ရွေးကောက်ပွဲနှင့် တောင်သူလယ်သမားတို့၏ မျှော်လင့်ချက်များ

မကြာမီရက်ပိုင်းအတွင်း ကျင်းပတော့မည့် အထွေထွေ ရွေးကောက်ပွဲကြီးမှာ ပါဝင်ယှဉ်ပြိုင်မည့်
ကိုယ်စားလှယ် လောင်းများ၏ မဲဆွယ်စည်းရုံးမှုများကို ပုံစံမျိုးစုံဖြင့် နေရာအချို့တွင်
တွေ့မြင်လာရသည်။

လက်ရှိအနိုင်ရပါတီ ဖြစ်သည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက "အနာဂတ်ဘ၀
ပြောင်းလဲတိုးတက်ဖို့ ပြည်ခိုင်ဖြိုးကို မဲပေးစို့" ဟု ကြွေးကြော်နေသည့်နည်းတူ အင်အားကြီး
အတိုက်အခံပါတီ အမျိုးသားဒီမိုကရေစီအဖွဲ့ချုပ် (အင်န်အယ်လ်ဒီ)ကလည်း "အမှန်တကယ်
ပြောင်းလဲဖို့ NLD ကို မဲပေးစို့"ဟု စည်းရုံးဟောပြောလျက်ရှိသည်။

သို့သော် ကျန်ပါတီများကမူ ယနေ့အထိ သိသိသာသာ မဲဆွယ်စည်းရုံးမှုများ ပြုလုပ်သည်ကို
မတွေ့ရသေးပေ။

နိုဝင်ဘာလ ၈ ရက်နေ့တွင် ကျင်းပမည့် ရွေးကောက်ပွဲသည် စစ်ဗိုလ်ချုပ်ဟောင်းများ အများစု
လွှမ်းမိုးထားသည့် အစိုးရနှင့် လွှတ်တော်တွင် အရပ်သားဒီမိုကရေစီ အင်အားစုများက
အစားထိုးနေရာယူရန် ရေကုန်ရေခန်း ယှဉ်ပြိုင်ကြတော့မည်ဖြစ်သည်။

တိုင်းပြည်အတွက် အရေးကြီးသည့်သမိုင်းမှတ်တိုင်အဖြစ် တင်စားပြောဆို နေကြသည့်
ရွေးကောက်ပွဲသည် မြန်မာပြည်သူတို့ လိုလားနေသည့် အပြောင်းအလဲအတွက်
မျှော်လင့်ချက်လည်း ဖြစ်သည်။

အပြောင်းအလဲကို မျှော်လင့်တောင့်တနေသော ပြည်သူများဟုဆိုရာတွင် နိုင်ငံလူဦးရေ၏
၇၀ ရာခိုင်နှုန်းကို ကိုယ်စားပြုသော တောင်သူလယ်သမားများလည်း ပါဝင်နေသည်။

လတ်တလော မဲဆွယ်စည်းရုံးရေးကာလမှာတော့ ပါတီကြီးများ ပြောဆိုစည်းရုံးနေသည့်
ခေါင်းစဉ်ကြီးများအောက်မှာ တောင်သူလယ်သမားများ မျှော်လင့်သည့် အပြောင်းအလဲတွေ
ကတော့ ပါဝင်မနေပါဘူး။

"ကျွန်တော်တို့က လယ်သမားတွေဆိုတော့ နိုင်ငံရေးလည်း သိပ်နားမလည်ဘူးဗျ။ ဒါပေမဲ့
ကျွန်တော်တို့အတွက် တက်တက်ကြွကြွ ဆောင်ရွက်ပေးမယ်ဆိုတဲ့ ပါတီလည်း မကြားမိသေးဘူး။
ကျွန်တော်တို့အတွက် အရေးကြီးတာကတော့ လယ်မြေကို ခိုင်ခိုင်မာမာ ပိုင်ဆိုင်နိုင်ဖို့ပဲ။
လယ်သမားတစ်ယောက်အတွက် လယ်မြေပိုင်ဆိုင်မှုခိုင်မာမှုက အဓိကပဲ။ မဟုတ်ရင်
သိမ်းချင်တိုင်း သိမ်းခံနေရတာ"ဟု တနင်္သာရီတိုင်း၊ ထားဝယ်မြို့နယ်၊ ဆန်းချီရပ်ကွက်တွင်
နေထိုင်သည့် လယ်ယာလုပ်ကိုင်သူ ဦးထွန်းထွန်းဝင်းက ပြောသည်။

