ဒေါ်အောင်ဆန်းစုကြည် ဗျူဟာခင်းပြီ

မတ် ၂၂ ရက်က ကျင်းပသည့် ပြည်ထောင်စု လွှတ်တော်သို့ သမ္မတသစ် ဦးထင်ကျော် တင်သွင်း
လိုက်သည့် အစိုးရအဖွဲ့ဝင် ဝန်ကြီး များစာရင်းတွင် ဒေါ်အောင်ဆန်းစုကြည် ပါဝင်လာခြင်းဖြင့်
ပါတီဦးဆောင်မှုမှ ခေတ္တ စွန့်ခွာကာ အစိုးရအဖွဲ့ကို ဝင်ရောက် ဦးဆောင်တော့မည်ဖြစ်ကြောင်း
တရားဝင် အသိပေးလိုက်ပြီ ဖြစ်သည်။

ဦးထင်ကျော် တင်သွင်းသည့် အစိုးရ အဖွဲ့ တွင် ဝန်ကြီးဌာန ၂၁ ခုနှင့် ဝန်ကြီးအဖွဲ့ဝင် ၁၈ ဦး
ကိုသာ ကျစ်ကျစ်လျစ်လျစ် ဖွဲ့စည်းထား သည်ကို တွေ့မြင်ရသည်။ ဒေါ်အောင်ဆန်းစုကြည်
ကိုယ်တိုင် နိုင်ငံခြားရေး၊ သမ္မတရုံး၊ ပညာရေးနှင့် လျှပ်စစ်နှင့်စွမ်းအင်ဝန်ကြီးဌာနတို့၏
ဝန်ကြီးအဖြစ် ဆောင်ရွက်မည်ဖြစ်သည်။

ဝန်ကြီးဌာနလေးခုအနက် နိုင်ငံခြားရေး ဝန်ကြီးဌာနသည် ယခင်အစိုးရလက်ထက်တွင်
ထူးခြားသည့် ဝန်ကြီးဌာနတစ်ခု မဟုတ် သော်လည်း ဒေါ်အောင်ဆန်းစုကြည်အတွက်
အင်မတန်အရေးကြီးသော ဝန်ကြီးဌာနတစ်ခု ဖြစ်သည်။

နိုင်ငံခြားရေးဝန်ကြီးသည် အရပ် သားဝန်ကြီး ၁၈ ဦးအနက် ကာ/ လုံဟု အတို ကောက်ခေါ်
သည့် 'အမျိုးသားကာကွယ်ရေး နှင့် လုံခြုံရေးကောင်စီ'တွင် ဝင်ထိုင်နိုင်သည့် တစ်ဦးတည်း
သော ဝန်ကြီးပင်ဖြစ်သည်။ ၂ဝဝ၈ ဖွဲ့စည်းပုံအခြေခံဥပဒေအရ ကာ/ လုံကို နိုင်ငံတော်
သမ္မတက ဦးဆောင်ပြီး ဒုတိယသမ္မတနှစ်ဦး၊ ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော်
ဥက္ကဋ္ဌ၊ တပ်မတော် ကာကွယ်ရေးဦးစီးချုပ်၊ ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ ပြည်ထဲရေးဝန်ကြီး နှင့် နယ်စပ်ရေးရာဝန်ကြီး
အပါအဝင် စုစုပေါင်း အဖွဲ့ဝင် ၁၁ ဦးဖြင့် ဖွဲ့စည်းထားသည်။

ဖွဲ့စည်းပုံအခြေခံဥပဒေအရ ကာ/လုံသည် လွတ်ငြိမ်းချမ်းသာခွင့်၊ နိုင်ငံခြားတိုင်းပြည်
သံတမန်များနှင့်ဆက်သွယ်မှုဖြတ်တောက်ခြင်း၊ နိုင်ငံသားများ၏အခွင့်အရေး၊ အရေးပေါ်
အခြေအနေ ဖြစ်ပေါ်လာပါက အာဏာ သိမ်းပိုင်ခွင့် စသည့် တိုင်းပြည်အတွက် အဓိကကျ
သည့် ဆုံးဖြတ်ချက်တိုင်းအတွက် ပါဝင်ဆောင်ရွက်ခွင့်ရှိနေသည်။

