နိုင်ငံရေးနဲ့ မီဒီယာ ချိတ်ဆက်နေတယ်

အောင်ခန့်/မြန်မာတိုင်း(မ်)အောင်ခန့်/မြန်မာတိုင်း(မ်)

ဦးမြင့်ကျော်
မြန်မာနိုင်ငံဂျာနယ်လစ်ကွန်ရက် (လုပ်ငန်း ကော်မတီဝင်)/ မြန်မာနိုင်ငံ စာနယ်ဇင်းကော်မတီ
(အဖွဲ့ဝင်)/ အလွတ်တန်း သတင်းထောက်

* ၂၀၁၀၊ ၂၀၁၂ ရွေးကောက်ပွဲကာလတွေနဲ့ နှိုင်းယှဉ်ရင် ခု ၂၀၁၅ ရွေးကောက်ပွဲ
အကြိုကာလမှာ သတင်းသမားတွေရဲ့ လုပ်ပိုင်ခွင့်အခြေအနေ ဘယ်လောက်အထိ
ရလာပြီလဲ။

အရင်ရွေးကောက်ပွဲတွေနဲ့ နှိုင်းယှဉ်ရင် သတင်းသမားတွေရဲ့လုပ်ပိုင်ခွင့်နဲ့ လွတ်လပ်မှုက
သိသိသာသာပိုများလာတယ်။ အဲဒီလို လုပ်ပိုင်ခွင့်များလာမှုမှာ နှစ်ပိုင်းရှိတယ်။ တစ်ခုက
Self Censorship အပိုင်းက အရင်ကထက်စာရင် ပိုလျော့နည်းလာပြီ။

၂၀၁၀ ရွေးကောက်ပွဲမှာတုန်းက သတင်းတစ်ခုခု ရေးမယ်ဆိုရင် မရလောက်ဘူးလို့
အရင်ကြို တွေးပြီး ကိုယ်ပိုင်ကန့်သတ်မှုတွေကြောင့် အခုလောက် လွတ်လွတ်လပ်လပ်
မရေးကြဘူး။

အခုချိန်မှာတော့ ဥပဒေပိုင်းဆိုင်ရာတို့၊ သတင်းအချက်အလက်ရယူမှုတို့ ဆန်းစစ်ပြီး ရေးမယ်ဆိုရင်
ပြန်ရလာမယ့် တုံ့ပြန်မှုတွေ ဥပမာ - လူကြိုက်များတဲ့ ခေါင်းဆောင်ကို ဝေဖန်မိရင် ငါ့ကို ဘယ်လို
တုံ့ပြန်မလဲ၊ ဘာသာရေးကိစ္စတွေ ငါရေးရင် ငါ့ကိုဘယ်လို တုံ့ပြန်မလဲဆိုတဲ့ အတွေးနဲ့
ကန့်သတ်မှုတွေ ရှိနေတဲ့တိုင် မီဒီယာသမားတွေမှာ လွတ်လပ်ခွင့် အထိုက်အလျောက်ရှိတယ်လို့
ခံယူထားတဲ့အတွက် လွတ်လပ်တယ်လို့ ပြောလို့ရပါတယ်။

အဲဒါကြောင့် ၂၀၁၀၊ ၂၀၁၂ တို့နဲ့ နှိုင်းယှဉ်ရင် ကိုယ်ပိုင်သတ်မှတ်ထားတဲ့ လွတ်လပ်ခွင့်က
ပိုရနေတယ်။ ဒါပေမဲ့ တချို့ အကြောင်းအရာတွေဖြစ်တဲ့ သတင်းအချက်အလက်အတွက်
ရွေးကောက်ပွဲကော်မရှင်ကို မေးမြန်းတာမျိုး၊ အစိုးရအဖွဲ့ထဲကလူတွေကို မေးမြန်းတာမျိုးနဲ့
ရွေးကောက်ပွဲနဲ့ စီမံကိန်းတွေ ဘယ်လိုဆက်စပ်သလဲဆိုတာတွေကို ၀န်ကြီးဌာနတွေကို
မေးတဲ့နေရာမှာ အခက်အခဲတွေ ရှိနေဦးမှာပါပဲ။

* အခု ၂၀၁၅ ရွေးကောက်ပွဲအကြို မဲဆွယ်စည်းရုံးတဲ့ ကာလမှာ မီဒီယာသမားတွေ
ကိုယ်တိုင် မဲဆွယ် လွှမ်းမိုးခံရတဲ့အခြေအနေတွေ ရှိနိုင်မလား။