တောင်သူလယ်သမားများသည် မြန်မာ့ဆိုရှယ်လစ် လမ်းစဉ်ပါတီခေတ်မှ ယနေ့ပါတီစုံဒီမိုကရေစီ
အစိုးရလက်ထက်အထိ ခေတ်အဆက်ဆက် စံပြစိုက်ခင်းဖော်ထုတ်ရေး၊ မြို့ပြအိမ်ရာဖော်ထုတ်ရေး၊
နိုင်ငံတော်စီမံကိန်း၊ စက်ရုံ၊ အလုပ်ရုံတည်ဆောက်ရေး၊ အထူးစီးပွားရေးဇုန်များ
အကောင်အထည်ဖော်ရေး၊ တပ်ရင်းတပ်ဖွဲ့များ တိုးချဲ့ဆောက်လုပ်ရေး စသည့်ခေါင်းစဉ်
အမျိုးမျိုးအောက်တွင် အကြောင်းပြချက်မျိုးစုံဖြင့် လယ်ယာများကို သိမ်းဆည်းခံခဲ့ရသည်။

လယ်သမားများမှာ ဘိုးစဉ်ဘောင်ဆက် လယ်ယာလုပ်ငန်းကို လုပ်ကိုင်ခဲ့ပေမယ့်လည်း
အစိုးရအဆက်ဆက်က ယင်းမြေယာများကို ဥပဒေကြောင်းအရ ခိုင်မာသည့် ပိုင်ဆိုင်ခွင့်
မပေးခဲ့သလို ၁၉၄၇၊ ၁၉၇၄၊ ၂၀၀၈ ဖွဲ့စည်းပုံ အခြေခံဥပဒေ သုံးခုစလုံးတွင် နိုင်ငံတော်သည်
မြေပေါ် မြေအောက်၊ ရေပေါ်ရေအောက် လေထုအတွင်းရှိ သယံဇာတပစ္စည်းအားလုံး၏
ပိုင်ရှင်ဖြစ်သည်ဟု ဖော်ပြထားခြင်းကြောင့် ဖြစ်သည်။

"လယ်သမားဆိုတာ ခေတ်အဆက်ဆက် နင်းပြားဘ၀ပဲ။ အလုပ်ဘယ်လောက်လုပ်လုပ်
ဆင်းရဲကြတယ်။ အခု ဒီမိုကရေစီခေတ်လို့ ပြောနေကြတယ်။ တို့ကတော့ ဒီမိုကရေစီတွေ
ဘာတွေထက် လက်တွေ့မှာ ဘယ်လောက် အဆင်ပြေအောင် လုပ်ပေးနိုင်မလဲဆိုတာပဲ
စိတ်ဝင်စားတယ်။ အဘတို့ ဖြစ်စေချင်တာ လယ်သမားတွေဘ၀ကို ကာကွယ်မြှင့်တင်ပေးမယ့်
ဥပဒေတွေ ဖြစ်လာဖို့ပဲ"ဟု ဧရာဝတီတိုင်းဒေသကြီး၊ မော်ကျွန်းမြို့နယ်မှ ဦးတင့်လွင် ကပြောသည်။

ဆိုရှယ်လစ်ခေတ်တွင် တောင်သူလယ်သမားများအတွက် ၁၉၅၃ ခုနှစ် လယ်ယာမြေနိုင်ငံပိုင်
ပြုလုပ်ရေးဥပဒေ၊ ၁၉၆၃ ခုနှစ် တောင်သူလယ်သမားအခွင့်အရေး ကာကွယ်သည့်ဥပဒေများကို
ပြဋ္ဌာန်းပေးခဲ့သည်။

သို့သော် ကန့်သတ်ချက်ပေါင်းများစွာဖြင့်သာ လုပ်ပိုင်ခွင့်ကို ရရှိခဲ့ပြီး ပိုင်ဆိုင်ခွင့်တော့ မပေးခဲ့ပေ။

ထိုအချက်သည် လယ်သမားများထံမှ မြေများကို အကြောင်းပြချက်မျိုးစုံဖြင့် သိမ်းဆည်းနိုင်ရန်
အခြေခံအကြောင်းရင်းပင် ဖြစ်သည်။

