ရွေးကောက်ပွဲအလွန် မြန်မာ့နိုင်ငံရေးမှာ အမျိုးသမီးဦးဆောင်မှု မြင့်မားလာမလား

"အမျိုးသမီးအမတ် အရေအတွက်ကို လွှတ်တော်မှာ ရာခိုင်နှုန်းတစ်ခုအနေနဲ့
သတ်မှတ်ပေးသင့်တယ်"ဟု အမျိုးသမီးတစ်ဦးက ပြောလိုက်သည်နှင့် "အဲဒီလိုမျိုးသာ မဖြစ်မနေ
သတ်မှတ်လိုက်မယ်ဆို အရည်အချင်းမရှိတဲ့ အမျိုးသမီးတွေ လွှတ်တော်ထဲရောက်လာရင်
ဘယ်လိုလုပ်မလဲ"ဟု အမျိုးသားတစ်ယောက်က ချက်ချင်းဆိုသလိုပဲ ၀င်ထောက်လိုက်သည်။

ထိုစဉ် "ဒါဆို လွှတ်တော်ထဲမှာ အခု ရောက်နေတဲ့ အမျိုးသားအမတ်တွေကကော အရည်အချင်း
ရှိနေကြလို့လား"ဟု အမျိုးသားတစ်ယောက်က ထပ်ဆင့်ဝင်မေး လိုက်ပြန်သည်။

ထိုဖြစ်ရပ်မှာ ပြီးခဲ့သည့် ၂၀၁၂ ခုနှစ်က ပြုလုပ်ခဲ့သည့် ရွေးကောက်ပွဲ သတင်းယူခြင်း
သင်တန်းတစ်ခု၌ နိုင်ငံရေးမှာ အမျိုးသမီးများရဲ့ပါဝင်ခွင့်နဲ့ ပတ်သက်ပြီး ငြင်းခုံမှုတစ်ခု ဖြစ်သည်။

ယင်းငြင်းခုံမှုမှာ သင်တန်းခန်းမအတွင်း ငြင်းခုံမှု တစ်ခုထက်တော့ သာလွန်နေသည်မှာ
အမှန်ပင်ဖြစ်သည်။

နိုင်ငံရေးတွင် အမျိုးသမီး များပါဝင်ခွင့် အတိအကျပြောရမည်ဆိုပါက တိုင်းပြည်ရဲ့ အုပ်ချုပ်ရေး၊
ဥပဒေပြုရေးနှင့် တရားစီရင်ရေးကဏ္ဍတွေမှာ အမျိုးသမီးများရဲ့ပါဝင်နိုင်ခွင့်ကို အနိမ့်ဆုံး
ရာခိုင်နှုန်းတစ်ခု သတ်မှတ်ပေးရေးကိစ္စမှာ မြန်မာနိုင်ငံတွင်သာမက ကမ္ဘာ့နိုင်ငံအချို့တွင်လည်း
ယနေ့တိုင် ငြင်းခုံနေရဆဲ အကြောင်းအရာတစ်ရပ်ပင် ဖြစ်သည်။

အမျိုးသမီး အခွင့်အရေးနှင့် ပတ်သက်ပြီး နှစ်ပေါင်းများစွာ ငုပ်လျှိုးနေသည့် မြန်မာနိုင်ငံတွင်လည်း
လွန်ခဲ့တဲ့ သုံး၊ လေးနှစ်ကစတင်ကာ ကျား၊မ တန်းတူညီမျှရေး ခေါင်းစဉ်အောက်မှာ အမျိုးသမီးများ
အမျိုးသားများနှင့် တန်းတူအခွင့်အရေး ရရှိရေးအသံတွေ ကျယ်ကျယ်လောင်လောင်
စတင်ကြားလာရသည်။

ကျား၊ မတန်းတူညီမျှရေး၊ အမျိုးသမီးအခွင့်အရေးကို လေးစားမှုပြရုပ်အနေဖြင့် အစိုးရအပါအ၀င်
အရပ်ဘက်လူ့အဖွဲ့အစည်းအချို့တွင် အမျိုးသမီးများအား နေရာပေးမှုကို အနည်းငယ်
တွေ့မြင်လာရသည်။

သို့သော် ဆုံးဖြတ်ချက်များ ချမှတ်နိုင်သည့်၊ အဓိကကျသည့် ရာထူးနေရာများတွင် အမျိုးသမီးများ၏
ကိုယ်စားပြုမှုသည် အလွန်နည်းပါးနေဆဲပင် ဖြစ်သည်။