ယခု တိုင်းပြည်၏ ဒီမိုကရေစီရေးအတွက် တပ်မတော်နှင့် အမျိုးသားပြန်လည်သင့်မြတ်
ရေးကို ဖော်ဆောင်လိုသည့် ဒေါ်အောင်ဆန်း စုကြည်သည် မကြာမီ ကာ/လုံ၏ အရေးပါသည့်
အခန်းကဏ္ဍတွင် သူ၏အဖွဲ့ဝင်များနှင့် အတူ ဝင်ရောက်နေရာယူတော့မည်ဖြစ်သည်။

နိုင်ငံခြားရေးဝန်ကြီးနေရာ ရယူလိုက်ခြင်း ဖြင့် တိုင်းပြည်၏ ထိပ်သီးကိစ္စများ၏ ဆုံးဖြတ်ချက်များ
ဆောင်ရွက်ရာတွင် ဒေါ်အောင်ဆန်း စုကြည် ပါဝင်လာသည့်အတွက် မှန်ကန်သည့် ဆုံးဖြတ်ချက်
အဖြစ် နိုင်ငံရေးလေ့လာသုံးသပ် သူများက အသိအမှတ်ပြုခဲ့သည်။ ''သူက တပ်မတော်ကာကွယ်ရေး
ဦးစီးချုပ်နဲ့လည်း ဆွေးနွေးခဲ့ဖူးတာတွေရှိတယ်။

အဲဒီ ကာလုံမှာ အဓိက ပုဂ္ဂိုလ်နှစ်ဦးက ဒေါ်အောင် ဆန်းစုကြည်နဲ့ ဗိုလ်ချုပ်မှူးကြီးမင်းအောင်လှိုင်
တို့ပဲ။ သူတို့နှစ်ယောက်ကြား အပြန်အလှန် နားလည်မှုနဲ့ တိုင်းပြည်အရေး ရှေးရှုနိုင်မှုက ပိုပြီး
အရေးပါတယ်'' ဟု မြန်မာ့နိုင်ငံရေး လေ့လာသူ ဦးသန်းစိုးနိုင်က သုံးသပ်သည်။

သို့ရာတွင် တပ်မတော်ကာကွယ်ရေးဦးစီး ချုပ်ဘက်တွင် ကာ/လုံအဖွဲ့ဝင် ခြောက်ဦးရှိနေပြီး
ဒေါ်အောင်ဆန်းစုကြည်ဘက်တွင် ငါးဦး သာရှိနေခြင်းမှာ ဒီမိုကရေစီကျင့်စဉ်အတိုင်း အများစု
ဆန္ဒမဲဖြင့် ဆုံးဖြတ်ချက်များ ဆောင် ရွက်ရာတွင် အရပ်ဘက်က စစ်ဘက်ထက် တစ်ပန်းရှုံးနေခြင်း
ဖြစ်သည်။ ယင်းအချက်ကို ပြင်ဆင်ရန်အတွက်ဆိုပါကလည်း ဖွဲ့စည်းပုံ အခြေခံဥပဒေ ပုဒ်မ
၄၃၆ အတိုင်း ဆောင်ရွက် ရမည်ဖြစ်ရာ အလွန်တရာ ခက်ခဲလိမ့်မည် ဖြစ်သည်။

''ဒါကတော့ နိုင်ငံတော်ဖွဲ့စည်းပုံ အခြေခံ ဥပဒေရဲ့ အားနည်းချက်တစ်ခုပဲ။ အခြေခံ ဥပဒေမှာ
ကာ/လုံရဲ့ဖွဲ့စည်းပုံကိုပဲ ဖော်ပြထား တယ်။ ဒါ့အပြင် ဒီမိုကရေစီနည်းလမ်းမကျဘဲ တပ်ဘက်ကို
အသာစီးရအောင် လုပ်ပေးထား တယ်'' ဟု ဦးသန်းစိုးနိုင်က ပြောသည်။

ထို့ပြင် ၂ဝဝ၈ ဖွဲ့စည်းပုံအခြေခံဥပဒေ၏ အားနည်းချက်ကြောင့် လုပ်ပိုင်ခွင့် သတ်မှတ်ထားမှု
မရှိခြင်းနှင့် ဥပဒေမူဘောင်တစ်ခုအတွင်း ရှိမနေဘဲ လွတ်လပ်သည့်အသွင်ဖြစ်နေသည့်
ကာ/လုံသည် အရပ်ဘက်နှင့် စစ်ဘက်နှစ်ဖွဲ့ အားပြိုင်ရာ ကွင်းပြင်ဖြစ်လာမည်ကိုလည်း
နိုင်ငံရေးလေ့လာသူများက စိုးရိမ်စွာ ထောက်ပြလျက်ရှိသည်။