၁၉၈၈ ခုနှစ်နောက်ပိုင်း တပ်မတော်အစိုးရလက်ထက်တွင် လယ်ယာမြေဧကများစွာ
သိမ်းဆည်းခဲ့ပြီး အများစုကို ၎င်းတို့နှင့်အလျင်းသင့်ရာ ကုမ္ပဏီများကို လုပ်ပိုင်ခွင့်ပေးခဲ့ကြသည်။

ထို့ကြောင့် အုပ်ချုပ်ရေးပိုင်းနှင့် နီးစပ်သူများမှာ လယ်ယာမြေများကို နည်းလမ်းအမျိုးမျိုးဖြင့်
ရယူပိုင်ဆိုင်လာပြီး အချိန်တိုအတွင်း သန်းကြွယ်သူဌေးများ ဖြစ်သွားကြသော်လည်း
တောင်သူများမှာ မြေယာမဲ့ဘ၀သို့ ရောက်ရှိလာသည်။

အဆိုပါ အကြောင်းရင်းများကြောင့် ၂၀၁၀ ရွေးကောက်ပွဲအပြီး သမ္မတ ဦးသိန်းစိန် ဦးဆောင်သည့်
အစိုးရသစ် တက်လာသည့်အခါ ပထမဆုံးအုံကြွလာသူများမှာ နှစ်ပေါင်းများစွာ ဖိနှိပ်ခံထားရသော
တောင်သူလယ်သမားများပင် ဖြစ်သည်။

ဒီမိုကရေစီအစိုးရသစ် လက်ထက်တွင် သိမ်းဆည်းခံလယ်ယာမြေများ ပြန်လည်ရရှိရေးအတွက်
တောင်သူများ၏ ဆန္ဒထုတ်ဖော်မှုများကို နေ့စဉ်ရက်ဆက် နေရာအနှံ့မှာ တွေ့မြင်ခဲ့ရပြီး
လွှတ်တော်တွင်လည်း တောင်သူတို့၏ နစ်နာချက်များတင်ပြမှုများကို တွေ့မြင်လာရသည်။

ယင်းကြောင့် လွှတ်တော်က လယ်ယာမြေပြဿနာများ စုံစမ်းစစ်ဆေးရန် လယ်ယာမြေနှင့်
အခြားမြေများ လေ့လာစုံစမ်းရေးကော်မရှင်တစ်ရပ် ဖွဲ့စည်းဆောင်ရွက်စေခဲ့သည်။

တစ်ချိန်တည်းမှာပင် သမ္မတဦးသိန်းစိန်က လယ်မြေများ မျှမျှတတ ပြန်လည်ပေးအပ်မည်ဟုဆိုကာ
ဒုတိယသမ္မတ ဦးဉာဏ်ထွန်း ဦးဆောင်သော ဗဟိုမြေယာစီမံခန့်ခွဲရေးအဖွဲ့များ အဆင့်ဆင့်
ဖွဲ့စည်းဆောင်ရွက်စေသော်လည်း ပြန်ပေးသည့်လယ်မြေများမှာ ဆုံးရှုံးခဲ့သည့် တောင်သူများထံ
မရောက်ရှိခဲ့ပေ။

၂၀၁၂ ခုနှစ်တွင် လယ်ယာမြေဥပဒေ၊ မြေလွတ်၊ မြေလပ်၊ မြေရိုင်းစီမံခန့်ခွဲမှု ဥပဒေ၊
တောင်သူလယ်သမား အခွင့်အရေးနှင့် အကျိုးစီးပွားမြှင့်တင်ရေးဥပဒေ စသည့်ဥပဒေသစ်များ
ထုတ်ပြန်ပေးခဲ့သော်လည်း လယ်သမားများအပေါ် အကာအကွယ်ပေးခြင်းမရှိဘဲ လယ်မြေပြန်ရရန်
နည်းမျိုးစုံဖြင့် ကြိုးပမ်းသည့် တောင်သူလယ်သမားများကို ပုဒ်မပေါင်းများစွာဖြင့်
ဖမ်းဆီးထောင်ချခဲ့သည်။

