလို့ စဉ်းစားတာမျိုး
မဖြစ်စေချင်တာ အမှန်ပါပဲ"လို့ ပြည်သူ့လွှတ်တော်ကိုယ်စားလှယ် ဒေါ်စန္ဒာမင်း ကပြောပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း