လယ်လုပ်သူ လယ်ပိုင်ခွင့်ရအောင် ဆောင်ရွက်ပေးသွားပါမယ်

ဒေါ်နန့်သန်းမြင့်ကြည်
အမျိုးသားလွှတ်တော်ကိုယ်စားလှယ်လောင်း၊ မြန်မာနိုင်ငံ တောင်သူလယ်သမားနှင့် အလုပ်သမား
ပြည်သူ့ပါတီ

* ဘယ် မဲဆန္ဒနယ်က ၀င်ရောက်ယှဉ်ပြိုင်မလဲ။

ဧရာဝတီတိုင်း ကျုံပျော်၊ ရေကြည် မဲဆန္ဒနယ်အမှတ် ၃ က နေ အမျိုးသားလွှတ်တော်အတွက်
ဝင်ရောက်ယှဉ်ပြိုင်မှာပါ။

* ရွေးကောက်ပွဲနဲ့ပတ်သက်ပြီး တွေ့ကြုံရတဲ့ အခက်အခဲတွေက ဘာတွေဖြစ်မလဲ။

ရွေးကောက်ပွဲမှာ တွေ့ကြုံရတဲ့ အခက်အခဲကတော့ ရန်ပုံငွေပါ။ ပါတီအသစ်ဖြစ်တော့ ရန်ပုံငွေ
မရှိပါဘူး။ ကိုယ့်ငွေနဲ့ ကိုယ် အကျိုးဆောင် လုပ်ကိုင်နေပါတယ်။ ပါတီကို ကျစ်လျစ် ခိုင်မာအောင်
လုပ်ဆောင်နေပါတယ်။ နောက်အခက်အခဲ တစ်ခုကတော့ ကိုယ့်အတွက် ရေကြည်က
ဒေသသစ်ဖြစ်တော့ မဲဆွယ်ရာမှာ အားအင်စိုက်ထုတ်ရပါမယ်။

* ရွေးကောက်ပွဲ ၀င်ရောက်ယှဉ်ပြိုင်ဖို့ ပါတီက ဘယ်လိုကူညီ ပံ့ပိုးနေပါသလဲ။

ပါတီဗဟိုကော်မတီဝင်တွေထဲမှာ ရေကြည်အသိမိတ်ဆွေ ရှိတယ်။ မဲဆွယ်စည်းရုံးရေးအတွက်
ကူညီဆောင်ရွက်ပေးပါလိမ့်မယ်။ ဖွဲ့စည်းထားတာ မကြာသေးတဲ့ပါတီ အသစ်ဖြစ်တဲ့ အခါကျတော့
ငွေကြေးအနေနဲ့ ပံ့ပိုးပေးနိုင်မှုတော့ မရှိပါဘူး။

* မဲဆွယ်စည်းရုံးရေးကာလမှာ ဘယ်လိုပုံစံနဲ့ မဲဆွယ်စည်းရုံးမလဲ။

မဲဆွယ်စည်းရုံးရာမှာ လက်ကမ်းစာစောင် သုံးမယ်။ အလံ စတစ်ကာတွေ လုပ်မယ်။
ကိုယ်စားလှယ်မိတ်ဆက် လက်ကမ်းစာစောင် လုပ်မယ်။ ပါတီလက်ကမ်းစာစောင် ဝေပါမယ်။
မိတ်ဆွေတွေ ဖိတ်ပြီး ဟောပြောစည်းရုံး ပွဲလေးတွေ လုပ်မယ်။

* ပြည်သူတွေက အန်တီကို ဘာကြောင့်မဲပေးသင့်တယ်လို့ ထင်လဲ။

ကိုယ့်နယ်ဖြစ်တဲ့ ကျုံပျော်မှာတော့ ကျောင်းဆရာမ လုပ်ခဲ့တဲ့ သက်တမ်းတစ်လျှောက်
လူမှုအကျိုးပြုလုပ်ငန်းတွေ လုပ်ဆောင်ခဲ့တာ ဒေသခံတွေ သိပြီးသားပါ။ စာသင်ကျောင်းတွေ
တစ်ရွာတစ်ကျောင်း ရရှိဖို့၊ ကျန်းမာရေးစောင့်ရှောက်မှုတွေ၊ လမ်းပန်းဆက်သွယ်ရေးတွေ
ကောင်းမွန်လာဖို့ ကြိုးစားခဲ့ပါတယ်။

* ရွေးကောက်ပွဲအတွက် ကိုယ့်ရဲ့မဲဆန္ဒရှင်တွေကို ပေးချင်တဲ့ သတင်းစကားက
ဘာများဖြစ်မလဲ။

တောင်သူလယ်သမားတွေ ရပိုင်ခွင့်၊ လယ်လုပ်သူ လယ်ပိုင်ခွင့် ရရှိရေးအတွက်
ဆောင်ရွက်ပေးသွားပါမယ်။ မျိုးကောင်း မျိုးသန့်တွေ ရရှိရေး၊ စိုက်ပျိုးထွက်ရှိလာတဲ့ မျိုးကောင်း
မျိုးသန့်စပါးတွေ ဈေးကောင်းရအောင် ရောင်းချနိုင်ဖို့ ဆောင်ရွက်ပေးသွားပါမယ်။

နောက် အမျိုးသမီးရပိုင်ခွင့်တွေကို ဆောင်ရွက်ပေးသွားမှာပါ။ နစ်နာမှုတွေ မဖြစ်ရအောင်
ကာကွယ်နိုင်ဖို့ ကြိုးပမ်းပေးသွားပါမယ်။

* အနိုင်ရခဲ့မယ်ဆိုရင် သမ္မတလောင်းကို ဘယ်လိုရွေးချယ်ဖို့ ဆုံးဖြတ်ထားလဲ။

အနိုင်ရခဲ့ရင် ရွေးချယ်ခံအမတ်တွေထဲက တိုင်းပြည်၊ လူမျိုးကောင်းကျိုးရအောင်
ဆောင်ရွက်ပေးမယ့် လူကို သမ္မတ လောင်းအဖြစ် ရွေးချယ်သွားပါမယ်။ ပြင်ဆင်စရာအများကြီးနဲ့
နွံနစ်နေတဲ့ တိုင်းပြည်ကြီးကို ကယ်တင်နိုင်မယ့် ပုဂ္ဂိုလ်၊ ဥပဒေစိုးမိုးရေးကို ဆောင်ရွက်ပေးမယ့်
ပုဂ္ဂိုလ်ကို ရွေးချယ်သွားပါမယ်။

* နိုဝင်ဘာရွေးကောက်ပွဲက တိုင်းပြည်အပြောင်းအလဲအတွက် မှတ်ကျောက်တင်မယ့်
ရွေးကောက်ပွဲလို့ ပြောဆိုနေတော့ ရွေးကောက်ပွဲနဲ့ ပတ်သက်တဲ့ အန်တီ
မျှော်လင့်ချက်က ဘာများဖြစ်မလဲ။

ရွေးကောက်ပွဲအလွန် အပြောင်းအလဲကို အများကြီးတော့ မျှော်လင့်မထားပါဘူး။ ပြည်သူတွေ
စားဝတ်နေရေး ပြေလည်လာစေဖို့ပဲ မျှော်လင့်ပါတယ်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း