ဒေါ်အောင်ဆန်းစုကြည်က တပ်မတော် ကာကွယ်ရေးဦးစီးချုပ်နှင့် ညှိနှိုင်းတိုင်ပင်ကာ ကာ/လုံ
၏ဆုံးဖြတ်ချက်များကို အတိုင်းအတာ တစ်ခုအထိ အောင်မြင်အောင် ချမှတ်နိုင် သော်လည်း
ကာ/လုံ၏ လုပ်ပိုင်ခွင့်၊ လုပ်ထုံး လုပ်နည်းများကို ဥပဒေများဖြင့် သတ်မှတ် ပြဋ္ဌာန်းနိုင်ရန်
ကြိုးစားခြင်းကသာလျှင် ပိုမို ထိရောက်လိမ့်မည် ဖြစ်သည်။

''ကာ/လုံရဲ့ ဖွဲ့စည်းပုံပဲပါပြီးတော့ လုပ်ထုံး လုပ်နည်းတွေ သတ်မှတ်ပြဋ္ဌာန်းထားတာ မရှိတဲ့အတွက်
ဒါဟာ ၂ဝဝ၈ ဖွဲ့စည်းပုံ အခြေခံ ဥပဒေရဲ့ အားနည်းချက်တစ်ခုပဲ ဖြစ်တယ်။ ဒါမှမဟုတ်ဘဲ သဘော
သဘာဝချင်းမတူတဲ့ အုပ်စုနှစ်ခုအကြား အားပြိုင်မှုတွေဖြစ်လာရင် တိုင်းပြည်အတွက် အလားအလာ
မကောင်း နိုင်ဘူး'' ဟု ¤င်းက ပြောသည်။

၂ဝ၁၅ အထွေထွေရွေးကောက်ပွဲအပြီး လွှတ်တော်အာဏာ မလွှဲပြောင်းမီ အမျိုးသား
ကာကွယ်ရေးနှင့်လုံခြုံရေးဆိုင်ရာ ဥပဒေ ကြမ်းကို အမျိုးသားလွှတ်တော်တွင် ဖြန့်ဝေခဲ့သည့်အပြင်
၂ဝ၁၅ ခုနှစ်၊ ဒီဇင်ဘာ ၂၁ ရက် နိုင်ငံပိုင် သတင်းစာများတွင် ဖော်ပြခဲ့သည်။

၂ဝဝ၈ ဖွဲ့စည်းပုံအခြေခံဥပဒေ ပြဋ္ဌာန်းချက် များကို အခြေခံထားသည့် ယင်းဥပဒေကြမ်းတွင်
တပ်မတော်က အရပ်ဘက်အုပ်ချုပ်ရေး နှင့် စီမံခန့်ခွဲပိုင်ခွင့်တို့တွင် ဆက်လက်ပါဝင် ပိုင်ခွင့်ရှိနေရာ
တပ်မတော်နှင့်အုပ်ချုပ်ရေး ယန္တရားတို့၏ လုပ်ပိုင်ခွင့်များကို ရှုပ်ထွေးစေ မည်ဖြစ်သည်။

သို့သော် ယင်းဥပဒေကြမ်းက လွှတ်တော် သက်တမ်းကုန်ဆုံးသည့်တိုင် လွှတ်တော်သို့ တရားဝင်
ရောက်ရှိလာခြင်း မရှိခဲ့ပေ။ တကောင်းနိုင်ငံရေးလေ့လာရေးအဖွဲ့က ထုတ်ပြန်သည့် မူဝါဒရေးရာ
စာတမ်းငယ်တွင် ကာ/လုံ၏လုပ်ပိုင်ခွင့်ကို တရားနည်းလမ်းကျ အောင် လိုအပ်သည့် ဥပဒေနှင့်
လုပ်ထုံးလုပ် နည်းများ ပြဋ္ဌာန်းသင့်ကြောင်း အချက်ခြောက် ချက်ဖြင့် အကြံပြုထားသည်။

