ဖြတ်တောက်ထားသည့် လစာငွေများကို စက် ရုံပိုင်ရှင်က ပြန်လည်ပေးအပ်

ထိပ်တန်းမြန်မာအထည်ချုပ် စက်ရုံပိုင်ရှင်က ပြန်လည်ပေးအပ်သောလစာငွေများကို ရေတွက်နေသည့် အလုပ်သမများကိုတွေ့ရစဉ်။ ဓာတ်ပုံ-ဇော်ဇော်ထွေးထိပ်တန်းမြန်မာအထည်ချုပ် စက်ရုံပိုင်ရှင်က ပြန်လည်ပေးအပ်သောလစာငွေများကို ရေတွက်နေသည့် အလုပ်သမများကိုတွေ့ရစဉ်။ ဓာတ်ပုံ-ဇော်ဇော်ထွေး

လုပ်ငန်းခွင်အတွင်း အလုပ်မရှိဟုဆိုကာ ဖြတ်တောက်ထားသည့် လစာငွေများကို
ခုံသမာဓိ၏ ဆုံးဖြတ်ချက်အတိုင်း ထိပ်တန်းမြန်မာအထည်ချုပ်စက်ရုံပိုင်ရှင်က
သပိတ်မှောက်အလုပ်သမားများကို ပြန်လည်ပေးအပ်သည်။


အဆိုပါ ဖြတ်တောက်ထားသည့် လစာငွေများ ပြန်လည်ပေးအပ်ပွဲကို လှိုင်သာယာမြို့နယ်
စက်မှုဇုန်(၁)ရှိ ကနောင်ခန်းမတွင် ဇန်နဝါရီ ၂ဝ ရက်က အစိုးရဝန်ကြီးဌာန အကြီးအကဲများ
ပါဝင်သည့် အခမ်းအနား ပြုလုပ်သည်။

ထိပ်တန်းမြန်မာအထည်ချုပ်စက်ရုံမှ မန်နေဂျာ ဦးအောင်မျိုးက အလုပ်သမားများကို
ပေးရန် အမိန့်ချမှတ်ထားသည့်အတိုင်း လစာငွေ သိန်း ၃ဝဝ ကျော်ကို ၂၄ နာရီသပိတ်ဖြင့်
တောင်းဆိုဆန္ဒပြနေသည့် အလုပ်သမားပေါင်း ၂၁၅ ဦးထံ ခွဲဝေပေးအပ်သည်။

''ကျွန်မတို့အားလုံး ဖြတ်တောက်ခံထားရတဲ့ လစာငွေတွေ ပြန်ရပါပြီ။ ကျွန်မတို့
လုပ်ငန်းခွင်ကို အေးအေးချမ်းချမ်းပြန်ဝင်ကြမှာပါ။ အားလုံးကလည်း ငြိမ်းချမ်းစွာနဲ့
အလုပ်လုပ်ချင်ကြတာပါ။ ကျွန်မတို့ အလုပ်သမားတွေအတွက် ဖယ်ရီကား
စီစဉ်ပေးဖို့ကိုလည်း အစိုးရ၊ ဝန်ကြီးဌာနလူကြီးတွေရှေ့မှာ စက်ရုံမန်နေဂျာကို
တောင်းဆိုထားပါတယ်'' ဟု ထိပ်တန်းမြန်မာအထည်ချုပ်စက်ရုံမှ အလုပ်သမားခေါင်းဆောင်
ဒေါ်မိုးစန္ဒာမြင့်က ပြောသည်။