ထို့ကြောင့် လက်ရှိအခြေအနေတွင် အစိုးရ၏ မအောင်မြင်သည့် လယ်ယာမြေဖြေရှင်းမှုများ၊
လယ်သမားများကို ဖမ်းဆီးထောင်ချမှုများသည် ပြည်ခိုင်ဖြိုးပါတီကို နောက်တစ်ကြိမ်မဲထည့်ဖို့
စဉ်းစားနေရသည်ဟု လယ်သမား ဦးတင့်လွင်က ပြောသည်။

"အမှန်အတိုင်းပြောရရင် ၂၀၁၀ တုန်းကတော့ ရွေးကောက်ပွဲကို သိပ်အာရုံ မရှိဘူး။
ကိုယ်တိုင်ကလည်း ပြည်ခိုင်ဖြိုးပါတီဝင်ပါ။ ဒါပေမဲ့ ဒေသဖွံ့ဖြိုးရေးဆိုတာ ဘာမှဖြစ်မလာခဲ့ဘူး။
တောင်သူတွေရဲ့ လယ်ယာပြဿနာတွေလည်း လုပ်ပေးနိုင်တာ ဘာမှမရှိခဲ့တော့
အမှန်အတိုင်းပြောရင် အခုပါတီကို ထပ်ပြီး မဲထည့်ဖို့ အာရုံမရတော့ဘူး"ဟု ဦးတင့်လွင်က
ပြောသည်။

ရွေးကောက်ပွဲတွင် ၀င်ရောက်ယှဉ်ပြိုင်မည့် ပါတီများနှင့် ကိုယ်စားလှယ်လောင်းများမှာ
များပြားလှသည့်အတွက် တောင်သူများအနေဖြင့် ပါတီအမည်များအားလုံးကို မသိသော်လည်း
ပြည်ခိုင်ဖြိုးနှင့် အင်န်အယ်လ်ဒီကိုမူ သိကြသည်။

တချို့တိုင်းရင်းသားဒေသများတွင်မူ ပါတီကြီးနှစ်ခုအပြင် ၎င်းတို့ မဲဆန္ဒနယ်တွင် အားကောင်းသည့်
တိုင်းရင်းသားပါတီကိုလည်း သိကြသည်။

သို့သော် မိမိနေထိုင်သည့် မဲဆန္ဒနယ်တွင် ယှဉ်ပြိုင်မည့် ကိုယ်စားလှယ်လောင်း
အမည်များကိုတော့ သိသူက နည်းပါးလှသည်။

"ကျွန်တော်တို့ဆီမှာတော့ အင်န်အယ်လ်ဒီလည်း အရမ်းမကြိုက်ဘူး၊ ကြံ့ခိုင်ရေးလည်း မကြိုက်ဘူး။
ဒီမှာ ရခိုင်အမျိုးသားပါတီကိုတော့ ပေးမယ့်လူ များတယ်။ ကိုယ့်လူမျိုးပါတီလည်း ဖြစ်နေတာကိုး။
ဒေသဖွံ့ဖြိုးဖို့ဆိုတာက ရခိုင်က ဝေးလည်းဝေးတော့ တခြားသူ လာလုပ်နိုင်ဖို့ မလွယ်ဘူးဗျ။
အခုထိတော့ မဲဆွယ်တာတွေ သိပ်မလုပ်ကြသေးဘူး။ ပြိုင်မယ့်သူတွေလည်း
ကျွန်တော် မသိဘူး"ဟု ရခိုင်ပြည်နယ်၊ စစ်တွေမြို့နယ်မှ ဦးသာဝင်းက ပြောသည်။

စစ်ကိုင်းတိုင်းဒေသကြီး၊ ရွှေဘိုမြို့နယ် ရွာမိတ်သာကျေးရွာက တောင်သူ ကိုထွန်းနိုင်မင်းကတော့
ပြည်ခိုင်ဖြိုးပါတီနှင့် အင်န်အယ်လ်ဒီပါတီက ကိုယ်စားလှယ်လောင်းအမည်များကို သိထားသူ
ဖြစ်သည်။

ယင်းပါတီနှစ်ခုအပြင် သူသိထားသည့် ပါတီမှာ နိုင်ငံတော်သမ္မတ၏ နိုင်ငံရေးအကြံပေးဟောင်း
ဒေါက်တာနေဇင်လတ် ဦးဆောင်သည့် အမျိုးသားတိုးတက်ရေးပါတီပင် ဖြစ်သည်။

