အမျိုးသားရေး လှုပ်ရှားသူသုံးဦး တစ်သီးပုဂ္ဂလကိုယ်စားလှယ်များအဖြစ် ရွေးကောက်ပွဲဝင်ရန်စီစဉ်

ဘင်္ဂါလီအရေး ကန့်ကွက်ဆန္ဒပြပွဲတစ်ပွဲတွင် ပါဝင်လှုပ်ရှားနေသည့် ကိုဝင်းကိုကိုလတ် (တိုက်ပုံအနက်ဖြင့်)အား တွေ့ရစဉ်။ ဇာနည်ဖြိုး/မြန်မာတိုင်း(မ်)ဘင်္ဂါလီအရေး ကန့်ကွက်ဆန္ဒပြပွဲတစ်ပွဲတွင် ပါဝင်လှုပ်ရှားနေသည့် ကိုဝင်းကိုကိုလတ် (တိုက်ပုံအနက်ဖြင့်)အား တွေ့ရစဉ်။ ဇာနည်ဖြိုး/မြန်မာတိုင်း(မ်)

ပြည်တွင်း အရပ်ဘက်အဖွဲ့အစည်းတစ်ခု ဖြစ်သည့် မြန်မာအမျိုးသားရေး ကွန်ရက်အဖွဲ့က
ကိုယ်စားလှယ်များသည် မကြာမီကျင်းပတော့မည့် အထွေထွေရွေးကောက်ပွဲတွင် တစ်သီးပုဂ္ဂလ
ကိုယ်စားလှယ်လောင်းများအဖြစ် ပြည်သူ့လွှတ်တော် မဲဆန္ဒနယ်များ၌ ၀င်ရောက်ယှဉ်ပြိုင်မည်
ဖြစ်သည်။

"ဘယ်လိုနိုင်ငံရေး ဆောင်ရွက်ချက်ကို ဆောင်ရွက်သည်ဖြစ်စေ စီးပွားရေး၊ ပညာရေး၊ လူမှုရေး
ဘာတွေကိုပဲ ဆောင်ရွက်နေပါစေ၊ အမျိုးသားရေးကို လျစ်လျူရှုထားလို့ မရဘူးလို့ ခံယူထားတယ်။
အထူးသဖြင့် အမျိုးသားပညာရေးဥပဒေ ပြင်ဆင်ချက်တွေလိုမျိုးမှာ အမျိုးသားရေးရှုထောင့်က
အရေးကြီးတယ်။ လက်ရှိလွတ်တော်အတွင်းမှာ အမျိုးသမီးအခွင့်အရေးတွေကို ကာကွယ်ဖို့
ဥပဒေတွေ လိုအပ်နေပါတယ်၊ အမျိုးသားရေးနဲ့ သက်ဆိုင်တဲ့ ဥပဒေတွေကို ပြဋ္ဌာန်းတဲ့အခါမှာ
နှေးကွေးတုံ့ဆိုင်းနေတာတွေ သွားတွေ့ရပါတယ်။ အဲဒီအတွက် လွတ်တော်တွင်းမှာ အမျိုးသားရေး
တက်ကြွသူတွေ လိုအပ်နေသေးတယ်လို့ ခံယူပါတယ်"ဟု မြန်မာ့အမျိုးသားရေးကွန်ရက်အဖွဲ့
ဥက္ကဋ္ဌဖြစ်သူ ကိုဝင်းကိုကိုလတ်က ပြောသည်။

ကိုဝင်းကိုကိုလတ်သည် ရန်ကုန်တိုင်းဒေသကြီး ထန်းတပင်ဇာတိဖြစ်ပြီး ဧရာဝတီတိုင်းဒေသကြီး
ပန်းတနော်မြို့နယ်က ၀င်ရောက် ယှဉ်ပြိုင်မည် ဖြစ်သည်။