လုပ်ငန်းခွင်သို့ ပြန်လည်ဝင်ရောက်ပါကလည်း အလုပ်ရှင်နှင့် အလုပ်သမားတို့၏
လုပ်ငန်းခွင် သာယာရေးအတွက် အလုပ်သမားသမဂ္ဂအဖွဲ့ ဖွဲ့စည်းရန်
လုပ်ဆောင်သွားမည်ဖြစ်ပြီး အလုပ်ရှင်၊ အလုပ်သမား သဘောတူညီမှုတွင်
စာချုပ်ပါ အချက်အလက်များကိုလည်း လိုအပ်ချက်များရှိပါက ညှိနှိုင်းအဖြေရှာပြီး
သဘောတူချုပ်ဆိုသွားမည်ဟု ဒေါ်မိုးစန္ဒာမြင့်က ပြောသည်။

''ကျွန်တော်တို့က လစာငွေကို ဖြတ်တောက်ခဲ့တာမဟုတ်ပါဘူး။ အလုပ်သမားတွေက
အလုပ်မလုပ်တဲ့အတွက် လစာငွေပေးဖို့ အငြင်းပွားမှုဖြစ်ခဲ့တာပါ။ ကျွန်တော်တို့စက်ရုံက
ရှေ့ဆက်ပြီးလုပ်ကိုင်ဖို့ရှိတဲ့အတွက် ခုံသမာဓိရဲ့ဆုံးဖြတ်ချက်ကို လိုက်နာပြီး
အလုပ်သမားတွေရဲ့ ဆန္ဒကို ဖြည့်ဆည်းပေးလိုက်တာပါ။ အလုပ်သမားတွေ လိမ္မာမယ်ဆိုရင်
ဘောနပ်စ် (အပိုဆုကြေးငွေ) တွေအပြင် အခြားသော ဘာကြေးညာကြေးတွေကိုပါ
ကျွန်တော်တို့ ပြန်ပေးသွားမှာပါ'' ဟု အဆိုပါ စက်ရုံ မန်နေဂျာ ဦးအောင်မျိုးက
ပြောသည်။

ထိပ်တန်းမြန်မာအထည်ချုပ် စက်ရုံမှ အလုပ်သမား ၂၂ဝ ခန့်မှာ ၄င်းတို့ ဖြတ်တောက်ခံခဲ့ရသည့်
နိုဝင်ဘာလစာ တစ်လစာလုံးနှင့် အောက်တိုဘာလစာ ၁ဝ ရက်စာတို့ကို အပြည့်အဝ
ပြန်လည်ပေးရန် ၂ဝ၁၅ ခုနှစ်၊ ဒီဇင်ဘာ ၇ ရက်မှ စ၍ တောင်းဆိုခဲ့ခြင်းဖြစ်ပြီး ဒီဇင်ဘာ
၁၇ ရက်တွင် ၂၄ နာရီသပိတ်စခန်းဖြင့် အရှိန်မြှင့်တင်ပြီး လစာငွေများရရှိသည့်
ဇန်နဝါရီ ၂ဝ ရက်အထိ တောင်းဆိုကြခြင်း ဖြစ်သည်။

အဆိုပါ လစာငွေအငြင်းပွားမှုကို မြို့နယ်အဆင့် ညှိနှိုင်းဖျန်ဖြေရေးအဖွဲ့ဖြင့် အကြိမ်ကြိမ်
ဆွေးနွေးညှိနှိုင်းပေးမှုပြုလုပ်ခဲ့ကြပြီး သဘောတူညီမှုမရရှိကြသဖြင့် တိုင်းခုံသမာဓိသို့
တက်ရောက်ခဲ့ပြီး ခုံသမာဓိကောင်စီက အလုပ်သမားများတောင်းဆိုခဲ့သည့် ဖြတ်တောက်ခံ
လစာငွေများကို ပြန်လည်ပေးချေရန် ဇန်နဝါရီ ၅ ရက်တွင် အမိန့်ချမှတ်ခဲ့ခြင်း ဖြစ်သည်။