ထိုအချက် ခြောက်ချက်မှာ မည်သည့်ကိစ္စ ရပ်များသည် ကာ/လုံနှင့် ပတ်သက်သည့် ကိစ္စရပ်များ
ဖြစ်သည်ကို လေ့လာသုံးသပ်ပြီး တိတိကျကျ အဓိပ္ပာယ် ဖွင့်ဆိုရန်၊ ကာ/လုံတွင် ကျင့်သုံးမည့်
မဟာဗျူဟာနှင့် မူဝါဒများကို ရေးဆွဲချမှတ်ရန်၊ နိုင်ငံရေးဆိုင်ရာ တရားဝင် မှု ရရှိရန် ရေးဆွဲချမှတ်ပြီး
သော မဟာဗျူဟာ နှင့် မူဝါဒများကို ပြည်ထောင်စုလွှတ်တော်သို့ တင်ပြပြီး အတည်ပြုချက်
ရယူရန်၊ လူ့အဖွဲ့ အစည်း၊ နိုင်ငံတော်နှင့် တပ်မတော်ကြားတွင် ပွင့်လင်းမြင်သာမှုနှင့် ယုံကြည်မှု
ပိုမိုမြင့်တက် လာရန်၊ အခြားသော ဒီမိုကရေစီနိုင်ငံများကဲ့ သို့ လွတ်လပ်သော လုံခြုံရေးဆိုင်ရာ
အရပ်ဘက်ကျွမ်းကျင်သူများ၊ အဖွဲ့အစည်းများ၊ မီဒီ ယာများ၏ အခန်းကဏ္ဍကို ပိုမိုမြှင့်တင်ရန်၊
ကာ/လုံနှင့်ပတ်သက်သော ဥပဒေများကို ပြဋ္ဌာန်းရာတွင် ဒီမိုကရေစီစံနှုန်းတစ်ရပ်ဖြစ်သော
စစ်တပ်အပေါ် အရပ်ဘက် ထိန်းချုပ်မှု ကို ခိုင်မာစေမည့် ပြဋ္ဌာန်းချက်များကို ထည့် သွင်းပြဋ္ဌာန်း
ပေးရန်နှင့် အရပ်ဘက်၊ စစ်ဘက် ဆက်ဆံရေးပုံစံသစ်ကို အခြေခံဥပဒေ ပြုပြင် ပြောင်းလဲရေး
လုပ်ငန်းစဉ်နှင့်အတူ ပြောင်းလဲ ဖော်ဆော်ပေးရန်တို့ ဖြစ်သည်။

''အခုထိ ပြောနိုင်တာက ဒီအဖွဲ့ထဲမှာ ဒေါ်အောင်ဆန်းစုကြည် ပါလာတဲ့အတွက် အထိုက်
အလျောက်တော့ အားသာချက်တွေ ရှိလာမှာပေါ့။ သူ့မှာလည်း စီစဉ်ထားတာ ရှိမှာပါ။
ဒါကြောင့်လည်း တစ်ဖက်မှာ ပါတီက ထွက်လိုက်ရတယ်ဆိုပေမဲ့ သူ သေချာပြင်ဆင်ပြီး
ဒီဘက်မှာ အားကောင်းအောင် လုပ်မယ့် သဘောတော့ ရှိတယ်။ ဒါပေမဲ့ ပူးပေါင်း ဆောင်ရွက်
တယ်ဆိုတာ တစ်ဖက်ချည်းကပဲ လုပ်နေလို့တော့ မရဘူး။ တပ်မတော်ဘက် ကလည်း
ပူးပေါင်းချင်တဲ့စိတ်ရှိဖို့ လိုတယ်''ဟု မြန်မာ့နိုင်ငံရေးလေ့လာသူ ဒေါက်တာ ရန်မျိုးသိမ်းက
သုံးသပ်သည်။ ''အခုထိတော့ အားလုံးက သေချာပြောဖို့ ခက်တယ်။ စောင့်ကြည့်တာပေါ့'' ဟု
၎င်းက ပြောသည်။ 

ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ ပေးပို့နိုင်ပါသည်။


ရာသီဥတုအခြေအနေ

အကြည့်အများဆုံး - ပြည်တွင်းသတင်း