"၀င်ရောက် ယှဉ်ပြိုင်တဲ့အခါမှာ အမျိုးသားရေးပါတီတွေကို ၀င်ရောက်ယှဉ်ပြိုင်တာတွေလည်းရှိတော့
သူတို့ မရှိတဲ့နေရာကို ရှာပြီး ၀င်ပြိုင်ကြရပါတယ်။ ကျွန်တော်ရွေးချယ်တဲ့ နေရာကတော့
အမျိုးသားရေးပါတီအချင်းချင်း ၀င်ရောက်ယှဉ်ပြိုင်ခြင်း မရှိလို့ အဆင်ပြေသွားပါတယ်။ ပန်းတနော်ကို
ဘာကြောင့်ရွေးရသလဲဆိုရင် ရန်ကုန်နဲ့ မနီးမဝေးဖြစ်တာရယ် ဧရာဝတီဒေသဘက်မှာ
နယ်ခံမိတ်ဆွေတွေ ရှိနေတာတွေရယ်ကြောင့်ပါ။ ပါတီက ခုနစ်ခု ရှိပါတယ်။ ပြည်သူ့လွှတ်တော်မှာ
အားလုံး ရှစ်ဦးပြိုင်ရမှာ ဖြစ်ပါတယ်"ဟု ၎င်းက ပြောသည်။

၎င်း၏ လုပ်ကိုင်ဖက်များဖြစ်သော ဦးနေ၀င်းအောင်နှင့် ဦးနိုင်ဝင်းထွန်း(ခ)နောင်တော်လေးတို့
ကလည်း ကျုံပျော်မြို့နယ်နှင့် မြောက်ဥက္ကလာပမြို့နယ်တို့မှ တစ်သီးပုဂ္ဂလ ကိုယ်စားလှယ်များအဖြစ်
ဝင်ရောက် ယှဉ်ပြိုင်ကြမည်ဖြစ်သည်။

အမျိုးသားရေးကိစ္စများကို လှုပ်ရှားဆောင်ရွက်ရာတွင် လွှတ်တော်ပြင်ပမှ
လှုပ်ရှားဆောင်ရွက်ခြင်းထက် ဥပဒေပြုမဏ္ဍိုင်ဖြစ်သော လွှတ်တော်များအတွင်းက အမျိုးသားရေးရာ
ဥပဒေများကို ပါဝင်လှုပ်ရှား ဆောင်ရွက်ခြင်းက တစ်နိုင်ငံလုံးရှိ အမျိုးသားရေးဆောင်ရွက်ချက်များကို
ပိုမိုထိရောက်စေနိုင်ကြောင်း ဦးနိုင်ဝင်းထွန်း(ခ)နောင်တော်လေးက ပြောသည်။

"အမျိုးသားရေးကို ဘယ်သူမဆို မည်သည့် နေရာကနေဖြစ်စေ ပါဝင်ဆောင်ရွက်နိုင်ပါတယ်။
ဒါပေမဲ့ အမျိုးသားရေးကိစ္စ ဆောင်ရွက်တဲ့အခါမှာ တစ်နိုင်ငံလုံးအတိုင်းအတာအနေနဲ့
ပိုမိုအကျိုးရှိစေချင်ရင်တော့ ဥပဒေပြုလွှတ်တော်အတွင်းကနေ ပါဝင်ဆောင်ရွက်တာက
ပိုမိုသင့်တော်မယ်ထင်လို့ပါ"ဟု ၎င်းက ပြောသည်။

မြန်မာ့အမျိုးသားရေး ကွန်ရက်အဖွဲ့သည် အမျိုးရေးကိစ္စများကို လှုပ်ရှားဆောင်ရွက်ရင်း
ပေါ်ပေါက်လာသော အရပ်ဘက်အဖွဲ့အစည်းတစ်ခုဖြစ်ပြီး တရားဝင်မှတ်ပုံတင်ထားခြင်း
မရှိသေးသော်လည်း နောက်ပိုင်းတွင် ကွန်ရက်အဖွဲ့၏ လုပ်ငန်းစဉ်ဆောင်ရွက်ချက်များအရ
တရားဝင်အသင်းအဖွဲ့အဖြစ် မှတ်ပုံတင်ရန် ရည်မှန်းထားသည်။

ကွန်ရက်အဖွဲ့က တစ်နိုင်ငံလုံးအတိုင်းအတာအထိ အဖွဲ့ဝင်အင်အား လွမ်းမိုးနိုင်မှု မရှိသော်လည်း
ကွန်ရက်အဖွဲ့ဝင်ပေါင်း ၁၀၀ ကျော်ခန့်ဖြင့် အဓိကမြို့ပြကြီးများတွင် အခြေစိုက်ကာ အမျိုးသားရေး
တက်ကြွအဖွဲ့အစည်းများနှင့် ချိတ်ဆက်လျက် အမျိုးသားရေးကိစ္စများကို အတူပူးတွဲ
ဆောင်ရွက်လျက်ရှိကြောင်း အဖွဲ့၏ အထွေထွေအတွင်းရေးမှူးဖြစ်သူ ဦးနိုင်ဝင်းထွန်းက ပြောသည်။