သို့သော် စက်ရုံဘက်က ယင်းအမိန့်ကို မလိုက်နာဘဲ ဗဟိုခုံသမာဓိကောင်စီအထိ
ထပ်မံတက်ရောက် အယူခံဝင်ခဲ့သော်လည်း ခုံကောင်စီက အဆိုပါ ဖြတ်တောက်ထားသည့်
လစာကျန်ငွေများ ပြန်လည်ပေးချေရန်နှင့် အလုပ်သမားခေါင်းဆောင်များအပါအဝင်
အလုပ်သမားရှစ်ဦးကို အနည်းဆုံးလုပ်ခလစာ မပြဋ္ဌာန်းခင်ကရရှိသည့်
လစာနှုန်းထားများထက်မနည်းသော လစာငွေကို ပေးချေရန် ဇန်နဝါရီ ၁၅ ရက်တွင်
ထပ်မံအမိန့်ချမှတ်ခဲ့သည်။

''ဒီထိပ်တန်းမြန်မာပြဿနာဟာ သမ္မတကြီးဆီကို ရောက်ပါတယ်။ နေပြည်တော်မှာလည်း
အရေးကြီးတဲ့အစည်းအဝေးတွေ လုပ်နေတယ်။ အလုပ်သမားတွေကလည်း နေပြည်တော်ထိ
ချီတက်ဖို့ချည်း လုပ်နေတော့ သမ္မတကြီးက ပြေလည်အောင်ဖြေရှင်းပေးဖို့ကို ကျွန်တော်တို့ကို
ညွှန်ကြားထားပါတယ်။ ဒါကြောင့် ကျွန်တော်တို့ စက်ရုံသူဌေးကို လိုက်ရှာပြီး ကောင်စီ
ဆုံးဖြတ်ချက်အတိုင်း လိုက်နာပြီး လစာငွေပေးဖို့ ဖိအားပေးခဲ့ရတယ်'' ဟု ရန်ကုန်တိုင်း
အစိုးရအဖွဲ့မှ အလုပ်သမားနှင့် ရခိုင်တိုင်းရင်းသားရေးရာဝန်ကြီး ဦးဇော်အေးမောင်က
လစာငွေများပြန်လည်ပေးအပ်ပွဲတွင် ပြောကြားသည်။

ထို့ပြင် အလုပ်ရှင်အနေဖြင့် ခုံသမာဓိကောင်စီဆုံးဖြတ်ချက်အား မလိုက်နာပါက
နောက်ဆက်တွဲ ဥပဒေများဖြင့် တရားစွဲ အရေးယူသွားမည်ဖြစ်သည့် အပြင် ၄င်းပိုင်ဆိုင်မှုများ
ကိုလည်း ချိတ်ပိတ်သိမ်းဆည်းသွားမည်ဟု မြန်မာတိုင်း(မ်)ကို ပြောသည်။

''ဆုံးဖြတ်ချက်ကို မလိုက်နာရင် ကျွန်တော်တို့ နောက်ဆက်တွဲအရေးယူမှု လုပ်နိုင်တာတွေ
ရှိပါတယ်။ သူဆုံးဖြတ်ချက်ကို မလိုက်နာလို့ တရားရုံးမှာ ငွေဒဏ်ဆောင်လိုက်ရုံနဲ့
ပြီးမသွားပါဘူး။ အလုပ်သမားတွေအတွက် နစ်နာကြေးပေးရမည့် တာဝန်ရှိပါသေးတယ်။
ဒီတော့ ဥပဒေတွေအရ ကျွန်တော်တို့က သူ့စက်ရုံကို ချိပ်ပိတ်လို့ရတယ်။
သူ့ပစ္စည်းတွေကို ထုခွဲရောင်းချပြီး အလုပ်သမားတွေကို ပြန်လည်ခွဲဝေပေးလို့ ရပါတယ်''
ဟု ရန်ကုန်တိုင်းအစိုးရအဖွဲ့မှ အလုပ်သမားနှင့် ရခိုင်တိုင်းရင်းသားရေးရာဝန်ကြီး
ဦးဇော်အေးမောင်က ပြောကြားသည်။