မည်သည့်ပါတီများ ၀င်ရောက်ယှဉ်ပြိုင်စေကာမူ မဲထည့်မည့်ပါတီကို သူက ရွေးချယ်ပြီးသားဟု
ကိုထွန်းနိုင်မင်းက ဆိုသည်။

"ကျွန်တော်က အင်န်အယ်လ်ဒီပဲ ထည့်မှာ။ ကျွန်တော်တို့ ဒီလိုခေါင်းဆောင်
(ဒေါ်အောင်ဆန်းစုကြည်)မျိုးကို နောက်တစ်ခါ မဲပေးရဖို့ဆိုတာ မသေချာဘူး"ဟု
ပြတ်ပြတ်သားသားဆိုသည်။

အင်န်အယ်လ်ဒီပါတီ အနိုင်ရပါက တောင်သူလယ်သမားအကျိုးအတွက် အမှန်တကယ် လုပ်ပေး၊
မပေးဆိုတာကို မသေချာသည့်တိုင် အပြောင်းအလဲအတွက် မဲထည့်မည်ဟု သူက ဆိုသည်။

"သူက ပြောတယ်လေ ပြည်သူအကျိုးအတွက် လုပ်ပေးမယ်လို့။ ကျွန်တော်တို့
တောင်သူဆိုတာလည်း ပြည်သူထဲက ဖြစ်တဲ့အတွက် တိုးတက်လာမယ်လို့ ထင်တာပဲ။
လက်ရှိပါတီကတော့ ဘာမှ လယ်သမားတွေအတွက် အားမကိုးရဘူး။ အခုဆိုရင်
လယ်သမားတွေက စီးပွားရေးက မကောင်း၊ ရာသီဥတုက မကောင်းတော့ ဆင်းရဲသထက်
ဆင်းရဲလာတယ်။ ဒေါ်စုပါတီသာ အနိုင်ရမယ် ဆိုရင်တော့ သိမ်းထားတဲ့မြေတွေ ပြန်ရအောင်၊
လွတ်လပ်တဲ့ သီးနှံဈေးကွက် ဖြစ်အောင် လုပ်ပေးစေချင်တယ်"ဟု ကိုထွန်းနိုင်မင်းက ပြောသည်။

နေပြည်တော်၊ ဇေယျာသီရိမြို့နယ်မှ တောင်သူများကမူ အင်န်အယ်လ်ဒီပါတီထက် ပြည်ခိုင်ဖြိုးပါတီ
ဘက်ကို အလေးသာနေသည်။

ယင်းပါတီက သူတို့ကျေးရွာဖွံ့ဖြိုးရေးအတွက် လက်တွေ့ကျကျ ဆောင်ရွက်ပေးခဲ့သောကြောင့်ဟု
ဆိုသည်။

"အင်န်အယ်လ်ဒီပါတီက အန်တီတို့ ရွာဘက်ကို သိပ်မလာဘူး။ ပြည်ခိုင်ဖြိုးကလူတွေပဲ
လာကြတယ်။ အရင်ထက်စာရင်တော့ အဓိကလိုအပ်ချက်က လျှပ်စစ်မီး ရတယ်လေ။
နောက် ကျောင်း၊ ဆေးခန်း၊ လမ်းတွေလည်း ကောင်းလာတယ်။ ရွာသားတွေကတော့ လက်ရှိပဲ
ကြည့်တာ။ လက်တွေ့လုပ်ပေးတဲ့ သူကို မဲထည့်မှာပဲ"ဟု ဇေယျာသီရိမြို့နယ်၊ မအူတောကျေးရွာမှ
ဒေါ်မြင့်ကြင် က ဆိုသည်။

ပြည်ခိုင်ဖြိုးပါတီခေါင်းဆောင်များသည် နိုင်ငံဖွံ့ဖြိုးတိုးတက်ရေးအတွက် တောင်သူလယ်သမားများ
လူမှုစီးပွားဘ၀မြင့်မားရေး၊ လယ်ယာကဏ္ဍဖွံ့ဖြိုး တိုးတက်ရေးကို ဦးစွာဆောင်ရွက်ပေးရမည်
ဖြစ်ကြောင်း မကြာခဏ ပြောဆိုလေ့ရှိသည်။

