လက်ရှိ ဘဏ္ဍာနှစ်အတွင်း နိုင်ငံခြားရင်းနှီးမြှုပ်နှံမှု ၀င်ရောက်မှု လျော့နည်း

လက်ရှိ ၂၀၁၅ - ၂၀၁၆ ဘဏ္ဍာနှစ်အတွင်း နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ ခြောက်ဘီလျံ
ဝင်ရောက်လာရန် မျှော်မှန်းထားသော်လည်း နိုင်ငံခြားရင်းနှီးမြှုပ်နှံ ၀င်ရောက်လာမှု ကျဆင်းလျက်ရှိပြီး၊
ပြီးခဲ့သည့် ဘဏ္ဍာနှစ်ထက် အမေရိကန်ဒေါ်လာ နှစ်ဘီလျံ လျော့နည်းလျက်ရှိသည်ဟု ရင်းနှီးမြှုပ်နှံမှုနှင့်
ကုမ္ပဏီများညွှန်ကြားမှုဦးစီးဌာနမှ သိရသည်။

ပြီးခဲ့သည့် ၂၀၁၄ - ၂၀၁၅ ဘဏ္ဍာနှစ်တွင် နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ ၆ ဒသမ
၉ ဘီလျံအထိ ၀င်ရောက်ခဲ့သော်လည်း လက်ရှိဘဏ္ဍာနှစ် ဧပြီလ ၁ ရက်မှ ဒီဇင်ဘာလကုန်အထိ
ကန်ဒေါ်လာ ၄ ဒသမ ၉ ဘီလျံသာ ၀င်ရောက်ခဲ့သည့်အတွက် လာမည့်ဘဏ္ဍာနှစ်အတွက်
နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ ခြောက်ဘီလျံအထိသာ ၀င်ရောက်လာရန်
မျှော်မှန်းထားသည်ဟု အဆိုပါဌာန၏ ညွှန်ကြားရေးမှူးချုပ် ဦးအောင်နိုင်ဦးက ပြောသည်။

"အခုချိန်ထိတော့ ၀င်ထားတဲ့ နိုင်ငံခြားရင်းနှီးမြှုပ်နှံမှုပမာဏက နည်းနေပေမယ့် ဘဏ္ဍာနှစ်ပြည့်သွားတဲ့
အချိန်မှာ မှန်းထားတဲ့ ခြောက်ဘီလျံကို ပြည့်သွားမှာပါ။ လက်ရှိအချိန်က အစိုးရအကူးအပြောင်း
အခြေအနေလည်း ဖြစ်နေတော့ စောင့်ကြည့်နေကြလည်းပါတယ်။ ဒီတော့ လာမယ့်ဘဏ္ဍာနှစ်
ကိုတော့ ခြောက်ဘီလျံပဲ ဆက်ပြီးလျာထားသွားရမှာပါ။ လျာထားချက် ပိုတိုးမြှင့်ဖို့
မဖြစ်နိုင်လောက်သေးပါဘူး"ဟုလည်း ၎င်းက ပြောသည်။

၂၀၁၄-၁၅ ဘဏ္ဍာနှစ်ကမူ ကနဦးဘဏ္ဍာနှစ်ခြောက်လအတွင်း ကန်ဒေါ်လာ လေးဘီလျံသာ
ဝင်ရောက်ရန် ခန့်မှန်းထားခဲ့သော်လည်း လေးလအတွင်း ပြည့်မီကျော်လွန်ခဲ့ခြင်းကြောင့်
ခြောက်ဘီလျံသို့ တိုးမြှင့်သတ်မှတ်ခဲ့ရာ ဘဏ္ဍာနှစ်ကုန်ချိန်တွင် ကန်ဒေါ်လာ ၇ ဒသမ
၎ ဘီလျံကျော်အထိ လျာထားချက်ကျော်လွန်ခဲ့သည်။

အာဆီယံဒေသတွင်းနိုင်ငံများအနက် ဖွံ့ဖြိုးမှုနောက်ကျကျန်နေခဲ့သည့် လေးနိုင်ငံဖြစ်သော
ကဗ္ဘောဒီယား၊ မြန်မာ၊ လာအိုနှင့် ဗီယက်နမ် နိုင်ငံတို့အနက် ဗီယက်နမ်နိုင်ငံသည် လွန်ခဲ့သည့်နှစ်နှစ်မှ
စတင်ကာ ၎င်းစာရင်းတွင် မပါဝင်တော့ပဲ စီးပွားရေးဖွံ့ဖြိုးမှုများ ရှိလာခဲ့သည်။

ဗီယက်နမ်နိုင်ငံနှင့် အခြေအနေအရပ်ရပ်တွင် တူညီသော မြန်မာနိုင်ငံသည် လက်ရှိအချိန်အထိ
ကုန်သွယ်မှုနှင့် နိုင်ငံခြားရင်းနှီးမြှုပ်နှံမှုများတွင် တိုးတက်မှု နှေးကွေးနေဆဲ ဖြစ်သည်။

ထိုအခြေအနေများကို ကျော်လွန်ကာ စီးပွားရေးတိုးတက်လာရန်မှာ အစိုးရအဖွဲ့၏ စီမံခန့်ခွဲမှုစနစ်များကို
ပြောင်းလဲရန် လိုအပ်နေသည်ဟု အာဆီယံဒေသအစည်းအဝေးများတွင် မြန်မာနိုင်ငံ၏
ကိုယ်စားပြုအဖြစ် ဆွေးနွေးမှုများ ၀င်ရောက်လုပ်ကိုင်လျက်ရှိသည့် ဒေါက်တာခင်အုန်းသန့်
ကပြောသည်။

