အရေးမကြီးသော မေးခွန်းနှင့် အဆိုများ တင်သွင်းဆောင်ရွက်ခြင်း မပြုရန် အမျိုးသားလွှတ်တော်ဥက္ကဋ္ဌ ပြောကြား

ပထမအကြိမ်အမျိုးသားလွှတ်တော် (၁၃)ကြိမ်မြောက် ပုံမှန်အစည်းအဝေးတွင် ကျန်ရှိနေသော
ဥပဒေကြမ်းများအား အတည်ပြုနိုင်ရေး ဆောင်ရွက်သွားမည်ဖြစ်သောကြောင့် လွှတ်တော်
ကိုယ်စားလှယ်များအနေဖြင့် အရေးမကြီးလျင် မေးခွန်းများမေးမြန်းခြင်း၊ အဆိုများတင်သွင်းခြင်း
တို့ကို ဆောင်ရွက်ခြင်းမပြုကြရန် အမျိုးသား လွှတ်တော်ဥက္ကဌ ဦးခင်အောင်မြင့်က မေတ္တာရပ်ခံ
ပြောကြားခဲ့သည်။

(၁၂)ကြိမ်မြောက် အစည်းဝေးပြီးနောက် အမျိုးသားလွှတ်တော်တွင် ဆက်လက်ဆောင်ရွက်ရန်
ဥပဒေကြမ်း ၃၃ ခု ကျန်ရှိနေခြင်းဖြစ်သည်။

"ဒီဥပဒေကြမ်းတွေကိုလွှတ်တော်မှာတင်သွင်းခြင်း၊ ဆွေးနွေးခြင်း၊ အတည်ပြုခြင်းတို့ကို
တတ်နိုင်သမျှ ပြီးပြတ်အောင်ဆောင်ရွက်မှာဖြစ်တဲ့အတွက် လွှတ်တော်ကိုယ်စားလှယ်များက
အခြားသော မေးခွန်းများ၊ အဆိုများ တင်သွင်းခြင်းကိစ္စနဲ့ စပ်လျဉ်းပြီး အရေးကြီးလိုအပ်ခြင်းမရှိပါက
ဆောင်ရွက်ခြင်းမပြုကြရန် မေတ္တာရပ်ခံပါတယ်"ဟု လွှတ်တော်စတင်ကျင်းပသည့် နိုဝင်ဘာ
၁၆ ရက်နေ့တွင် ကိုယ်စားလှယ်များအား ပြောကြားခဲ့ခြင်းဖြစ်သည်။

ကျန်ရှိနေသောဥပဒေကြမ်းများစာရင်းအရ အမျိုးသားလွှတ်တော်တွင်ဆောင်ရွက်ဆဲဥပဒေကြမ်း
၁၄ ခု၊ အမျိုးသားလွှတ်တော်က ပြည်သူ့လွှတ်တော်သို့ ပေးပို့ထားသော ဥပဒေကြမ်းတစ်ခု၊
ပြည်သူ့လွှတ်တော်ကအမျိုးသားလွှတ်တော်သို့ ပြင်ဆင်ချက်မရှိ ပြန်လည်ပေးပို့ထားသော
ဥပဒေကြမ်း နှစ်ခု၊ ပြည်သူ့လွှတ်တော်က အမျိုးသားလွှတ်တော်သို့ ဆွေးနွေးအတည်ပြုရန်
ပေးပို့ထားသော ဥပဒေကြမ်း ၁၆ ခုတို့ဖြစ်ကြောင်း ဦးခင်အောင်မြင့်က ပြောကြားခဲ့သည်။

ထို့အပြင် ပြည်သူ့လွှတ်တော်တွင်လည်းဆောင်ရွက်ဆဲဥပဒေကြမ်း ၁၅ ခု ကျန်ရှိနေသည်။

အထက်ပါဥပဒေကြမ်းများအပြင် (၁၃)ကြိမ်မြောက် အစည်းအဝေးတွင် ပြည်ထောင်စုဝန်ကြီး
ဌာနများနှင့် အခြားအဖွဲ့အစည်းများက နည်းဥပဒေ ၉ ခုကို ပေးပို့ထားသည်။

အဆိုပါနည်းဥပဒေများအတွက် မိခင်ဥပဒေများပါ ပြဌန်းချက်များနှင့် ညီညွတ်ခြင်းမရှိကြောင်း
တွေ့ရှိရပါက ပယ်ဖျက်ရန် သို့မဟုတ် ပြင်ဆင်စေရန် ရက်ပေါင်း ၉၀ အတွင်း ကိုယ်စားလှယ်များ
အနေဖြင့် လွှတ်တော်သို့ အဆိုတင်သွင်းနိုင်မည်ဖြစ်သည်။

သို့သော်လည်းလာမည့်၂၀၁၆ ခုနှစ် ဇန်န၀ါရီ ၃၁ ရက်တွင် လွှတ်တော်သက်တမ်း
ကုန်ဆုံးမည်ဖြစ်ရာ လွှတ်တော်ကိုယ်စားလှယ်များအနေဖြင့် နည်းဥပဒေများအား ပြင်ဆင်ချက်
အဆိုတင်သွင်းလိုပါက ဆောလျင်စွာတင်သွင်းကြရန်လည်း ဦးခင်အောင်မြင့်က ပြောကြားခဲ့သည်။

ယနေ့စတင်သော အစည်းအဝေးတွင် ပြည်သူ့ လွှတ်တော်က ပြင်ဆင်ချက်ခြင်းမပြုဘဲ
သဘောတူကြောင်းဆုံးဖြတ်ကာ ပြန်လည်ပေးပို့လာသည့် 'သွေးနှင့် သွေးပစ္စည်းများဆိုင်ရာ
ဥပဒေကိုပြင်ဆင်သည့် ဥပဒေကြမ်း'နှင့် 'ကိုယ်အင်္ဂါအစိတ်အပိုင်း လှူဒါန်းခြင်းဆိုင်ရာ
ဥပဒေကြမ်း'တို့ကို အမျိုးသားလွှတ်တော်ကကိုယ်စားလှယ်များအား အသိပေးတင်ပြခဲ့သည်။

ထို့အပြင် 'ဥပဒေဆိုင်ရာ အထောက်အကူပြုရေး ဥပဒေကြမ်း'၊ 'ပင်စင်အက်ဥပဒေကို ရုပ်သိမ်းသည့်
ဥပဒေကြမ်း'၊ 'ငွေစုဘဏ်လုပ်ငန်းဥပဒေကို ပြင်ဆင်သည့် ဥပဒေကြမ်း'၊ 'အာမခံလုပ်ငန်း
လုပ်ကိုင်ခွင့်ဥပဒေကို ပြင်ဆင်သည့် ဥပဒေကြမ်း'၊ 'ရာဇ၀တ်ကျင့်ထုံးဥပဒေကိုပြင်ဆင်သည့်
ဥပဒေကြမ်း'နှင့် 'ရာဇသတ်ကြီးကိုပြင်ဆင်သည့် ဥပဒေကြမ်း'များနှင့် စပ်လျဉ်းပြီး
အမျိုးသားလွှတ်တော်ဥပဒေကြမ်းကော်မတီက အစီရင်ခံစာများ တင်သွင်းခဲ့သည်။

ယင်းအစီရင်ခံစားများနှင့် ပတ်သက်ပြီး ဆွေးနွေးလိုပါက လာမည့် နိုဝင်ဘာ ၁၈ ရက်နေ့တွင်
နောက်ဆုံးထားကာ အမည်စာရင်းပေးရမည်ဖြစ်သည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း