မကြာသေးခင်က ထွက်ပေါ်လာသည့် အင်န်အယ်လ်ဒီ၏ ရွေးကောက်ပွဲ ကြေညာစာတမ်း၌
တောင်သူလယ်သမားများဟူသော ခေါင်းစဉ်အောက်တွင် တောင်သူလယ်သမားများ၏
အခွင့်အရေးနှင့် အကျိုးစီးပွားများ လွတ်လပ်စွာ လုံခြုံမှုရှိစေရေး၊ လယ်ယာမြေကဏ္ဍတွင်
အတွေးသစ်၊ အမြင်သစ် ဆောင်ရွက်နိုင်ရေး ကျေးလက်ဒေသဖွံ့ဖြိုးတိုးတက်ပြီး
တောင်သူလယ်သမားများ လူနေမှုဘ၀မြင့်မားရေးတို့ကို ဆောက်ရွက်မည်ဟု ဖော်ပြထားသည်။

မန္တလေးတိုင်းဒေသကြီး၊ ပြင်ဦးလွင်မြို့နယ် အောင်ချမ်းသာကျေးရွာမှ ဦးအောင်မင်းက လွန်ခဲ့သည့်
နှစ်များအတွင်း ပြင်ဦးလွင်မြို့နယ်အတွင်း နိုင်ငံတော်ပိုင်အဆောက်အအုံတိုးချဲ့ရေး၊ ကော်ဖီစီမံကိန်း၊
ပိုးစာပင်စီမံကိန်း၊ အစုအဖွဲ့ပိုင်သစ်တောများ ထူထောင်ရေးအကြောင်းပြကာ လယ်ယာမြေများ
သိမ်းဆည်းခံခဲ့ရသော်လည်း ၂၀၁၅ ရွေးကောက်ပွဲ နီးကပ်လာသည့်အချိန်တွင်
ယခင်သိမ်းဆည်းထားသည့် လယ်ယာမြေများအနက် တချို့ကို လယ်သမားများထံ
ပြန်လည်ပေးအပ်နေကြောင်း ပြောသည်။

"ဇီးပင်ကြီးရွာဆိုရင် ဗဟိုမီးသတ်သင်တန်းကျောင်း၊ ဗဟိုဝန်ထမ်း တက္ကသိုလ်၊ ရဲသိပ္ပံကျောင်းများ
တည်ဆောက်ဖို့ သိမ်းထားတဲ့ မြေဧက ၃,၆၀၀ မှာ အခု ရွေးကောက်ပွဲနီးတော့ ၀န်ကြီးချုပ်
ဦးရဲမြင့်က ဧက ၄၀၀ လောက် ပြန်ပေးတယ်။ ဘာကြောင့်လဲဆိုတော့ သူက ပြန်ပြိုင်မှာကိုး။
ပြင်ဦးလွင်မဲဆန္ဒ နယ်အမှတ်(၂)က ၀င်ပြိုင်မှာ။ ဒါပေမဲ့ ပေးတာ စနစ်မကျတော့ တောင်သူတွေက
ငါ ရသင့်တယ်၊ သူ ရသင့်တယ်ဆိုပြီး စကားများရင်းက ရန်ပွဲတွေတောင် ဖြစ်ကြတယ်"ဟု
ဦးအောင်မင်းက ပြောသည်။

လယ်ယာမြေများကို ပြန်ပေးသည်ဆိုသော်လည်း ယနေ့အချိန်အထိ လယ်သမားများလက်ထဲ
မရောက်ဘဲ ရပ်ကွက်အုပ်ချုပ်ရေးမှူး၊ ၀န်ထမ်းများနှင့် ပူးပေါင်းကာ ပြန်လည်ရောင်းချခြင်းများလည်း
ရှိနေကြောင်း ဦးအောင်မင်း ကပြောသည်။

"ကျွန်တော့်ဘက်ကတော့ ဘယ်ပါတီပဲတက်တက် လယ်ယာမြေဥပဒေကို ပြန်ပြင်ပေးစေချင်တယ်။
ဒါက ပြဿနာတွေ အများကြီးရှိနေတယ်" ဟု ဦးအောင်မင်းက ပြောသည်။