"မြန်မာနိုင်ငံရဲ့ အဓိကအားနည်းချက်က သဘောတူစာချုပ်တွေကို လိုက်နာတာတွေ၊
ဥပဒေတွေပိုင်းတွေကို အတိအကျလုပ်ဆောင်တာတွေမှာ အရမ်းအားနည်းတယ်။
နိုင်ငံခြားလုပ်ငန်းရှင်တွေနဲ့ တွေ့တိုင်းမှာလည်း မြန်မာနိုင်ငံရဲ့ စီးပွားရေးမူဝါဒတွေ မကြာခဏ
အချိန်းအပြောင်းလုပ်တာတွေကို ထောက်ပြကြတယ်။ တကယ်စီးပွားရေးတိုးတက်လာဖို့က
ဒီအပိုင်းတွေကို အဓိကပြင်ဆင်ဖို့ အရေးကြီးနေတာပါ "ဟု ၎င်းကပြောသည်။

၂၀၁၅ ခုနှစ် ဧပြီတစ်ရက်မှ ဒီဇင်ဘာ ၃၁ ရက်အထိ ၀င်ရောက်ခဲ့သည့် နိုင်ငံခြားမြှုပ်နှံမှုများတွင်
ကုန်ထုတ်လုပ်ငန်းကဏ္ဍသို့ လုပ်ငန်း ၁၀၈ မှ ကန်ဒေါ်လာ သန်း ၇၂၀ ကျော်၊ ရေနံနှင့်
သဘာဝဓာတ်ငွေ့ရှာဖွေတူးဖော်ရေးကဏ္ဍသို့ လုပ်ငန်း ၁၀ မှ ကန်ဒေါ်လာ ၂ ဘီလျံကျော်၊
ဆက်သွယ်ရေးတာဝါတိုင် တည်ဆောက်ရေး လုပ်ငန်းနှစ်ခုမှ ကန်ဒေါ်လာ ၁ ဒသမ ၅ ဘီလျံကျော်၊
အိမ်ခြံမြေနှင့်ဆောက်လုပ်ရေး ကဏ္ဍလုပ်ငန်းသုံးခုမှ ကန်ဒေါ်လာ ၂၃၉ သန်းတို့ဖြင့် အများဆုံး
ဝင်ရောက်ထားကြသည်။

ထို့အတူ လျှပ်စစ်စွမ်းအင်ထုတ်လုပ်ရေး လုပ်ငန်းတစ်ခုမှ ကန်ဒေါ်လာ ၄၇ ဘီလျံနှင့်
ဝန်ဆောင်မှုလုပ်ငန်း ၁၂ ခုမှ ကန်ဒေါ်လာ ၁၃၁ သန်းတို့ကိုလည်း ၀င်ရောက်မြှုပ်နှံထားကြကြောင်း
ရင်းနှီး မြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ ထုတ်ပြန်ချက်တွင် ဖော်ပြထားသည်။

သို့ရာတွင် စုစုပေါင်းခွင့်ပြုလုပ်ငန်းများ၏ ၅၀ ရာခိုင်နှုန်းကျော်သည် လက်ခစားလုပ်ငန်းများဖြစ်သော
အထည်ချုပ်နှင့် ဖိနပ်ချုပ်လုပ်ငန်းများသို့ ၀င်ရောက်ခဲ့ခြင်းဖြစ်ကာ ၃၀ ရာခိုင်နှုန်းကျော်သည်
ကုန်ထုတ်လုပ်ငန်းများဖြစ်သော စားသောက်ကုန်၊ ပလပ်စတစ်ထုတ်ကုန်၊ သစ်အချောထည်
ထုတ်ကုန်၊ အိမ်တွင်းအလှဆင်ပစ္စည်း ထုတ်ကုန်ကဲ့သို့ ကဏ္ဍများတွင် ၀င်ရောက်ခဲ့ခြင်းဖြစ်သည်။

ကျန် ၂၀ ရာခိုင်နှုန်းခန့်တွင် ဟိုတယ်ဝန်ဆောင်မှုလုပ်ငန်း၊ ဆောက်လုပ်ရေးလုပ်ငန်းနှင့် ရေနံရှာဖွေ
တူးဖော်ရေးလုပ်ငန်းများတွင် ၀င်ရောက်ခဲ့ခြင်းဖြစ်သည်။

"ဒီနှစ်ထဲမှာ ၀င်ခဲ့တဲ့ လုပ်ငန်းတော်တော်များများကတော့ အလုပ်အကိုင်အခွင့်အလမ်း ရရှိရေးအတွက်
ဖြည့်ဆည်းပေးနိုင်ဖို့အတွက် ဦးစားပေးခွင့်ပြုပေးခဲ့တာများပါတယ်။ လုပ်ငန်းအကြီးစားတွေကျတော့
ရင်းနှီးမြှုပ်နှံသူကလည်း အဘက်ဘက်ကိုကြည့်ရတာဖြစ်တော့ နိုင်ငံရေးတည်ငြိမ်မှုကိုလည်း
စောင့်တာဖြစ်နိုင်ပါတယ်" ဟု ဦးအောင်နိုင်ဦး ကပြောသည်။

၁၉၈၈ ခုနှစ်မှ ၂၀၁၅ ခုနှစ် ဒီဇင်ဘာလအထိဆိုပါက နိုင်ငံခြားလုပ်ငန်းပေါင်း ၁၀၃၃ ခုအတွက်
ကန်ဒေါ်လာ ၅၉ ဒသမ ၁၅၃ သန်း ၀င်ရောက်မြှုပ်နှံထားရန်အတွက် မြန်မာ့ရင်းနှီးမြှုပ်နှံမှုကော်မရှင်က
ခွင့်ပြုပေးထားသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း