အာဏာလွှဲပြောင်းရေး အခမ်းအနား အင်န်အယ်လ်ဒီက လွှတ်တော်တွင်သာ ကျင်းပလို

မတ်လကုန်တွင် ကျင်းပမည့် အစိုးရ တာဝန် လွှဲပြောင်းရေး အခမ်းအနားကျင်းပမည့် နေရာနှင့်
ပတ်သက်၍ အစိုးရနှင့် အင်န်အယ်ဒီ ပါတီကြားတွင် သဘောထားကွဲလွဲမှုများ ရှိသော်လည်း
အဆင်ပြေအောင် ညှိနှိုင်းသွားမည်ဟု ပါတီ၏ ပြောရေးဆိုခွင့်ရှိသူ ဦးဝင်းထိန် ကပြောသည်။

အာဏာ လွှဲပြောင်းရေး အခမ်းအနားကို သမ္မတအိမ်တော်တွင် ကျင်းပရန် အစိုးရအဖွဲ့ က
အဆိုပြုထားသော်လည်း အမျိုးသား ဒီမိုကရေစီ အဖွဲ့ချုပ်ပါတီက လွှတ်တော်တွင်သာ
ကျင်းပလိုကြောင်း သိရသည်။

မတ် ၃၀ ရက်တွင် သက်တမ်းကုန်ဆုံးတော့မည့် သမ္မတ ဦးသိန်းစိန် အစိုးရ အဖွဲ့သည်
အစိုးရ တာဝန်များကို အင်န်အယ်လ်ဒီပါတီထံ လွှဲပြောင်းပေးရတော့မည် ဖြစ်သည်။

ဖေဖော်ဝါရီ ၂၄ ရက်က ပြုလုပ်သည့် အစည်းအဝေးတွင် အစိုးရတာဝန် လွှဲပြောင်းရေး အခမ်းအနား
ကျင်းပရေးအစီအစဉ်ကို အစိုးရအဖွဲ့က အင်န်အယ်လ်ဒီကို ပေးအပ်လိုက်ခြင်းဖြစ်သည်။

အစီအစဉ် အသေးစိတ်ကို မသိရသော်လည်း အခမ်းအနားကို မတ်လ ၃၀၊ သို့မဟုတ် ၃၁ ရက်တွင်
နိုင်ငံတော် သမ္မတ အိမ်တော်၌ ကျင်းပရန် အဆိုပြုထားသည်ဟု သမ္မတ၏ ပြောရေးဆိုခွင့်ရှိသူ
ပြည်ထောင်စု ၀န်ကြီး ဦးရဲထွဋ်က သတင်းဌာနများကို ပြောကြားခဲ့သည်။

အခမ်းအနား အစီအစဉ်နှင့် ပတ်သက်၍ အစိုးရ၏ အဆိုပြုချက်ကို အင်န်အယ်လ်ဒီ ပါတီက
မတ် ၁၇ ရက်နေ့ နောက်ဆုံးထားကာ အကြောင်းပြန်ရမည် ဖြစ်သည်။

"သမ္မတ အိမ်တော်မှာ ကျင်းပဖို့ အဆိုပြုထားတာ ဟုတ်ပါတယ် ။ ဒါပေမဲ့ ကျွန်တော်တို့ဘက်ကတော့
၂၀၀၈ ဖွဲ့စည်းပုံ အခြေခံဥပဒေ အတိုင်းပဲ လွှတ်တော်မှာ ကျင်းပချင်တယ်။ အခြေခံ ဥပဒေအရ
လွှတ်တော်က သမ္မတကို ရွေးချယ်ခန့်အပ်ရတယ်။ သမ္မတက လွှတ်တော်မှာ ကျမ်းကျိန်ရတယ်။
ဒီတော့ အခမ်းအနားကလည်း လွှတ်တော်မှာပဲ ကျင်းပသင့်တယ်လို့ ယူဆထားတယ်"ဟု ပါတီ၏
ဗဟို အလုပ်အမှုဆောင် ကော်မတီဝင် ဦးဝင်းထိန် ကပြောသည်။

ဖွဲ့စည်းပုံ အခြေခံ ဥပဒေတွင် နိုင်ငံတော် သမ္မတကို ပြည်ထောင်စုလွှတ်တော်က ခန့်အပ်ရမည်ဖြစ်ပြီး
သမ္မတသည် ပြည်ထောင်စု လွှတ်တော်အား တာဝန်ခံရမည်ဖြစ်ကြောင်း ဖော်ပြထားသည်။

မည်သည့် နေရာတွင် အာဏာလွှဲပြောင်းရမည်ကိုမူ အခြေခံ ဥပဒေ က အတိအကျ
ပြဋ္ဌာန်းမထားသော်လည်း အမေရိကန် ပြည်ထောင်စုတွင်လည်း လွှတ်တော်၌သာ
အာဏာလွှဲပြောင်းရေး အခမ်းအနားကို ကျင်းပလေ့ ရှိကြောင်း ဦးဝင်းထိန် ကပြောသည်။