၂၀၁၂ လယ်ယာမြေဥပဒေသစ်သည် ယခင်ဆိုရှယ်လစ်စနစ်များ လွှမ်းမိုးနေပြီး တောင်သူများ၏
လုပ်ပိုင်ခွင့်မှာ ဒီမိုကရေစီဆန်သည့် လွတ်လပ်မှုကို ပေးမထားပေ။ ဥပဒေသစ်အရ
မိမိပိုင်လယ်ယာမြေကို လွှဲပြောင်းရောင်းချခွင့် ပေးထားသည်ဆိုသော်လည်း ပေါင်နှံသည့်အခါ
သတ်မှတ်သောဘဏ်တွင်သာ ပေါင်နှံရမည့်ဆိုသည့်အချက်၊ လယ်ယာမြေကို မှတ်ပုံတင်စာချုပ်ဖြင့်
ပိုင်ဆိုင်ထားသော်လည်း ထိုသူသည် သက်ဆိုင်ရာလယ်ယာမြေစီမံခန့်ခွဲမှုကော်မတီထံမှ
လုပ်ပိုင်ခွင့်ခံယူရမည်ဆိုသောအချက်တို့သည် လွတ်လပ်မှုကိုပိတ်ပင်သည့် ကိစ္စသာလျှင်
ဖြစ်သည်ဟု တောင်သူလယ်သမားများက ဆိုသည်။

"ဒါတွေကို ဘယ်ပါတီက ပြင်ပေးနိုင်မလဲဆိုတာ အတိအကျတော့ မသိနိုင်ဘူး။ အင်န်အယ်လ်ဒီ
ကိုတော့ မျှော်လင့်တာပေါ့။ ဒါပေမဲ့ လက်တွေ့မှာ တောင်သူတွေဘက်ကို ဦးစားပေးမယ်ဆိုတဲ့
ပါတီကတော့ ရှားတယ်ဗျ။ တောင်သူလယ်သမားကို အမှန်တကယ်ကိုယ်စားပြုတဲ့ ပါတီမျိုးတော့
ရှိစေချင်တယ်။ အဲဒီလိုသာဆိုရင်တော့ ကျွန်တော်တို့အတွက် ကောင်းတာပေါ့"ဟု
လယ်သမားအရေးများဆောင်ရွက်နေသူ ကိုထွန်းနိုင်မင်းက ပြောသည်။

ရွေးကောက်ပွဲတွင် ယှဉ်ပြိုင်မည့် ပါတီပေါင်း ၉၀ ကျော်အနက် တောင်သူလယ်သမားဘ၀
ဖွံ့ဖြိုးတိုးတက်ရေးအတွက် ဆောင်ရွက်ပေးရန် ဦးတည်ဖွဲ့စည်းထားသည့် 'မြန်မာနိုင်ငံ
တောင်သူလယ်သမား ဖွံ့ဖြိုးတိုးတက်ရေးပါတီ' ရှိနေသော်လည်း ယင်းပါတီအမည်ကို မကြားဖူးဟု
ကိုထွန်းနိုင်မင်းက ဆိုသည်။

"ကျွန်တော်တို့ပါတီက အခုမှ သုံးနှစ်သားပဲ ရှိသေးတာဆိုတော့ တောင်သူ အားလုံးသိအောင်
မလုပ်နိုင်သေးဘူး။ အခု အခြေအနေဖြစ်လာအောင် မနည်းကြိုးစားထားရတာ။
ဘာကြောင့်လဲဆိုတော့ သိတဲ့အတိုင်း တောင်သူလယ်သမားဆိုတာ သုံးယောက်ပေါင်းလို့မှ
၁၀ တန်း မရှိဘူးလေ။ ဒီတော့ သူတို့နိုင်ငံရေးမှာ ပါလာဖို့ဆိုတာ တော်တော်လေး
ကြိုးစားယူခဲ့ရတာ"ဟု မြန်မာနိုင်ငံ တောင်သူလယ်သမား ဖွံ့ဖြိုးတိုးတက်ရေးပါတီဥက္ကဋ္ဌ
ဦးကျော်စွာစိုး က ပြောသည်။

ပါတီအဖွဲ့ဝင်အင်အား အားကောင်းသည့်နေရာများမှာ ပဲခူး၊ ဧရာဝတီ၊ မကွေးနှင့်
ရန်ကုန်တိုင်းဒေသကြီးဖြစ်ပြီး လာမည့်ရွေးကောက်ပွဲတွင် မဲဆန္ဒနယ် ၂၆၈ နေရာတွင်
ဝင်ရောက်ယှဉ်ပြိုင်မည် ဖြစ်သည်။