မြန်မာ့အမျိုးသားကွန်ရက်အဖွဲ့၏ ပါဝင်ယှဉ်ပြိုင်မှုသည် မျိုးဆက်လူငယ်များ အမျိုးသားရေးစိတ်ဓာတ်
တက်ကြွလာစေရန် စံပြလုပ်ဆောင်ခြင်းဖြစ်ကြောင်း ဦးဝင်းကိုကိုလတ်က ပြောသည်။

"အမျိုးသားရေးမူဝါဒကို လက်ကိုင်ထားပြီး အမျိုးသားရေးယှဉ်ပြိုင်တဲ့ လူငယ်ကိုယ်စားလှယ်တွေ
ရှိစေချင်တယ်။ ကျွန်တော်တို့ လေ့လာမိသလောက် ရွှေးကောက်ပွဲ နီးလာတဲ့အခါမှာ အမျိုးသားရေး
အသင်းအဖွဲ့တွေ၊ ၀ံသာနုအဖွဲ့အစည်းတွေ၊ အမျိုးသားရေးက နိုင်ငံရေးနဲ့ မဆိုင်သလို
ရှောင်ရှားနေကြတာတွေ သွားတွေ့ရပါတယ်။ နိုင်ငံရေးကို ပါတီတွေကသာ ၀င်ရောက်
ဆောင်ရွက်ရမယ်ဆိုတာမျိုး သွားတွေ့ရတယ်"ဟု ၎င်းက ပြောသည်။

အမျိုး၊ ဘာသာ၊ သာသနာစောင့်ရှောက်ရေး(မဘသ)အဖွဲ့များ၏ အမျိုးသားရေး လှုံ့ဆော်ဆန္ဒပြပွဲ
များတွင် တက်ကြွစွာ ပါဝင်ဆောင်ရွက်လေ့ရှိသော မြန်မာ့အမျိုးသားရေး ကွန်ရက်အဖွဲ့ဝင်များ
ရွေးကောက်ပွဲ ၀င်ရောက်ယှဉ်ပြိုင်ခြင်းသည် မဘသအဖွဲ့နှင့် မည်သို့မျှ မသက်ဆိုင်ကြောင်း
မဘသအဖွဲ့မှ ဗဟိုဦးဆောင်အဖွဲ့ဝင် ဦးအောင်မြိုင်(မစိုးရိမ်)က ပြောသည်။

"အဲဒီကွန်ရက်က သူတို့ဘာသာ သီးသန့်ဖွဲ့ ထားတဲ့အဖွဲ့ပါ။ သူတို့ ဆုံးဖြတ်ပိုင်ခွင့်နဲ့သူတို့
သီးသန့်အသင်းအဖွဲ့ပါ။ မဘသနဲ့ တိုက်ရိုက်ဆိုင်တာ မဟုတ်ဘူး၊ တစ်ခုရှိတာက မဘသ
ဆရာတော်တွေက ညွှန်ကြားတာတွေ အကူအညီတောင်းတာတွေတော့ သူတို့
လိုက်လုပ်ပေးတယ်၊ ဆန္ဒပြပွဲတွေမှာလည်း လိုက်ပါဆောင်ရွက်ပေးကြတယ်။
မဘသ အလုပ်အမှုဆောင်လည်း မဟုတ်သလို အဖွဲ့ဝင်တွေလည်း မဟုတ်ပါဘူး၊
အဲဒီအတွက် မဘသအဖွဲ့နဲ့ လုံးဝ မသက်ဆိုင်ပါဘူး။ အမျိုးသားရေးကို တာဝန်သိသူ
ဘယ်သူမဆို ဆောင်ရွက်ခွင့်ရှိပါတယ်၊ အဲဒီအတွက် ဂုဏ်ယူပါတယ်" ဟု ၎င်းက ပြောသည်။

ကွန်ရက်အဖွဲ့သည် အစ္စလာမ်မစ်အစွန်း ရောက်ဝါဒများအကြောင်း ဟောပြောပွဲများနှင့်
ဘင်္ဂါလီဆန့်ကျင်ရေးပွဲများ၊ ရွှေတိဂုံစေတီတော် ကာကွယ်စောင့်ရှောက်ရေးဦးဆောင်အဖွဲ့တွင်
ပါဝင်ဆောင်ရွက်ခြင်း စသည်တို့တွင် ပါဝင်ဆောင်ရွက်ခဲ့သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း