ရှိနိုင်ပါတယ်။ အဲဒီလို လွှမ်းမိုးမခံရအောင် ကိုယ်ကိုယ်တိုင် လွတ်လပ်ဖို့လိုသလို လွတ်လပ်တဲ့
သတင်းမီဒီယာမှာ အလုပ်လုပ်ဖို့လည်း လိုအပ်ပါတယ်။ ကိုယ်တိုင်ကတော့ independence
ဖြစ်တယ်။ ဒါပေမဲ့ ကိုယ်လုပ်တဲ့ မီဒီယာက မလွတ်လပ်ဘူးဆိုရင်တော့ အဲဒီ မီဒီယာရဲ့ပေါ်လစီကို
မကျော်နိုင်ပါဘူး။

ကိုယ့်ရဲ့ လွတ်လပ်မှုက အတိုင်းအတာရှိသလို အယ်ဒီတာတွေရဲ့ ပုံသွင်းမှုတွေ မရှိဖို့၊
အယ်ဒီတာတွေကိုယ်တိုင် ဘက်မလိုက်မှုကို နားလည်ဖို့ လိုအပ်တယ်။

ကိုယ့်သတင်းသမားတွေကိုလည်း မျှမျှတတဖော်ပြနိုင်အောင် စေခိုင်းနိုင်ရင် အဲဒီမီဒီယာက
ကောင်းမယ်။ တကယ်လို့ အယ်ဒီတာတွေကရော၊ ပိုင်ရှင်ကပါ ပါတီတစ်ခုခု၊ လူပုဂ္ဂိုလ်
တစ်ယောက်ယောက်ကို သဘောကျပြီး အသားပေးတယ်ဆိုရင်တော့ အဲဒီမီဒီယာက
ဘက်လိုက်ဖို့ ရာခိုင်နှုန်းတော်တော်များနေပါပြီ။

* ၂၀၁၀ နဲ့ ၂၀၁၂ ရွေးကောက်ပွဲတွေနောက်ပိုင်းမှာ ပြောင်းလဲလာတဲ့ မီဒီယာလောက
အခြေအနေကို သုံးသပ်ပေးပါ။

အဲဒီရွေးကောက်ပွဲတွေနောက်ပိုင်း နိုင်ငံရေးအပြောင်းအလဲဖြစ်စဉ်တွေထဲမှာ မီဒီယာက
တခြားနယ်ပယ်တွေကထက်စာရင် ပိုပြီးတော့ မြန်ဆန်ပြောင်းလဲတယ်။

ဘာလို့လဲဆိုတော့ မီဒီယာသမားတွေကိုယ်တိုင် အပြောင်းအလဲဖြစ်ဖို့ ကြိုးစားရုန်းကန်တယ်။

ဒါကြောင့် နိုင်ငံတကာကပါ မြန်မာနိုင်ငံရဲ့ မီဒီယာ ရှေ့ကိုတိုးတက်ပြောင်းလဲလာတယ်လို့
အကဲဖြတ်ကြတယ်။

မီဒီယာဥပဒေတွေ၊ သတင်းတင်ပြမှုနဲ့ သတင်းရယူပိုင်ခွင့်တွေ တိုးတက်လာတယ်။

ဒါပေမဲ့ ဖွဲ့စည်းပုံအရ သတင်းသမားတွေကို အာမခံနိုင်ဖို့ဆိုရင်တော့ ဝေးနေသေးတယ်။

လုပ်စရာတွေ အများကြီးရှိနေပါသေးတယ်။ ခုဆိုရင် အရှေ့ တောင်အာရှ ၁၀ နိုင်ငံမှာ မြန်မာနိုင်ငံရဲ့
သတင်းမီဒီယာလွတ်လပ်ခွင့်က အဆင့် (၄) ရောက်လာပြီ။

စစ်အစိုးရလက်ထက်တုန်းက အဆင့် (၁၀)၊ နောက်ပိုင်း အဆင့် (၅) နဲ့ အခုဆိုရင် အဆင့် (၄)
ဆိုတော့ တော်တော် တက်လာတယ်လို့ ပြောလို့ရပါတယ်။

* အခု ၂၀၁၅ ရွေးကောက်ပွဲက မီဒီယာအတွက်ရော ဘယ်လောက်အထိ အရေးပါမလဲ။
ရွေးကောက်ပွဲအပြီးကာလမှာ မီဒီယာတွေအပေါ် ဘယ်လို သက်ရောက်ပြောင်းလဲမှုတွေ
ရှိလာမယ်လို့ မျှော်လင့်နိုင်မလဲ။