"ပြိုင်မယ့်သူအများစုက လယ်သမားတွေပါပဲ။ ဒါပေမဲ့ အားလုံးလည်း လယ်သမားထည့်လို့
မရဘူးလေ။ အခု ပြိုင်တယ်ဆိုတာကလည်း ခံစားချက်နဲ့ လာကြတာ။ ခံယူချက် မပါသေးဘူး။
လွှတ်တော်ထဲကို လယ်သမားတွေ သွားခွင့်ရတုန်း၊ ကိုယ်ခံရတာတွေကို ပြောနိုင်ဆိုနိုင်ခွင့်ရဖို့
ပြိုင်ကြမှာ။ ဒီတော့ ပါတီက ဆရာဝန်၊ အင်ဂျင်နီယာ ပညာတတ်တွေပါ ထည့်ထားပါတယ်။
ဒါမှ ကဏ္ဍစုံမှာ ဆွေးနွေးနိုင်မှာ"ဟု ဦးကျော်စွာစိုးက ဆိုသည်။

ပါတီအနိုင်ရပါက လယ်ယာမြေများ ပြန်လည်ရရှိရေး၊ တောင်သူလယ်သမားများ စားဝတ်နေရေး
ဖူလုံရေး၊ လက်မှုလယ်ယာမှ စက်မှုလယ်ယာသို့ ကူးပြောင်းနိုင်ရေး၊ သီးနှံထွက်ကုန်များ
ဈေးကောင်းရရှိရေး၊ ကြွေးကင်းအောင် နေနိုင်ရေးတို့ကို ဆောင်ရွက်ပေးမည်ဟု ၎င်းက
ကတိပြုသည်။

ထိုသို့ဆောင်ရွက်ပေးရန် ၎င်းအနေဖြင့် ဂျပန်နိုင်ငံနှင့် ပူးပေါင်းကာ စိုက်ပျိုးနည်းပညာသစ်များ၊
ဈေးကွက်ချဲ့ထွင်ရေးတို့ကို ဆွေးနွေးထားပြီးပြီဟု ဆိုသည်။

"အလုပ်လုပ်ဆုံး လူသားတွေက အဆင်းရဲဆုံး ဖြစ်နေတယ်။ ဒါကြောင့်လည်း ဒီမိုကရေစီဆိုတာ
ဖြစ်မလာတာ။ ဒီလိုဖြစ်ဖို့ စစ်ရေး၊ နိုင်ငံရေး တိုးတက်ဖို့ မလိုဘူး။ စီးပွားရေးတိုးတက်အောင်
လုပ်နိုင်မယ့် ခေါင်းဆောင်ကောင်းတွေပဲ လိုတယ်။ စီးပွားရေးတက်လာရင် အားလုံး
အလိုလိုပြောင်းသွားလိမ့်မယ်"ဟု ဦးကျော်စွာစိုးက ပြောသည်။

စိတ်ဝင်စားစရာကောင်းသည့် ရွေးကောက်ပွဲနေ့ရက်သည် တဖြည်းဖြည်း နီးကပ်လာပြီဖြစ်သည်။
ထို့အတူ ပါတီများကလည်း မိမိတို့ ရနိုင်သည့်မဲများကို လက်လွတ်မခံရန် ကတိစကားမျိုးစုံဖြင့်
မဲဆွယ်စည်းရုံးရေး ဆင်းနေကြပြီ ဖြစ်သည်။ လက်တွေ့လုပ်ပေး၊ မပေးကတော့ မသေချာ။
ထို့အတူ ရွေးကောက်ပွဲ အလွန်တွင် ဒီမိုကရက်များ အောင်ပွဲခံနိုင်မလား၊ လက်ရှိအာဏာရ
ပါတီကပဲ အနိုင်ရမလား ဆိုသည်ကလည်း မသေချာ။ ဒီမိုကရက်တစ်များ အောင်ပွဲခံနိုင်ပါကလည်း
တိုင်းပြည်ကို တည်တည်ငြိမ်ငြိမ်ဖြင့် တိုးတက်အောင် အုပ်ချုပ်နိုင်မလား ဆိုသည်ကလည်း
မသေချာ။ ယင်းကဲ့သို့ မသေချာမှုများ ရှိနေသည့်တိုင် ပြည်သူလူထုကတော့ ဖြစ်လာနိုင်မယ့်
အပြောင်းအလဲအတွက် မျှော်လင့်ချက်တွေအပြည့်နဲ့ ဖြစ်နေကြလေသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း