ကချင်ပြည်နယ် အစိုးရအဖွဲ့ဝန်ထမ်းအချို့ စစ်ဆေးခံရ

ကချင်ပြည်နယ် ဖားကန့်ဒေသရှိ ကျောက်စိမ်းတူးဖော်ရေးလုပ်ငန်းများတွင် အသုံးပြုလျက်ရှိနေသော
ပြည်ပမှ တင်သွင်းထားသည့် စက်ယန္တရားယာဉ်များနှင့် ပတ်သက်ပြီး ပြည်ထောင်စုအဆင့်က
ဖွဲ့စည်းထားသော စုံစမ်းစစ်ဆေးရေးကော်မရှင်က ပြည်နယ်အဆင့် အစိုးရဝန်ထမ်းအချို့ကို
စစ်ဆေးနေရကြောင်း ပြည်နယ်အစိုးရအဖွဲ့က ပြောကြားသည်။

လူမှုရေးဝန်ကြီးဖြစ်သော ဒေါ်ဘောက်ဂျာက အစိုးရအဖွဲ့မှ ဝန်ကြီးချုပ်နှင့် အခြား ဝန်ကြီးအချို့မှာမူ
စစ်ဆေးမေးမြန်းခြင်းများ ခံနေရသော်လည်း တစ်စုံတစ်ရာ အပြစ်ပေး အရေးယူခံရခြင်း မရှိသေးဘဲ
၎င်းတို့၏ လုပ်ငန်းတာဝန်များကို အစိုးရအဖွဲ့ရုံးများ၌ ဆောင်ရွက်လျက်ရှိနေကြောင်း မြန်မာတိုင်း(မ်)ကို
ပြောသည်။

ကချင်ပြည်နယ်အစိုးရအဖွဲ့ ဝန်ကြီးချုပ် ဦးလဂျွန်ငန်ဆိုင်းနှင့် ဝန်ကြီးအချို့မှာ အဆိုပါ စက်ယန္တရားကိစ္စ
များကြောင့် ရာထူးမှ ထုတ်ပယ်ခြင်း ခံခဲ့ရသည်ဟူသော သတင်းများ လူမှုကွန်ရက်စာမျက်နှာများ၌
ယခုရက် သတ္တပတ်အတွင်း ထွက်ပေါ်လာခဲ့သော်လည်း သမ္မတရုံး ညွှန်ကြားရေးမှူး ဦးဇော်ဌေးက
မူရာထူးက ထုတ်ပယ်သည့်အကြောင်းအရာကို အတည်မပြုနိုင်ကြောင်းနှင့် စစ်ဆေးဆဲသာ
ဖြစ်သည်ဟုပြောသည်။

ကချင်ပြည်နယ် လူမှုရေးဝန်ကြီး ဒေါ်ဘောက်ဂျာကမူ ကချင်အစိုးရအဖွဲ့ အတွင်း မည်သည့်
အပြောင်းအလဲ တစ်စုံတစ်ရာမျှ ဖြစ်ပေါ်ခြင်း မရှိသေးကြောင်းနှင့် ဝန်ကြီးချုပ် တာဝန်က ရပ်စဲခံရသည်
ဟူသော သတင်းမှာလည်း မှားယွင်းသော သတင်းတစ်ခုသာဖြစ်ကြောင်း တုံ့ပြန်ပြောဆိုသည်။

''ဝန်ကြီးချုပ်ရော၊ တခြားအစိုးရအဖွဲ့ဝင်တွေရော အလုပ်ဆက်လုပ်နေဆဲပါပဲ။ ကျွန်မတို့ ကချင်အစိုးရ
အဖွဲ့ထဲမှာ ဘာအပြောင်းအလဲမှ ဖြစ်တာမရှိပါဘူး။ ဒါပေမဲ့ ဝန်ထမ်းနှစ်ဦးကိုတော့ ရွှေ့ပြောင်း
တာဝန်ထမ်းဖို့ ထုတ်ပြန်ထားတာရှိပါတယ်။ ဒီကိစ္စတွေနဲ့ ဆက်စပ်တာ ဟုတ်၊မဟုတ်ဆိုတာကိုတော့
ပြောမရပါဘူး''ဟု ဒေါ်ဘောက်ဂျာက ပြောသည်။

ရွှေ့ပြောင်းခံရခဲ့ရသည့် ပြည်နယ်အစိုးရ ဝန်ထမ်းနှစ်ဦးမှာ ကံပိုက်တီးကုန်သွယ်ရေးစခန်းက
လက်ထောက်ညွှန်ကြားရေးမှူးနှင့် အစိုးရအဖွဲ့ စီမံကိန်းဌာနက ဒုတိယ ညွှန်ကြားရေးမှူးတို့ ဖြစ်ပြီး
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ရောက်ရှိလာသော ညွှန်ကြားချက်လည်း
ဖြစ်သည်ဟု လူမှုရေးဝန်ကြီးက ဆိုသည်။