အမေရိကန်ပြည်ထောင်စုတွင် သမ္မတဟောင်းနှင့် သမ္မတသစ်တို့သည် မနက်ခင်းတွင် အိမ်ဖြူတော်၌
မနက်စာသုံးဆောင်ပြီးနောက် လွှတ်တော်သို့ အတူတူ သွားရောက်ကာ အာဏာလွှဲပြောင်းခြင်း
အခမ်းအနားကို တရားဝင် ကျင်းပလေ့ရှိသည်ဟု ဦးဝင်းထိန်က ပြောသည်။

"နိုင်ငံတကာမှာလည်း အာဏာလွှဲပြောင်းရေး အခမ်းအနားက အနိုင်ရပါတီကပဲ ဦးဆောင်ရတာပဲ။
အခုလည်း ကျွန်တော်တို့က သူတို့(အစိုးရအဖွဲ့)နဲ့ ထပ်ညှိရဦးမှာပါ။ နှစ်ဖက် စိတ်ပျက်သွားတာမျိုး၊
စိတ်အနှောင့် အယှက်ဖြစ်သွားတာမျိုးလည်း မဖြစ်ချင်ဘူး။ အတတ်နိုင်ဆုံး နှစ်ဦးနှစ်ဖက်
အဆင်ပြေအောင် လာမယ့် အစည်းအဝေးမှာ ထပ်ဆွေးနွေးမယ်" ဟု ဦးဝင်းထိန် ကပြောသည်။

အစိုးရ တာဝန် လွှဲပြောင်းရယူသည့် အခမ်းအနားတွင် နိုင်ငံခြား သံတမန်များ၊ လွှတ်တော်ရေးရာ
ကော်မတီ ဥက္ကဋ္ဌများ၊ ၀န်ကြီးများ၏ မိသားစုဝင်များ၊ အင်န်အယ်လ်ဒီ ရွေးကောက်ပွဲ
အောင်နိုင်ရေးအဖွဲ့မှ ကိုယ်စားလှယ်များ၊ အနုပညာရှင် အချို့ကို ဖိတ်ကြားရန် စီစဉ်ထားကြောင်း
ဦးဝင်းထိန် ကပြောသည်။

တိုင်းရင်းသား လက်နက်ကိုင် အဖွဲ့များကို ဖိတ်ကြားရန် ရှိ၊ မရှိဆိုသည့် မေးခွန်းနှင့်ပတ်သက်၍
"စဉ်းစားထားပါတယ်" ဟု ၎င်းက ပြောသည်။

အစိုးရနှင့် အင်န်အယ်လ်ဒီပါတီ တို့သည် အာဏာလွှဲပြောင်းရေး အထောက်အကူပြု ကော်မတီကို
၂၀၁၅ ခုနှစ်၊ ဒီဇင်ဘာ ၁၀ ရက်တွင် ဖွဲ့စည်းခဲ့သည်။

အစိုးရ တာဝန်လွှဲပြောင်းရေး အထောက်အကူပြု ကော်မတီကို အစိုးရဘက်မှ ပြည်ထောင်စုဝန်ကြီး
ဦးလှထွန်းက ဥက္ကဋ္ဌအဖြစ် တာဝန်ယူပြီး ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးရဲထွဋ်၊
နိုင်ငံတော် သမ္မတရုံး ညွှန်ကြားရေးမှူးချုပ် ဦးလှထွန်း၊ ဆောက်လုပ်ရေးဝန်ကြီးဌာန
ဒုတိယညွှန်ကြားရေးမှူးချုပ် ဦးမောင်မောင်အုန်းနှင့် သမ္မတရုံး ညွှန်ကြားရေးမှူး ဦးဇော်ဌေးတို့
ပါဝင်သည်။

အန်င်အယ်လ်ဒီဘက်မှ ပါတီဗဟို အလုပ်အမှုဆောင် အဖွဲ့ဝင် ဦးဝင်းထိန်၊ ဒေါက်တာ မျိုးအောင်နှင့်
ရန်ကုန်တက္ကသိုလ် ပါမောက္ခချုပ် (အငြိမ်းစား) ဒေါက်တာ အောင်သူတို့ ပါဝင်သည်။

အထောက်အကူပြု ကော်မတီ၏ တတိယအကြိမ်မြောက် အစည်းအဝေးကို ဖေဖော်ဝါရီ ၂၄ ရက်တွင်
ကျင်းပခဲ့ပြီး မတ် ၃၁ ရက် အစိုးရတာဝန် မလွှဲပြောင်းမီ ထပ်မံကျင်းပမည်ဟု ဦးဝင်းထိန် ကပြောသည်။

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း