လာမယ့်ရွေးကောက်ပွဲက လူတွေအတွက် အရေးကြီးနေတော့ အဲဒီရွေးကောက်ပွဲကို
စောင့်ကြည့်မယ့် မီဒီယာကလည်း အရေးကြီးပါတယ်။

ရလာမယ့် ရလဒ်ကလည်း နိုင်ငံအသွင်ကူးပြောင်းရေးအတွက် ပိုပြီးရှေ့ရောက်ဖို့၊
ဒီမိုကရေစီလမ်းကြောင်းပေါ်ကို မြန်မြန်ရောက်ဖို့ အထောက်အကူပြု ခဲ့ရင် မီဒီယာကလည်း
အဲဒီအကျိုးကျေးဇူးကို ခံစားရမှာပါ။

မီဒီယာရဲ့ ဥပဒေပိုင်းအရရော၊ လက်တွေ့ပိုင်းရော၊ လုပ်ပိုင်ခွင့်ပါ ပိုရလာမယ်။

နိုင်ငံရေးနဲ့ မီဒီယာ ချိတ်ဆက်နေတယ်လို့ မြင်ပါတယ်။

ရွေးကောက်ပွဲအလွန်ကို ပြောရင် ရွေးကောက်ပွဲပြီးတဲ့ အချိန်မဟုတ်ဘဲ လူထု ရွေးချယ်လိုက်တဲ့
အစိုးရသစ်တာဝန်ယူတဲ့ ကာလကို ပြောရမှာဖြစ်တဲ့အတွက် ဘယ်လို အစိုးရ တက်လာမလဲဆိုတဲ့
အပေါ်ပဲ မူတည်နေပါတယ်။

ဒါပေမဲ့ ကျွန်တော်တို့ မီဒီယာသမားတွေက ကိုယ်တွေအခွင့်အရေးအတွက် ကိုယ်တိုင်ပြောကြ
လုပ်ကြတော့ တခြားကဏ္ဍတွေထက်တော့ ရှေ့ကို ပိုရောက်မယ်လို့ မျှော်လင့်ပါတယ်။

အသစ်တက်လာမယ့် အစိုးရကလည်း မီဒီယာရဲ့ အရေးပါမှုကို အခုထက်ပိုပြီးတော့ နားလည်ဖို့
လိုလိမ့်မယ်။

လိုအပ်တဲ့ မီဒီယာဥပဒေတွေ မြန်မြန်ဆန်ဆန်ချမှတ်ပေးစေချင်တယ်။

ရုပ်သံဆိုရင်လည်း အခု ပုံနှိပ်တို့ အွန်လိုင်းတို့လိုမျိုး အပြင်က လိုင်စင်နဲ့ လျှောက်လို့မရသေးတော့
အားနည်းနေပါတယ်။

ဒါကြောင့် လိုအပ်တဲ့ ရုပ်သံဥပဒေလိုမျိုးတွေ လုပ်ပေးဖို့ မျှော်လင့်ပါတယ်။

* ပြီးခဲ့တဲ့ ရွေးကောက်ပွဲအလွန်ကာလတွေမှာ မီဒီယာက ပိုပြီးလွတ်လပ်တယ်၊
တိုးတက်တယ်ဆိုပေမယ့် ဆိုးရွားနေသေးတဲ့ အခြေအနေတွေ ရှိနေသေးတာကိုရော
ဘယ်လိုမြင်ပါသလဲ။

ရွေးကောက်ပွဲပြီးတဲ့အချိန်မှာ နေ့စဉ် သတင်းစာထုတ်ဝေခွင့်တွေ၊ သတင်း လွတ်လပ်စွာ
ဖော်ပြခွင့်တွေ ပိုများလာတယ်။

အဲဒီလို လွတ်လပ်စွာရေးလာကြတဲ့အချိန်မှာ တချို့ အကျိုးစီးပွားတွေကို ထိခိုက်မှုတွေ ရှိလာတယ်။

အဲဒီအနေအထားမှာ အဲဒီ အဖွဲ့အစည်းတွေ (အစိုးရအဖွဲ့အစည်းတွေ)က ဒီအထိတော့
လက်မခံနိုင်ဘူးဆိုတဲ့ ဥပမာ - တရားစီရင်ရေးကို ဖိအားပေးတာမျိုးနဲ့ မီဒီယာသမားတွေ
ထောင်ချခံရတာတွေရှိတယ်။

အဲဒါတွေကို ပြန်ကြည့်ရင် ကျွန်တော်တို့ ဒီမိုကရေစီနိုင်ငံရဲ့ မီဒီယာသမားတွေရဲ့ လွတ်လပ်တဲ့
စံချိန်စံညွှန်းတွေလောက်တော့ ရအောင် မလုပ်နိုင်သေးပါဘူး။