ကချင်ပြည်နယ် အင်ဂျန်းယန် မဲဆန္ဒနယ်က ပြည်သူ့လွှတ်တော် ကိုယ်စားလှယ် ဒေါ်ဒွဲဘူက ပြည်နယ်
အစိုးရအဖွဲ့သည် စက်ယန္တရား ယာဉ်များတင်သွင်းမှုနှင့် ပတ်သက်၍ လုပ်ပိုင်ခွင့်များ မရှိသည်ကို
ပြည်ထောင်စုအဆင့် အစိုးရအဖွဲ့က စုံစမ်းစစ်ဆေးခြင်းများ ပြုလုပ်နေခြင်းသည် မှားယွင်းသော
စုံစမ်းမှုပင်ဖြစ်သည်ဟု ဝေဖန်ပြောဆိုသည်။

''ပြည်ထောင်စုအစိုးရကလည်း တာဝန်ယူမှု မရှိဘူး။ အခုက ဘော်လီဘောပုတ်သလို၊ အချင်းအချင်း
အပြစ်တင်နေသလိုဖြစ်နေကြတယ်။ပြည်နယ်အစိုးရအဖွဲ့နဲ့ တိုက်ရိုက် မဆိုင်ဘူးလို့တော့ ထင်ပါတယ်။
ဒါပေမဲ့ ပြောလိုတော့မရဘူးပေါ့။ အခု စုံစမ်းနေတဲ့ အနေအထားတွေ၊ သတင်းတွေထွက်နေတာတွေကို
ကြည့်ရင် ပြည်ထောင်စုအဆင့်က ပြည်နယ်အဆင့်ကို အပြစ်ဖို့ချင်သလိုဖြစ်နေတယ်''ဟု ဒေါ်ဒွဲဘူက
ပြောသည်။

ပြည်ထောင်စုလွှတ်တော်နာယက သူရ ဦးရွှေမန်းကလည်း ဖားကန့်ဒေသ၌ မြေစာပုံ ပြိုကျမှုများ
အရေးနှင့် စက်ယန္တရားများ အရေးကိစ္စအပေါ် လွှတ်တော်၌ လာရောက် ဖြေရှင်းရန် သမ္မတ
ဦးသိန်းစိန်ထံ သဝဏ်လွှာပို့ကာ အကြောင်းကြားခဲ့ပြီး သတ္တုတွင်းဝန်ကြီးဌာန ဒုတိယဝန်ကြီး
ဦးသန်းထွန်းအောင်က အဆိုပါ ဖြစ်ရပ်များအပေါ် နည်းလမ်း သုံးရပ်ဖြင့် ဖြေရှင်းသွားမည်ဟု
လွှတ်တော်အတွင်း ဒီဇင်ဘာ ၂၈ ရက်က လာရောက် ဖြေရှင်းထားသည်။

လုံးခင်းနှင့်ဖားကန့်နယ်မြေ၌ ကျောက်စိမ်း တူးဖော်ရေးလုပ်ငန်းများကို လုံးဝပိတ်သိမ်းခြင်း၊ ပြစ်မှုဆိုင်ရာ
ကျင့်ထုံးဥပဒေပုဒ်မ ၁၄၄ အမိန့် ထုတ်ပြန်ခြင်းနှင့် ဖွဲ့စည်းပုံအခြေခံဥပဒေအရ အဆိုပါဒေသ၌
စစ်အုပ်ချုပ်ရေး အမိန့်ထုတ်ပြန်ဆောင်ရွက်ခြင်းများဟူသည့် နည်းလမ်းသုံးရပ်ကို အစိုးရအဖွဲ့က
တင်ပြခဲ့သော်လည်း ပြည်ထောင်စုလွှတ်တော်က ပြန်လည်သုံးသပ်ပေးရန်သာ သဘောတူသည်။

လက်ရှိတွင် လုံးခင်းနှင့် ဖားကန့်ဒေသများတွင် ကျောက်စိမ်းတူးဖော်ရေးလုပ်ငန်းများအတွက် ပုဂ္ဂလိက
လုပ်ကွက် ၈,ဝဝဝ နီးပါး ကုမ္ပဏီ ၆ဝဝ ကျော်ကို လုပ်ပိုင်ခွင့်ပေးထားပြီး အကျိုးတူလုပ်ကွက် ၃ဝဝ ကျော်
အတွက် ကုမ္ပဏီ ၂၃ဝ ကို လုပ်ပိုင်ခွင့်ပေးထားကြောင်း သတ္တုတွင်းဝန်ကြီးဌာနက လွှတ်တော်သို့
လာရောက် တင်ပြသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း