ယင်းနည်းပါးလှသည့် အရေအတွက်ကို မြှင့်တင်ရန် နိုင်ငံရေးပါတီများက မကြာမီ ကျင်းပတော့မည့်
ရွေးကောက်ပွဲတွင် ၀င်ရောက်ယှဉ်ပြိုင်ရန် အမျိုးသမီးအမတ်လောင်းများကို နာမည်စာရင်း
တင်သွင်းလာသည်ကို တွေ့ရသည်။

ပြည်ထောင်စုရွေးကောက်ပွဲကော်မရှင်က နောက်ဆုံးရရှိသည့် စာရင်းအရ ကော်မရှင်သို့
လျှောက်ထားသည့် ကိုယ်စားလှယ်ပေါင်း ၆,၀၀၀ ကျော်အနက် အမျိုးသမီးကိုယ်စားလှယ်လောင်း
၈၀၀ နီးပါး ပါဝင်ရာ ၂၀၁၀ ရွေးကောက်ပွဲနှင့် နှိုင်းယှဉ်ပါက အရေအတွက်အားဖြင့်
တိုးတက်လာသည်ဟု ဆိုနိုင်သော်လည်း ရာနှုန်းအားဖြင့် တွက်ချက်မည်ဆိုပါက နည်းပါးနေဆဲပင်။

အဓိက ပါတီကြီးနှစ်ခုအနက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတွင် အမျိုးသမီး
ကိုယ်စားလှယ်လောင်း ခုနစ် ရာခိုင်နှုန်းသာ ပါဝင်ပြီး အမျိုးသားဒီမိုကရေစီအဖွဲ့ချုပ်မှာတော့
၁၅ ရာခိုင်နှုန်း ပါဝင်နေသည်ကို တွေ့ရသည်။

နိုင်ငံရေးပါတီကိုဦးဆောင်နေသူ အမျိုးသားများကမူ အမျိုးသမီးကိုယ်စားလှယ်လောင်းကို
အရေအတွက် တစ်ခုအနေဖြင့် သတ်မှတ်ထည့်သွင်းချင်သော်လည်း လက်တွေ့အခြေအနေအရ
ကိုယ်စားလှယ်လောင်း အရည်အချင်းနှင့် ကိုက်ညီသူ ရရှိရန်ပင် အင်မတန်ခက်ခဲကြောင်း
တုံ့ပြန်ခဲ့ကြသည်။

"အမျိုးသမီးတွေကိုတော့ အရင်ကထက်စာရင် ဦးစားပေး စဉ်းစားပါတယ်။ ဒါပေမဲ့
အမျိုးသမီးတိုင်းကလည်း သတ်မှတ်ချက်က မီဦးမှကိုး။ တချို့ကျတော့လည်း အရည်အချင်းတော့
ရှိတယ်၊ ကိုယ့်မိသားစုကို ပစ်ထားဖို့ အဆင်မပြေဘူး။ တချို့ကျတော့လည်း စိတ်ဝင်စားမှုနည်းတာ၊
တချို့ကလည်း လုပ်ချင်တာပဲသိတာ၊ အရည်အချင်းကျတော့ မမီပြန်ဘူး"ဟု ရခိုင်အမျိုးသားပါတီ
အလုပ်အမှုဆောင်အဖွဲ့ဝင် ဦးအေးသာအောင်က ပြောသည်။

အမတ်လောင်းအဖြစ် အဆိုပြုသူများကို အမတ်လောင်းအရည်အချင်း သတ်မှတ်ချက်မီ၊
မမီဆိုတာကို ပါတီများက စဉ်းစားရာတွင် အမျိုးသမီးများထက် အမျိုးသားများကို
ပိုမိုဦးစားပေးခဲ့သော်လည်း ၀င်ရောက်ယှဉ်ပြိုင်ရန် တင်သွင်းခံခဲ့ရသည့် အမျိုးသမီးအမတ်လောင်း
၁၃ ရာခိုင်နှုန်းတွင် မည်ကဲ့သို့ သောအမတ်လောင်းများ ပါဝင်နေလဲဆိုသည်က
စိတ်ဝင်စားဖွယ်ကောင်းသည်ကတော့ အမှန်ပင်။

ရွေးကောက်ပွဲတွင် ၀င်ရောက်ယှဉ်ပြိုင်ရသည့် အဓိက ရည်ရွယ်ချက်နှင့် ပတ်သက်ပြီး
မြန်မာတိုင်း(မ်)က အမျိုးသမီးကိုယ်စားလှယ်လောင်းများကို မေးမြန်းသည့်အခါ အမျိုးသမီး
အခွင့်အရေးအတွက် ဆောင်ရွက်ပေးလိုသည့် တူညီသည့် ဘုံရည်မှန်းချက်တစ်ခုကို တွေ့ရသည်။