ထို့ပြင် စက်မှုကဏ္ဍတွင် ကောင်းမွန်သည့် အလုပ်ရှင်များရှိသလို မကောင်းမွန်သည့်
စက်ရုံပိုင်ရှင်များလည်းရှိနေပြီး မိမိတို့၏ ဂုဏ်သိက္ခာနှင့်အညီ မှန်မှန်ကန်ကန်ဆောင်ရွက်ရန်
လိုအပ်ကြောင်းနှင့် အလုပ်သမားများကလည်း မိမိတို့ရရှိထားသည့် လစာနှင့် ညီမျှသည့်
လုပ်အားများဖြင့် ကုန်ထုတ်လုပ်မှု လုပ်ငန်းများအပေါ် မှန်မှန်ကန်ကန်ပြန်လည် အကျိုးပြုပေးရန်
လိုအပ်သည်ဟု ဝန်ကြီးက ပြောကြားသည်။

လက်ရှိအချိန်တွင်လည်း အဆိုပါ ထိပ်တန်းမြန်မာအထည်ချုပ်စက်ရုံပိုင်ရှင်ဖြစ်သူ
ဒေါက်တာမင်းမင်းမှာ အငြင်းပွားမှုဖြစ်စဉ်တစ်လျှောက်ပြုလုပ်ခဲ့သည့် ညှိနှိုင်းဖျန်ဖြေမှု
အစည်းအဝေးများကို တက်ရောက်ခြင်းမရှိဘဲ အကြိမ်ကြိမ်ပျက်ကွက်မှုများကြောင့်
အလုပ်သမားဝန်ကြီးဌာနက လှိုင်သာယာမြို့နယ်တရားရုံးတွင် တရားစွဲဆိုထားသည်။

''တကယ်တော့ ကျွန်တော့်သူဌေးက ညှိနှိုင်းဖျန်ဖြေမှုဆင့်ခေါ်စာတွေကို သူမသိပါဘူး။
သူထွက်ပြေးနေတယ်ဆိုတာလည်း မဟုတ်ဘူး။ နယ်မှာရှိတဲ့ သူ့လုပ်ငန်းတွေနဲ့
အလုပ်ရှုပ်နေတာပါ။ ဒီစက်ရုံကိစ္စတွေနဲ့ ပတ်သက်ပြီး ကျွန်တော့်ကို ဂျင်နရယ်ပါဝါ
(အလုံးစုံလုပ်ပိုင်ခွင့်) လွှဲထားပြီးသားပါ။ ကောင်စီရဲ့ဆင့်ခေါ်မှုတိုင်းကို ကျွန်တော်
မပျက်မကွက်တက်ရောက်ခဲ့တာပါ'' ဟု စက်ရုံမန်နေဂျာဖြစ်သည့် ဦးအောင်မျိုးက
မြန်မာတိုင်း(မ်)ကို ပြောသည်။

စက်မှုလုပ်ငန်းကဏ္ဍတွင် အလုပ်ရှင်က ခုံသမာဓိဆုံးဖြတ်ချက်များကို လိုက်နာမှုမရှိဘဲ
ထွက်ပြေးတိမ်းရှောင်မှုများကြောင့် ကျန်ရှိသည့် တာဝန်ခံကို တရားစွဲဆိုခဲ့ပြီး စက်ရုံရှိပိုင်ဆိုင်မှု
များကို နောက်ဆက်တွဲဥပဒေများနှင့်အညီ ထုခွဲရောင်းချပြီး အလုပ်သမားများထံ ပြန်လည်
ပေးဝေခဲ့ရသည့် ဖြစ်စဉ်များလည်း ရှိခဲ့သည်ဟု အလုပ်သမားဝန်ကြီးဌာန၊ အလုပ်သမား
ဥပဒေစိစစ်ရေးဌာနညွှန်ကြားရေးမှူးချုပ် ဦးဝင်းရှိန်က ပြောကြားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း