နိုင်ငံတော် လျှို့ဝှက်ချက် အက်ဥပဒေ၊ ၁၇ (၁)၊ ပုဒ်မ ၅၀၀ က ပြစ်မှုဆိုင်ရာအက်ဥပဒေ
ဖြစ်နေသေးတာတို့၊ အီလက်ထရွန်းနစ် အက်ဥပဒေကလည်း အရေးယူမယ်ဆိုရင်
ချက်ချင်းအရေးယူနိုင်သေးတာတို့လို စိန်ခေါ်မှုတွေ ရှိနေသေးပါတယ်။

* ၂၀၁၅ ရွေးကောက်ပွဲမှာ မီဒီယာသမားတွေ၊ သတင်းဌာနတွေ သတိထားရမယ့်
အကြောင်းအရာက ဘာဖြစ်မလဲ။

ကျွန်တော့်အမြင်ကတော့ သတင်းသမားတွေကြားထဲမှာ ဝေခွဲမရတာတွေ ရှိတယ်။ လူတိုင်းကို
မပြောလိုပါဘူး။ သတင်းသမားနဲ့ နိုင်ငံရေးထဲမှာ ပါဝင်ပတ်သက်မှုတွေပေါ့။

ဥပမာ - ဒီရွေးကောက်ပွဲက နိုင်ငံ့အပြောင်း အလဲဖြစ်တာမို့ သတင်းသမားတွေကိုယ်တိုင်
ဘက်မလိုက်လို့ မရဘူး၊ ဘက်လိုက်ရမယ်ဆိုတဲ့ အယူအဆပိုင်းဆိုင်ရာ ရှုပ်ထွေးမှုတွေ ရှိတယ်။

တစ်ခါတလေမှာ တချို့သော သတင်းသမားတွေက ဘယ်ပါတီကို ထောက်ခံပါတယ်၊ ဘယ်သူ့ကို
ထောက်ခံပါတယ်ဆိုတာကို ပရိသတ်သိအောင် ပြောတာတွေ၊ ဆိုရှယ်မီဒီယာတွေမှာ
ရေးတာတွေရှိတယ်။

အမှန်တော့ မှန်တဲ့ ဘက်ဆိုတာ လိုက်စရာမလိုဘူး၊ တကယ်ဖြစ်ပျက်တဲ့ အချက်အလက်မှန်ကို
တင်ပြရင် ပြည်သူက ဆုံးဖြတ်ပါလိမ့်မယ်။

သတင်းသမားက တကယ်လူတွေ သိသင့်တာတွေတင်ပြရင် ဆုံးဖြတ်နိုင်ကြပါလိမ့်မယ်။

ကိုယ်တိုင်က ဘာကိုဘယ်လိုလုပ်ပါလို့ ပြောမယ့်အစား သိသင့်တဲ့ သတင်းအချက်အလက်မှန်
တွေကို ထုတ်ပြရပါမယ်။

သတင်းစာဆရာ တစ်ယောက်ရဲ့တာဝန်ကို ကျေပွန်အောင် ဆောင်ရွက်နိုင်မယ်ဆိုရင်
ဘယ်သူ့ကိုမဲပေးပါ၊ ဘယ်သူ့ကို မဲမပေးပါနဲ့လို့ ပြောစရာ မလိုလောက်အောင်ကို လူထုက
သိပါလိမ့်မယ်။

နိုင်ငံရေးပါတီနဲ့ ခေါင်းဆောင်တွေရဲ့ အမြင်တွေချည်း မဟုတ်ဘဲ သာမန်ပြည်သူတွေကရော
ဘာမြင်သလဲ၊ ဘာလိုချင်သလဲ ဆိုတာကို နိုင်ငံရေးသမားတွေဆီပြန်ပြောပေးဖို့က ကျွန်တော်တို့
မီဒီယာသမားတွေရဲ့ တာဝန် ဖြစ်ပါတယ်။

တစ်ခါတလေမှာ ကျွန်တော်တို့က အာဏာရှိတဲ့သူ၊ တာဝန်ကြီးကြီးယူတဲ့သူ၊ နာမည်ကြီး
ခေါင်းဆောင်ပိုင်းတွေပဲ စာမျက်နှာတွေမှာ တင်ပြလေ့ရှိတယ်။

လူတွေရဲ့ အမြင်ကိုမေးပြီး သိသင့်တဲ့ အချက်အလက်ကို ပြောတဲ့အခါမှာတော့
အားနည်းနေပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း