လူထုအတွက် ဆောင်ရွက်ပေးလိုသည့် စိတ်စေတနာထက်သန်မှုကို အားတက်သရော
ပြောဆိုကြသော်လည်း လွှတ်တော်နှင့် ပတ်သက်၍ လေ့လာမှုကတော့ အားနည်းသည်ကို
တွေ့ရသည်။

လွှတ်တော်ထဲရှိ အမျိုးသမီးအမတ် ရာခိုင်နှုန်းကိုပင် သတိမထားမိသူက များနေသည်။

သို့သော် အချို့မှာ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်
လွှတ်တော်ထဲမှာ ဘာတွေဆောင်ရွက်နေလဲဆိုတာ မသိသည့်တိုင် သူ့ကိုတော့ အားလုံးက
သတိထားမိသည်ဟုဆိုသည်။

ကျောက်တံတားမြို့နယ် မဲဆန္ဒနယ်အမှတ်(၂) အမျိုး သားလွှတ်တော်အမတ်နေရာအတွက်
ပြည်ခိုင်ဖြိုးပါတီက ကိုယ်စားပြု ၀င်ရောက်ယှဉ်ပြိုင်မည့် အသက် ၆၇ နှစ် အရွယ် ဒေါ်ညွန့်ညွန့်
ကတော့ လွန်ခဲ့တဲ့ခြောက်နှစ်က ကျောင်းဆရာမအလုပ်ကနေ အငြိမ်းစားယူခဲ့သူဖြစ်သည်။

ကျောက်တံတားမြို့နယ်တွင် နေထိုင်သူဖြစ်ပြီး အသင်း၏ စုပေါင်းရွေးချယ်မှုဖြင့်
ကိုယ်စားလှယ်အဖြစ် ၀င်ရောက် ယှဉ်ပြိုင်ခွင့်ရခဲ့ခြင်း ဖြစ်သည်။

အငြိမ်းစားကျောင်းဆရာမ တစ်ဦး ဖြစ်သော်လည်း သားသမီးသုံးယောက်၏ စောင့်ရှောက်မှုကြောင့်
မိသားစုရပ်တည်မှုအတွက် ပူပင်စရာ မလိုဟု သူက ပြောသည်။

"ကျောက်တံတားမြို့နယ်နဲ့ ပတ်သက်ပြီးတော့ ကျွန်မက ဒီကျောက်တံတားမြို့နယ်ထဲမှာပဲ
နေတာဆိုတော့ မြို့နယ်ထဲကလူတွေရဲ့ လိုအပ်ချက်တွေလည်း သိတယ်၊ ကျောင်းအုပ်
ပင်စင်စားလည်း ဖြစ်တယ်ဆိုတဲ့အခါကျတော့ ကလေးမိဘတွေရဲ့ ခံစားချက်တွေကိုလည်း
သိတယ်၊ ကိုယ်ကလည်း လူမှုရေးအလုပ်တွေကို ၀ါသနာပါပြီးသား၊ ကျောင်းသားမိဘတွေနဲ့
လက်တွဲပြီးလုပ်နေတာဆိုတော့ အားလုံးနဲ့လက်တွဲပြီး ပူးပေါင်းဆောင်ရွက်မယ်ဆိုပြီး
ပါဝင်ယှဉ်ပြိုင်ရတာပါ"ဟု ဒေါ်ညွန့်ညွန့်က ဆိုသည်။

လွှတ်တော်ကိုယ်စားလှယ်အဖြစ် အရွေးခံရပါက လမ်းဘေးပျံကျဈေးသည်တွေ နေရာတကျ
ဖြစ်ရေးနဲ့ ရေရရှိရေးတို့ကို ဦးစားပေးချင်တဲ့ ဒေါ်ညွန့်ညွန့်က လွှတ်တော်နှင့် ပတ်သက်၍ လေ့လာမှု
အားနည်းကြောင်းကိုတော့ ၀န်ခံခဲ့သည်။

လက်ရှိအချိန်မှာတော့ ပါတီကပေးထားသည့် လွှတ်တော်ဆိုင်ရာစာအုပ်များကို လေ့လာနေသည်ဟု
သူက ဆိုသည်။

ဒေါ်ညွန့်ညွန့်လိုပင် အမျိုးသားလွှတ်တော်အတွက် ယှဉ်ပြိုင်မည့် ကရင်ပြည်သူ့ပါတီက
ဒေါ်နန်းရူပါသန်းကတော့ ထူးထူးခြားခြား ရဲဝန်ထမ်းဟောင်းအမျိုးသမီး တစ်ယောက်ပင်ဖြစ်သည်။

သူဝင်ရောက်ယှဉ်ပြိုင်မည့် မဲဆန္ဒနယ်က အိမ်မဲမြို့နယ် အမှတ်(၇) ဖြစ်သည်။

ရဲတပ်ဖွဲ့မှာ ရဲအုပ်အဆင့်အထိ ၂၅ နှစ်ကြာ တာဝန် ထမ်းဆောင်ခဲ့သူဖြစ်ပြီး
လုပ်သက် သတ်မှတ်ချက်ပြည့်မီသည့်တိုင် ရာထူးတိုးခံစားခွင့် မရခဲ့သည့်အတွက် ၂၀၀၄ ခုနှစ်တွင်
တာဝန်မှနုတ်ထွက်ခဲ့သည်။

ရာထူး မတက်ခဲ့ခြင်း၏ အဓိကအကြောင်းရင်းမှာ အမျိုးသမီးဖြစ်နေတာကြောင့်ဟု အသက် ၅၇ နှစ်
အရွယ် သူက ဆိုသည်။

"ပြောရရင် ယောက်ျားတစ်ယောက်နဲ့ ရင်ဘောင်တန်း လုပ်နိုင်တယ်။ သူခိုးတွေ၊ ဓားပြတွေကိုလည်း
ဖမ်းခဲ့တယ်။ မြို့နယ်မှူးအလုပ်တွေကို လုပ်နိုင်ပေမယ့် နေရာကောင်း မပေးတာကြောင့်
ထွက်လိုက်တာပါ။ တစ်နိုင်ငံလုံးမှာ အမျိုးသမီးစခန်းမှူး မရှိဘူး။ အမျိုးသမီးတွေဆို မသင့်တော်ဘူး
ဆိုတဲ့ အကြောင်းပြချက်နဲ့ သူတို့ မခန့်တာဖြစ်တယ်။ အခွင့်အခါ ကြုံရင်တော့ အမျိုးသမီး
ဝန်ထမ်းတွေရဲ့ အောက်ကျ နောက်ကျဖြစ်ရတဲ့ဘ၀ကို ပြောရမှာပေါ့။ ကိုယ့်မှာလည်း
ခံစားချက်ရှိတာကိုး"ဟု ဒေါ်နန်းရူပါသန်းက ဆိုသည်။

ဝါးခယ်မမှာ လက်ရှိ ကုန်စုံဆိုင်ဖွင့်ထားပေမယ့် ခင်ပွန်း ဖြစ်သူနဲ့ သားသမီးတွေရဲ့ ၀င်ငွေကောင်းတဲ့
အလုပ်အကိုင်တွေကြောင့် နောက်ကြောင်းအတွက် စိတ်ပူစရာမရှိဘူးဟုလည်း သူက ဆိုသည်။

လွှတ်တော်အမတ်ဖြစ်ဖို့ ရည်မှန်းချက် နဂိုက မထားခဲ့ပေမယ့်လည်း ပါတီ၏ တိုက်တွန်းမှုကြောင့်
လုပ်သင့်တဲ့ အလုပ်တစ်ခုဖြစ်ကြောင်း နားလည်လာခဲ့သူဖြစ်သည်။

ယခုတော့ လွှတ်တော်အမတ်ဖြစ်ခဲ့ပါက အားလုံးကိုစွန့်ပြီး လုပ်နိုင်တယ်ဟု သူက ဆိုသည်။

"လွှတ်တော်ကိုယ်စားလှယ် အရည်အချင်းတွေပြည့်ဖို့ အများကြီးလေ့လာရဦးမယ်၊
ဘာသာရေးဘက် အားသန်ခဲတာဆိုတော့ ဘာသာရေးစာအုပ်တွေဖတ်ခဲ့တယ်၊ အခု နိုင်ငံရေးနဲ့
ပတ်သက်ပြီးတော့ အတွေးအခေါ်ဗဟုသုတ အများကြီးလိုသေးတယ်လို့ ထင်ပါတယ်။
အမျိုးသမီး လွှတ်တော်ကိုယ်စားလှယ်တွေ အရမ်းစိတ်ဝင်စားတာတော့ မရှိဘူး။ ဒါပေမဲ့
ဒေါ်အောင်ဆန်းစုကြည့်ကိုတော့ နည်းနည်းသတိထားမိတယ်၊ သူ့ပုံဆိုလည်း ကြည့်ဖြစ်တယ်၊
သူ့အကြောင်းတွေဆိုရင်လည်း ဘာရယ်ညာရယ်တော့မဟုတ်ဘူး၊ ဖတ်ဖြစ်တယ်"ဟု
ဒေါ်နန်းရူပါသန်းက ပွင့်ပွင့်လင်းလင်းပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း